طبق رمضاني مع >الوردة< حيـاكم ..

الوردة الخالدة · #1 04-09-2008, 01:48 AM

السلام عليكم ورحمة الله وبركاته ..

صبحكم / مسـأإكم الله بالخير ..

:

بما إن سُموي كل يوم وهي تمردح بالمطيخ

فقلت وراه مااجيب لكم مما تعمله يداي

عاد إنه اليوم كرفت الجوال وصورت لكم احد الاصناف من اوله

/

والله يالعرب لحدن يسألني وش اسمه مير أننا دايم نسويه وطعمه زين

:

.:: المقادير ::.

علبة شعيرية بيوتني ..

دجاج , او مفروم , حسب الرغبة ..

.:: خلطة الوجه ::.

3/م جبن سايل

3/م قشطة

2/م مايونيز

:

.:: الطريقة ::.

1/ نجيب القدر و نرص الشعيرية فيه

ونصب عليه ماء فاير لين يغطيه ونحط ملعقة صغيرة زيت وماجي أو ملح حسب الرغبة

2/ نغطي القدر لمدة 10 الى 15 دقيقة

ومن ثم نجيب الصينية ونطلع الشعيرية بكل رقة ونرصه بالصينية ..

3/ نجيب الدجاج ونحطه فوق الشعيرية

4/ والحين نحط بالخلاط خلطة الوجه ونحطها على وجه الشعيرية

وندخلها بالفرن من فوق وتحت الى تنضج

وبالهناء والعافية ,,

:

عاد انه مع الفطور واحط السفرة نسيت اصور

احد صحون الشعيرية بعد نضجها

ولا من زود الشغلله الشينة مبرقعة كانت تدق على الجوال على بالها زي توقيتهم

واطربق يم الجوال يوم وصلت الا هي قافلة عساها العرس العوبا تعبتني ع الفاضي

<

اهم شئ لايسمح للتماسيح تجربتها

لانها تحتاج للمسات انوثية رقيقة < برا

<

واهم من الاهم شئ تراي موب شيفة

اومي تقول انتي ازين بنات الحارة < يامصلتس

واسالوا الاميرة وتعطيكم العلم الوكاد

الشيفة اللي بالصور مؤنث شيف > صح يامؤنث

يله نشوفكم بطبق آخر ان شاء الله ..

/

وخيتكم

نادرة الطنايا · #2 04-09-2008, 01:56 AM

1
1
1
باجر برد عليييييييييييك هههههههههه سجلت خروج ورديت دخلت للحجز

شاربه ديتول · #3 04-09-2008, 02:00 AM

وعليكم السلالالالام ورحمة الله وبركاااته

مسااااا الووووووووورد

ماشاء الله

طبق ابتكاري حلوووووو

عليكم بالعافية

تسلم الايااادي يا وردة الخيمة

نبض الحروف · #4 04-09-2008, 02:28 AM

يا مال العافية

تسلم الأيادي

يالله ننتظر الأميرة ونسألها أنت شيفة ولا لا ؟

بعدين سلميني على أمك

قولي لها يسلم عليك نبوضي خخخخخخخخخخخخخخخ

المبرقعة · #5 04-09-2008, 02:40 AM

:
:

أحمدي ربتس بوه أحد متذكرتس .. ياشينتس شيناه يالعوبا ..
أوريتس بس يا مال اللي مانيب قائلة << الباقي مشفر

بعدين أقص إيدي إذا أنتس داخلة المطبخ .. << بتنجلد
.
.

سلمت يدينتس دبوه .. وبالعافية على قلبتس وقلب خالتي ..

لا عدمتس وردتي ..

.
.

آلآمــيــرة · #6 04-09-2008, 03:59 AM

هع

قولي قسم انتس انتي اللي مسويته
لحظه قلنا مسويته ماقلنا مصورته لوووووووووووول

يبيلها حفله اذا انتي الشيفه صاحبت اللمسات الانثويه هههههههههههههههههه

يجي منتس تتسنعين وتغدين بنيه لوووووووووووول

يالبى قلبها اناااا

الله يسعدتس ويستر عليتس وتغدين احسن بوووونيه هع

مااابرك منه ولا طبق اللي شوفنا خشتس
وام بريقع مجرمة الحرب

الشينه المختفيه ...

الله يجمعكن على طاعه ورضا ولايفرق بينكن

وهاااتي حته بذووووووق لوووووول

ابونواف · #7 04-09-2008, 04:13 AM

عليكم السلام ورحمه الله وبركاته

شكل الطبق رووووعه ولذيذ جدا ً

وخصوصا بالصورة والاخراج الرااائع

سجلت الطلبات في ورقه وبكره ان شاء الله ام نواف تبي تجرب تسويها

سلمت الايادي اختي

واذا دقت عليك المبرقعه مرتن ثانيه خليها تعطيك وصفه لأحد الاطباق الشهيره لديها

واسدحيها لنا هنا ومنكم نستفيد