السلام عليكم ورحمه الله وبركاته

اسعد الله اوقاتكم جميعا

حبيت انزل قصيدتين الاولى عنوانها الاطلال واقول فيها


هذي بقايا الأمس عبره وتذكار00=00صفحه من الماضي عيوني بكتها


وقفت فيها غيبه الشمس محتار00=00أسائل الأطلال وين ساكنتها


أسائل عن الأيام مضت بحلو الأسرار00=00راحت بناس شغلها ماقضتها


مشيت في منزال من كان لي جار 00=00يوم الهوى في قلوبنا شايلتها


ماباقي(ن) غير الزرانيق وجدار00=00وطوال النخيل جذوعها ماقوتها


وباقي نقوش في مصابيح ووجار00=00يد الزمن في وجهها جرحتها


وأقفيت أهل الدمع وأقول يادار00=00ذي سكه كل الملا ماشيتها
والثانيه غزليه وبأسم نسيم الشوق
والربع يدورن الغزل وحبيت انوع في قصصايدي
في المنتدى الشامخ والقصيده اقول فيها

كل مادعاني نسيم الشوق من يمه00=00استبشرت به حنايا القلب وعروقه

وإن مر طيف الحبايب عيني تضمه00=00والخافي أعظم عن اللي بلقلب معشوقه
غرو لك الله بجماله واصل القمه00=00مامثلها من بنات الحور منتوقه

مدري هو لون الشفايف جرح من دمه00=00ولا الشعر من سواد الليل وبروقه
وذا تغنج سمعت الدر من فمه00=00كن الشعر والنثر همسه ومنطوقه
وذا تخطى تشوف الناس ملتمه00=00كل الغنادير ترخص ويغلا سوقه

من كثر مايمون حط القلب في كمه00=00الطير قلبي وهي قضابه إسبوقه

أنا صويبه وهو ياحوول ماهمه 00=00إن مت من سبته دمي فدا موقه.

اتمنى ان تنال اعجابكم جميعا

سعد ابن عيران القريني