لا والله ألا شاعر وطن يابن هذال

ليا حل الثعل بالفين أسد من شافهن يحتار= ثعالب لو عليهن من تواصيف الاسد عينه
وليا حل الاسد بالفين ثعلب غير المعيار=صنع منهن أسود ولونهن طابق ملاوينه
وأنا مانيب شاعر للوطن كل الوطن شعار=سلع بيع وشراء بالنقد لاسلفة ولادينه
وأنا ما أقول عالم يعلم الي سير الأقدار =أفراسه من خيالن ماارسن ماضاع تخمينه
عبرت من البحور أبحور مايعبر بها البحار=ولادورت للمحار وأغرتني مثامينه
شربت من القناعه والمناعه بالضمير الحار=والي نفس رضت بالوقت في عسره وفي لينه
لقيت الحقد ياكل صاحبه مثل الحطب والنار=يشوف من الغباين حي ويموت بطواعينه
اذا خاطبك عاقل صارحه يشبعك بالافكار= وإذا خاطبك جاهل قل يازين الهرج يازينه
وإذا مالت بك الكفه تخير بالرجال أخيار=على الكفه موازينك تعادلها موازينه