شاعر المليون تغطية وبث مباشر لحلقة ( الفراعنة & البلوي & الشريف & الصخري )

لا نـيـب بــأوّل مــن شـكــى وقـتــه ولا نـيــب الأخـيــر = فإن كـان منـي داس فـي اصبـع , داس مـن غيـري رقـاب
كُــلْ مــا بلتـنـي مـنـه بـلـوى , قـلـت:يالله ,خـيــر خـيــر = وفي آقلّ من غمضة طرَف محض السراب اصبح سحاب
احـمــدْك يـــا ربٍّ خلـقـنـي عـــن طـبــاع الـخـلــق غــيــر = طفـلٍ ! ولكـنْ فـي عقـل شـايـب, وفــي هيـكـل شـبـاب
سبـحـان مــن أحْـيَـت عجـائـب قُـدرتـه أمــوات طـيــر = يــوم انْقِـفَـل بــاب, انْفِـتَـح قـدمـي بـدالــه ألـــف بـــاب

لا وسـيــم ألا وسـيــم السـجـايـا يـــا وسـيــم = والـفـقـر فـقــر الـمـراجـل إلــــى قــالــوا فــقــر
والدمـيـم الـصــدق يـالـلـي تـقـولـون الـدمـيـم= واحــدٍ يفـخـر بماضـيـه والـحـاضـر (صـفِــر)
مَن يزاعل صاحبـه لجْـل يِرْضـي خشـف ريـم = لا تثـق بـه لـو فـرَش لـك علـى السـكّـة زهــر
مـا انقطـع رزقـي ولـي فــي السـمـا ربٍّ كـريـم = ولا يضيـق بـي الفضـا ولـي عيـون ولـي بـصـر
مـن أقـام الـنـار فــي يـابـس العـشـب الهشـيـم= قــادرٍ أن يـخــرج الـمــاء مـــن حـصـبـا قـفــر
كيـف نشحـذ والسمـا غيمهـا مـن فـوق دِيــم = عيـب والله عيـب والشمـس مـا معـهـا قـمـر
مـا يضـيـم بــن آدمٍ مـثـل ضـيـم الـحـظّ ضـيـم = مـن ردى حظـه وهــو مــا بـعـد ســار يْعَـثُـر
عـزّتــي لـلــي سـواتــي عـلــى وجـهــه يـهـيـم = لا مــعــه حــــظٍ يـعـيـنـه ولا عــنــده ظــهَـــر
قـلـت مــا لا قـالـه الـعـود (لقـمـان الحـكـيـم) = بالشعر .. بسّ أنّ حظي صفق بي في حجَر
وغيـري اليـا قـال كلمـة ولــو هــي حـلـم نـيـم = اكتـبـوا لــه مــن عظـيـم الثـنـاء مْـيَـةْ سـطــر
ورغـم هـذا مـا تشائمـت والـحـادث جسـيـم = فــي رجـــا نـصــرٍ مـــن الله ولا غـيــره نـصــر

كـان البـداوة عيـب مـا نيـب مصغـور = ‏يــا طـيـب عـيـب معطّـريـن الـسـلالـي
حـنـا الـبـدو أحــرار وآســود ونـمـور = ‏سـيــفٍ يـقــصّ مـروبـعــات الـحـبـالـي
حنـا البـدو حنـا عـمـى كــلّ مـغـرور = ‏مـــا حـــنْ عـيــال مضبّـبـيـن الـدلالــي
يشهـد لنـا مـن حـدر الالـحـاد مقـبـور = ‏ويشـهـد لـنـا فــي الـقـاع مــن لا يـزالـي
حنـا البـدو سـيـفٍ بالايـمـان مشـهـور = ‏وتشـهـد علـيـه قـصـارهـا والـطـوالـي
لا نقطـع الذمـة .‏. ولا نشهـد الــزور = ‏ولا نتـلـب العـانـي لـيـا جــاك جـالــي
ولا نقلـب المـلـة.‏. ولا نـطـرد الـعـور = ‏ولا نسـهـج الشيـنـات وســط المفـالـي
ولا ننقل العجرا .. ‏ولا نطلب الغـور = ‏ولا نلـحـق الـكـف اليـمـيـن الشـمـالـي
ولا نذبح العجفا .‏. ولا نسبق الدور = ‏ولا نـطــرد المـقـفـي لـشــدّ الـرحـالــي
ولا نزرع الصبخا .‏. ولا نحفـر القـور = ‏ولا نـطـرح الا مــن الـسـمـان الـجـزالـي
ولا نعبـد الرتـبـه ولــو هــو امبـراطـور = ‏ولا نـــهـــاب الا عـــزيــــز الــجــلالـــي
ولا نخـلـف الهـقـوة.‏ولا نطـلـق الـحـور = ‏الا عـلــى طـيــب وحــافــظ ووالــــي
مـا نقـطـع السـاقـة.‏ولا نبـعـج الـشـور = ‏ولا نــدغــر الـقـالــة بـقــيــلٍ وقــالـــي
ولا نبخـس الكيلـة.‏ولا نجحـد الـنـور = ‏ولا حِــنْ مــن الـلـي يكـنـزون الريـالـي
ولا نشـعـب الـذلـة ولا نـخـاوي الـبـور = ‏زرق العيـون ضـراب شـرْد السحـالـي
ولا نضرب الطبلة.‏ولا نشحـذ الكـور = ‏فـضــلــة عـبــيــدٍ لـلأكــابــر مــوالـــي
ولا ندهـل العِبْلـة ولــو طـورهـا طــور = ‏والــرزق فــي يــدْ مــن علـيـه اتـكـالـي
حنـا البـدو يـوم اكثـر النـاس طرطـور = ‏نــاطـــى صــمـــا صـمــيــم الـجـبـالــي
عشـة,‏ولا قصـرٍ عـلـى الــذل معـمـور = ‏نـلــعــب عـلـيـهــا الـهــمّــلا هـمّــلالــي
عشـة تـدوم ولـو عـلـى سبـعـة بـحـور = ‏ولا قـصـر لا مـالـت بــه الـريـح مـالــي
حنـا البـدو يـوم اشهـب الملـح منـثـور = ‏يـامــا خـزمـنـا روسـهــا مــــا نـبـالــي
رجّالنـا فــي حـومـة الـحـرب مسـطـور = ‏ورضيعنـا مـع ضـرب الاشهـب يـلالـي
حـنـا عـلـى كـبـد الـعـدو مــرّ مـمـرور = ‏وعـلــى الـخــوي مـــيٍّ قــــراحٍ زلالــــي
ما قـد وِخِـذ مـن حقنـا كبـر الاظفـور = ‏مـيـر الـدهـر خـلـى الخـفـايـف ثـقـالـي
مـن خلقـة الدنيـا إلــى نفـخـة الـصـور = ‏والـبـدو أخَـيْـر الـنـاس بــأول وتـالــي
ذبّـاحــةٍ يـــوم اول الـوقــت مــذعــور = ‏حـمّــايــة الـمَــرْكــي نــهـــار الـقـتــالــي
فحـولٍ وسادتنـا حصـا كــلّ شنـظـور = ‏ولـحـافـنـا بــيــض الـنـجــوم الـمــدالــي
مـا نبـدي الشـكـوى لخـاطـر ومخـطـور = ‏ألا عـلـى الـواحـد أحــد ذو الـجـلالـي
ولا نغبط الحاكـم علـى حكمـه الـدُور = ‏الـيــا رعـيـنـا فـــي الـفـيـاض الـخـوالـي
يـامـا حــلا ســـوق المعـاشـيـر بـقـفـور = ‏ونـجـم السويـبـع مـثــل قـــرن الـغـزالـي
فــي خـايـعٍ تـــوه مـــن الـوســم مـمـطـور = ‏نـــوّار عـشـبـه مـثــل نـقــش الـزوالــي
إبْـلٍ رعوهـا الـبـدو مــع كــلّ دعـثـور = ‏تـســوى شَـبَـحَـات الـوجـيـه المـكـالـي

من صار لي في الرخا عبدٍ وانا عمه = لا جاء القسا صرت له عبدٍ وهو عمي

قد علِمَت نجد والأرضون قاطبةً = إني لأشعرُ من يمشي على قدَمِ

لي مع القاف موعد والمواعد حتوف =والقصايد غلاها من غلا مولدي
كل حرفٍ قبل لاابداه ياقف وقوفكل =حرف يتمنى من ثراه ابتدي
ما تعسر علي ولا على القاف خوف =كنها المهره اللي طوعها في يدي
وانته اغلى ثراها وانت اعز الحروف =منك حزني وخوفي فيك روح اسعدي
انت حتى الكلام اللي حلاه مخطوف =لاسكنته تعلا ما يعود ردي
من يخطك ذهب واللي سمعك معزوف =انقضى الليل كله ماشكى سرمدي
انت عقدٍ نقص لولا الكلام معروف =كان اكملك واكتب ماانت حرف ابجدي
يكفي انك سكنت بجوف كلمه تطوف =في سما فكري الملتاع ليل وغدي
بس لا في يدي ولايديه الصروف =لا علي الملام ولا يجيه بعدي
لامدى له يحس ولا مدى له يشوف=بين وصله وقطعه ضاع درب جهدي
فالجنوب النماص وفالشمال الهفوف =لا سكنت النماص ولا الهفوف بلدي
له مسا من سماي اسما مسا ومحفوف =كل ماغاب نور الشمس جاه يعدي
له صباحا يشابه طلته بالوصوف =كل ماقفى الظلاام اهداه وردا ندي
الرضا والرجا والرعب واردى الضروف =مسكنك في ثراها وتحداني حدي

يالله انـي عايـذٍ بـك غايـة العبـد النجـات=في زمانٍ مافـرق بـه سلـم الاول والاخيـر
عايذٍ من فتنـة المحيـا ومـن سـو الممـات=طالبك حسن المآل وطالبـك حسـن المصيـر
ارضني بالصوم وفروض الصلاة مـع الزكـات=نجنـي مـن فتنـة القبـر وعذابـه والسعيـر
ثابـت الخطـوة وعينـي للنجـوم الساريـات=والعنود اللـي مـن انسـام الهبايـب تستذيـر
اكسـر البنـدق زعـل لمنهـا راحـت فـوات=ياسمير اجلس لمـا اعلمـك عنهـا ياسميـر
نوب تسترمـي ونـوبٍ فـي ظـلال النابيـات=كل مااشفت في مداريج الشفـا قامـت تحيـر
لا تحسب السالفـة راحـت وتقلبهـا شمـات=لني اليا حرت فيهـا قمـت اصلـي واستخيـر
والله انـي ماوقفـت الا مواقـيـف الثـبـات=صدق مع نفسي ومعك وصدق مع نبض الضمير
عطني السبحه وانـا اعلمـك نظـم المفـردات=بيت ماس وبيت در وبيـت نـور وبيـت غيـر
لا تقاطع عرضها مع طولهـا شـوف الفـرات×××واعتبرني يـم دجلـه والفـرات اكبـر سفيـر
ذيب ياللي كـل ماطالـت صحاصيـح الفـلات=رحت تعوي في ظلام الليـل واكملـت المسيـر
موعدك وقت الشروق ليا سطـع نـور الحيـاة=رغم طول الليـل والظلمـا ومسرانـا الخطيـر
مير ياذيـب الخـلا شـوف الذيـاب العاويـات=ماتبيك تصيـر معهـا فـي مغانمهـا خشيـر
الله اللـي يعلـم اسـرار الخفـا والخافـيـات=شرهتي والسيف ابـو حديـن مافـات الجفيـر
خافـق الجنحـان وينـك والطيـور الطايـرات=كل ماصـب المطـر والريـح تقفـاه بصفيـر
عودت صـوب الثـرى والله يعيـن الحايمـات=مابقـي فيهـا مكاسـب لا شـداد ولا بعـيـر
يانسيم الليـل ذعـذع والهجـوس الساكنـات=أنـت يمكـن تستثيـر ويمكـن انـك ماتثيـر
انت في عرض البحـر ماتدفـع الا الجاريـات=كـل ماهبيـت ياصلـف الهـوى ماتستنـيـر
المهم هجوس ( راشد ) والنجـوم الساهـرات=ادري انه من بحر يغرف مثـل قصـة جريـر
سامعك يومـك تغنيهـا علـى راس الصفـات=نوب باللحن الطويل ونـوب باللحـن القصيـر
واديا ينبـت بـه الحنظـل وبـه سكـر نبـات=يوم اقول من النذير ويوم اقـول مـن البشيـر
انت تعرف غربة المهجـر ومفهـوم الشتـات=مسهرٍ عينك على شانه وانـا طرفـي سهيـر
كل ماني اقلـت انـام الطـرف عيـا لا يبـات=تقتل الذكـرى ياراشـد واحـدٍ ماهـو غريـر
يابساتيـن الـورود اللـي مـن اول ذابــلات=ما بقى الا مـن شمـال الـدار لاهبـت عبيـر
يالله انك جـود لعـروق الغصـون اليابسـات=قبل ماطير السعـد عـن حـد مغناهـا يطيـر
ثم نبلـش فالتهامـي لابغـى حيـد السـرات=نعتقدهـا ماتصـيـر ويعتقـدهـا الا تصـيـر
سوق ( ياراشـد) مقاديـم القوافـل والبيـات=البيات ان حدنا المسرى على الـدرب العسيـر
يحمد القوم السـرى فالصبـح يـاراع العبـات=وانت ( ياراشد) معك ختـم الـوزارة والوزيـر
كيف انام وبرقها يبـرق علـى كـل الجهـات=ساقها الغربـي لمـا قامـت علينـا تستديـر
عفـو ربـي كـل ماناشـت سـواد النايفـات=ثم قفت كنهـا تمضـي علـى سلـك الحريـر
الرعد سبـح بحمـد الله وانـا اقـرأ فالايـات=ان فيه اقوام ماتعـرف البشيـر مـن النذيـر
زينـة الدنيـا شقـا والباقيـات الصالـحـات=خيـر عنـد الله ولا بعـد العسيـر الا اليسيـر
والقلـوب الخضـر امانيهـا عيـون الفاتنـات=والقضيه كـان جبـت الدلـو ماحصلـت بيـر
شرهة اللي كل ماانـه شـاف نقـع العاديـات=جا على وضح النقا من ضيقة الخاطـر مغيـر
والله انـا مانمـر مـع الـدروب الغـاويـات=ماعلينـا زل ولا يفرشـون مـن الحصـيـر
مااتعب التفكيـر فهـروج العقـول الفارغـات=اصل بعض الناس ماهو فـي ملامتنـا جديـر
شوفني رغم الهوى والليـل وطعـون الغـزات=والظما والقيض واسباب المشاحـي والهجيـر
ماضياً فالـدرب صابـر والهواجـس ثابتـات=داري ان العبد ( ياراشد ) على نفسـه بصيـر

ياوسيع العفو عفـوك رب كـل الكائنـات=يامجيب لمن دعـاه وياسميـع وياقديـر
ليت شعري والقوافي واللحون الـواردات=ماحجبته عن عيون الناس ولاّهو ظهيـر
كل مني جيت اسولف والليالـي سايـرات=ماالحقتني شرهة الخاطر وانا قلبي كبيـر
ايه يامتعب وانا اللي من ليالي ماضيـات=كل مني جيت اوردها وقف نبـع الغديـر
والبنادم في حياته بيـن ود وبيـن هـات=لو يعرف اللي تجيبه كان مايتعـب كثيـر
بس هاذي حكمة الله وانت طلاب حسنـات=قد يريد العبد شر وقد يعاف العبـد خيـر
وانت يامتعب تشوف المقفيـة والمقبـلات=ماخفت عن شوف مثلك وانت يامتعب خبير
ماتجيب الا الثمينه وانـت بنـك الغاليـات=وافرا منهـا رصيـدك لايقـه مليارديـر
ماتعبر يوم تقبـل منـك مثـل العابـرات=حايزا ماحاز بالتفسير شيـخ ابـن كثيـر
يامعلمنـي تعـلا فـوق روس العاليـات=وارقب اللي لا بدت لك كنها البدر المنيـر
وان تلاشت لد عينك وان تعدت قول جـات=وان تنحت لاتنحى ولااستـدارت نستديـر
يامعنا والدروب الموصلة ماهـي سـوات=عن ظلام الليل ولا عن مداهلهـا عصيـر
الحياة امال وخيوط الرجـا فيهـا امنيـات=نختلقها وننتظرها لو على نـار وسعيـر
عل مزنا بارقه لا ناض ضـو المظلمـات=مايتعدى واديا من عـام ماقالـوا نطيـر
توي اللي سقت رجلي فالدروب الموصلات=وين انادي من بحر جده وملفاها عسيـر
والكواكب كل ابوها في سمايـه دايـرات=والهرم في مصر معلم من معالمها شهير
وين انا وضعون فكري والليال المهلكـات=والبحور اللي تصافق موجها مـده غزيـر
يالقوافي والله اني ماعرفـت الا ارضـات=قرت جفونك وانا اللي مابعد جفني قريـر
لكن اني مؤمن ان العزم رب المعجـزات=والمباديء نور واضح والخطأ جنحان طير
الله اكبر ياالليالـي كـل مـادارت رحـاة=ينكسر فيها سليم وينجبـر فيهـا كسيـر
عادني عاتب عليها لا لا ياقـلام الـروات=ماعلى هذي ولا هذي من ايامـي خفيـر

يالمساء المستضيف الشعر ضمن سكونه = رد لشعـوري بقايـا افكـاره المركونـة
ودي ابكي والله اني مالي رغبة اضحـك = دور لحزني دموع تبات وسـط جفونـه
آه يادموعي وش تسوين بيـن ضلوعـي = ملحك اقسى للجسد من سلـه وطاعونـه
اطرقي بيبان صدري واستميحـي اهلـه = وارحلي لارض العيون الغبرة المدفونـة
واتركي رياح الالم تاخذك وانا اشوفـك = صار لي مدة وانا ارقب ذا البكا ومزونه
ليه مااضحك اصمتي بل ليه انا ماابكـي = الظروف اعيت تحرر نفسي المسجونـة
نفسي اللي قد لها عقدين وهـي تعانـي = من بلاوي ذا الزمان العسـرة المجنونـة
الزمان اللي لانا منّـه ولاهـوب منـي = ضوءه الفتان بعثـر حـال مـن ياتونـه
لاتفاهات التطـور فيـه اغـرت نفسـي = ولا انا الجاهل واصدّق كـل مايحكونـه
لـنّ ماانـا إمعـه يسـمـع ولايتـأمـل = ولاني املك عقل رايح عكـس مايبدونـه
ياهواة الشعر والاصداف ازكى عطـري = في مسا يبدو جماله من بريـق ركونـه
الحياة اشعـال فكـرك بالتقـى والعفـة = وانك تكون المثـال اللـي تريـد تكونـه
لاتمسح جوخ كائـن , لالمـال وسلطـة = ولاتبيع شموخك الغالـي لمـن يشرونـه
الحياة الحب واحلام الصغـر وافكـاره = وعشق يتفجر نهـر فشعـاره الموزونـه
يالشعر اهلا وسهلا جيت ضيف وصاحب = في مضارب قلب من يكتـب ولايقرونـه
قلب يكتـب لـلأدب ويقدمـه لشعـوره = من صدر تغرم ضلوعه في هموم ديونـه
تقرأ حروفه ولكـن يجهلـوا مايحـوي = وذاك اكثر مايعـزز للأديـب حصونـه
الأديب اليا كتب ينـزف قبـل لايكتـب = وكل نزف اليا بدا حاولت اثيـر جنونـه
وأن اثرته زاد نزفـه وابتـدت اقلامـي = تعكس لهذا الزمن صورة لعمق طعونـه
لا ياجمهور القصيد الله يحيـي وجهـك = لست من شعره يفرّه عن صفـا مكنونـه
مرحبا في موطني السامي وبين اصحابي = في ذرا التاريخ وجذورة وظل غصونـه
هاهنا عاش الأدب اجمل فصـول ايامـه = وهاهنا الشاعر يواجه من يصون فنونـه
يازمن صفق معا ذا القـوم اميـة مـره = صفقةٍ يسمع صداها من غوتـه لحونـه
ماهي لأبو ظبي ولطيـب مـن يرأسهـا = ولبني يـاس الكرامـة ولثـرى بينونـه
دار زايد وابن زايـد وان ذكرنـا زايـد = طالبت سحب السمـاء النـاس لايبكونـه
زايد الوافي توفى منهـو اللـي يقولـه = زايد الثاني محمـد فـي صفـاه ولونـه
لحيته شاربه وقفاتـه شمـوخ حضـوره = مشيته مـدّات يـده المظهـره مخزونـه
فلسفته افكاره اطموحـه عميـق ايمانـه = عطف نظراتـه حنانـه ابتسـام سنونـه
قربه لشعبه بشاشـة وجهـه الانسانـي = وجه زايد والمتون اليـا نظـرت متونـه
جيت حبـاً فيـه وإكرامـاً لعـزة داري = داره عيونـه وانـا كلـي فـدا لعيونـه
حسّه انـه والـدي وأنـي أحـد ابنـاءه = فخر لي ولشعـري ولأبياتـي المزيونـه
جيت امثل كل شارب في ثرا ذا الدولـه = دسّمه عشق الهضاب الشمّخ المصيونـه
ليت راسي ينقطع وتموت كل اعضائـي = بس تبقى ديرتي فوق السحـب مسكونـه

يالون غزلان المها أو كمـا الغيـد = لا شافهـن قلـب المعنـى رمنـه
تشوفهن من يوم يقفـن مطاريـد = وإليا أقبلن يافرحـة اللـي يجنـه
لا قام يلعب ضافي الجيد على الجيد = يون قلـب العـود ميتيـن ونـه
ما وقفت لا عند شايب ولا وليـد = ما دام حب وركبة الخيـل سنـه
سلايـلٍ تلقـاه عنـد الأجاويـد = كل من نوى الهقوات مـا يخذلنـه
هقوات عنتر والمهلهـل وأبازيـد = قبيلهـم سـود الليالـي غشنـه
وإليا أقبلت من غاد ذيك المواعيـد = اللي ركي للطيب ما يخيـب ظنـه
نبعٍ شرب من منبعه كل صنديـد = ولا هقوتـي كـل المنابـع رونـه
يسعى له الرجال من دون تمجيـد = الطيـب طيـب ولا تواتيـه منـه
الحر على الصيدات معتـاد تعويـد = ضاري على المقناص من صغر سنه
ذيب ولاهوب بهقوات ربعه معاضيد =هقوات وش مالعـز يرقـى رقنـه
اللي لا شب وليدهم يشبه الحيـد = يوم السنين اللـي تنافـض نصنـه
ولا زارت قلوب الرجال التنهايـد = ودمع العذارى كل مـورد سقنـه
بكتوفهم ماتشوف غيـر البواريـد = ورايتهم من فـوق روس الأسنـه
اللي حوافر خيلهم لـو بهـا قيـد = وش مـا تمـد البيـد إلا وطنـه
وإليا ارتخى المرباط لو هن مجاهيـد = طلق الشروقي بالصبـاح يغشنـه
مهرة حديهم لا لكد دون تشديـد = مرفرفـات الريـش مـا يلحقنـه
عادات بدو ولا وراهـا مقاصيـد = ولا عندهم تحتـاج طنـه ورنـه
ولاهي على ماقالها زيـد وعبيـد = ومبرهجات القـول مـا ينفعنـه
حتى الذواري لا غشت ناعم البيد = تسمع لها من شـدة الريـح زنـه
وعاد اللي تاهوا عن محاس التقاليـد = ودايم لهم عن هقوة النـاس كنـه
والزين منهم ما يتمدرى عن الكيد = وهداف طلقين الشـوارب عزنـه
وعن شي يغنم شاربه قاصر الإيـد = وفاعيـل الزينيـن مـا لايمـنـه
ولا شب لهم نيران مثل الأجاويـد = ولا فاح من صفـر المباهيـر بنـه
هذا نقايـص بالرجـال ومناقيـد= وردات حظ لكل مـن جاورنـه
ما يشكي العلات غيـر المضاهيـد = ولا يفسد المعـروف غيـر الممنـه