::|[ ديوان الشـاعر / سعد بن جدلان الأكلبي ]|::

عيوني على سهر آخـر الليـل حدتنـي = تولـع بهـا سهـر الليالـي وظريـت بــه
همومي على الرقده من النـوم جزتنـي = وقلبـي هواجيـسـه مــع الـهـم لعبتـبـه
ولا حـركـت دقــات قـلـبـي تشـاوتـنـي = وغنا لهـا الشيطـان صـوت تـلا حتبـه
علـى مركـب الأوهـام والهـم شالتـنـي = وعلى سيف بحر الياس ركت ورستبه
ولا صـورت خلـي علـى طيـف نبتنـي = وإلا قـمـت ماغـيـر الـخـيـال اتلفـتـبـه
ألا يــا ولـيـفـي صيطـرتـكـم تولـتـنـي = كتـب حبـكـم بالقـلـب ومـوضـح كتـبـه
أشهـد علـى حبـك ملـوك علـى متنـي = ويشهـد ضميـري مـن ونـيـن تنهتـبـه
أراعيـك مـن ذكــرا وذكــرك يوقتـنـي = ولو غاب ذكرك ويش عاد أتقـوت بـه
أنا لا بغيت أسج عـن صورتـك جتنـي = مع الطيف وإلا علمـك النـاس ماجبتـه
عليـك الضميـر أمهايـم وأنتهـا حتـنـي = هبـوب الشمـال مـن المعالـيـق هبتـبـه

هل الهلال وهامل الدمـع مـدرار = لا هل واهمل ماطره كالهلـل هـل
صور وصار الملح والـدل والكـار = له والمها ما له ولا رسم ما كـل
لو صاح صالح طالعه ساع مـادار = اسود على صدره على المسك عمل
سامح محمد لا رأى روس الاسطار = وحسامه الصارم لراع الهوى سـل
ولا رد كود اهلا وسهلا له كـرار = والحلم هـو والعلـم دلـه ولا دل
اساله وما درى الـود مـا صـار = ولا ولالـه كـم دور لهـم عــل
اول صدور مواصله والهوى صـار = لما الدهـر رده علـى حالـه اول
ما صح عله والرعد ما وسـم دار = والحال حال الحول والحمل ما حـل
ولولا حلاها حلهـا روس الاكـوار = ما حل له دل ولو هو حـل مـا دل
عسا عسى مـا كمـل الدار للـدار = عاد الرحا دوره على روس الاوحال
وصلوا على طه عدد رمل الاوعار = او ما كسا سهل الوطا للسما طل

يالطويله والله ان حالك مهوب رضىٍ لي = أنتي مرضانـه وأنـا والله المرضانـي
ياشنار الطيب فطـرة صايـمٍ ومصلـي = كل مامريت بـه سميـت بالرحمانـي
لو يمرونك هل البـل والحـلال مفلـي = شخصوا بأبصارهم في طفـح الربانـي
ناوين قلـط حريبـه وآخـره متملـي = مرخيٍ عمدان وبلـه كنـه العمدانـي
رأسها منها تقل فـي مرقـبٍ متعلـي = كن بعضها من بعض يقـول مايعنانـي
كل ماقامت تلفـت بـي خذتنـي كلـي = فـي تصفحهـا تدورنـي ولاتلقـانـي
ياماشاء الله كان والشيطان عنك يولي = يالسبال الضافيـه والخـد واللحيانـي
والسنام المنفهـق والعاتـق المنتلـي = وغاربٍ كنه يبي يطلـع سنـامٍ ثانـي
مايضمك من يقول إن الطياح إبلٍ لـي = كود عند ابن الكبير وشويه السبعانـي

يـا ثقلـي ويامقـوا عزومـي وياصـبـري = أجامل على جرحي وأنا أشوف دكتـوره
تـزود عذابـي وكـل شيـن علـى خـبـري = لا شـيـن تغـيـر لا طبيـعـه ولا صـــوره
جبرني غرامك بالطيف الحشـاء جبـري = على الموقف اللي فيه الانظار محصوره
لا رحـت منكـم كنـي أحـدا علـى قـبـري = ولا جيتـكـم ودي بـالأحــوال مـسـتـوره
متـى يعلـن أجهـاد المحبـه سبـا هـبـري = وترفـع مساجيـن الهـوى بيـرق الثـوره

يا ابن جاسـر لا تقـول الوقـت جانـي منـه خيفـه = وأنته احصـان طويـل احبـال مـن حصـن بتوعـه
مركـز الرجـال ماهـو فـي مـعـاش وفــي وظيـفـه = مركـز الرجـال عـنـد الـلـي يحـبـه مــن ربـوعـه
الـفـتــى لـشـتــدت الأزمــــة بـدنـيــاه الكـلـيـفـه = ينحـر الـلـي ينـفـع المضـيـوم لا جـاتـه فـزوعـه
الـزحــول الـلــي يـشـلـون الثقـيـلـه والخـفـيـفـه = عـنـدهـم لا ينـكـنـا خـوفــه ولا يـنـغـط جــوعــه
الـرجـال السامـيـه مـثــل الضـلاعـيـن المنـيـفـه = كــل مـاتـرقـاه تـلـقـى مـايـسـرك فـــي فـروعــه
وأنت مـن غيـرك عـرب حدتهـم الدنيـا المحيفـه = ولا يـزال الأمـل قـدم عيونهـم مطـفـي شمـوعـه
أحـد يفرشلـه مــن الـدوبـاج وأحــد لــه قطيـفـه = وآحـد نزمـه علـى صـم الحصـاة بــراس كـوعـه
وأنت من روس النشاوى منت من قـوم ضعيفـه = مثـل نجـم مـع مصابيـح النـجـوم أبــرز طلـوعـه
وأنــت مــن بــرود لا وادي مـســره للجحـيـفـه = فـي عيـال كليـب درعـك يــوم كــل لــه دروعــه
استحلـوا نصـف بيـشـة والقبـايـل فــي نصيـفـه = تحت وسم (قلاده)(ومغزل)(وخذعه)(ومهزوعه)
أرض بالمقسـوم ماحـد قــد خــذا كيـفـه بسيـفـه = كـود امـام المسلميـن اللـي نصـر ربـي جمـوعـه

البـارحـة عـنـزت لـلــراس كـفــي =ونيت من بـاب الشـرس والحماقـه
حبيـت ابيـن مـن خفوقـي واخـفـي = ملامـحٍ عــن الاصـدقـاء والرفـاقـه
صـديـقـي الـلــي لـسـانـه يــرفــي = ولـي صملـت منـي نـوى لنسراقـه
احسـن يقفـي عـن طريقـي واقفـي = مستـغـنـيٍ الله والا ذي الـصـداقــه
ورفيقـي اللـي مـا يـوقـف بصـفـي = لا يمتـكـن بيـنـي وبـيـنـه عـلاقــه
فـرقـاه ربــح وجيـتـه مــا تـشـفـي = الا الـذي مالـه علـى الـشـي طـاقـه
والا بـعـضـهـم لـلـعـلـوم مـتـلـفــي = لـي جـاه علـمٍ حــط فـوقـه وسـاقـه
كبـيـر قـلـبٍ فــي الحـيـاة متـعـفـي = راسٍ خلـقـه الله فــي جـسـم نـاقـه
لا مـولــعٍ نـــارٍ ولا هـــو مـطـفـي = من حيث ما يصفق به الموج ساقه

المصيبـة لا تصـادم أصـول مـع وصـول = الوصـول تواصلـه و الأصــول تجنـبـه
و الله مدري وش أسوي و لا أدري ويش أقول = و الحقايـق تيقـظ آخـر سباتـي ينتـبـه
البهـى الفتـان يخلـف موازيـن العـقـول = و الغلا يثر علـى النفـس لومـه و اعتبـه
يـا يبـه الصـورة اليوسفيـة و القـبـول = يا يبـه مـن لهفتـي و اشتياقـي يـا يبـه

يازين الجميحـي لاسـرا والعبـاد أخفـوت = يـبــي لازم متغـانـمـه قــبــل لا يـفـوتــه
لا منه أنعس السالي وسجوا هل البيلوت = وقم يتمخلص تحـت رجلـك تقـول حوتـه
يقوس مع الهويـات كنـك تشوتـه شـوت = يشـادي المظلـي لانــزل فــي براشـوتـه
حمـاره تحـت نـور القمـر كنـه اليـاقـوت = يداوي القلوب اللي من الحـزن منحوتـه
لادقـت هواجيـس المعنـا وجـر الـصـوت = يـعـد الـنـجـوم المـرقـبـه فـــوق كـبـوتـه
وخوة صديق مخلص معك حتـى المـوت = ماهـوب إيتسمـع هرجـة فـيـك مشمـوتـه
يداري على سمعتك من هرجة السربوت = وخطايـاك عنـده داخـل البـحـر مزتـوتـه
يعرف الذي يخطر بقلبك لو كان اسكوت = ولا منـه غنـا ينجلـي الهـم مــن صـوتـه

يافقيـه المحـو الامـي لتعليـم الكـبـار = ليش حنا والهوى والنفوس مطارده
والقلوب اللي تحاور وتبطي بالحوار = والنتيجـه واقــع الخـطـر المـتـوارده
ياجميله كـان بـه للهـوى رد اعتبـار = عـاود يلـي يارقبـة المهـاة الـشـارده
مايجي في الكبد لذع يشابه لذع نـار = كود من فتنة شياطين الانس المارده
المخاطـب بالنظـر يافتـاة الاختـصـار = تعتبر في عالـم العشـق ميـزه نـادره
والتبسـم بالنواعـس وعـزال الفقـار = والله ماخلت على الارض كبد بـارده