ياخي ماشفته مع السوق ياخي

ياخيّ ما شفتـه مـع السـوق ياخـيّ = ولا ذكـر لـك لـو دونـه مسـافـه
الله يبلـى مـن بلانـي وانـا حــي = بالغصـب طوعنـي بليّـا عسـافـه
يا طي قلبـي طـي طـيٍ علـى طـي = طي الجرايـد فـي مطابـع صحافـه
عليك يا جافل مـن الريـح يـا ظبـي = يا شيـن قلبـك مـا بقلبـك مرافـه
كويـت قلبـي كيتيـنٍ علـى كــي = بصيـاخ نــار وكلفتـنـي كـلافـه
جرحٍ نجيض وجرح تـوه حـدث نـي = ومامن نيات الجـرح غيـر الكسافـه
وما يشكي المسكين يا كود مـن شـي = امـا مـرض ولا محـبـة ولافــه
والولف مثل الشمس تلحق على الفـي = وكـم عاشـقٍ نثيـل قبـره لحـافـه
ومن ناقل الاقوال جانـي خبـر سـي = قالوا: قمـر عشريـن باكـر زفافـه
وخذت لـي مـده وانـا حـن وابكـي = عليـك يـا سـر الشـرف والنظافـه
قالوا: علامك بك بلى ؟ قلت : وش بي! = بلاي مـن عـذرى عليهـا الحسافـه
وهي الحسوفه قالوا : الناس من هي ؟ = ثم قلت : ما منكم ولا شخـص شافـه
نـوى يغيـب ونيـة الخيـر تـنـوي = وعفت الوطن يوم ادعج العيـن عافـه
وغاب وسكن شرقي جبل حاتم الطـي = ذاك الجبـل قدمـه وسلمـه خـلافـه
يـوم إن بابـور المحـبـه مـرسـي = الله مـن بـحـرٍ تعـابـه وطـافـه
واليوم بطن البحـر خالـي ومصفـي = ومستوصف العاشق يطـوّل اسعافـه
انت الذي تهـدم غرامـك وانـا ابنـي = بنيـت قصـرٍ كبـر قصـر الضيافـه
قصرٍ يسجل فيه اسمـك مـع اسمـي = ياللـي درسـت المعرفـه والثقـافـه