عسى نجد تلبس ثوبها الباهي الفتان - الوسمي قرب يالله من فضلك

عسي نجد تلبس ثوبها الباهي الفتان =بعد ما تطلق فوقها ثعول وسميه

يعزل السماء والأرض عازل من الربان =يخفف لهيب الشمس سبعين فالميه

يسري عليها شهر الماطر الودان =جهوزن ورى جهوزن والكل سيليه

وتأخذ سنه وشهور ما جفت الغدران =ونبت الزمالق تبطي وعرقها حيه

وأشوف الروابي كلها اتشكلت بألوان =وريحه نفلها يختلط بالخزاميه

وإذا غرد لقمري يجاوب له كروان =وسرب القطا يلحن ألحان سحريه

وأشوف البدو والطرش والظين والرعيان=تجوب الفيافي بين هاذي وهاذيه

ويضف الحيا والخير بساير الأوطان =خصوصاً على كل الديار السعوديه

وترسم أجمل لوحه ما رسمها ولافنان=رسمها الولي لأجمل مناظر طبيعيه

وهاذي الحياه ألي لها خافقي شفقان =تفوق السياحه يم لندن وسوريه

اللهـــــــم آميـــــــــن ..

صــــح لســــــان الشاعــــر // تركـــي بــن مدعــــــــج وتسلــــم

أخــــــــــوي أبـــو نــــــــــــــــواف علــى روعـــــــــة الإنتقــــــــاء ..