شاعر المليون قصائد وشيلات كامله في نقل مباشراضغط هنا

مل قلبٍ من هوى الخدرات عيّا = باقيّ له من هوى خلّه بقايا
لابغيت أسجّ من سمح المحيّا = شفت من وصفه على غيره حلايا
فز قلبي وانتبه عقب النسيّا = وانحرف فكري وجارن الكوايا
راح يشرفني على نور الثريّا = لين وردني على حوض المنايا
وانّ بغيت أجيه وصله ماتهيّا = صارو العربان من دونه حمايا
ياوليفي لاتسويبي كذيّا = الخطايا لاتلحقها خطايا
مايبور بصاحبه عقب البغيّا = كود ناسٍ مالها بالله عنايا
كلّ شيٍ أعمله كود الجفيّا = الجفا يزعل وسيعين النهايا

يامل قلب(ن) تقول يقلا على صــيـخ = خلت به الدنيا حـزازات ومشــــــــوخ
دنيا تنوخ راعـي العقـل تنـــــــويـخ = وينداش فيها صاحي الفكر ويـدوخ
تغيـرو فيهـا العيـال المطانيـــــــخ = وسبابها شمل العرب صار مشلوخ
خلتهـم الدنيـا مناشـف طبـــــــابيـخ = حتى الاقارب بينها الذيب مصلـــوخ
ماعاش فيها الاأعيـال الطخاطيـخ = خطوا البعير اللي من المدح منفوخ
من شان ماله صار شيخ ولد شيخ = وامشيخٍ نفسه على النصب والجوخ
بالحكـي لعتـازوه ويـاك مـــريـخ = وليا جاء لزومٍ عندهم صاروا فروخ

ياللي على شان معكازي تبين‏ لي = رجلي على حالها وانا على حالي
والكسر ماهوب في رجلي على كلي = وأنت السبب في الغرابيل اول وتالي
تكفى مراسيلنا العجلات ياخلي = عن مخذ الأخبار والا شوف الأزوالي
قلبي وقلبك توصل لك وترسل لي = والله انها اشد من موجات الإرسالي
ردن سلامي عليك وجن وقالن لي = انك ترحب و ا نا في خاطرك غالي
ليت الغرابيل جتني من عدو لي = ان ماتقاضيت و الا بيتقاضى لي
لكن من واحدن ذكره غناتن لي = ما زلت أحبه و ابا حبه ولا بالي
لامر طرف بخدراته سلام لي = كنه يسلم علي بصوته العالي
خلوني اسج عن موضوعه احسن لي والا الغلا و الله إن يبطي و هو غالي

نفوسنا في خشيم الذيب مجبـوره = والله نحـبـه محبتـنـــــــــــا إلهـيـه
ومحاسنك ياخشيم الذيب مدثـوره = بين عليـك الشقاعقـب الرفاهيـــــه
أنا احسب أن الشقا مايخلف الصوره = لين أضمحلت ملامحـك الطبـــــيعيـه
قنبه الذيب لين أنشـق حنجــــوره = ثم حول الذيب منه وشرف أوخيـه
حتى فروعه وشعبانـه وشجـوره = ماعاد تعرف حيوده مـن قواطيـه
يوم إن محاجيه فيها تمرح سبوره = وشعابته من لباس العـز مكـــسيـه
في ظل طلح يرسن كـل مذعـوره = وعلى حجاه الثميـدي والفرنجيـه
متبوشن من عواجيـه ومنفـوره = حكامنـا قـدم حكـام السعـوديـه
حراس نجد الحديري عند أخو نوره = ونمرالسباياتقلطـهـا العــــــواجـيـه
إخوان هيا ذرامن قـاد مظهـوره = من أم ريشان إلى عرق المنينيـه
وراعي الجنينه عليها بانين سوره = مذبح التـرك وشيـوخ الهــــــلاليـه
شيخ تشيع رباط الخيـل بقصـوره = متروشنِ بالمجـوخ فـــــوق عليـه
في حكمه الناس منهيـه ومامـوره = حق الجنينه عليه حقوق شـــــرعيـه
واليوم سالم ولد حامد لعـب دوره = عز الله ا إنه جمع هذيك مع ذيـه
على جميع المراجل طالت شبـوره = هيبه ولينـة جنـاب وقو شخصــــيـه
إن كان قصر رفيقه سامح قصوره = وان طاب قال الجماعه طيبهــــم ليـه
عزالله إنه عليه البيض منشـوره = يستاهل البيض كل مجـرب زيّـه
و اليوم الأوطان و الرعيان مكبوره = أهل الرعايا كفاهم راعـي رعيـه
ولاهي من ربعي الظفران مقصورة = سقم الأعـادي مزبنـة الجلاويـه
كسابت النعم لا جا للدخـن ثـوره = ورث لجدانهم مـا هيـب عاريـه
يفرح بها الشول لا ما لج مضهوره = وترعا الهمل في حماهم تقل مرعيه

ويش أسوي ياعيون الوحش عنق الغزال = لاحصل طاريك يفتح علـى قلبـي أرواق
لي ثلاث سنين بين الحقيقـه والخيــــــال = وأخر اشهر ذالسنّه تكمل الرابع غـلاق
شبه وضحاّ فالمخاضير زاويهـا الحيــال = من غلاها عند أهلهـا تبـارى ماتسـاق
تيهّت من صغرها بيـن ثنتيـنٍ هـــــجـال = مهتويها راعيّ البل وعاشقهـا عشـاق
عنديّ إنّك ماخـذٍ تـاج ربّـات الجــــمـال = سلموّك الحسن من باب صنعاء للعـراق

الا ياالله ياللي تحت هيبـة سلطنتـــــك اسلمـت = لك المسلم يسبح لك بحمـدك ولـك الاســـلامـي
احمدك واشكرك واثني عليك بما علـي انعمـت = تزودني وفا قـدر العشيـر ووصـــل الارحامـي
ولجك الفجر ياليل الذهول اللي علـي اضلــمـت = بعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت = بصفحة ذكريات العام واللـي مـن ورا العــامـي
بعد تقرير مشوار التجـارب نجحـك واجــــزمـت = بان السيف سيفي والعصا والمحـزم احـزامـي
عطتني عزلة اخلاصي معك نسيان من نادمـت = كتبتك وانطوت صحفي عليك و جفـت اقلامـي
اباهـي لا ابالـي واتبيسـط كــل ماقـــــــدمـت = اشـب النـار قـدام العـرب واشيـد اخيـــــــامـي
نهاري حر شمسه يستحي منها لسـان الشمـت = وليلي ترقب نجومـه ملامـة كـل مـن لامـــــــي
على ضو الكلام اللي كشف عنا ستار الصمـت = عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـــت = واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمــــــت = يشوفك بالسهل وانته تشوفه بالسمـا السامـي
كثر ماحن قلبي للونيـس وكثـر مـا درهــمـت = فجر صدري حنيني واتعـب الاقـدام درهـامـي
عيون الصد وعيون التجافي حول مهما اكرمـت = تشـوف المجتهـد كسـلان والبنـاي هـــــدامـي
مدام ان جانبك شام لجنابي وانت عنـي شمـت = كثر خيـرك وانـا مانيـب لاجــــايـع ولاضامـي
اشوف انه علي واجـب ليـا مريتكـــــــم سلمـت = مرور اكرام تربطـه الكرامـه عنـد الاكــــرامـي
على شان الخفوق اللي على عرشه قعدت وقمت = حجب عنك الدجى لين اشرقت لك بيض الايامي
ختام السالفه ياطيب العشـره كرمـت ودمــــت = هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت = يصحيك الزمان اللي يصحـي كــــل مـن نامـي
تذكرني لامنها خابـت اوهــامـك فمـن وهمـت = وشفت الفرق في حب الخشوم وحـب الاقدامـي

الليبي اللي معه عشرين شرموطه = ما زعزك يالزعيم القالط الساطي
بهيمتن من زمان العام مربوطه = في خشمها سلسله وعقال ورباطي
حكومته من قبل شارون مضغوطه = ماعاد له مع رجال العرب مقلاطي
بجاه ربي وجاه الوحي وشروطه = واللي خذا له في الحرم سبعة اشواطي
ان روسنا فوق هام السحب مزعوطه = وقذاف واطي ومن ساهم معه واطي

لا شان حظك والليــــــــــالي تحدتك = اصبر عليها والصبر زيـــــــن لوطال
لاتنحنــــــــــي للوقت وتروح هيبتك = تصفق بك الايام من جال في جال
و إن كان همك بالزمن بس لقمتك = الفول برياليــــــــــن والخبز بريال

قالوا تحبه قلت ماعاد نيب ابيه = وانا أشفق له اشفا من سقيم المرض لدواه
أقوي عزومي كن ما عاد عندي فيه = وانا والله اني مونسن البلا وأكناه
عروق الحشا ما تنبت الا على طاريه = تناما على قربه وتضمر على فرقاه
فترى من يعذل مولع من هوى غاليه = مثل من يحاول يعدل السيل من منحاه

لوّ إن عندي مثل ماعند الوليـد بـن طـلال = شريت برج الفيصليه لجـل اغيـظ المملكـه
ماهو على شان الجنيه ولا على شان الريـال = لكن على بالي طرى شـيٍ تمنيـت أدركـه
غروٍ غريرٍ غرّره زينـه ومطغيـه الـدلال = لاشاف له شيٍ يبيه فظـرف لحظـه يملكـه
اللي سواته وبسهوله يملـك قلـوب الرجـال = اليا لمح له درب في قلـب الرياجيـل سلكـه
هذا وأنا ماشفت منـه إلا التمنّـع بالوصـال = كفي من الحسرات لامنـي تذكـرت افركـه
يحبني وأدري بحبـه ميـر ماجالـي مجـال = أجلس معه جلسه وهذا الوقت ما فيـه بركـه
يطري علي مع السهر وأخذ ثلاث/أربع ليـال = تقول كن العين ظبي وحضرة الليـل شركـه
صوته ليا جاني ظما يسقيني المـيّ الـزلال = وساعة غيابه تدخل عيوني ونومـي معركـه
شفايفه جمرٍ وأنا شاعـر سريـع الإشتعـال = الله أشغلني به وغيري مـا أشغلـه إلا كبكـه
لبّا عيونه والشعر لاحط شـال وشـال شـال = إن طوّله وإن قصرّه وإن سعوّده وإن أمركـه
ولبّا النحيل اللي تحمّل شيلـة حمـولٍ ثقـال = لبّا الثقال اللي ولو وقّف يجي فيـه حركـه
إليا قفل جواله أظلم كـل مـا حولـي ومـال = فكري لتيار العذاب وكـل طـاروق إمسكـه
وأصبحت أهوجس ما تقول إلا الوليد بن طلال= مع إني أفقر شخص عايش في حدود المملكه