استغاثه لابوعبدالله بصوت ابونواف

يالله يا منشي خشـوم السحايـب=يا مجري الاقدار بالكاف والنـون
يا مجرين مـن بيننـا هالهبايـب=ارحمنا يا ربن تصـرف بهالكـون
يالله عسى سيلن يشيل الشوايـب=يالله عساها تستقي عندنا مـزون
يالله تراني تـارك الذنـب تايـب=واستغفرك سبعين مره ومحـزون
يالله ترى من طاوع ابليس خايـب=ما يفلح اللي يتبـع لكـل ملعـون
يالله يـا مرسـل غبـار الترايـب=حكمك على خلقك وملزوم يرضون
يا ربي ترحمنا بعجـوزن وشايـب=وبرضعن يوم اقبل الليـل يبكـون
يالله يا معينـن علـى هالنوايـب=خلك على سود الليالي لنـا عـون
يالله عبدك طامعـن بـك وهايـب=اليا حصل عفوك ترا غيره يهـون
يالله يـا مالـك جميـع الوهايـب=اوهب لنا عفوك ترا القلب مشطون
رفعنـا كـل كفوفنـا بالطـلايـب=يالله سحابن وسطه البرق مشحون
يغسل عسام الجو يطفـي لهايـب=يجلي بلاطن باوسط الدور مدفـون
يالله طالبـك بـزوال النشـايـب=يالله ترا من دون عونتك مغبـون
يالله عسى تسرب جميع السرايـب=ثم تصبح بغدران والناس يسلـون
يالله عسى تنساح كـل الجذايـب=والنجر في جال المعاميـل مدنـون
لجل يتزاور فيـه كـل الصحايـب=وما يبقى من بين المخاليق محزون
والبال يسلا مع جميـع القرايـب=طبعن جعله الرب بالناس مسنـون