::|[ ديوان الشاعر / عبدالعزيز آل حمد السبيعي ]|::

يامحملين العفش بالله على وين =ماتاخذون الي طوى الهم حالة
انتم بني عمي كرام ميامين=ماهي علاقة مال ولازماله
نبغى نسج الساق صوب البلادين =صوب الحصان وماشمخ من جبالة
شمالك العارض وهاك الضلاعين =في واديٍ طلحة يضلل اضلالة
حبي لها من يوم حنا بزارين = في عيني احسن من جنيف وصلالة
ذي دار جدي قبل سن القوانين=ذي دارنا غصبٍ على كل عالة
ان كان حال الظرف عنها الى حين =يابوسعود انقل لربعي رسالة
ووصل سلامي مرجحين الموازين=ربعي رجال الطيب واهل الشكالة
واعزتي للي بليا عضيدين =غريب دار وقطعت به احباله
واسباب شيٍ يشغل النفس من حين =خفايفة عند المريح اثقالة
بدعت انا من زبدة القاف سبعين=سبعين قاف عارف وش مجاله
وان زدتها ياهل المواقيف بيتين=قلت اسمحولي يارجال الشكاله
ويالله تقديني على الخير والزين =لاصار فيه امراً يريد الاطاله
سبحان من بمره جميع الثقلين=الي خلق خلقة وغير حواله
واليوم عمري صار فوق الثلاثين=ولاعاد ندري كم بقا من لياله
ياخبل رجلٍ وصل فالسن سبعين =ماجاز عن ميله وخلا ضلالة
خل هل السنة وجمع المصلين=ماطاع ربه والرجيم استماله
الشهر راح ويلحق الشهر شهرين =وشهر بدا لابد نرقب اهلالة
ايامنا راحت ولا نا ابدارين =كلنا على الدنيا لزوم زواله
من غرته دنياه هذاك مسكين =يصحى ولكن ساعة الموت شاله
ويالله بفضلك يوم نشر الموازين =كتابي ابيمناي ماهي شمالة
وياعين كفي ماتهلين ياعين=دمعك نضب من جمة الراس ماله
ولا ودي ابدي خافي القلب تكفين=شي سببه الوقت ولاخباله
وانتي تعرفين السبايب وتدرين=من وقتي الي طقني اليوم جاله
من دورة الايام ذقت الامرين =والوقت بين خايبة من رجاله
بعض العرب لاتحسبنه على الدين =لا جت مواقف القسى شان فاله
وانا عرفت ان المواقف براهين=وجربت من يطري الوفا بالعمالة
شفت الرجال اصناف ماهيب صنفين =كل على ساسه تبين افعاله
والطيب قسم بين حضر وبداوين =العنقري قد قالها في مثالة
وهايبٍ من مالك الملك والدين =الواحد المعبود جلا جلالة
ولاهيب سلعة تنجلب فالدكاكين =يجيبها التاجر بمدت اريالة
والعد له يوم المواريد وردين =احد شرب لاحيق واحد زلالة
ويا ناشد عن حالتي والمضامين =تبغى الجواب وتحسب القلب دالة
عزاه ياقلب همومه ملاين=يخفي همومه داخلة عزتاله
اسهر وكل الخلق بالنوم ممسين=يوم ان راعي الكيف نثر ادلاله
كله سبايب وقتنا الي غدا شين=وقت تخالط عايجه بنعداله
مانيب مقهور ولانيب مسكين=ياوقتنا الي صار ترغي اجماله
الوقت لايصفي ولانا بصافين =ولاحد عن المكروه ماخذ وكالة
ماهمني عي تعين مطاعين=يفرح عليه لاهرج في مقاله
انامن اهل الكار والطيب والدين=امعرب مابين عمه وخاله
واحنا هل المدات فالعسر واللين=الرجل فينا مايشح ابحلاله
ذا طبعنا ماهوب جيل وجيلين =من وقت عامر وورثة في عياله
شي تثبته الكتب والدواوين = في صفحة التاريخ لاجا مجالة
وكان السبب يومي هويت اريش العين=عين الهنوف الي ذبحني دلاله
زينه زما زود على الزين بالزين=حتى بها الوصاف يضرب امثاله
ليتي عرفته يوم حنا بزارين =الي كسب فالزين تاجة وشالة
ومن عقبها معاد ندري على وين =هو في جنوب الدار ولا شمالة
كانه زعل نصبر عسى قلبك يلين=وان كان ظرف الله يعجل زواله
وياخوف قلبي لايطيع العذولين =اخاف غض العود شح بوصالة
اقولها يامنية الروح والعين=لانامو العربان يجلس لحاله
ماهوب انا الي يقضي الدين بالدين=ولانيب اطالب واحدٍ في حلاله
مير البلا من يحسب الحر له قين=المال غره وانخدع في جماله
والله من هم لحا الحال عامين=حمل شلعة القلب ثم ارتكا له
ياقلب يالي صار كنه فلسطين=مدري متى بالله يزول احتلاله
واخبر ضعيف النفس شذب المقفين=ولد العجوز الي ربا فالحثاله
كانه بعير الي خلق له سنامين=قلة ترا عند العريني اعقالة
عندي بحور الشعر من فوق تسعين=وحطيت من بحر ملكته اسبالة
شاعر مثبت حجتي بالبراهين =وفي وجه من يجحد كرمتو اتفاله
قريت وردي دون كل الشياطين =ولاتزحزحني وجيه النذالة
اثبت نفسي في جميع الميادين =ولا الردى واجب علي اعتزالة
طمحت للعليا ولا ابي المطامين =اشوق للعليا واعدي اجبالة
ولانيب احب الزود مثل المسمين =من دون ناموس وسيعٍ خيالة
يقولها الي مرجح للموازين=ماهوب ينقص شط دجلة ابياله
بعض العرب لوحط له بس بيتين=تقول كنة صار صاحب جلالة
وسط المجلة سجلوله عناوين=في صورته شفته مميل اعقالة
حطوه مابين البشاير وياسمين =وفي الصفحة الاخرى مليحة وهالة
منتا بشاعر لو تسوق الملاين =الخبل خبل ولا يفيده اخباله
وش فايدة شعر بليا مضامين =مايعلن الشاعربقافة نظالة
جزل المعاني حفظت اسنين واسنين =مثل الجبل طول الزمن ما ازاله
وبعض المعاني لمعوها الضعيفين =بنيت على جرفٍ سريع هياله
وختام هذي عد حمل البساتين = وعداد حبات الحصى في رماله
صلو على الهادي امام النبيين =على محمد سيد الخلق والة

على ذكرى الزمان اللي مضى لي هل دمع العين = تذكـرت السنيـن الأولـه والدمـع همَّـالـي
يلج بداخلي ذكرى ربوعـي والزمـان الزيـن = وفكري من هموم القلب وصدوف الزمن خالي
يورَّى في عيوني مجلس الشايب وبيت الطيـن = مداهيل الرجال اللي لهـم بالطيـب منزالـي
مجالسهم مجالس للشجاعـة والكـرم والديـن = تنومس راعي الطالـة وتغبـن كـل بطالـي
ماهي مثل المجالس ذا الزمان اللي قبوله شيـن = مغير السالفه وسط السياسة وأسهـم المالـي
أخذت بسجتي ساعة بعد مافقت مـدري ويـن = زواني هم قلبي عقـب جيـت الـدار بلحالـي
غدت عيد النخل صرعا وطاح السور والبرجين = تصدع وانهدم جنبه وزرنـوق اللـزا مالـي
ولاباقي سوا السدرة والأثله تبكـي الماضيـن = مع البركة وبرجستن حديـد مصـدي بالـي
تكلم عن زمان راح يوم المد عـن عشريـن = تريد ابه الثنا مادورت بـه قـرش وريالـي
زمان راح مايمكـن يعـود ودق فيـه البيـن = أنا مالي سوا الذكرى ولوهـي كـدرت حالـي
الايادار ويـن أهـل الكـرم واللابـة الوافيـن ؟!! = صورهم في عيوني ويــن ماوجهـت تبرالـي
الاياوقتنا اللي سم حالي فـوق عشـر سنيـن = على فقد النشاما كـل غالـي يتبعـه غالـي
بكيناهـم بدمـع حـرق الجفنيـن والخـديـن = ولوكان البكا مـارد لـي عمـي ولاخالـي
أنا وقفت من فوق القبر عقب العصر ياحسيـن = علامات الحزن فوق الوجيـه وصـرت مهتالـي
أسولف مع هجوسي وأنشد الخاطر بحين وحين = زمان أول لحقتـه صـدق ولا هـو يورالـي
بكيناهم وحنـا نـدري إنـا عقبهـم ماشيـن = تـرى دنيـا الفنـا ميقـاف منـزال وترحالـي
الا يالايمـي خـل الملامـه واتـرك التخميـن = أنا شاعر وأعبر عـن شعـور دق فـي بالـي

من عادة الدنيا لها إقبـال وادبـار = كم واحدٍ قبلي شكى مـن عناهـا
وكم ليعت قبلي مشاكيـل وأخيـار = والنفس جاهـا يافهـد ماشناهـا
لابـد دورات الليـالـي بتـنـدار = ولاهي بنفس المرء تدرك امناها
ماهوب وقتك طايع لـك بتختـار = والكل جـرّب شرهـا وحسناهـا
ومن لا يحبك لا تعجب الـى بـار = واللـي يمـن بمدتـه ماثناهـا
ذقنا بها حلو المشارب والأمـرار = حمل الليالي لاظنت مـن ظناهـا
نجفل من الهزله ونبعد عن العـار = ونخاف من هرجة جبو ما كناهـا
ونحرص على الناموس ونقدر الجار = ونفوسنا كنـز القناعـه غناهـا
الضيف له واجب وحشمة ومقـدار = و نشب له نار يشعشع سناهـا
للحيـل ذبـاح وللحشـو عـقـار = واللاش عـادات العـرب مادناهـا
وأحب انا خوة هل الطيـب والكـار = زحول الرجال الي تعز قرناهـا
ولانكشف عيوب الرفاقه والاسرار = .ولو زل قلنـا زلتـه ماعناهـا
وفي هرجنا ما نأخذ يمين ويسار = ولانقرب أرباب الخنا فـي خناهـا
ولنا بـراس العـز بنيـان وأدوار = بيـوت عـزٍّ ضابطيـنٍ بناهـا
من خلقة الطيب على الساس مابار = ومن يزرع النبته بيقطف جناهـا
إطعن وتدي الناس لاشك الاخبـار = خذنا من أمثال القـروم معناهـا
واللي يحسبه ريح يلقى له أعصار = يروح وأرقاب العرب مـا حناهـا
ومن كان همه جمع قرش ودينار = يموت عجـل ولقمتـه ماهناهـا
وكم واحد آمالـه طويـلات وكبـار = دون الأمل نفسه قطعهـا فناهـا
هموم قلبي عرضتني على النـار = مدري متى تطلق سراح سجناها
ويالله عسى مثلي على الوقت صبار = لاشفت سادات الردى واعوناهـا

الله لايجعل عـزا القلـب رجـواك = حيثك خدعت القلب عشرين عامـا
كنت احسب الحب يازيـن يبـراك = واثرك تخادعنـي بزيـن الكلامـا
روح بحالـك وابتعـد مامنعنـاك = شمس الضحى بانت وزال الظلامـا
خدعت قلب بااول الوقت صافـاك = واخذ على حفظ المـوده اوسامـا
قلبي عن الخفـرات لاشـك بـداك = زوداًعلى حـب الظميـر احترامـا
ياليت ابوك ابيـق العهـد سمـاك = حيثه يناسب عن جميـع الاسامـا
مانيب انا الـي يتبعـك ويترجـاك = طرد المقفي فـي حياتـي حرامـا
هدمت قصراً داخل الروح ملفـاك = وامست مبانيه الطويلـه احطامـا
ويابنت حبي مادخل فيـه شكـاك = ولاخالطه سر الـردى والخمامـا
وكنت اتمنا شوفتك واتبع ارضـاك = وانته بعيني مثـل بـدر التمامـا
ولاجبت شي في محبتـك يشنـاك = خليت لك بيـن العـذارء مقامـا
اخلصت لك والغير بالغدر وافـاك = وردت روحـي والعـذارا حيامـا
وثرك عطيت الود هـذا وهـاذاك = تلعب على الحبليـن ببـلا ذمامـا
هذا جزا الي صافي الـود كافـاك = طلعت بك فالروح مرقـا اشمامـا
تراك من خليتك دربـك ابلامـاك = بترتهـا بتـر الحبـل بالحسامـا
جاك الغرور ابتالي الوقت واعماك = واهل الحكي غروك واهل النمامـا
والله مابكي فقد مثلـك وشـرواك = لوكان جرحـك داخلـي ماتلامـا
وان كان ماساسك عن الغدر ينهاك = حنـا خلقنـا الله بفضلـه نشامـا
وانا كسبت الطيب ماهوب يخفـاك = عقبك وقبلـك مالحقنـي ملامـا

يقطعك ياحـب مـن اليـاس يدنـي = كان الامل مير اتضح باخـره يـاس
ياذا السـرب الـي بقاعـة لهدنـي = وقت الضمى يخدع والارياق يبـاس
ياذا الخيال الـي بوصلـة وعدنـي = حتى ربطت اعروق قلبي بهوجـاس
ياذا الجواب الـي عصيـرٍ وردنـي = ماسمجك عذرٍ واهيٍ ماله اسـاس
مدري عقد له صـرف ولا عقدنـي = سحر العيون وريق مردوع اللعاس
امـا صبـاح الهـم ولاهجـدنـي = ولا تولجنـي وانـا داخـل النـاس
وان جا من العربان حـي نشدنـي = اقـول طيـب واحمـد الله لابـاس
لاشك حضي فـي هواكـم قردنـي = اقرد من الي مات من رمح جساس
مجنون ليلـى فالهـوى مافندنـي = ماذاق ذقنا من غرابيـل وعمـاس
سري عطيتـه صاحبـي وانتقدنـي = وانا شربت المر كاس عقب كـاس
عنيـت لـه لهـو يبينـي وجدنـي = ولازهم ياخذ مـن الـراس لـراس
من حبنـي لاغبـت يـومٍ فقدنـي = يطري على باله ثمانيـن وسـواس
الله مـن هـم بجوفـي وقـدنـي = صدري غدى مع شعلة القلب مقباس
هـم يحدربـي وهــم صعـدنـي = همٍ وطا ابو دباس من فقده ادبـاس
والله لـولا صبـري الـي رفدنـي = ان كان طحت اكيد من دومة الراس
وان كان مخلـوق بحبـة حسدنـي = لايخدعك عقد لمع تحسبـة مـاس
علي لنسـا واجحـد الـي جحدنـي = عهدٍ وانا ابن سعود قطاع الارماس
دام الملحـد فالـحـد مالحـدنـي = ماذل نفسي لو على قطع الانفـاس
مافيه حيٍ فـي رصيـدة رصدنـي = بالذل والا المرجلـة مالهـا قيـاس

ابتدي بسم الله الرب والفرد المجيب.=رحمته لا خطيت لا شك غاية مطلبي.
فاز من يطلبك عونك بصدق ما يخيب=يا الاهي لك خظعنا وسقنا المركبي.
شبت الغيرة بنفسي ولا غيرك حسيب=أنت حسبي مع ملاذي وعفوك مكسبي.
(((من زمان اصبح الحق فالعالم غريب=الامانه والحقيقة تهان وتسلبي.
كل شي صار يحدث بها الدنيا عجيب =ولاتعدت حدها في الملا ماتحسبي
ياهل التوحيد والدين يا سقم الحريب =كيف يطعن في محمد صليبين غبي
انت يا نسل العواهر وملاك الزريب=انت جدانك امنول لجداني سبي.
انت ياكـلب الدنمرك والوجه الغضيب=القداسه والطهاره ابد ماتسلبي
بلغو نسل الصليبي وعباد الصليب.=تبت أيدين الصليبي وتخسا وتهبي.
اذهلتني حملة الغرب في جاه الحبيب=الأراذل من محمد نبيي وش تبي)))
يالرجال اهل العقيدة هل الغيرة نهيب= كلنا تيار واحد ودين ومذهبي
والله انا دون عرضك فدا شب وشيب=دون عرضك ترخص الروح واهلي ونسبي.
لاتهاون لاتخاذل تر المطعن عطيب=كيف نرضا يشتم احمد فداه امي وابي.
ياهل التوحيد جرح الكرامة مايطيب=ارفع الراية على الكلـب لاكنت اعربي.
يانبي الخلق مايلحقك شك وريب=يامعينن باقين فالورا ماينضبي.
لوتغيب الشمس يبقا شعاعك ما يغيب= دعوتك فالكون شمس ابد ماتغربي
يا شفيع الخلق فالحشر واليوم الرهيب =مواقف مافية جاه ولابه منسبي
ما كتبه الكلب لوهو تعداه الرقيب=عندها ناقف ولو كان جيناها حبي
دام سلعتهم مكاييج واجبان وحليب=قطعوها واتركوها سلعهم مانبي.
ولا نبي منهم مدرب ولانبغا طبيب= كيف نبلع مثل هذي عقب سب النبي
ياهل التوحيد قومو ترا الموقف عصيب=كل نفس عند هذي تثور وتغضبي.
يوم جاكم من هل الدين والدعوة نديب = دون هذي ما ندور ملاذ ومهربي
والله ان الرأس من هول ما قالو يشيب = طار حلو النوم معها وكدر مشربي
اصعب الصعبات هذي ولافوقه صعيب=انت يالي تفهم الوضع شايب مع صبي
وادي حول من الضلع والجاري جذيب = لاسكتنا باكر السحب جتنا تسحبي
كلنا نفداك يا احمد ولافينا غريب = من نطق بسم الشهادة وبمحمد نبي
كلنا نفداك يا احمد خسا الغرب الذهيب = دام انا مسلم موحد فيا كيف اكذبي
صار في صدري من الوضع والصاير حطيب=ونارها فالصدر بالله ياكيف تخبي
وكان هاذي ماله عند من يفهم مجيب=احفروا قبري وحطوا على القبر انصبي

حتيش لو ماتت ديانا وبكهام = ولوهو يموت في كل يوم انجليزي
الحمد لله ماختلف شرع الاسلام = ولايكدر صفونا يالعزيزي
اقولها تاصل بني حام مع سام = اقول عادي تفهم الغرب بيزي
والله مانبكي معاينة الاقدام = الي الى ربطة لك الله تبيزي
مير البلا لو كبرو وسط الاعلام = صورته ربع العلمنه والدزيزي
واحنا فقدانا العام مع اول العام = خطاب ثمٍ راح عبدالعزيزي
وايضا فقدنا كل ليث وضرغام = في دار دجلة ولد عم وعزيزي
ذولا بنبكيهم على طول الايام = الي رسو في وجه بوش وبريزي

هجوس قلبي بظلوع اسنحتني = داجت ولاجت وافضحة كل ماكان
عافت عيوني نومها وسهرتني = امسي بجوعي واقضي اليل سهران
صدا المشاعر داخلي جاوبتني = وانهج قفله وانفتح عشر بيبان
حاولت ابمنع دمعتي وافضحتني = باحت خفايا ظامري مثل ودان
بغيت انا انكر حباها وحرجتني = ونهر ت قدام الحقيقه وماكان
ولي ونت بين الظلوع احرقتني = وسط الظماير ولعت مثل نيران
لوكانه بلحب ماكلمتني = مير الرسايل بينت كل عنون
قبلك صواديف الليلي سبتني = والجرح نقظته وعقب الخفاء بان
قبلك سهوم ايامها وسمتني = وعقبك غديت امخرق(ن) مثل نيشان
وهموم قلبي عقب ذيك اصرمتني = صرم المزارع ياحلو حمل بستان
غيرك كثير الشكال ماحركتني = ولانت هزيت المشاعر والاركان
نفس المشاعر والغلا بادلتني = تشبه كما وضحى عقب ولد عجلان
جميع حاجة وان وطتكم وطتني = بالك تظن اني ابراحه وطربان
بالحب ياهل الحب ماجاملتني = معي اعترافه واظحن والغلا بان
امنع دموع(ن) غاليه عذبتني = دمعك عزيز ولوشربها الثرا زان
عطفك وطيبك والهروج اجذبتني = حتا بنيت ابظامري قصر دسمان
ياليتها بالحب ماصرحتني = ولاسرابي هاجسي قلت غلطان
ياليتها بين الشكوك اتركتني = اخير من قطعت شكوكي ابثبتان
وياليتها بالحب ماذكرتني = عهد مظا لي بين لوعات واحزان
باهي اوصوفك والحلا ماغبتني = الزين خذته بين غلباء(؟؟؟؟)
وشلون لوهي ياعرب قابلتني = وشلون لوكنا قرابه وجيران
وشلون لوهي من ثمانن سقتني =وشلون لوهو عايش ابنجد سكان
هذا وهي فالبعد كيف اودعتني = اشبه كما طيران تحت حكم بزران
قعدة مده كلمته عقولتني = مهموم عاجز تايه الفكر حيران
حاولت اخفف وقعها ومزاعتني = معها تحرك كل عرق وشريان
حتا بمجلس لابتي زاحمتني = ولك صورتن تعرض على العين بالوان
رسايله ياولد ابوي ابهتتني = الحال يابندر من ايام تعبان
اربع ليلي حاجتن كاتمتني = ماشفتني لي مدة ايام قلقان
ماكنت يمه واليال اجمعتني = معها وصرنا من وراء الوقت خلان
حبيتها حب(ن) ومثله عطتني = حب(ن) شريفاً راجح كل ميزان
افرح الامن الرسايل لفتني = فرحة غريب شاف ربعها ولاوطان
الحب صدفه وليلي رمتني = في بحرها واصبحت فلقاع قرقان
عزالله الي بالغرام اذبحتني = هدت قواي الراسخه نجل الاعيان
ياليتها بالحب ماذكرتني = عهد مطالي بين لوعات واحزان
الحب بلوا والظروف اشبكتني = جيت اتخلص مير ماحرزت يااخوان
بغيت ابيح والعهود اوقفتني = طبيعتي مانيب بايق وخوان
وعقب الصراحة بالوداع اطعنتني = طعنت صويباً صايبه رمح راكان
بغيت وصله واظروف امنعتني = اربع ظروف وضحة دون نقصان
ماابغا اجرح الي بالغرام اصدقتني = من خصني بالحب عن غيري انسان
ولاابغا احرج الي ساعة(ن) حسستني = ان لي بقلبه عن جميع العرب شان
يابنت لوهي بالهوا مانحتني = لجزم على حبك ولو كان ماكان
ظروفي الي تعرفين ابعدتني = وحاولت اوقف رغبتي قدر المكان
والله لاشيل الحمل من فوق متني = وعسا الولع يمحاه ربي بنسيان
يابنت ابصبر لو هروجك برتني = وليت العلاقه بينا ربع واخوان
هذي معاني قصتن تابعتني = وارجو السموحه وان حصل بعض نقصان
هذي معاني قصتن لوعتني = خيل يليعها جري ولد هملان
هذي معاني قصتن مرعبتني = مثل الذي ناشه على السائق ثعبان
وياليتاها بالحب ماصرحتني = ولا طرالي هاجساً قلت غلطان

ياشوق قلبي عالي الرجم من عداه = يبكي حبيبه كل ماحل طاريه
جاوب حمام الورق وان جاوبه بكاه= سكاب دمعه مثل هطال وسميه
ولاذكر حلو النباء يومني وياه = صوته يسليني صباح وعصريه
قد طافني في مامضى والحسين امداه = حظك امدوبر يالعيون الشقاويه
مكبرك جرح لو مضى الوقت ما يبراه = وسط الظماير مثل طلقات ناريه
يبست عروقه مثل تينن على مسقاه = عقب شيلة اغروبه وطاحت سوانيه
قالو تصبر قلت انا الصبر كيف اقواه = ياكيف انااصبر عن هنوف سبيعيه
قالو بتنسى قلت انا الحلو كيف انساه= لاشك نسيانه فلا حاصل ليه
قالو تداوا قلت عند الوليف ادواه = طب الدكاتر مانفع واستشاريه
قالو تصبر كم عقل الغرام اغداه = كم واحداً قبلك لحى الحب خافيه
قلت اسمحو لي مير يابعدها بعداه = كفو نصايحكم غدا القلب في غيه
روح مراح امقيط في مامضى ورشاه = عقلي الامنه ذكر ماضي ليه
من فوق وجهي زايد الحزن ماتقراه = لوقلت ابنسى صفحت الهم مرئيه
عدا على حالي حسين النباء وارداه = واصبحت مثل الي وقع ساعة الهيه
من لام مثلي عل رب السماء يبلاه = يبلاه رب الخلق بلوى سماويه
ياخوي دور مالك القلب لو تلقاه = رح للكويت ان كان خلا السعوديه
انت الذي عقله على الطيبه قداه = فيك الشجاعه والكرم والشهاميه
انت الذي سري على اهل الحكي مبداه = يحرص على الناموس مقفي عن السيه
والى لقيته خبره ثم هات رداه = يعقوب دوا علته ريح غاليه
قصدي الازاد العنا والهيام القاه = ابحفظه عندي على الطول عاريه
ياخوي كل البيض يابن ابو ي فداه = وانت الذي مايلحق اخوه بزريه
فازين محداً في بنات العرب قاداه = في وسط عيني حطها الرب حوريه
هذا برايي والعرب كل مع مشهاه = لوقيل مخطي قلت ماشفت انا زيه
ياشوق قلبي عالي الرجم من عداه = يبكي حبيه كل ماحل طاريه