معلم الأجيال

الا يا معلم الاجيال يا شمعه تحترق للغير = يا رمز التربية والفكر والتعليم عنواني
قضيت ايام عمرك كلها فالعلم والتطوير = وبذلت الجهد للطلاب للقاصين والداني
تنير الدرب للاجيال وعلى نهج الرسول تسير = وبالحكمه تعلمهم وتشرح قدر الامكاني
وتخرج من تحت يدك رجال تذكرك بالخير = ولك منهم تحيه والدعاء بالخير وحساني
مهندسهم مع الدكتور وكبتن فالسماء بيطير = ولك ذكرى معاهم خالده في وسط الاذهاني
تربي تبني الأفكار منكم ما حصل تقصير = ولك قيمه مع العالم ولك عند العرب شاني
وكل الناس تشهد لك على الانجاز والتعمير = ومجهوداتكم تشهد لكم في كل الازماني
حياتك حافله بالعلم تعد البحث والتقرير = وتحمل لك رساله ساميه يا المرشد الحاني
ومهما قلت في حق المعلم يعجز التعبير = وانا لي الشرف ومن عمل في مثل ميداني
وكل يعترف لك بالفضل والحب والتقدير = وعسى ربي يثيبك بالجزا عفو وغفراني

المشاركة الأصلية كتبت بواسطة الريـم نجدي أبيات معبره بالفعل يستاهلون والله المعلمين والمعلمات صح لسان الشاعر وسلم ذوقك اخوي لاهنت