بدء مسابقة الخيمة الشعبية للشعر الشعبي /فتح باب التقديم/شروط التقديم

ابومحمد · #11 08-07-2008, 07:41 PM

اقتباس

المشاركة الأصلية كتبت بواسطة ورعه


	وعليكم السلام والرحمه ماشاء الله تبارك الرحمن هني وعافيه يابو محمد اول مره اشوف احشاء الضب والضبه عاد حرام عليك حوامل ليش ذبحتوهم <<< حزنت عليهم الله يعود عليكم هالمقناص بالخير والعافيه وماشاءالله على ابو داحم صويب الله يحفظه لهله صور في قمه الروعه والغرابه لاهنت على التصوير والنقل وبنتظار بقيه الحلقات دمت مسمتع وشبعان سلام

حياك الله اختي الكريمة ورعه

والله يعافيك ويبارك فيك

شاكر لك مرورك الكريم

دمت في حفظ الله ورعايته

ابومحمد · #12 08-07-2008, 07:56 PM

0000 الحلقة الرابعة والاخيرة 0000

( 38 )

جاء وقت المضحّى ... وأحلى جحة في أحلى مضحّى ...

جحة جابها الغالي ابوداحم واختياره روعه

جت حمرا وحالية على الكيف

( 39 )

ايييييه الآن جاء دور الإعداد للكبسة الملكية

بختصار وبلا اطناب اذا تبي ضبك بدون ازخمة ويطلع طعمه ناقع في الراس وتطعم به في ثمك الى الموسم الجاي

عليك بالآتي /

اول شي تشلوط الضب والصوره خير برهان وكوفيا معين ورفيق طيب في الشلوطة

( 40 )

شب عليه بالكوفيا الين يقوم يصفر هههههه

ويالله يمينك بها سكينه محش (خظره) ويسارك بها كوفيا

( 41 )

وشب فيه وشلوطه وحك بسكين الخظره (محش)

شوف الصورة

( 42 )

بدا الضب يعطيك جلده الأصلي

وينظف تمام من العوالق والقشور

( 43 )

شوف بالله بعد الشلوطه والحك بالسكين ( الخظره) المحش

شوف كيف صار تقل مووووز نضيف 100%

الآن انتهيت شلوطه ونظف الضب تمام التمام 100%

وترى شغلة الشلوطه سريعه ولا تآخذ وقت

ممكن الضب فقط 3 دقايق حولها

اذا انتهيت اغسل ضبك بالماء مضبوط ثم قطعه على حسب مزاجك ولاتكون القطع كبيرة لكي يستوي عجل ولاتصير صغيره مره فتفقد كثيراً من طعمت الضب الأصلية

( 44 )

قطعناه كم ذكر اعلاه وتم ضغطه في المضغوط

مع شوي بصل وشوي طماط وملح وعودين دارسين

وحبتين هيل ولومية وحدة سودا

ورشة بسيطة من البهار العادي شغل بيت

شوف بعد ان تم اطلاق الصفارة واستوى الضب

( 45 )

شف الدسم شف الدسم

وهالعلوب ملازمة لي في الحل واالترحال

وينك ياراعي كيف يابوناصر شف العلوووب

ههههههههههههههه

( 46 )

استوى الضب مثل ماقلت لكم اعلاه

والحين كبينا الرز وتم تغطية الدافور بذرايته عن الهواء بالفرشة

بعد ان قصرنا عليه ولمدة عشرين دقيقه

تابعونا في الحقة القاااادمة وآخر حلقة

صور الكبسة وشي يبي يشد الراس شد

وهذي صورة من المعركة حول الكبسة الملكية

شوف الثرب منحاس وسط اللقمة

قولو ماشاء الله لاقوة الا بالله

ههههههههه

تابع

ابومحمد · #13 08-07-2008, 07:59 PM

0000 0000

( 47 )

لااله الا الله ولاقوة الا بالله

اول افتتاح القدر وياسلام سلم

( 48 )

الكبسة الملكية بعد ان صارت جاهزة للتقديم

والله لايغيرها من نعمه

والله يخلي لي رز الوليمة

( 49 )

صور مقربة للصحن وشوف العكره كيف فازة فز

تقول وينك يالي بتعرمش عرمشه

ههههههههههه

( 50 )

الآلآلآن بدأ الدعك وبدأت المعركة

ههههههههههه

ولاتشوف الا مزمزه ولا عرمشة ولا تهبد باليدين

ههههههههههههههه

( 51 )

ثرب وشوي رزيزه وعصرة ليمونه وشوي فلفل اخظر

وذبها الينها محدره ولا تسمع الا لجلجتها محدرة وسط البطن

هههههههههههههههه

( 52 )

انتهت رحلتنا على بركة الله ووصلت اليكم الصور كامله

اسأل الله ان يكون هذا الموضوع عوناً على الطاعة بعداً عن المعصية

والف شكر لكم على تلك المتابعة والردود المتميزة

شكراً لكم احبتي

وهذه صورة سحابة تم التقاطها حال عودتنا للرياض

جزى الله اخينا الغالي ابا حمد خير الجزاء

دمتم في حفظ الباري

القناصه · #14 09-07-2008, 08:18 AM

ماشاء الله تبارك الله

ياويل ابوي على هالصور لويشوفها طفحت سبده عندها ماشاء الله تبارك الله

الله يعطيكم العافيه

أبوعلي · #15 09-07-2008, 10:19 AM

عليكم السلام ورحمة الله وبركاته

صبّحك الله بالخير أبومحمد

خوش قنص ضباااااااااااااان

أنا قنصت مع الشباب أكثر من مرة

ولا أكلته خلوني طباخ لهم فقط

طبخته لهم بالكاتم

لاعدمناااااك

ابومحمد · #16 15-07-2008, 08:45 AM

اقتباس

المشاركة الأصلية كتبت بواسطة القناصه


	ماشاء الله تبارك الله ياويل ابوي على هالصور لويشوفها طفحت سبده عندها ماشاء الله تبارك الله الله يعطيكم العافيه

الله يعافيك ويبارك فيك يالقناصة

والله يخلي لكم الوالد ويحفظه من كل شر

دمت في حفظ الباري

ابومحمد · #17 16-07-2008, 02:03 PM

اقتباس

المشاركة الأصلية كتبت بواسطة أبوعلي


	عليكم السلام ورحمة الله وبركاته صبّحك الله بالخير أبومحمد خوش قنص ضباااااااااااااان أنا قنصت مع الشباب أكثر من مرة ولا أكلته خلوني طباخ لهم فقط طبخته لهم بالكاتم لاعدمناااااك

حياك ربي وبياك وجعل الجنة مثواك اخي الغالي ابوعلي

افاااااااااا مايصير ما تاكله؟

شاكر لك مرورك الغالي

دمت في حفظ الرحمن

HILUX · #18 16-07-2008, 06:16 PM

كفو والله ان ذيبان

نادرة الطنايا · #19 21-07-2008, 06:59 PM

ياويلي

ياخووي ابو محمد

ليتني مادخلت

بعض الصوور

سبب لي
دوار

ابومحمد · #20 23-07-2008, 05:27 PM

اقتباس

المشاركة الأصلية كتبت بواسطة HILUX


	كفو والله ان ذيبان

حياك الباري يالغالي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اخر مقناص في الأ ختبارات	لـيـث	خيمة الكشتات و السفر وَ السياحة	4	25-06-2008 03:42 AM
مقطع وصور من مقناص الامير بندر بن عبدالله ال سعود والصيد باالفهد	رشيدالشمري	خيمة الكشتات و السفر وَ السياحة	4	28-05-2008 10:59 AM
مقناص القلم والكتاب	الساحل الشرقي	خيمة الشعر والشعراء	6	05-05-2008 06:04 PM
متى على الله يظهر سهيل ويبين ... رحلة مقناص في قصيدة ...	رزين الهرج	خيمة الشعر والشعراء	8	29-10-2007 02:57 PM

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع منتدى شعر قصائد صوتيات

بدء مسابقة الخيمة الشعبية للشعر الشعبي /فتح باب التقديم/شروط التقديم

مقناص ضبـــــــــــــــــــان

خيمة الكشتات و السفر وَ السياحة