هم طواني لنبض الحروف وابونواف

هم(ن) طواني وأشعل القلب بعده = لاجله عيوني عافت الغفو والنوم
شهم(ن) عزيز(ن) غايب الله يرده = أحدث بي الفزات دوم على دوم
هذا له أيام عديده تصده = سود الليالي ، أحزنت كل مظلوم
المشكله إني حزين لفقده = لكن عسى الغيبات ترحل والهموم
أحد(ن) يحبه مير أحد(ن) يصده = حسبي على اللي صيره دوم مهموم
شخص(ن) يودك ، وأنت مثله توده = طيفه تزاول لي على حزة النوم
الطيب طبعه ، والمروه تمده = بأفعاله الزينه غدا عالي القوم
ياعل ربي يا جماعه يذده = عن الذي في خاطره هم وغموم
ويرجع عزيز(ن) يسعد القوم مجده = شعره ونثره أصبح اليوم معلوم