قصر الغرام

بحر المحبه تلاطم فوقي امواجه = يا طول مسراك يا ليل الهواويه
صلوا على صاحب المسرا ومعراجه = ثم اسمعوا قصة الحب الشقاويه
دخلت قصر الغرام ودجت بسياجه = وشافت عيوني كوارثه الطبيعيه
عودت من عالم التعذيب وازعاجه = مجروح ما يقدرن المشي رجليه
ثم طحت طيحة عزيز ٍ ضاع منهاجه = ذاق العنا والشقا عقب المحنيه
بالمختصر يا عذاب القلب وعلاجه = لا تتعب الناس بالروحات والجيه
أدرى على سمعتي والناس هراجه = أخاف من هرجة العربان يا وخيه
واليوم باب الهوى زلجت مزلاجه = اقفى وانا اقفيت والدعوى سموحيه
لاصار مابيننا موعد ولا مواجه = الظاهر ان المحبه شبه ملغيه
قمت اتنشد ولو مافي يدي حاجه = ماردوا العلم عنك اهل الدليميه
وحياة رب ٍ تحج البيت حجاجه = انك مرض قلب ودعوة ٍ سماويه
سيناريو حبنا كله من انتاجه = على الهوا مباشره حلقه حقيقيه
والمخرج اللي تولى خطة اخراجه = اثبت وجوده وصارت له رياديه