•• يا شـيـنــهــا ••

ياشينها لا صرت معجب و خجـلان=خوف المصـارح لا يجيـب المطمّـه
اخاف اصارح بالغـلا ذاك الإنسـان=و ينقلـب جـوو المصـارح مذمّـه
ويا شينها لا صرت مغرم و زعـلان=محد ٍ يراضي قلبـك و محـدً يلمـه
وان رحت محد ٍ قال لك:وين يافـلان=روحتك مع جيّتك .. ماهـي مهمّـه
ويا شينها لا صرت عايـش بحرمـان=مثل اليتيم اللـي فقـد شوفـة أمّـه
ماخوذ حقّه وانظلم شوف الأعيـان=واللي اظلموه عيـال لحمـه و دمّـه
ويا شين صاحبـك لاصـار ثعبـان=لا هو تركك و لا نفث فيـك سمّـه
كنّـا خويّـا وانتسمّـى بالأخـوان=واليوم أسمـه بأخبـث النـاس سمّـه
ويا شينها لا صرت ناجح و ندمـان=وصلت قمّه وغيـرك بأعـلاا قمّـه
مثل الإمام ..العالـم بفقْـه الأديـان=يومه نجح .. والكـل صـاروا أأمّـه
ويا شينها لا صـرت تايـه وحيـران=وسط الطريق .. و باقي ٍ فيـك همّـه
ودّك ترووح .. وآخر الدرب ما بان=تخاف تمشي .. ثـم تغشـاك غمّـه
ويا شينها لا صرت مبلـي ومنهـان=والعلم كلّه .. مـن اكاذيـب نمّـه
ما فيه ضـدّك لا دلايـل وبرهـاان=ودخّـان نـارك مستحيـل ٍ تشمّـه
ويا شينها لا صرت من روس الاعيان=ثم تنقلب فـي نظـرة النـاس رمّـه
ويلااااه يا وقت ٍ نوى لـي بعصيـااان=أثر الزمن يا نـاس مـا فيـه ذمّـه
ويا شين طرد المقفْي لو كنت ولهـان=ياخـذه شيطـان الغـرور و يخمّـه
يظن انّـك هايـم ٍ بـه وشفقـااان=ما يدري انّه لو فطس ... مـا تهمّـه
الخلْق سجن وصاحبك فيـه سجّـان=والعلم خال العز .... والجود عمّـه
ويا شينها .. أصلا بقى شي ما شـان=هـذي الليالـي طبعهـا مدلهـمّـه
الشين والله شيـن غاليـن الأثمـاان=لا قـام كـل ٍ رافـع ٍ فـوق فمّـه
ويا زينها لا صرت لاهـي و طربـان=وحبل القصايـد يرتجيـك و تلمّـه
يا ليل دانه .. ليل دانه .. لا لا .. دان=ما فيه ثوب ٍ يستـر أطـراف كمّـه
يا زينها لا صرت معجب و خرمـان=تنثر علومـك لـو تجيـب المطمّـه