دمعة حزن هلها ماجد//احساس الشمال

دمعة حزن هلها (ماجد) وبكاني=ياللهِ حسبي على من هو سبايبها
طاحت دموعه قهر من فوق الاوجاني=يبكي على خيّته ولهان فاقدها
حاول يخبي دموعه وسط الاعياني=لكنه الشوق والحسره تجرّعها
صحيح يبكي ولكن فيه الايماني=يقول يالله يالمعبود ترجعها
كتمت عبره ولكنّ البلا جاني=صديت لكنّ عيني فاض هاملها
هليت دمعي وانا مابين ورعاني=والقلب كنه يصلّى فوق لاهبها
(ماجد) ترى القلب مهمومٍ ومرضاني=من عقب فرقى (ابتهال) اللهِ يعقلها
اقسم قسم كنها بنت لحدى اخواني=عشت المصيبه من اولها اليا آخرها
زودٍ على الهم الاول زاد بي ثاني=دمعات (ماجد) بعد بلوى مفارقها
يالله ياخالقٍ عرشه والاكواني=ماغيرك احدٍ اليا مالت يعدّلها
يالله ياللي على العبيد منّاني=ياخالق الارض والنجمات رافعها
ياخير من يطلبه جِنه والانساني=يالله ترد البنيّه لارض والدها

اقتباس   المشاركة الأصلية كتبت بواسطة ابونواف صح لسان شاعرنا إحساس الشمال على هذه القصيده الجميله والمؤثره والشكر موصول لعندليبنا الهواوي على هذا الادداء الجميل والرائع والغير مستغرب منه ولا ننسى اخانا الاكبر/ ابوحمد .. على هذا التواصل والتعاون مع الجميع فلا حرمه الاجر نظير جهوده المميزه في خدمه الادب الشعبي ورقي وتقدم ملتقى المبدعين منتديات الخيمة الشعبية اخوكم ابونواف

اقتباس   المشاركة الأصلية كتبت بواسطة راشد العجمي صح لسان من قالها ولاهنت يالخاز باز ولاتحرمنا من الجديد والمفيد

اقتباس   المشاركة الأصلية كتبت بواسطة احساس الشمال الله يعطيك العافيه اخوي خازباز ويسلم صاحب الصوت الشجي اخوي الهواوي الذي اتحفنا بصوته الرائع اسأل الله ان يكتب لكما الاجر والثواب وان لا يريكما مكروه وان يرد الطفلة الى حضن والدتها سالمه معافاه لكم مني خالص التحايا

اقتباس   المشاركة الأصلية كتبت بواسطة شاربه ديتول الله عليك احساس الشماااال صح لساانك ملايين الهواوي صوت شجي عسانا ما ننحرم رااااائعه ازدت القصيده روووعه بأدائك المميز تسلموووووووون ويعطيكم العافيــــــــــــــه