اشره على العاقل وغيره فلا شره

السلام عليكم ورحمة الله وبركاته

اصبح وامسي الكل بالخير

اقدم هذه القصيده لعلها تنال اعجابكم




اشره على العاقل وغيره فلا شره= اللي ذكر بين الرجـال الرزينـه

العاقـل اللـي بالمرافيـع وكـره= قليل تلقالـه مـع النـاس عينـه

وبعض البشر ماظن بشره ولا كره =لاصار مالي بـه علاقـة متينـه

والا الخبل عقله تقل فيـه سكـره =خلـه لحالـه لا تسمـع رطينـه

الذيب مالـه بالحصينـي ومكـره= والحر يشبع من مقاضـب يدينـه

لو تعسف حمارٍ يجي منـه نكـره =الطبع يبقـى لـو تعاقـب سنينـه

وكل صافيٍ لابـد ياتيـه عكـره =والنهر عقب السيل شينـه بطينـه

وكل سد يلزم زامي السيل حكـره =لو زاد سيلـه بـه دروب تعينـه

وكل بدع من راسه اليـوم فكـره =ولا كل فكره اصبحت لك ثمينـه

الشاة ما تلحق مـع البـل بكـره =الفرق واضـح لرجـال الفطينـه

احدٍ يموت ودايـم الـدوم ذكـره= وحدٍ يجي ويـروح فقـده غنيمـه

العز ماهو بكثـر مـالٍ وخكـره =عز الفتـى لامـن تمسـك بدينـه


وسلامتكم

قصيدة الشاعر عبدالله بن محمد السويح