::|[ ديوان الشـاعر / سعد بن جدلان الأكلبي ]|::

يا راكب اللّي مصنعه في الولايات = اللّي مريكا في المصانـع تصبـه
تصميم شركة كلاهان الخواجـات = اموردة من نيويـورك ونصبـه
أكبر مكينـه سقّطـت للونيتـات = واحد صفر واحـد ودبـه ودبـه
ما يصدر الا عن طريق القطاعات = حتى سبيراتة تجي فـي اسطبـه
وبالجدول السري خذته الوكـلات = ومديرهـا وقّـع وعاهـد بربّـه
وصدفه طلع بالواسطه والحيالات = ثم قيل يا سـوّاق أخـذه وغبّـه
ساعة فتح بابه عطوه السويكـات = شغّل ولا الماء مع كزوزة يكبـه
قام إيتسمع وش تقول القـزوزات = لياهي تقول ابغـاك ممـه وببّـه

ياصاحبي شوفتك عقب التشافيق = تحيي ضميرٍ دنا منه اليباسي
من لامني جعل تفجاه التفافيق = والكلّ منهم محقق ومتواسي
بقصيرات العدن روس الصناديق = عكف الأصابع رهيفات الكراسي

ياالليّ ليا جيت شيٍ تكمل أوصافه = وإلّي بلا أياك ماتهواه الأخلاقي
ترى صوابي لجا وابطيت بسعافه = يامنجّح الكيّ لاتلحق على الباقي
عامين والحال من فرقاك ملاّفه = لوف أشهب الال عشبٍ نبته أدقاقي
كمّ ليلةٍ من سببك العين ذرّافه = من غيبة الشمس لين الصبح ينساقي
ياعين حرٍ على العسرات مشرافه = عيطٍ لحاليحها تصعب على الراقي
والعنق عنق أدميّ عاود لميلافه = متذيّرٍ عقب ما أروّح ريح تفّاقي
مالك من الجسم غير المتن وأردافه = زاويه خصرٍ عليه الشبر متلاقي
لفيتني لفّ سيرٍ فوق حذاّفه = وصرفتني من هوى تلعات الأعناقي
فأدخل على امّك وأبوك من التزلافه = تبتنّي بالعذاب وتقطع أرزاقي
البرق لجا المشعّف زوّد أشعافه = وأنا مشعّف غرامك وأنت برّاقي

جعل خبة القـرو تسقيهـا هماليـل الرفايـا = لين تكسيها ذواليق الزهـر مثـل المرايـن
ذا النهار ابرك نهار وذا العشي ابرك عشايا =في منصة تركي بن سعود شاهدنـا المزايـن
جايزة سود البكار اللـي عواتقهـن عرايـا = البكار اللي يقلـط مـن نوادرهـن عوايـن
مكرمن أهل البكار السـود زينـات الحلايـا = بالمواتر غالية لاثمـان ضخمـات المكايـن
حطه الهيلع طويـل الشبـر داهيـة الدهايـا = الكبير ابن الكبير اللي علـى القمـة تبايـن
فـوق قمـة كنهـا قمـة جبـال الهمـلايـا = اتمنــــى ليـت تركـي حـي بعيونـه يعايـن
فالفعول اللـي راعيهـا يشومـن الصبايـا = ناقل الحمل الثقيل و مطلق رقـاب الرهايـن
لحية لا ما هقيـت بهـا تعيـن لـك تحايـا = التحايـا مـن جـنـاب للـنـاس لايــن
و لحية لا ما هقيت بها تضيع بهـا الهقايـا = من كرمها غسل إيدينـك و مسحهـا بفايـن
و انت يا عبدالعزيز المدح يمشي لك جرايـا = كل بحر من بحور الشعر يمشي لك سفايـن
يا حفيد أهل القصب و الجوخ و نحور السبايا = واهل العوجا و اهل الأجرب مفرقة الضعاين
بين بوك و بين بن عوّاد زيـزوم السرايـا = زاين حظك يا بو تركي و حظ الخـال زايـن
زايديٍ شايـع صيتـه مـع سبـع النحايـا = اشهد انه في سنام المرجلـه قالـط و مايـن
و انت سعد أهل الركاب اللي مزاهبهم خلايـا = أشهد انك مزبن للي عليـه الوقـت شايـن
المطر غيثٍ على خضر النوامـي و الرعايـا = وانت جوداتك تغيث قلوب و تعمـر مدايـن
و الله انك كامل الشارات فـي كـل المزايـا = استلمها عالبلاطه كـآش مـا فيهـا مدايـن

بسـم رحمن ٍ رحيـم نعبـده و نستعيـنـه = بالنوايـا نيتـه تبطل حقـايـق كـل نـيّـة
بالربوبيـة و بالشان العظـيم موحديـنـه = الرقيـب المطلع فالبينـات و فـي الخفيّـة
لا مفرٍ من قضاه و لا هروبٍ مـن يقينـه = و لا حمايـة للحصون إلا حمايته القويّـه
يا بنات الفكر هاتـي لي نوادرك الثمينـة = في نبا سلمان بن عبدالعزيز أمشي جريّـه
في سنام طويق يزرع لك من الياقوت عينه = في زاد و فيه شرب و فيه كن و فيـه فيّـه
جودته تغني الفقارى و ارجحٍ خطـلاً يمينـه = لطمته تعمي عـداه و نفح جـوده مسفطيّـه
طول الله في بقاه و مـدد الله فـي سنينـه = الخصال الطيبه في شيـخ أهـل نجـد العذّيـه
شايل الحمل الثقيل و معتق النفـس الرهينـه = بالدليـل و طايـع ربــه و متبع نبـيـه
يـا ولـد قايـد مسيرتنـا وربان السفينـه = الزعيم الفيصلي مرسـي الحدود الفيصليـه
صبح المديون قبل الفجر ثم ارتـد دينه = قمته ست الركايـب و اربعيـن بوارديـه
لا يغدر و لا يخون و لا يحقر محاربينه = يرفع البيرق على وضح النقا و الشمس حيّـه
بعد ما سيطر على الخزان و استولى الخزينـه = صوتوا بالحكم بيـن مقيبره و الناصريـه
كانت اقلوب أهلها شتـى و كـلٍ لـه ضغينـه = في جهل و أعمالهم سلب و نهب و عنصريـه
جاتـه الأسيـاد تعطيـه الولا و مبايعينه = بعد شافوا ضرب أبو تركي و مركاض العبيّـه
كان في الشبه أربعين و كان به عشره بطينـه = فأشهد إن عبدالعـــــزيز الفيصلي مـا فيـه زيّـه
سيدي قدام أجيك القلـب مـا يظهر كنيـنـه = أتلزا بالعـزوم اليوم و الصبـح و قفـيّـه
و عندكم يا بو فهد تبدا الظواهـر و البطينـه = انتـوا اللي بعـد رب البيـت منصـى للشكيّـه
سيدي ترك الحقوق اللازمه ما هيب زينه = خص عند اللي يقول حـقٍ علي و حق ليّـه
إن بغيت أصد لا الصده عن الماجـوب شينه = و إن بغيت أجود شحّن المصاري مـن يديّـه
في و جهك و وجه أبوك أو جاه مكه و المدينه = و جاه من صام رمضان و جاه من حج الضحيّه
من قيادٍ عند أخس الناس ورّانا الغبينه = و الدهر يا كثر قشرانه و ياقـل أجوديّـه
يا صلاة الله على من دين أهل الاسلام دينه = و السلام و رحمة الله و بركاته و التحيّـه

في الناس شعثان روس ورأسي أشعثها = خص ليا مـن قلبـي عيـن عيـن أغلاثـه
عـكـش لامـنـه نــوى بالـمـوت يبعثـهـا = بالـجـوف كـنـه يخـجـه ســـرب نـفـاثـه
يالـي كسـوري مــن أجـلـك لا توعثـهـا = تــــراه مـايـنـفــع الـمــوفــي تـعـبـاثــه
يكفـيـك نـــار عـلــى كـبــدي مـورثـهـا = لا امـوت يمـكـن تـجـي لعيـالـي وراثــه
عــن اعتدايـاتـك اللي كـنــت تمكـثـهـا = وسـط الضمايـر تقـول خـطـوط حـراثـه
مامـرنـي فــي حيـاتـي مـــن كـوارثـهـا = ماعـادلـت مــن فـراقـك خـــوط كـراثــه
كـم لــي وأنــا أرد نفـسـي مــن تعلثـهـا = مــن خـوفـة يـرخـص الـغـالـي تـعـلاثـه
أعـيــاد ربـــي اثـنـيـن وانـــت ثالـثـهـا = نـهــار افـاجـيـك كـنــي داخـــل غــاثــه

ياأهـل القصيـد مراسلـيـن الجـرايـد = تكفون صونوا كلمة الشعـر تكفـون
خـلـوه يلـقـا مـــن وراهـــا فـوايــد = فيـدوا وخـلـوا غيـركـم يستفـيـدون
لا تـعـرضـون أنفـوسـكـم للـنـقـايـد = الرابح اللي من غثا الناس مصيون
إلـيــا بغـيـتـوا نـــادرات القـصـايـد = صيتوا لشعـار الأدب وش يقولـون
أهــل الأدب والتـجـربـه والـركـايـد = أمثل مرشد والعطـاوي وبـن عـون
أفـكــارهــم مـاتـنـتــج إلا فــرايـــد = تـقـول بـصــدور الأوادم يـويـقـون
وقلـتـه وأنــا عنـهـم أبعـيـد ونـايـد = ولا نيب قايلها علـى شـان يوحـون
ولا نيـب راجـي مـن وراهـا فوايـد = لا كـن رجـل يخفـي النـور ملـعـون

كمّ مفـرقٍ كـلّ ماجيتـه تعديتـه = اشوف خطّه ولا أقراء ويش لوحاته
ياكود مفرق رقبة العطـف لاجيتـه = يفرض علـيّ الألتفاتـه والتنهّاتـه
فيّ حشمة الليّ مصافيني وصافيتـه = من خلقتي ماحدٍ سوّى بيّ سواتـه
مايسمح البال لين أقف على بيتـه = وأضرم له أضرامة الزيدي على قاته

ياوجودي وجـد مـن لاعتـه فرقـا الضحـا = كل ما أذكر دمعة الحزن في عين الخجول
مـا فـلـج قلـبـي يـكـود المحـبـه والسـحـا = والقـلـوب الـلـي تكـلـم وتخـفـي ماتـقـول
يالطيـف الـروح حبـك بقلبـي مــا انمـحـا = لــو يزيـلـن الجـبـال الـرواسـي مـايـزول
لا بغـيـت أســج قلـبـي بـطـاريـك أنـتـحـا = وكــل ماجيـنـا بننـهـي قضيـتـنـا تـطــول
أدرك الموضـوع حـد الشعـر فـوق اللحـا = لا يجـي حـمـلٍِ يـنـوخ ثقـيـلات الحـمـول
من دخـل غيبوبـة أحـلام حبـك مـا صحـا = كثر خيـري كانـي منـك مارحـت أمهبـول

جتني تنشـد الاكلبـي عـن علومـه = تلعب وانا قدني مهـون مـن اللعـب
طرقًًٍٍُ(ن)نعـاع مالحتهـا الطخومـه = كن في عواتقها الى صافحـت ثعـب
صبـح(ن)ورا ليلـه تفتـق كمومـه = وبرق(ن)زرع في خافقي فرحه ورعب
قباًًًً(ن) تهوس محجلـه ومعصومـه = من عذبه ربـي مـع دربهـا تعـب
شعر الغزل محد(ن) قضى به لزومـه = لاكعب بن سلمى ولازهير بـن كعـب
انـت خطـا نفسـك علينـا تسومـه = وانا تراني صدق موقـف(ن) صعـب
لأني من احد الشعب وانتـو حكومـه = عسى الحكومه مستهمه من الشعـب