::|[ ديوان الشاعر الداهية / محمد بن جار الله السهلي ]|::

( اصعب سؤال ) اللي جوابه للأسف مثله ( سؤال ) !! = ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكرك ذيك الليال ؟ ) = كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محال !! = لكنها صارت كذا ! واللي (( اهم )) اني دريت :
ان الحياه فبعد احبابك اذا جف الوصال = اتعيشها لو تقتنع انك خلااص اصبحت ( ميت !!)
يا صاحبي لو كل شي يمر بالخاطر يقال = ما كانت العبره تــــولجني اليامنك طريت ؟!
شفني قدرت احبس دموعي بس ( دمع القاف ) سال = ويا كبرها ساكت ولكن داخل اوراقي بكيت !!
عمر الحكي ما كان دافي لاابتدى بقولة تعال = لجل اتجاهل رجفة حروفي اليامني حكيت ..
الحال في بعدك قسم بالله ما اسميه حال = انوي على الضحكه واحس كلي خطا لاني نويت ؟!
اتصور انك من رحلت اشوفك لجسمي ظلال = لا شفته امشي ببتعد واثره معي مهما مشيت !!
مدام يعني في بحرك لفرحتي مليون جال = وش فيه موجك ما ركد ؟ قربت اموووت وما رسيت ..
يرضيك ما عادت معي تفرق اذا جالك مجال = لاني اقتنعت انك نهايه واني ببطي ما بديت !!
صرت ( اعقد حجاجي ) اذا جابوك باطراف الجدال = وانا قبل لاقالوا اسمك كني : ميت ثم حييت ..
تعبت اعيش الدور وافتح للمعاذير الخيال = واتخيل اني جيت في بالك وبانك استحيت ..
وتردلي كلك (( وله )) وتقول : ( كن البعد طال ؟ ) = ومن الفرح ما عاتبك واقول : ( ياخي مابغيت ! )
حتى وانا تخيل حشمتك ! لن قلبي لا يزال = يكرر اسمك داخل اعماقي بنبضه لا سهيت ..
قلي شسوي فيك ؟ وانت بداخلي اصدق مثال = للحب واحساس القصيد ان عانق الليل وسريت ..
ربي يصبرني على الفرقا مدام الحظ مال = وانت بيجيلك يوم تعرف ليه في بعدك شكيت ..
واذا بلاك الله وعذبك اشتياقك (( بس تعال )) = واقرى القصايد في غيابك كلبوها بيـــت ... بيـــت ..
بتدرى ان ( اصعب سؤال ) اللي يجي رده ( سؤال ) = لا قلتلي ( وش ذكرك ؟ ) ثم قلتلك ( متى نسيت ؟ )

البارحة من حزنها ضاقت جماهير الهلال = وأنا على شان الهلال أشعر من البارح بضيق
شاعر ولاأدري ليه ماجاله على شعري مجال = وأنا أعشقه عشق الملوك لخدمة البيت العتيق
أشجعه من قبل لبسي للعمامة والعقال = ويصير شعري عقد من لولو وياقوت وعقيق
بدت علاقتنا من أيام الغزو والإحتلال = يعني هو : أول حب وأول تجربة وأول رفيق
أجامل أحياناً لكن اليا أشغلوني بالجدال = ابلا تردد أتمادى عشق وأولع حريق
أعلن " هلاليتي " وأماريبه على روس الطوال = من قمة الضلع المويق لقمة الضلع المويق
مع إحترامي للجميع من الجنوب إلى الشمال = يبقى زعيم الأندية والمجد والصيت العريق
ماكنه إلا إبداعي بقصيدتي " أصعب سؤال " = من بحرها لأفكارها لإحساسها العذب الرقيق
سؤال لايمكن يحلونه ولو طال المطال = لو يحذفون إجابتين ويستعينون بصديق
كن المحال يمر موسم فيه ماحقق محال = وهذا هو اللي صعب نرضى به وفينا مايليق
ياليلة الجمعة تغيرتي على كل الليال = فيك السعادة مرت وتاهت وظل بهاالطريق
بين الضياع وصدمة الموقف وحسرة إنفعال = وصدرٍ يضيق به الزفير اليا تقفاه الشهيق
اغتيلت الفرحة عبث باللخبطة والإختلال = كنها المحيط اليا انتحر موجه على جال المضيق
ومن قال لي وشلون والا كيف صار الإغتيال ؟ = أقول له وأنا أبتسم من شدة الحزن العميق :
جانا " بكيتا " من فشل أبوظبي والمونديال = واللي محطم منتخب سهلة يحطم له فريق
وأنا قسم بالله مافيني على الصبر إحتمال = بارد على عد الأماني وأرتوي وأبل ريق
ياودِّي أتجرد من الواقع وأسافر للخيال = وياودِّي أغفى " خمسه وعشرين عام " وثم أفيق
ويصير ذاك اليوم لامن فقت رئيس الهلال = " راشد بن عبدالعزيز " المجد والفعل الطليق
وأنا أشهد إن لامن ترأس مجلسه نسل الرجال = صار الهلال بوقتها فريق عن مية فريق

يا كذبها قولت : ( ترى الناس للناس ) = والسالفه مـا عـاد تحتـاج تفكيـر
اما تصير بموقـفٍ يرفـع .. الـراس = ولا عساهـا مـا تحقـق ولا تصيـر
قد لي ثـلاث ايـام حايـر ومنحـاس = الحال ما به خير واقـول انـا بخيـر
خايف تشمت عـاذلٍ فيـه وسـواس = مهما تصاغرنـي يحـس انـي كبيـر
من زود همي ما جذب عيني انعـاس = كن السهر ( حاتم ) وجفني ( مسايير )
كـل النتايـج تعترفلـي بـالافـلاس = واضحك على نفسي واسوق التباشيـر
يا حظ ليتك تحشـم معـرّب السـاس = ما كان جاني منـك.. زلـه وتقصيـر
مابيك تغرينـي بضحكـه ومجـلاس = لو القناعه كنـز عنـدي انـا غيـر
لا ماقتنـع بالطيـب بحـدود وقيـاس = يكبر فعيـن الغيـر وبعينـي صغيـر
وان قلت شوف فلان يحطب بلا فـاس = بقول : ( لو به خير ما عافه الطيـر )
هذا وسجل يـا قلـم فـوق قرطـاس = ابيـات مـا ودي تمـر دون تفسيـر
اللي يبـي صيـتٍ وذكـرٍ بنومـاس = يقضي حياته مـا يحسـب المخاسيـر
واللي يشوف الصح في فعل جساس = بتشوم نفسه عن فعـل سالـم الزيـر
واللي ما حاش المجد بالدرع والطاس = ما هي بعيـده.. لـو يـذم المناعيـر
واللي ما تطرب نفسه لفزعة ( دباس ) = من دون فزعاتـه يحصـل معاذييـر
يقوله اللي فـوق خشـم الخطـا داس = وطويق ما يشرهه على قاعت البيـر

ألا انت سولف لي عن احوالك وخل عنك القصيد = يعني وش اللي فـي غيابـك راح اقولـه واكتبـه ؟
شعري .. على حطة يدك !! في غيبتك ما من جديد = البيت من قبـل اكتبـه .. افكـر انـي اشطبـه !!!
دامـك تعـرف ان الشعـر لا يقنعـك ولا يفـيـد = استوعب حضوري ! وهـو انسـآآه لا تستوعبـه!
ركـز معـي .. الله يرضالـي عليـك ولا تـزيـد = الهـم هـم .. وعدّنـي ضيـف ٍ نويـت توّجـبـه
ما ابيك من بعد الجفـا ترجـع لـي بقلـب ٍ بليـد = حسسني بشوقك ! ودمعك مـن عيونـك اسكبـه !
ضيّعني بشهقة بكاك .. وجيب فيني ألـف عيـد !! = بحكيّـك اللـي حافظـه ولا عـرفـت ترتـبـه !!
هـي كلهـا هالساعتيـن وعقبهـا ببقـى وحـيـد = لا تشح بشعورك علـي ّ ولا اتمـادى !! وانتبـه :
لا شفتني سجيت ( عنك / فيك ) جوّدني من ( إيـد = قلبـي ) ووصلنـي لقلبـك برضـاه او اغصـبـه
هذه سنه ! ان ما سكنت القلب ! مسكنك الوريـد ! = ونفس السنه مرت ! وحقي فيـك ضايـع واطلبـه
يـا آدمـي مـدام نظراتـك باحاسيسـي تشيـيـد = لا تترك ( اسألتي ) تموت ولا لقت بك ( أجوبـه )
ليه انت راضي بالعناد ؟ وبالرضى تصبـح عنيـد ؟ = ليه اتساهـل بالجفـا ؟ ليـه الوصـل تستصعبـه ؟
وليه اتمنى الموت في بعـدك واحـس انـه بعيـد ؟ = وليه اشعر ان الموت في لحظة وصولك ما اقربـه ؟
وليه اعتبر نفسي إذا ذبحني شوقـي لـك شهيـد ؟ = ولا انت حتى الشـوق لا ردك علـيّ تستغربـه !!
جاوب وريحني !! أو انسى كل شي .. ولا تعيـد : = سؤالك عن شعر ٍ شطبتـه مـن قبـل لا أكتبـه !!

إستريـح شـويّ .. واسمعنـي ثوانـي = بعدها مسموح .. قول اللـي تقولـه ..
جيت لك والقلـب ماهـو بالمحانـي ! = شف قبل لوصلك سابقنـي وصولـه !!
ووالله ان لو لا الغلا مـا جـاك عانـي = يا بعـد منهـم بكولـه و ضحكولـه ..
عاشقك سـوّاح !! وعيونـك موانـي : = اخذني ّ .. من الحزينه .. للخجولـه !!
أبتسم خلنـي افضفـض لـك عشانـي = الحكي غصن ٍ عجز صوتي يطولـه ..
تعقد احجاجك وتعقـد لـي لسانـي !! = المطر يـا غيـم ضميّـان لهطولـه !!
خاطري مكسـور مـن قسـوة زمانـي = وانت ( كنْك إياااه ) وفعولك فعولـه !!
تعتبرني .. شخـص مغـرور وأنانـي = واعتبرك .. الكون في عرضه وطوله ..
آآه لـوّ تحـسّ بـجـروح الأمـانـي = كان مـا تزعـل علـي ّ بهالسهولـه !!
حط ( عمرك ) يابعد ( عمري ) مكانـي = وان لقيت قصور ؟؟ قول اللي تقولـه ..
وأنتبـه يـا سيّـد الغـيـد الغـوانـي = التشّـره والمعاتـب لـه أصـولـه ..
لا تساومـنـي ولا تـجـرح كيـانـي = كل شـي ّ إلا ّ الكرامـه والرجولـه !!

لا غشاك الليل واسرف بـك الحـزن العميـق = جنّـب وجيـه البشـر واسـجـد لخلاّقـهـا
ادخل بغيبوبـه مـن الهـدوء .. ولا تفيـق !! = وراود دموعـك علـى عينـهـا واحداقـهـا
خل روحك تدّرج !! من زفيـر اليـا شهيـق = دمعـة ٍ لحضورهـا .. دمـعـة ٍ لفراقـهـا
كـن دمعـك وقتهـا يغسلـك ويبـل ريـق : = وجه الارض !! وينتزع روحك من ارهاقهـا
رتّب انفاسك !! ودوّر علـى نفسـك طريـق = واستـرح بيـن الحنايـا وفــل ارواقـهـا
راجع ذنوبك على اقل من مهلـك .. وويـق : = شــوف وتفـقّـد معاليـقـك وخفّـاقـهـا
الحزن : دافـع قـوي للرجـال .. ولا يعيـق = غيـر نـاس ٍ تخلـق وذلّهـا فاعناقـهـا !!
الشقيـق يدعّـم الـذل فـي اخـوه الشقـيـق = والبضايـع تختلـف باخـتـلاف اسواقـهـا
وانت حاضـرك يتفاخـر بماضيـك العريـق = شجـرة ٍ عجـز الزمـن لا يحـت اوراقهـا
كنْه شمس مـن الذهـب والجواهـر والعقيـق = كل صبـح يلامـس المجـد نـور اشراقهـا
وكان عزمك ما رقـى قمـة الضلـع المويـق = ما انت لاقي ( عـز ) فـي جلالهـا ودقاقهـا
نوّخ ركابك .. وشكّـل مـن اشكالـك فريـق = الرخامـه فـي تزايـد عــدد عشّاقـهـا !!
الاسامي حمل !! واللي حمـل مـا لايطيـق : = شـاه ودك للصفـاه الضحـى تستاقـهـا !!
العـرب مـا تبغـي الفخفخـه ولا البـريـق = تبغـي امطـار السحـب ماتـبـي برّاقـهـا
لا تحسـب المرجلـه : زول ولسـان ٍ طليـق = الرجـال رجــال : بافعالـهـا واخلاقـهـا
افـرد اجناحـك مـدام السمـا تبغـى عشيـق = اغتسـل مـن غيمهـا وفـج كبـد افاقهـا !!
خل اخوك الصبر !! واعجابك بنفسك صديق !! = واعتنـز بالله كفـيـل البـشـر وارزاقـهـا
لا تفكر في هـل الهـرج لـوّ شبّـوا حريـق = الكـلاب مربّـطـه لا تـحـل وثاقـهـا !!
وكان صدرك من خباليـن خلـق الله يضيـق = والله ان تبطي ضلوعـك بضيـق خناقهـا !!
وان تغنيـت بشعـر فـي فعولـك مـا يليـق = نقّـع جـزال القصايـد وبـلّ اوراقـهـا !!
لا تكلف نفسك ( بزوبعـة جـال المضيـق ) = ( المحيطـات أربعـه ) والـدرّر باعماقـهـا
مادرى الشاطي عن الخـوف بعيـون الغريـق = ولا لعب فـي حسبـة النـاس غيـر اشواقهـا
فان دعاك الشـوق للـورد وانفـاس الرحيـق = اذكـر اجمـل سيـدات التـرف واعناقـهـا
المهاه .. الفارع .. أسطـورة الحـس الرقيـق = مـا ذبحـك الا غلاهـا وطـول فراقهـا !!

ادهم الليل موحـش دون خـل وخديـن = وابتلانى في ابوشيبـه وانـا ماابتليـت
مير يامدغـم انصـت للكـلام الثميـن = ودي ارثيك قبل تموت فـي كـل بيـت
اربع ايـام والهاجـوس بينـى وبيـن = لـذه النـوم والاحـلام وارض المبيـت
وليلة البارح اقسى من جفـا الوالديـن = بعدهـا مافرحـت وقبلهـا ماشكـيـت
علمونـي بموتـك وأنقطـع الاكسجيـن = وضاقت ضلوع صدري وأختنقت وسريت
جيت أودع محيا وجيـت اقبـل جبيـن = جيت ليتك تشاهد حالتـي يـوم جيـت..
يوم أشوفـك قـدم صفيـن متساوييـن = لابسٍ بشت عرسك وأسترحت وغفيـت
وجهك اطهر من احساس ودعا الخاشعين = ومثل بسمه حجاجك يومهـا مـا رأيـت
وجثتك ترتفع من فـوق غيمـة يديـن = جادت بغيث دمع عيوننـا وانـت ميـت
ياولـد عـم كـل ذره بجسـم الحزيـن = والله انـى قبـل لا افارقـك ماهقـيـت
بانه بامكان دمعي يجعـل القـاع طيـن = لين ماجيت قبـرك وانكسـرت وبكيـت
جعل منزلك منـزل الاتقيـا الصالحيـن = وجعل تغفـر ذنوبـك كلهـا كومبليـت

جمّـع اللـي ودك تقولـه وبعثرنـي عتـب = الملامه شي عـادي دامهـا منـك وجـاي
أنت تامر وأنا ألبي مـا تبـي بليّـا سبـب = بس كان لجيّتي خاطـر تلبـي لـي رجـاي
رجوتي لا تلحق اعيونـك مشاريـه الهـدب = لا تضايقـه بدموعـك والتفاتتـك وخطـاي
كل شي الا دموعك واعرف انك من شطـب = صفحة الطيش بحياتي وابتدا صفحة شقـاي
سق فديتك كل ما تملك من جنون وغضـب = وابشر بصدرٍ يضمك حيل دام انـك هـواي
ولا رويت عتاب ناظرني وقل طاح الحطـب = واسأل شرايك وابنسج لك من الأعماق راي
باتناثر لك رضا واحساس صادق مـا كـذب = وأنت رتّبني على كيفك وشكلنـي برضـاي
وان تلعثم حضورك ثم نطّقنـي لـك تعـب = حاول انك تسمع أشواقي وسط تنهيـد نـاي
اسمع دموعه وقرّب لـي وقـرّب وأقتـرب = واسألأ عيوني عن طيوفك وقصتهـا معـاي
كيف كانت في غيابك فجأه تطري واغتـرب = اركض لمنفى خيالي وارمـي الواقـع وراي
اوجدك ما بيني وبيني واسولف لك واشـب = ليلة حضورك قصايد تشتكي لك من عنـاي
آآآه لا منه بزغ فجـر الحقيقـه وانسحـب = طيفك اللي ساكن عيوني وضاقت بي سماي
وقتها ليتك تحس شعور من حظـه ضـرب = آخر آماله بعـرض الهـم والوحـده مـداي
اكتشف وشلون يموت الصوت برماح الطرب = لحظةٍ جيـت أتغنـا بـك وعاندنـي غنـاي
واكتشف كيف السهل فجأه يتحول لي صعب = لا نويت ابكيك ثـم أزريـت القابـي بكـاي
أقسم بربي وربك فينـي احسـاسٍ غصـب = كل كلي في غيابـك ينجـذب لـك ياهنـاي
ما نسيتك لو نسى التاريـخ أمجـاد العـرب = وما تركتك الا بين ضلوع صدري وبحشـاي
لأنك أكبر من غلا الشاعر لآخر مـا كتـب = ولأنك أقرب لي من سكوتي اذا عانق شفاي
ولأنك أول من تمكن بـي وعلمنـي أحـب = ولأنك الشخص الوحيد اللي يجي في مستواي
صاحبي جمع كلامـك ثـم بعثرنـي عتـب = والله أن كل شي عادي لا غدى منك وجـاي

تدور الأرض وتدور السوالف والسنين تدور= وأنا لو أعرف اللي راح ماني بعرف الباقي
يقولون القصيد شعور والشاعر بدون شعور = وأقول الله يعاقبني اذا ماهو من أعماقي
انا لو أكذب بشعري وقف نبض ويبس حنجور = وقادرأخسر الدنيا وعاجز أخسر أخلاقي
ولأجل عنق المها والصوت الأدفى والعيون الحور = وقف عمري ولاادري ويش انا من وقفته لاقي
قسم بالله .. ما قبلك غياب ولا بعدك حضور = ولكن ودي بفرقاك .. لو ماودك فراقي
تعاتبنا بما فيه الكفايه من ثمان شهور = وسالت دمعتين وطاح قلب وماتت أشواقي
تعدتك المشاريه وجفاك اللوم والمستور = إذا ما يكشفه صوتي كشفه الحبر بأوراقي
تعبت أضحك على نفسي وأبرر لك وأعيش الدور = وتعبت أجامل ظروفك وأصدّق كذبك الراقي
يكفّيني أغيب وخافقي ماجاك منه قصور = ويكفّيك اتّذكّر كل ليلة لهفة عناقي
تذكّر يوم أخليك اتباهى كبرياء وغرور = يوم اني اتحدابك وأخيب هقوة الهاقي
وتذكّر يوم أعذرك وانت لاصادق ولامعذور = أدورلك عذر وأصدقه وأكذّب أحداقي
وتذكّر يوم جيت من الحزن متضايق ومكسور= فرشت لك الضلوع وقلت لك ياسيد عشاقي
خذ اضلوعي وابن فيها يسار الصدر بيت وسور = ترى مافيه قبلك من سكن صدري وخفاقي
وبعد هذا رحلت ولا بقى إلا بيتك المهجور= وألا ياكبرها لا من رحلت ومنزلك باقي