مساعد لبيه / وعد بنت عبدالله .. بصوت ابونواف

ابونواف · 15-03-2009, 05:41 PM

/

حياة ...

زالـت ... ....

بـ كـل مافيها ....

........

أم وأبو أموات تتكرَّر الونّات

%%%% تسكت لنا فترة وتعيد تشتيته

دنيا عنيدة قلب ملّت من البسمات

%%%% نادتني في ضحكة : كفّك / ومدِّيته

قالت : بنتصالح يا وعد بالنيّات

%%%% أعمالنا والوقت يمشي وعـدِّيته

صدَّقْتَها وأمّنت قلت الأمل ما فات

%%%% بفرح وأعيش بحب والخوف عاديته

مرَّت حياتي طيف ومساعد المشكاة

%%%% طيب البشر كله يا كثر ما خفيته

قلبه يحب الخير يضوي كما الشمعات

%%%% طيبه على الأغراب يلفون في بيته

عاهدني في لحظة كرَّر يبي الإنصات

%%%% ( أنتِ وعد في القلب عهدي ولبّيته )

أنا الأبو والأم وأنا الصديق أوقات

%%%% أنا وعمري لك يا وعد خلِّـيته

تكفين مـن هـ اليوم لا آه لا دمعات

%%%% كلي تحت أمرك أمشي وراضيته

دارت بنا الدنيا بركان مع هزَّات

%%%% دكَّت صروح البيت يوم الأحد جيته

قلت الخبر تكفون !! قالوا قبل لحظات

%%%% ردَّد ينادي ريـم فاتت مواقيته

وينه ؟؟ أبي ألقاه ..

لا ...

لا .. تقولوا

مــات!!

%%%% تفداه كل الناس يرجع لي ياليته

شالوه لـ الإنعاش من حوله الآلات

%%%% تقرير ( غيبوبه ) عادت وضمِّيته

شفته وهو نايم في شهقـته كلمات

%%%% ودَّه يكمِّلها يا موت عنـِّّيته

جاوِب فديتك حرف إرحمها ذا اللهفات

%%%% إضغط على كفّي دربك ودلـّيته

صمتك ذبحني جد معقوله قلبك مات ؟؟

%%%% دمعي يبي قربك منهو له هدِّيته ؟

يا موت لا تقرَب بالعدله والميلات

%%%% إبعد عن الغالي دربي وتحاليته !!

ذا المره إبعد بس اعتقني من ويلات !!

%%%% مالي رجا غيره بالروح ساويته !!

يا موت ماتسمع !! لا تنكر الأصوات

%%%% إرفق على قلبٍ بالهون شدِّيته !!

ياموت ماترحم !! هي تنفع الصرخات !!

%%%% في رجعة المقفي هل يختفي صيته ؟

يا دنيا فكينا من زحمـة الرحلات

%%%% طابت خواطرنا والنوم جافيته

خوذي هَنا عمري ردي غلا المكشاة

%%%% ردِّي غلاها الوعد ( واصل ) وسمّيته

يالله يا عالم يا منزل الآيات

%%%% ترفق بقلبٍ راح فالدمع جاريته

تجعل مخاوي الطيب مسكنه في الجنات

%%%% منهو الذي يدعيك مرة وردِّيتـه !!

للشعر المبدعه / وعد بنت عبدالله ...

/

هذه القصيده تعني الشي الكثير للشاعره الحاضره الغائبة / وعد بنت عبدالله

واتمنى ان تصل اليها اينما كانت ولن يخيب الله ضني .

لانها سبق وان طلبت مني انشادها ونسيتها وللاسف

ورحمة الله على مساعد

http://www.5ymah.net/inf/voicesm/3264.ra

جواهر · 15-03-2009, 06:45 PM

الله يرحم مساعد .. والله يعطيك العافية يا أبو نواف على هالصوت ..

مؤلمة ..

أبو النايف · 15-03-2009, 08:10 PM

ابونواف
صح
صح
صح
صح
كلك
صح كيانك
يقف الكلام هنا
الله يرحم مساعد بواسع رحمته

الله يسعدك ياوعد بنت عبد الله من حيث ماتكوني
كما افتقدناك

صح كيان وكل وعد بنت عبد الله

ابونواف · 15-03-2009, 11:57 PM

اقتباس:

المشاركة الأصلية كتبت بواسطة جواهر

الله يرحم مساعد .. والله يعطيك العافية يا أبو نواف على هالصوت ..

مؤلمة ..

الله امين

عافاك ربي اختي

والله يرد لنا اختنا وشاعرتنا وعد بنت عبدالله

الجنوب داري · 16-03-2009, 08:55 PM

الله الله
ماشاء الله عليك
صح لسان شاعرتها وسلم لنا صوتك يالغالي ابو نواف
الله يرحم مساعد ويسكنه فسيح جناته
تحياااااااتي

سلطان التميمي · 16-03-2009, 11:30 PM

الله يرحم مساعد

وتسلم يابونواف

كل الشكر

هاوي للشيلات · 18-03-2009, 11:16 AM

ماشاء الله عليك
صح لسان شاعرتها وسلم لنا صوتك يالغالي ابو نواف
الله يرحم مساعد ويسكنه فسيح جناته

غريب الماضي · 06-04-2009, 07:05 PM

صح هالصـوتـ ، وصح لسان كاتبها

الله .. الله .. الله
يالقصيدة الحزينه الصادقه اللي من القلب
ياصل للقلب ، خصوصا ً لا صار أبونواف
رايــق ، ومنشدها بتلقائيه .

الوردة الخالدة · 09-04-2009, 12:43 AM

\

تبارك الله , حس منفرد ياابو نواف .

صح لسان بنت عبدالله ..

عاشق الشمال · 21-04-2009, 11:25 AM

الله يرحم مساعد

وتسلم يابونواف

كل الشكر

مساعد لبيه / وعد بنت عبدالله .. بصوت ابونواف

الشيلات الشعبية و القصائد الصوتيه والمحاورات