:: جتك المشاعر تسوق الكرهـ محتدهـ :: تشرح لك الوضع // ليتك تفهمه ليتك ::

جتك المشاعر تسوق الكره محتـده=تشرح لك الوضع .. ليتـك تفهمـه ليتـك
ما أبيـه وقـت ٍ معـاك الله .. لا يرده=عقب المحبـة تـراي بـجـد .. و طـّيتـك
دامي خسرتك ترى الصده هي الصده=في دار الاموات عن دنيـاي عدِّيتـك
رح دوّر اللي عطـاك الشـوق و تـوده=كان الخطا من خفوقي يـوم حبيتـك
" الحب غلطه معك" يلعن أبو جـده=لا عاش راسي تشوف إن كان ما أبكيتك
أعطيتك اللي تعجز النـاس عـن عـده=ما فيه شي ٍ ( طلبته ) ثـم رديتـك
لقيـت دربـك بـه الحسـرات ممـتـده=ظلمت نفسي .. خساره كيـف علّيتـك
سلّيت سيفـك بوجهـي حيـل .. و تحـده=ما كني اللـي نزفـت الجـرح و أغليتـك
العالم اللـي دخلتـه ما أنت بـ قّـده=نسيـت عمـري وراك .. و لا تناسيـتـك
ابشر بـ قسـوة تبـد الحيـل .. و تهـده=و مع كل هذا .. تـرى ما ظنـي أوفيتـك
ذكراك تبقى بـ وسـط الجـوف مسوده=لو الليالي تعرفك زيـن .. مـا جيتـك
خلاص كرهـي تجاهـك واصـل ٍ حـده=من نفس كاسك عطيتك كاس و اسقيتـك
" ما أبيك وقت " الرخا " و لا أبيك " بالشده=مليت منهـا ( حياتـك ) .. دام خليتـك
انهيت حبـك و بـاب ( الهـم ) باسـده=" ما عاد قلبي مثل ما كان .. هـو " بيتـك
بعض المشاعر تموت .. و لا لهـا رده=بالضبط مثلي .. نسفت الحـب و انهيتـك

اقتباس   المشاركة الأصلية كتبت بواسطة نادرة الطنايا تفضلي وراجعه

اقتباس   المشاركة الأصلية كتبت بواسطة أبوعلي الكريمة شذرة اختيار موفق وذائقة عالية وقريض سمين صح لسان شاعرها وسلمت يد ناقلتها

اقتباس   المشاركة الأصلية كتبت بواسطة شاربه ديتول ابياااااااات قويـــــــــــــــــــه بركان غضب الله يعين المقيوله فيه : ) صح لسان الشااااااااعر وتسلمين شذرة السيف دايم اختياراتج بالصميم