تـــكــفـــى .. لا يـــجــــي غيــــري مكانـــــي

نادرة الطنايا · #1 07-10-2008, 12:49 AM

مسا الجووري

ابياااات

اعجبتني
تفضلووهاا

طالبتك أن جـت لحظـه وافترقنـا
لاتخلـي وحـدة(ن) تاخـذ مكانـي

ولاتخلي بيـت حــــبــــكـ اللـي بقلبـك
به تعيش انثى ولو بضعـة ثوانـي

ومعك أمانه يابعـد حيـي وميتـي
لاجلست بجنبهـا غمـض عشانـي

وأذكر اني قلت لك ياروح روحـي
أنت ملكي بس ماانـت لحـد ثانـي

أنت قلـب(ن) ماانخلـق إلا لقلبـي
وأنت روح(ن) نبعها سال وسقانـي

وأنت لي وحدي ولا كثـري يحبـك
غير قلب(ن) في دروبك لك سبانـي

وكـان وصلـك ياأميـري ماتهيـا
أوعدك ماانساك لو عمـري نسانـي

وكانهـا الايـام جـادت واجمعتنـا
والله اني لااشعـل سنينـك أمانـي

واحتفل بك كل لحظه وأنت جنبـي
وأعزف حروفـي لخفاقـك أغانـي

وأنثر ورود الولـه واسقيـك لهفـة
خافق(ن) لاغبت لحظه جاك عانـي

وأجمـع سنينـي وأبعثرهـا بكفـك
وأسرقك كلك هنـا بيـن المحانـي

وأفتدي روحك بروحـي يااابعدهـااا
وأنزع همومـك وأطوقـك بحنانـي

ماأبـي بـرد الهمـوم بيـوم يلفـح
خاطرك وإلا تجـي لحظـه تعانـي

هاااات همك في وسط جوفي وصبه
وكان به غيره تعال وصـب ثانـي

وأعطني قربك وانا بعطيك عمـري
وأهدني لحظه وخـذ كلـه زمانـي

ياأمنيـة عمـري أذا قالـوا تمنـي
ويااصدق أنسان(ن) بقلبه أحتوانـي
وياملاذي لا بكيت وضاق صـدري
وياوطن عمري إذا عمري جفانـي

ياحنـون القلـب ياتاجـي وعـزي
بك نسيت الناس والغيـت الموانـي

ياهلي وناسـي وكلـي ياحيااااااتـي
وياحواسـي كلهـا دون إنقصانـي

بك تشوف العين وأيضا فيك أسمـع
وبك أحس الكـون أفـراح وتهانـي

صرت أحس أمك هي أمي بس يفرق
أن ولدها ماهو من جملـة اخوانـي

آآآآه منك ياولدهـا كيـف روحـي
سلمت لـك نبضهـا حـب وتفانـي

وكيف قلبي عاف كل الخلق لجلـك
وصار لجلك مجرم وأيضـا أنانـي

أيه مجـرم مايبـي غيـره يحبـك
ولايبـي عينـك يشوفـه مودمانـي

وأيه أناني مايبـي فيـك يتشـارك
مع بشر بالكون لا قاصـي ودانـي

وأيه أحبك وماأعيش بدون وصلـك
وأيه أموت أموت في بعدك واعانـي

وأيه كلي فدوتك مـن قلـب اقولـه
بس تكفى(لايجي غيـري مكانـي)

شاربه ديتول · #2 07-10-2008, 01:00 AM

وأنت لي وحدي ولا كثـري يحبـك
غير قلب(ن) في دروبك لك سبانـي

الله الله

قصيدة رووووووووووعه

وكل بيت اروع من الثاااااني

صح لسان شاعرتها ملاااااايييييين

وتسلمين يالنادرة ع الاختيار الرووووعه

نادرة الطنايا · #3 07-10-2008, 01:09 AM

هلا فيج وبمرووورج يابعد حييي دامها اعجبتج

اكيد انها روعة

لانج بصراحه مشهوود لج بانتقااائاااتج الروعة

الريـم نجدي · #4 07-10-2008, 01:39 AM

ღ ._ . _ . _ . _ . _. _

بك تشوف العين وأيضا فيك أسمـع
وبك أحس الكـون أفـراح وتهانـي

صرت أحس أمك هي أمي بس يفرق
أن ولدها ماهو من جملـة اخوانـي

روووووعه

كل بيت احلى من الثاني

صح لسان الشاعره العليـا

وسلم لنا الذوق النادر

والحس الرفيع

دمتِ بود

_ . _ . _ . _ . _. _ . ღ

Qassime · #5 07-10-2008, 01:46 AM

ما أقول غير كلمتــــــــــــــــــــــــين

كلك ذوووووووووووووووووووق :يابــــــــــــــــــــــــــعدي

قصيمــــــــــ،،،،،،،،،ي

شبيب العتيبي · #6 07-10-2008, 11:54 AM

النادرة

سلم

الذوق وروعة الاختيار

انتقاء مميز

وحضورك متميز

قصيدة راائعه

صح السان

عليا

وسلم ذوقك الراقي وطيب ذائقتك

دام حضورك

وكيف قلبي عاف كل الخلق لجلـك
وصار لجلك مجرم وأيضـا أنانـي

أيه مجـرم مايبـي غيـره يحبـك
ولايبـي عينـك يشوفـه مودمانـي

هجير · #7 07-10-2008, 12:39 PM

يعطيج الف عافيه

قصيده اكثرمن رائعه

لاهنتي
ودمتي بود

ـالــمــاســهـ · #8 07-10-2008, 12:48 PM

رووووووووووعهـ

سلم ذوقكـ يالنادرة ابيات قمه في الروعه

يعطيك العافيه يالغلا

وننتظر جديد مواضيعك الرااااااائعه

تقبلي مروري

تحياتي

طلال العتيبي · #9 07-10-2008, 04:46 PM

وياملاذي لا بكيت وضاق صـدري
وياوطن عمري إذا عمري جفانـي

ياحنـون القلـب ياتاجـي وعـزي
بك نسيت الناس والغيـت الموانـي

الله الله
قصيدة فاااااااتنه بجمالها

صح الله لسان شاعرتها

النادرة

سلمت ولا ندمت

لك تحياتي

طـ،ـلالـ

نادرة الطنايا · #10 08-10-2008, 10:28 PM

اقتباس

المشاركة الأصلية كتبت بواسطة الريـم نجدي


	ღ ._ . _ . _ . _ . _. _ بك تشوف العين وأيضا فيك أسمـع وبك أحس الكـون أفـراح وتهانـي صرت أحس أمك هي أمي بس يفرق أن ولدها ماهو من جملـة اخوانـي روووووعه كل بيت احلى من الثاني صح لسان الشاعره العليـا وسلم لنا الذوق النادر والحس الرفيع دمتِ بود _ . _ . _ . _ . _. _ . ღ

الله على مرووورك
عطر ومثري

دمت يالغاليه

ودامت طلاتك

يتصفح الموضوع حالياً : 1 (0 عضو و 1 ضيف)

أدوات الموضوع
مشاهدة صفحة طباعة الموضوع أرسل هذا الموضوع إلى صديق

تـــكــفـــى .. لا يـــجــــي غيــــري مكانـــــي

خيمة الشعر والشعراء