::|[ ديوان الشاعـر/ رفيــع الذوق ]|::

هنئ القلب إذا القلب افتتن = هائما جذلان في حب الوطن
قل له يا قلب من تهوى ومن = تأسر القلب إذا ما الليل جن
ولمن تسهر عيني جهدها = وتعاف النوم بل تأبى الوسن
ليقول القلب إني عاشق = ومن المحبوب خوفي أن أُجَنّ
أعشق الأرض التي تهفو لها = كل نفس لم تطأطأ لوثن
إنها مهبط الوحي التي = حَكَّمتْ نهجَ كتابٍ وسُنَنْ
واعتنت بالقبلة الغراء لم = تتردَّدْ أو تساومْ ثمن
وأحاطت طيبةَ الخير بما = يستميل العينَ بل يسبي البدن
وأقامت صرحَنا الشامخَ كي = يطبع الذكرَ كريمًا لم يُهَن
أيها الطائر أبلغ حُبَّنّا = وترنَّم باسمه فوقَ الفَنَنْ
ذاك عبد الله أو قُلْ فخْرُنا = قل له الآنَ وبادِرْ بالعَلَن
يا زعيمَ العُرْبِ يا شمس الدُّنا = يا حليفَ المجدِ أو مجدَ الزَّمَن
يفخَرُ المجْدُ بكم يا سيِّدي = حينَ قلتم دونَ شعبٍ نحنُ مَنْ ؟
عهدكم عهدٌ رغيدٌ زاهرٌ = ذاكَ من فضلِِ إلَهي ذي المِنَن
ولكُم في كلِّ أرضٍ وقفةٌ = تغْرسُ الخيرَ وتُحيي ذا الشَّجَن
أرضنا أرض البطولات التي = كلُّ مَن عاشَ عليها مؤتَمَن
فاجعلوا مني لأرضي حُلَّةً = وإذا ما مِتُّ صارت لي كفن

أحبك يا بعد عمري = واحب اللي يحبونك
أذوب بشوفتك واطرب = واذوق الموت من دونك
أعشقك وانتي ادرى بي = واعذر اللي يعشقونك
عشان عيونك الحلوة = يموت الكل بعيونك
ولاجل علومك الزينة = تراهم حيل يغلونك
عطيهم فرصة وحدة = وشوفي ويش يعطونك
أحس بنشوة الفرحة =إذا صاروا يطرُّونك
ثلاث سنين مرت بي = وانا اللي كنت مفتونك
ومن زود المحبة صرت =اناديهم يشوفونك
ولاني خايف من يوم = يجونك ثم يخونونك
وبعد اعوام عادت بي =أمورٍ زادت طعونك
قصايد صارت بلوتوث = تخلي الكل ممنونك
وصارت لك معي قصة = وقوليها على هونك
رفيع الذوق مغرم بي = وغيرك مغرمٍ دونك
وقولي كنت تسري لي = بتالي الليل واصونك
أسامر ضحكتك واشرب =غرامي بضحكة سنونك
ولاني خايفة أهلي =إذا عندي يشوفونك
لأني كنت ولهانة = وشافوا عفة ردونك
ولو ماجيت تطلبني = أكيد انهم يخطبونك
توافق أو تبي أصرخ = واخليهم يصيدونك
وتصبح عندنا مأسور = ويمكن يا يعدمونك
ولكن وافق احسن لك = وغيض اللي يغيضونك
إذا وصلتهم اخبارك = بربي يا يحسدونك
نبي نكتب لنا الملكة = وندعي من يعزونك
ولي أمري أبو نواف = وأنت تجيب مأذونك
نبي يشهد على عرسك = حنين ونبض يكفونك
ونبغى صالة الأفراح = بحجم اللي يهنونك
وندعي عودنا الأزرق = وشيخة وش هي بدونك
وحتى انا نجيب الريم = وابو محمد يطيبونك
ولا ننسى أهل مكة = بما زمزم يمدونك
صويب الرمش واصحابه = تراهم ما يخذلونك
وسجل شاربة ديتول = مع اللي يا يلبونك
ومعها خالد محمد = وغيره يا يحيونك
وندعوا عايلة برقا = وكتكوتة يصورونك
وعندك شيخة الحلوين = تفاخر فيك وبفنونك
ولو تنسى مشاري أو = أم البرقع يورونك
إذا هبت ذعاذيع ٍ = وصارت تعزف لحونك
وتطربنا ينابيع ٍ = بصوتٍ يبري طعونك
وتطلع في منصتهم = تحيي اللي يغبطونك
وتغمز أنت للأدمن = ويفهم ويش مكنونك
ويعلن لاهل خيمتنا = وكل اللي يعرفونك
بأنك فارس الخيمة = وانا ادفع عنك عربونك
وساعتها رفيع الذوق = يردد صرت ممنونك
أنا واحد من آلاف ٍ = تمنوا لو يضمُّونك
أحس بفرحتي زادت = وانا أصبحت مديونك
أبي كل ٍ يسامحني = إذا خيبت مظنونك
أخاف اصير ما أصلح = وبعده يا يلومونك
ولكن أنتي ادرى بي = وأحبابك يعذرونك
نعيش بخيمة العزة = ولا فندق يذلونك

عذرًا نبـي الهدى جـفـت مآقيــنا = وسايَرَتها على حزن قوافينا
واستأسد الكلب في حقدٍ وفي صلفٍ = وأصبح الفارس المغوار مسكينا
وصار للكفر صوت بعدما انقطعت = أصواته بل وأضحى اليوم يرمينا
ياليته إذ رمى يرمي تفرقنا = ولا رمى عرض خير الناس هادينا
ذاك الذي ملأ الدنيا بسيرته =أكرم بها سيرة للحق تهدينا
ذاك الذي برأ الرحمن ساحته = وزاده الله في الدارين تمـكـيـنـا
ياخيـر من رأت الدنيـا بأكمـلها = نفديك بالروح من دعوى أعادينا
أغراهمُ فيك أن صرنا نسايرهم = فيما أرادوا فظنـونا الأذليـنــا
لايحسبونا سنرضاهم إذا اعتذروا = ما كل أمر به الأعذار تغنـــيـنـا
لو أنهم علموا ما قال سيـدنا = عن المـسـيـح لجاؤنا منـيـبـيـنـا
أو أنهم عرفوا ما قال سيدهـم = عن النبـي لـمـا جـاؤوه هاجـيـنـا
ولاستقاموا على منهاج ملـته = وصار دين الهدى في أرضهم دينا
وعاقبـوا كلَ أفـاك يشـوهـه = وقاتلـوا كلَ من يؤذي المصليـنـا
لئـن نسـيـنا بلا فخـر هويـتـنـا = فليـس شـيء لما قالوا سينـسيـنـا
ها قد رأينا نواياهم وقد ظهرت = لكل عين فليس الأمر تخـمـيـنـا
وكم سمعنـا بمـا قـالـوا وأرقـنـا = وما وضعـنـا على آذانـنـا طـيـنـا
يا أمة الحق عودي نحو سنته = هـي النجاة وقد خلنـاك تدرينـا
وزادكِ الله قربًا من شريعته = فهي الصراط فقولي الآن آمينا

لعل دمع(ن) هل من عين صابرين = يسيل دم(ن) من خفافيش بغداد
ملعونة الجدين بالشر ماشين = واللي يدقق ما لقى غير الاوغاد
يا شرطة الإجرام من وين ولوين = أخفيتوا الإجرام عنا ولا فاد
صرتوا عقب صدام سم وسكاكين = و الشر منكم ياالملاعين يزداد
جيش الخميني أصلكم يا ملاعين = وش عاد لو جرتوا على الشعب وش عاد
حطيتوا السنة مكان النياشين = والا الروافض مثلكم دوم باسعاد
مسكينة(ن)بنت عليها فراعين =العرض راح وحقها اسواط جلاد
يا صابرين المعتصم وين ومنين = نلقى زعيم (ن) يقطع نياط الاحقاد
لا والله الا كلنا اليوم صابرين =على المذلة همنا النوم والزاد
من يوم شفتك ما اطبقت مني العين =ولا تهنت عقب ما جاك برقاد
حنا جنود الله للعرض والدين = نفخر وتشهد فخرنا كل الاشهاد
إما أخذنا بثار صابرين بالحين = عزالله ان احسن لنا بطون الالحاد
مليار مسلم بس صرنا قليلين = من يوم صرنا بواد والدين في واد

ذخر اليتيم وتاج روسٍ منيـفـة = الحر الاشقر فوق الامجاد حايم
شوفه ربيع(ن) ما يجينا خريفـه = قـرم(ن) عـن الـناس الرديـين شايم
عذروبه انه حاز نفس(ن) خفيفة = وان جا مجال الفخر تزهى العمايم
نفس(ن) عن اصحاب المذلة عفيفة = مـا هي من اللي صـيـتها بالشتايم
يفطر على نيل العلوم الشريفة = وان ما تهيَّتْ يقْـضي الـدهر صايـم
بحر النقا ما ينشكى من غريفه = واطهر من اللي بالحرم من حمايـم
هني من سلمان يصبح حليفه = الـصــيرمـي الـلي لـه العـز قايـم
هذا عميد المجد وغيره عريفـه = لا صـار حـظ الناس بالحـيل نايـم
من جود جوده تحسب السحب ضيفه =مطعِم جياع السبْع ليل الصرايم
العفو عفوه لكن السيف سيفه = لا صارت الدعوى سواة الغرايم
عبدالعزيز ابوه راعي النصيفة = تمَّـمْ اخلاقـه قـبل ذبـح الـتـمايم
مشكور ياالسامر لفكرة نظيفة = ما لك بها في حب سلمان لايم
والنفس والله يابو راشد كليفة =عز الله اني بحب سلمان هـايـم

قالواتفضل قلت ابطلع من السوق = بعدين ابدخل داركم ياجماعة
سوق غدت للسلب والنهب والبوق = ماعاد فيها للمكاسب طماعة
مع سوق الاسهم كانت احلامنافوق = واليوم اخاف انا تجينامجاعة
واخاف عقب الجيب نركب على النوق = ونشوف كل مااقتنع في متاعه
اللي بقى بالسوق ماهوب مطفوق = واللي طلع ماله رجا بارتفاعه
لاتحسبون السوق قدشاقني شوق = و الظاهر اني ماادخله ربع ساعة
هني من هو مادخل زحمةالسوق = ببضاعة ياشينها من بضاعة
ماهي على اليمة ولاهي على الذوق = ايضا ولااحدن جالها عن قناعة
سوق مريض ماتخلص من العوق = مابه عن امراض الجشاعة مناعة
بعضه مثل مال المرابين ممحوق = واشوف خيره مابه الا لعاعة
قالوا قيادي وازعجونابهالبوق = بوق يحذر عن خشاش وزراعة
واليوم كل السوق مافيه ملحوق = جاك متنكس مالقى ادناة قاعة
واناأسأل اللي رازق كل مرزوق = يدعوه عبد قام بامره واطاعه
يرجوك وحدك مارجى ادناة مخلوق = يااللي اصطفيت الهاشمي للشفاعة
توفق اللي حاير بامر ذاالسوق = وتعوض اللي طاح سهمه وباعه

مهيب أنت حتى في الممات = لحق تلك إحدى المكرماتِ
كأن الناس قد هلكوا جميعًا = وأني صرت من ضمن المواتِ
أصيب القلب مني في خميس = بسهم قبل إدبار الغداةِ
فعاش القلب مني في ذهول = وصار الحزن ينمو كالنباتِ
فحينا هل مقال الناس صدق = كأني مؤمن بالنائحاتِ
وحينًا أستعيذ الله منها = كأني تحت كيد الساحراتِ
فلم أسمع مجيبًا عن سؤالي= ولما لم أجد كذبت ذاتي
إلى أن قالت الأنباء نعيًا = مضى ابن الباز مشهود الصلاةِ
فضاقت حيلتي واحترت حقا = على فقداننا شيخ الثقاتِ
ويوم الجمعة الغراء بنتم = وشر البين فقدان الكماةِ
خبت شمس المعالي والفتاوى= بفقد الشيخ محمود الهباتِ
سلوا عن شيخنا الركن اليماني = وعمن تحت أعناق النعاةِ
مئات من ألوفٍ شاهداتٌ = وكل الدمع حال الشاهداتِ
بهم غصت فجاج الأرض حتى = لقدضاقت بطون الطائراتِ
جموع ضمها حب ابن بازٍ= وحُبُّ الشيخ من أسمى السماتِ
قضى تسعين عاما في جهاد = ولم يترك سبيلا للبغاةِ
عطوف حينما تأتي إليه = كقيل باليتامى والدعاةِ
شفيع في وجوه الخير يسعى= إليها دونما أدنى أناةِ
جمعت العلم والتحديث جمعًا = أكيدًا ينتهي عند الرواةِ
فصرتم مرجعًا في كل علم = إليكم تنتهي كل الثقاتِ
توسطتم سبيل الرشد حقًا = ولم تأبه بأصوات الغلاةِ
ولم تدخل مِراءً أو جِدالاً = ولم تغتب ولا أهل الهناتِ
وحزتم حُبَّ كُلِّ النَّاسِ حتى = رأينا حُبَّكُم عند الولاةِ
زهدتم في أمورٍ زائلاتٍ = وصرتم خيرَ أصحابِ الفُتَاتِ
تمنَّى النَّاسُ أن يُهْدوكَ مَدْحًا= فلم تسمعه في حال الحياةِ
أما قد متَّ كم قالوا رثاءً = فما اسطاعوا رثاءً في المماتِ
أُسَلي الَّنفسَ لكن كيف أسلوا= وفَقْدُ الشيخِ إحدى الموهِناتِ
أُزيل الدَّمعَ عن عيني فتأبى = وتأبى نومَهَا عند السباتِ
وللقلب المصاب إليك شوقٌ = سما عن شوقهِ للغانياتِ
فقد كنتم لنا يا شيخُ حصنًا = حصينا عند كل المعضلاتِ
وقد كنتم لنا يا شيخُ درعًا = إذا سُلتْ سُيُوفٌ للعِداتِ
سلكتم للعلا مليونَ فجٍ = فأبشرْ كُلُّهَا نَحْوَ النَّجَاةِ
ألا إني وإن أكثرت قولي = مقل في رثا شيخِ الأباةِ
وإن ساءت ظنون الناس إني= أقول استبشروا فالخيرُ آتِ
ختامًا أسأل الرحمن خلدًا = لشيخي عند إكرام الهداةِ
وأن نلقاه في جنات عدنٍ = مع الهادي عظيمِ المعجزاتِ

كفى بك فخرًا أن تكون معلمًا = وأن ترتضي بالعلم كنزًا ومغنمًًا
لِيَهْنِكَ هذا العِلْمُ والعلمُ ثروةٌ =إذا حازها الإنسانُ لم يخشَ مغرمًا
سيفْقِدُكَ العلمُ الذي انت ربُّهُ = ويفقِدُك الأبناءُ يا من تَسَنَّمَا
تَسَنَّمْتَ ظَهْرَ المَجْدِ إذْ كنتَ فارسًا =وروَّضتَ خَيْلاً لم يكُن قبلُ أحجما
وأبصرتَ خيطَ الفجرِ يهديك ضوءَهُ=فصيَّرتَ ذاك الفجرَ دربًا وسُلَّما
أضأتَ به للسالكين طريقهم = وبدَّدْتَ ليلاً كان بالجهل مُعتِما
قبستَ من المشكاةِ نورًا وبُلغةً = ومن يتبع المشكاةَ لم يحذرِ العمى
وسِرتَ على دربِ النبيِّ وصحبه=ومن يَتْبَعِ المُختارَ لم يعرفِ الظما
وأبصرتَ بعضَ النشءِ يمشي بغيِّه=فصيَّرتَ نورَ العلمِ للنشءِِ مِعْصَمًا
سموتَ إلى دينِ الإلهِ لنشرهِ =فأنعِمْ بذاكَ الدِّينِِ شَرْعًا مُحَكَّمًا
فلو لم تكُن للجيل يا صاحِ قدوةً = لبُدِّلَتِ الأجيالُ بالشهدِ علقمًا
لقد كنت للتعليم يا شيخُ بدرَهُ = فإن غبت كان الغرسُ في الأُفْقِ أنجُمًا
فلله ما أبهاكُمُو في سمائنا =فأنتم لنا كالغيث للأرضِ إذ همى
لأنك أنتَ الكفءُ لم آتِ مادحًا =فإن مَزيدَ المدحِ يبدو محرَّمًا
ولكنني قد جئتُ أُهديك باقةً =من الحمد لا أرجو على الحمد درهمًا
فقد تتعبِ الأجيالُ في نيلِ شُهرةٍ =وأنت الذي لا ترتضي الصيتَ أسهُما
فدعني أُقَبَّلْ جبهةً أنت نورها = وجسمًا لرب البيت صلى وأحرما
ومن يجعل التعليمَ سوقًا كسيدةً =فلم ينتسب للعلم يومًا ولا انتمى
ولو زاول التعليمََ من ساءَ نهجُهُ=لأبصرتَ وجهَ الأرضِ بالجهلِ مظلمًا
ولو أتقن التعليمََ من كان همَّهُ =لما حار فيه النشءُ يومًا وتمتمًا
سلامٌ على التعليم إن كان سلعةً =يُساقُ إليها غَثُّها دونَ مَنْ سمََا
فهل نرتضي بالذّلِّ إنْ عزَّ ضِدُّهُ = فلن يرتوي بالبحرِ مَنْ عافَ زمزما

اطلع في راس المقصورة = وابحث عن بنت مستورة
إما نوف(ن) وإما نورة = خذها عساها ام عيالك
عيالك لازم ترعاهم = قل يا رب انك تحماهم
ولا يوذون قصراهم = وادع وربي يصلح حالك
حالك ان ربي أفـلحها = ما يقدر خصمك يكبحها
واللي نفسه ما يصلحها = والله انه شخص هالك
هالك ولا له مداوي = لو زدنا فيه المكاوي
ما راحت عنه البلاوي = دامه في ذا السكة سالك
سالك ما ينشد عن دربه = ما يفرق شرقه عن غربه
بعده أحسن لك من قربه = واحذر لا تمشي مع ذلك
ذاك اللي ما يسوى قيمه = ومـعــلـوماتـه سـقيـمـة
ولا له قدر ولاله شيمة = ذا فـال الـلـه ولا فـالـك
فاله فال(ن ) ما هو طيب = ولا هو للخير قريب
عيـِّـب على هـذا عيـِّب = والا مدحه لا يطرا لك
لك منزال(ن) فوقه عالي = والا هو ماله مجالي
يرخص حيثه ماهو غالي = لو هو من أقرب خوالك