::|[ ديوان الشـاعر / سعد بن جدلان الأكلبي ]|::

ودنابالطيب بس الدهر جحّاد طيب = كل ماتخلص مع الناس كنك تغشهـا
يدك لامدت وفا لاتحرى وش تجيب = كان جاتك سالمه حب يدك وخشهـا
كل ماشـبـيت نار المحّبه مع حبيب = قام يسحب فـي مشاهيبهـا ويرشهـا
كل ماواجهت لك في الزمن وجه غريب = مثل ما قـــال المثل دام تمشي مشها
وذمةٍ ماهيب تندان للحق المصيب = جعل قشاش الحطب لاسَرح يقتشهـا

ياعيون اللي على المـــرقب تعـلاّ = مايـرب الا المراقـــيـب الطــــوالا
طرتّك منها غثــــاء البـال يتجـلاّ = نعـــــسٍ مابينهـا بيــــضٍ تـلالا
تذهل إلّي في جواهرهـا تحـلاّ = واهني من ذاق من ريقـــك زلالا
لا وجاه الله ومــنّ زكّـى وصـلا = ّمانبيك الاّ على السنّـــــه حـلالا
مايرّد الجوع شخبٍ في المفـلاّ = ولا يخضّ السعن من ذوده هجالا
أنت غالـــــي ياوليفـي لا تغـلاّ = يثبت الليّ بيننـا ايـامٍ طــــــوالا
واللهّ انّي ميسٍ من وصــلـك الاّ = فزعةٍ مـن ربنـا جـلّ وتعـــــــالا
أدخل الضولات من شان أتسـلاّ = كود جرح القلب يبرى ويتشـالا
والمجنّب مـن الأوادم مايخـــلاّ = لا سلم من شــرّ ذولا ..جوه ذولا

يا جلالة سيدي مولاي يادمث الجنابي = يازعيم العرب يارجل المهات الكبيره
يافهد يا برفسور الفقه والرشد الصحابي = يافهد يانصرة الوحي السماوي وتعميره
يافهد راسي عمادالدين فالصف العرابي = يافهدنا يا حبيب العود و البنت الصغيره
اكلب الهيلا تعانقك المحبه واللبابي‏ = و بأسم نواب الفخوذ وباسم شيخان العشيره
تعلن العرفان و الطاعه جهر ماهوب غابي = والمعاهد والولا بأسم الجنوب وبإسم اميره
كلنا فهد و عبدالله على الخط الإيجابي = تحت أوامر قادة الأسلام روادالمسيره
كلنا نستنكر الأرهاب شيبان وشبابي = و ضد عميان العقول و ضد عميان البصيره

ألا يـالـهـبـوب الــبــارده عـجـلــي هــبـــي = علـى جـاش مـن قامـت هواجيسـه أتلـوبـه
أنــــا مــــرةٍ أصــحـــى ومـــــره يـغـيـبــي = وأســرح مـــع كـثــر الـطــواري بغيـبـوبـه
ألا يــادهـــر مــاهـــوب حـــــقٍ تـلاعــبــي = وخـلـيـتـنـي لـمــقــرد الـخــلــق لـعـبـوبــه
أعـبـادٍ مـغـفـلـهـا الـــزمــــان وتــعــجــبــي = يحسـبـون قــل الـمـال فـالـرجـل عـذروبــه
وأنــا قـانــعٍ بـالـلـي عـلــي كـاتـبـه ربـــي = ومــؤمــن بـمـقــدوره وقــانــعٍ بمـكـتـوبـه
ولا أبـغــى عـمـى الأريـاء بــرايــه يـجـربــي = وهــو مـاعـرف مـاجـوب ربــي وماجـوبـه
هـدور المجـالـس راعــي الـمـدح والسـبـي = وهـو بالخـلاء لـو جـاه بنـتٍ خــذت ثـوبـه
يقولـون لــي جــز مــن تصـرفـك وتحـبـي= وهـي توبتـي مـن مجتمعهـم هــي التـوبـه
ديــــار الـوبـاء مــن طـبـهــا راح مـتـوبــي = وقرابـة الجـربـاء عـلـى الـحـول مجـروبـه
أنـاعــارفٍ مـنـصـاي ألامـــن بــــدا نــبــي = وعـارف طريـقـي والــذي بالتـجـه صـوبـه
وأنا أعرف من أعادي وأناأعرف من أحبي = وبــه نــاس لاتـعـرف ولاهـيــب محـبـوبـه

عيد الله عليك يعود يالمستكا والعــود = هنيـك جعـل الله بشوفـك يهنـــــينـي
عيدية ضمير حط فية الفـراق لــــــهـود = أجامل على الأنظار والهـم طـــاوينـي
أجدد مع ذكراي عقب الغياب عهـــود = وأناو الله اني داري ما انت ناسينـي
مواثيق خمس السنين ياناسع المردود = ويجيبها جزيل الشك من بينك وبيني
ولو كرهوا لحساد واهل القلوب السود = معزتك في قلبي وقدرك على عينـي
محبتك عندي كل ليـل ويـوم تــــــزود = تزيد وتجدد دام انـا وانـت حيــــــينـي
ولو طولت فرقاك قلبي رعـاة الــدود = فخطر علي ادخل شهـار المجانينـي

انا يوم اجـيّ وأمركــــــم ياوليفـي حنـج = ولا وديّ أقرابـك تلـدّ النـظــــــر فـيّـه
لعبّ بيّ غرامك فالخفا لعبـة الشطـــــرنـج = ليا دار لعبه بيـن الأعضـاء السيـــــــــاسيـه
وسبح بي غرامك سبح موج البحر فاللنجّ = غفلت وغدابي حبّـك شويّـه ..شــــــــــوّيـه
لاشفت زولك قام يدخل أعظــــامـي بنـج = أسولف مع العالـم وقلبـي لـه نحــــــــيّـه

كل دارٍ أرجعـت وانـا سنــاوي = عزتــي للي ســواتــي عزتـي لـه
زادت الحمـى فرحنـا للمــداوي = والمـداوي زود الحـــمـى مليلـه
ياجميله قام يطوي الحال طـــــاوي = والله ان كبدي على شوفك غليلـه
والله ان قلبي على اللاماء شفاوي = غير مافي يدي ولا في يديك حيله
سجليني في علم حبـك فــداوي = انا مجنونك عقب مجنـون ليلـه
يا رقبه الخشف ياعين النــــــداوي = ياسراجيف الذلـول المستحيلـه
يامناةٍ تنقصـر عنهـا المنـاوي = ياخيار الدهـم يالقبـا الاصيلــه
نعنبوك انتي مكاسر عود جــاوي = مبسك سندس شرابك سلسبيلـه
لو تمرين الشيوخ اهل الفتــاوي = عودوا مثلي يجـرون الطويلـــه
من عشق شرواك ولا لايهـاوي = التقيد من بعض الاشياء فضيلــه

يازين المشي في الروض الخضر لا شعشع المخضار = يازين الدير ة اللي من حقوق الوسم ممطورة
يريح البال سجٍ في الفياض الخضر والمسيار = سعادة للقلوب اللي من السلوان مســــرورة
متى عيني تشوف اللي على قلبي ربيع ودار = أشاهد للسعادة في حياة المجتمع صـــــورة
لا هلت مزون فوقهن تنعومتين صغار = على ذيك اللباب اللي من الرضوان مغمورة
لا منه أصحى سماغر المزون وشعشع النوار = ودجاه أدلى سدوله والقمر متجلي نــــــوره
أشاهد لي بروق دونها ربانها تندار = تقول أكباس غاز من ورا شلال نافورة
سبح ماهر خيالي في الخباري والبرد والنار = وأشوف الجمر فوقه دلة الرسلان منحورة
هذاك المنظر اللي ما تشوفه في الحياة أمرار = على شوفه سبابيح الخيال تموت مقهورة
حرام إني ما أهني راع المليون والمليار= ولا أهني عربسات الفضا دوره ومقدوره
أعيش بعالم طول المدا يبقى لها تذكار = عليّه بالحرام انها حياةٍ مالها جوره
هذا وجه الصحيح ولا على وجه الصحيح غبار = حقيقة ويتمعنها اللبيب بكامل شعوره

اهديت باقة ورد من ضمن الابواق = لاقول لحد خذها ولا قول ذقها
و دي بالأنفس كلها اصحاب واصداق = ولا اخشى عقايبها ولا ارجي نفقها
خلقت الاراضي و السموات بطباق = و شع الاوادم طبقة من طبقها
فا لآدمي لولا المكارم والاخلاق = كا لحنظله من ساسها لا ورقها