للخيمة احلى القصايد. رفيع الذوق ومشاعر حالمه وابونواف

للخيمه الشعبيّه احلى القصايد = نهدي لها أول سلام وتحيّة
فيها العلوم الغانمة والفوايد = ونلقى بها كل الوجوه النديّة
وفيها السلوم الطيّبه والعوايد = وفيها النفوس الطاهره والأبيّه
نحبها حب(ن) من القلب زايد = يشهد به اللي قام بامره نبيّه
الله يحفظها من أشرار كايد = اللي جمعتنا ع الأخوه البريّة
من دار ابو متعب الى دار زايد= هذا غلاها يمكن اكثر شويّة
روادها كل(ن) عن الفين رايد = واعضاءها أهل الكرم والحميّة
يكفي ابو نواف لاصار قايد =وقيادته فيها حكم منطقيّة
الله يقوّيهم في وقت الشدايد= ويجعل محبتهم من الله عطيّة
فيها يطيبن العلوم الفرايد =ومن زارها يلقى الأمور الهنية