• ×

11:41 مساءً , الخميس 27 رمضان 1438 / 22 يونيو 2017



ياسـعــود تكـفى لايـفـكـون الاطــنــاب


زيادة حجم الخط مسح إنقاص حجم الخط
شيله قصيده ياسـعــود تكـفى لايـفـكـون الاطــنــاب mp3

ياسـعــود تكـفى لايـفـكـون الاطــنــاب = ياسـعــود تـكـفى قـلهـم بس لـيـلـه

نـفـسي تـشـلع كـل ماشــلـع مـنـســاب = طــواري الـفـرقـا عــلـيـنا ثــقـيـلـه

يـوم(ن) طويتوا فـرشـكم خـافـقي ذاب = كـن الـضـمـاير وسـط حـر الملـيلـه

ياسعـود شفي من هـوى البر ماطــاب = خـلـوا حـبـيـس الـدار يبرد غـلـيـله

يكـفـيه من طـول السنه صكـت الـبـاب = ويكـفـيـه من طـول السنين المحيله

خـلوه يسـلى عـن هـمـومه والاتـعـاب = ويسج رجـله بالـفـياض الـظـلـيـلـه

والصبح يشرف له على راس مرقـاب = ويشم ريح الشيح وسط الخـمـيـلـه

خميلة(ن) خـضـرا تـقـل مابهـا تــراب = فـيها الزبـيـدي مثل روس الـنـثيله

وريح البخـتري والنفل مثل الاطـيـــاب = تـنعـش قـلوب(ن) بالحـنايا عـليلـه

وباللـيـل حـول الـنـار تلـتـم الاصـحـاب = وتبدا السوالف والعـلوم الجـمـيـلـه

وكـن الكـواكـب فـوقـنا والقـمـر غــاب = جمر(ن) تنثر في مهـب المـسـيـلـه

وريح الصَّـبا مع شقـة الـنور تـنـسـاب = يحـوشها ضوح الفجـر في شليـلـه

بالـبـر نـسـلى عن هـوى تلع الارقــاب = اللي عـلى شـوفه نسوق الجـليـلـه

ونسلى عن هـمـوم المدينه والانـشـاب = ونرتاح من بعض النفوس الرزيله

يالله طـلـبـتـك يالــولـي رب الاربـــــاب = تـديـم انعـام(ن) عـلـيـنـا جــزيــلــه

وتغفر ذنـوب اللي عن الـذنب قـد تـاب = يارب وفـقـنـا لـدرب الـفــضـيــلـــه

والخاتمه صلوا عـلى سـيد الاحـبــــاب = رسول رب البيت راعي الوسـيـلـه

احمد بن عبدالرحمن العريفي
(نديم المجره)
بواسطة : admin
 0  0  14566  06-23-1437
التعليقات ( 0 )

جديد الصوتيات



















































Rss قاريء