۩۩ ربعي عتيبه رمز الامجاد غزه ۩ وهرجي فلا يحتاج قول وبرهان ۩۩

يالله ياللي خافقن لي يهزه=اللي بذكره ينطرد كل شيطان
ياواحدٍ للمسلم يزيد عزه=يديم جمعتنا على الحب اخوان
ربعي هل الطولات رمز المعزه=اللي لهم في سلم المجد سلطان
اللي يجينا واجب انا نعزه=واللي رحل يبقى عزيزٍ وله شان
لامن لفانا ضيفنا نفزز فزه=نفرح الياجانا من الناس ضيفان
ربعٍ لياجا الجد عزمه يهزه=أفعالهم تظهر على كل ميدان
ربعي عتيبه رمز الامجاد غزه=وهرجي فلا يحتاج قول وبرهان
واللي شقاه الوقت والضيم لزه=يبشر بعزه لانتخى قال عتبان
ومدحي لهم لو هو على كل حزه=ماينقص الثانين لو كان ماكان
في ظل من حبه على الدوم رزه=برواحنا نفديه حضر وبدوان
مليكنا اللي راس الارهاب جزه=واصبح بلدنا ينعم بأمن وآمان
وعضيده اللي للوازم يكزه=يبقى ذرانا من عنا الوقت لو شان
وختامها باعداد نبت ونزه=صلوا على المبعوث للأنس والجان