للواحد اللي وسع الكون كرسيه

الله على عالم(ن)باليل سهرانه=واذا اصبحت جثة(ن)فالبيت مرميه
من السهر العيون آتقول رمانه=رمانتن من سموم القيض مشويه
لوتسئله ماعرف ابوه وخوانه=يقول مدري لكن الوضع حريه
مختل فكره بعد مختل ميزانه=غير اسلوم العرب بفلام هنديه
فيها يسوي بطل ويحرك السانه=وازرى يعدل حيات(ن)فيه ملويه
لامسى عليه الظلام ايفك بيبانه=بدا نشاطه على شكل الحراميه
والناس نامت وكلن صك دكانه=خالف جميع البشر بوقات عكسيه
الرجل مثل الكتاب يبين عنوانه=وبعض العناوين فى التاريخ منسيه
اليل ربي جعله الباس سبحانه=لكل كائن يعيش بنفسه الحيه
يرتاح بعد العنا ويريح ابدانه=لاقام بفروض ربه واحسن النيه
الله جعل النهار بحكم سلطانه=معاش للخلق فى الروحات والجيه
المسلم اللي يقيم الدين واركانه=في الارض ساكن واهدافه سماويه
لله شكوى هموم العبد واحزانه=للواحد اللي وسع الكون كرسيه

الرجل مثل الكتاب يبين عنوانـه = وبعض العناوين فى التاريخ منسيه

المسلم اللي يقيم الديـن واركانـه = في الارض ساكن واهدافه سماويه
لله شكوى هموم العبـد واحزانـه = للواحد اللي وسع الكون كرسيـه

المشاركة الأصلية كتبت بواسطة خالد الغنامي ( 1 ) والله الواحد حجز فاخر ولي عوده تليق بهذه الفاتنة