ياحبني للبيض لاصار مسلوق **** اول مشاركة

ابوالهجاء · #1 01-01-2008, 02:22 AM

.

ياحبني للبيض لاصار مســـــــــــلوق *** وفولن مع الفلفل يشب الحريقـــــة
ولامن تهيا لحم ضاني وطقطــــــــــوق *** عزالله اني واحدن مع صديقـــــــه
والكبسة عندي هي ترى غاية الشـوق *** لاصار مدخلها مشين يعيقـــــــــه
وياويلي يامندي معـلق ومشــــــــنوق *** لاصار له تشريح وفحصن وويقــة
وترى الجريش يلطس الجوف من فوق *** وابي السليقة لو تجيبو الطريقة
ويازين اكل الاقط طازج ومسحــــــــوق *** لاصارت ايامي صعيبة وضيقـــة
واشرب حليب النوق لا صار بي عـــوق *** وابعد عن البطنة واجنب طريقــــة
واقرب من الحمص الا صار مبــــــــيوق *** واحرص على خبزة وجبنة عتيقة
وياناس انا في خاطري زود طــاروق *** لاشك خطركم عساها تطيقـــــــــــة
والخاتمة صلو صلاتن بـــــــــــــها ذوق *** على محمد حبنا ياخليقـــــــــــــة

.

ثامر · #2 01-01-2008, 02:45 AM

ههههههههههههههههههه

ماشاءالله عليك أخوي ابوالهجاء وفيت وكفيت

جميع الأكلات والطبخات ذكرتها هههههههه

بس تكفى وش تبي في الحمص لا صار مبيوق

ههههههههههههههههه

وتسلمو

أبوعلي · #3 01-01-2008, 11:50 AM

أضحك الله سنك ياأبا الهجاء

وأضحك عدوك من الجنب إلى الجنب

مرحبا بك أخي الكريم

قصيدة فكاهية جميلة جدا

جمعت أصناف الطعام

وما لذ وطاب من الأكلات الشتوية والصيفية

قمة البراعة والروووووووووووووعة

لا هنت ولاعدمناك

هموووووووسة · #4 01-01-2008, 12:10 PM

يسلموووووو على القصـيـــــــــده

hamad6725 · #5 01-01-2008, 04:58 PM

ابو الهجاء تحية لك ماشاءالله عليك قصيدة جميلة والاجمل الصور الجميلة لكن وش اللى تحت البيض وش تقصد بالحمص المبيوق هل تقصد انك ممنوع من اكل البقولات والف شكر على المشاركة الجميلة

رنـــــد · #6 01-01-2008, 06:11 PM

اللهم صلي وسلم عليه

صح السانك اخوي ابو الهجاء

ماشاء الله قصيده جزله بالأطباق الشهيه

شي شي

الله يعطيك العافيه على هالمشاركه الرائعه

تحيتي لك

الجزوم · #7 01-01-2008, 06:33 PM

أخوي أبوالهجاء حلوة منك لكن تكفى أنا ما أحب البيض المسلوق

واحرص على المرقوق والأقط لكن ماهوب المسحوق

ظافر العتيبي · #8 01-01-2008, 11:25 PM

ههههههههههههه

والله ان اكلتها كلها سواء لتروح فيها

بس انتبه حبه حبه وعلى فترات متباعده
هههههههههههههههههههه

ابوالهجاء · #9 02-01-2008, 04:09 AM

السلام عليكم ورحمة الله وبركاته وبعد
تشكرات كثيرات على حضورك وطلتك البهية
اما في قولي مبيوق فالمقصد به ان يكون الحمص قليل الدسم ههههههههههههه قصدي قليل الماء.
اخ ثامر حاس انك تحب الجريش لاصار حوله مطبق وبجانبه قليل من اللبن على العموم صرح لي باشعـبـيـتك ( نسبة الى طيب الذكر اشعب ) وساكون لك ناصح امين في فنون وعلوم الضرب بالخمس .
اجمل تحية برائحة المرقوق اللي انت خابر

.
.
.
اخ ابو علي شكرا على مديحك المعطر بنسمات ليالي الشتاء الدافية حول السمر
شكرا على تشجيعك السخي
شكرا على حضورك وانتظرو ياجماعة الخيمة مشاريعي المتواضعة في هذا المنتدى ومنتدى المكاشيت والعلوم السفرة.

.
.
.
ياهموووووووسة ياهموسه ** اباعزمك على كوسه
ويبي يصير اسمك نوسه *** وتصبح دايم في سعادة
شكرا على تعليقاتك *** وثنكيو على ابتساماتك
والهدية ترا جاتك *** وجعلك دايم في عباده
اجمل تحية

.
.
.
شكور كثير على توقفك في محطة ابو الهجاء للتزود بالحساء
اخ hamad6725 اللي تحت البيض يسمى اساس علشان يدوكر المعدة مثل بوية السيارة تحتاج اساس قبل البويه الاساسية
اما مبيوق فالقصد منها قليل الماء
وعساك سالم ** وتصحى الصبح وتصير عالم
وتاصل بيتكم وتلقا الغداء والم ....بس اعزمني يمدحون غداكم ههههههههه لاتنسى

.
.
.
بسبس وبسبوسه ومعهم بـسيـبـيس *** زود الحلا فيهم تشقشق من الكيس
ويازينهم لاصارو وسط القراطيــــــس *** تاكل مع القرطاس بسبوستيني
اجمل تحية الك من ابو الهجاء محنك المرقوق والكبسة ..وفارس الايدام والخبزة... وشاعر المليون كفته ... اكال االسندويشات في كل الحزات ... ومهندس الكلمه لاصار به ولمه ...

.
.
.
اخ الجزوم اسطر لك اعتذاري ان البيض سبب لك حساسية من خلف الشاشة

وانشاء الله في القادم من الايام بتشوف قصايد فيها شين تحبه بالحيل مثل مثلا طبق الحلبة اللذيذ... او مرقة عكرة ضب
او
باشا ميل بالمعكروني ** ومنها اهلي احرموني
ونسوني مازوجوني ** وعساك سالم وعشاك والم
تحياتي

.
.
.
اخي الظافر جعلك تظفر باللي على بالي وبالك
ولا تخاف انا اكلي قليل مثل اكل العصفور

اجمل تحية

ابوالهجاء · #10 02-01-2008, 04:10 AM