•!¦[ ديوان الشاعر العلـم : غازي بن دخيل الله بن عون العتيبي ]¦!• كتابي + صوتي

تبت يدا من سـب خيـر البريـه=وتبت يدا ناس ٍ عنه مـا يـذودون
يـا امـة الاسـلام يـا محمديـه=يا اللي لعفو الله وعطفـه ترجّـون
ان كان ما قمتـوا بنصـرة نبيـه=مدري متى بالله عليكـم تقومـون
من يوم لحقـت بالرسـول الاذيـه=يا مّة محمد بعدهـا وش تحـرون
انخى هل التوحيد واهـل الحميـه=اللي بشـرع الله ودينـه يدينـون
اهـل العقيـده والعـزوم القويـه=اللي بوقـت النـازلات يتحامـون
ما هيـب مـن حميـة الجاهليـه=ولا حميـة عنصريـه وقـانـون
حمـيـةٍ فالـديـن عقـايـديـه=بنيت على مبدا واساسات وركـون
مـا هيـب حزبيـه ولا مذهبيـه=وتعصب ٍ فالدين ما هوب مسنـون
وحميـة الاحـزاب والطايفـيـه=مآلها تصيـر مـن دون فـي دون
وحمية اصحـاب القلـوب التقيـه=سياج دون حدود الاسلام وحصون
اليا تحاموا ضـد راعـي خطيـه=النصر من رب الثقليـن مضمـون
اقفـوا بوجـه الهجمـه البربريـه=وذودوا عن الهادي بما تستطيعـون
كل ٍ يقف منكـم لهـم فـي نحيـه=لا ياصلون المطلب اللي يريـدون
اسقوا عدا الاسـلام كـاس المنيـه=وكيلو لهم ضعف الذي له يكيلـون
ياجب على جميع راعـي رعيـه=ياقف بوجه اللـي لدينـه يكيـدون
وعلاقتـه بالـدولـه الاجنبـيـه=اللي تسيء للي بهديه مـلا الكـون
يصدر على الـوزاره الخارجيـه=تجذها من جذرها جـذ عرجـون
ويصدر علـى الـوزاره الداخليـه=تعاقب اللي فـي سلعهـا يبيعـون
ووزارة اعلامـه تبنـا القضيـه=وتبث ضد الادعـا اللـي يبثـون
والصحـف والكتّـاب والاولويـه=للي ليـا قالـوا مقالـه يجيـدون
ويترجمـون السيـره الهاشمـيـه=لابن هشام وصاحبه ليـن يـدرون
باخلاق وافعال الرسـول الزكيـه=اللي عن الزلات والنقص مصيون
قبلـه نعيـش بليلـةٍ خرمسـيـه=ما ينسري فيها الدلايـل يتيهـون
وقفى الظلام وجا الفرج مع مجيـه=والتايهيـن بمشعـلـه يستـدلـون
بعثـه ربـه رحـمـة للبـريـه=ويشفع للامه يوم بالحشـر يقفـون
اكبـر شـرف للامـه اليعربيـه=انه بعث منهم مصـدق ومامـون
نفس ٍ تجنب عـن طريقـه شقيـه=ويا سعد ناس ٍ مع طريقه يسيرون
ومـا نشـر بالصحافـه العالميـه=اخر كوايا بين الاضلاع وطعـون
وغير الطعون اخر جروح ٍ خفيـه=وادما قلوب اللـي لحبـه يكنـون
ويضحك من الاخبار شـر البليـه=اوحيت وانتم عبر الاعلام توحـون
ما خلوا من القبـح والسـب شيـه=وبعد هذا كله للاصـلاح يدعـون
وزيرهـم يقـول نهـدي هـديـه=وحمام سلام ٍ مع اغصان زيتـون
حنا عـن المنهـج جنحنـا شويـه=من ما جعل حزب الصليب يتجرون
لو نرجـع لسيـرة سلفنـا النقيـه=عدواننـا منـا بغـل ٍ يمـوتـون
لـو نستعيـد امجادنـا الاولـيـه=دفع لنا هامـان جزيـه وفرعـون
وما مالت ازهـار الربيـع النديـه=صلوا على المبعوث يا اللي تصلون

ماجور يا طرف غشى الجيب ديمه = بعد النبا اللي في وكالات الاخبار
الخطب فادح والمصيبه عظيمه = منها عقول الشعب تذهل وتحتار
لو كان يورون الجلد والعزيمه = من عظمها عزم الصناديد ينهار
شعب فجيعة عاهله في صميمه = طاريه يظرمها مثل ظرمت النار
يكنها جوف الصدور الكظيمه = واليا التهب فالجوف بركانها ثار
بدمع الأسى والحزن ينعى زعيمه = الوالد المتواضع العادل البار
فهد لتاريخه صروح ضخيمه = من ضخمها لازم تلد لها الانظار
سيسان مبناها مروه وشيمه = وسقوفها الطولات والجود والكار
ونفس ويمنا بالعطايا كريمه = دايم نداها مثل همال الامطار
فهد ليا من الخبر وصل تيمه = وضاعت علوم الغير ردوا له الشار
فالمحفل الدولي لملفاه قيمه = وللمحفل اللي هو يجي فيه مقدار
وان غاب كن الناس لما لميمه = غياب لو كان الملايين حضار
واجه بعهده معضلات جسيمه = ومشاكل تربك فهيمين الابصار
من دارنا كل يبي له غنيمه = ومن كل داويه تحيط بنا الاخطار
ولا حصل الطماع غير الحريمه = سياسته دون العرب حصن واسوار
يسد عنا ما انفتح من خريمه = ودون العقيده راسي مثل سنجار
بشجاعة معها سياسه حكيمه = يعالج بها الاجراح جبار كسار
يكسر بها صم العظام السليمه = ولكسر الامه فالملمات جبار
ولا هوب عجل في مبارز خصيمه = قدام يعطيه النصيحه والانذار
ولا بارز الاخصام يفدح غريمه = منه الخصوم ليا زجر عزمهم خار
وحكم الشرع والسنه المستقيمه = اليا تقدم فامر صاروا له انصار
يوم ارتكب شين النوايا الجريمه = بسياسته صده عن الدار والجار
منه المنافق ذاق مر الهزيمه = واخذ لجيرانه من الخاين الثار
احيا بطولات الجدود القديمه = مثل الحيا اللي يحيي اموات الاشجار
بفضل الكريم اللي علينا نعيمه = في عهده الدار اينعت فيها الاثمار
رحل وذكره والفعايل مقيمه = تبقى شواهد مثل ما تبقى الاثار
جعله مع اصحاب الوجيه الوسيمه = في جنة من حدرها تجر الانهار
وحط الامانه في صدور حميمه = خيّر وحط امانته عند الاخيار
أهل الحساني والمزايا العديمه = عبدالله وسلطان وافين الاشبار
من قسمة الطيب اخذوا اكبر قسيمه = ويشهد لهم بالعدل في كل الاقطار
ياما تبنوا من يتيم ويتيمه = وحسناتهم عمّت على الجار والدار
في عهدهم ماحدٍ شكى من ظليمه = وايمانهم غيث على الشعب مدرار
واخوانهم طب الكبود السقيمه = ويجرعون اضدادهم كاس الامرار
في شعبهم ما يسمعون النميمه = والشعب فيهم ما تسمع للاشوار
ولا يجي بين النديم ونديمه = ولا يلقح حيال الفتن غير الاشرار
وروسٍ تفكر في لقاح العقيمه = ودك تقلم مثل تقليم الاظفار
وأهل المبادي والعقول الفهيمه = يعطون مجنب عن هل النار والغار
ولا البليد يقاد مثل البهيمه = ولا يستفيق الا ليا صار ما صار
وحكم العدل نطلب من الله يديمه = ويحصنه عن كل خاين وغدار

البارحة يوم ان بعض الملا نام =انا عن المضجع تجافت جنوبي
ابكي مثل غيري على شيخ الإسلام=شيخٍ غلاه مخيمٍ في القلوبي
يا كم بكوه من ايسر الشرق للشام=ومن الشمال اليا جنوب الجنوبي
يوم التلفزيون بث النبا الهام=كثر البكاء في كل حدٍ وصوبي
ولو البكاء يحيي لنا مدح الاقرام =بكيت لين اغرق من الدمع ثوبي
ولو النياحة ما بها ذنب وآثام=عليه شقن العذارا الجيوبي
وعلى وفاة الشيخ نكسنا الاعلام=جميع مسلم في جميع الشعوبي
شيخٍ عن الدنيا وعن ما بها شام =يرجي فضل غافر كبار الدنوبي
نبراس علمه مثل بدر الدجا التام=وفي صالح الإسلام يعمل دؤوبي
ومن يوم جاء عمره ثلاثة عشر عام=لين ان شمسه قربت للغروبي
وهو محفيٍ في مطلب العلم الاقدام=بسبيل دينه للمفواز يجوبي
من منبع الحكمة شبع زاد وايدام=وكم ديد علمٍ في اناه محلوبي
علمه مثل هداج للمضمي اجمام=ما ينقصه نزف الدلي والغروبي
عدٍ غزيرٍ جمه أبيض من الخام=والذ واطهر من درير النصوبي
وبدد سنا علمه حناديس الاظلام =وصحح مسار مضيعين الدروبي
ومن تاه ما بين الحقايق والاوهام=يشوف نورٍ كان عنه محجوبي
وكان اقدحوا في دين الاسلام=الاخصام اللي عليهم في الكتاب مغضوبي
زراقت المسلم والاسلام باسهام=وملصقت فيه التهم والعيوبي
تحيزم لحرب الخبيثين بحزام =ووقف مواقيف البطا والحروبي
لمبارزة عدوان الاسلام مقدام =من دون دين الله حماه مهيوبي
بنص الايات وبالادلة والاحكام =يلجم لسان المفتري والكذوبي
ويلحم ثقوب اسياج الاسلام بالحام =كان الخبيثين احدثوا به ثقوبي
وقف عن الاسلام الالسن والاقلام=والمهتدي غالب ماهوب مغلوبي
ولا كشرت غبر الليالي والايام =وشام الزمان وجاء بوجهٍ شحوبي
بالخير يسعى للارامل والايتام =ويفزع لهم وقت القسا والكروبي
حبرٍ سخيٍ شهم صوام قوام =زاهد ورع عند الجميع محبوبي
غيابك وفرقاك ورحيلك يا الامام =خطبٍ دهانا من كبار الخطوبي
نطلب عسى اللي يستلم بعدك الزام=بعد رحيلك في غيابك ينوبي
و يا الله يا رب الثقيلين علام =السر والعلانية والغيوبي
تجعل يبا الافراج يا مجري الانسام =عليه رحمه كل نسمة هبوبي
يا المرتجى يا ذا الجلال والاكرام =عسى وليك ما يمسه لغوبي
ويلبس ثياب الفوز لبسه للاحرام =ويقيم بين انهار واشجار طوبي
ويبنى له بطوبا مقاصير واخيام =وينعم بملبوس وطعام وشروبي
واثمارها تفتقت عنها الاكمام=وانهار ما يطري عليها النضوبي
يا الله تجمعنا على الحوض قدام =وتجيرنا نهار فور ورسوبي
ونصال نارنٍ بالحجر تضرم اضرام=منها جلاميد الصفايح تذوبي
لاهل الكبائر يومئذٍ والاجرام =ما عن مواقعها مفر وهروبي
للمشركين اللي يعبدون الاصنام =منهم حطبها للوقود محطوبي
يا العبد لاتهيم مع درب من هام =أعرف ترى قدمك نعيم وشبوبي
أسلك طريق أهل السعادة والانعام =ودرب الشقا منت بعليه مغصوبي
وأوصيك في وصل القرابة والأرحام=بعد الفرائض والسنن والوجوبي
وصل وتزك وحج وجهاد وصيام=وجميع ما تعمل عليك محسوبي
وختامها اصلي على سيد الانام=واستغفر الله من ذنوبي واتوبي

ودي بمسيارٍ على منقع الجود=شيخٍ ورث مكارمه من جدوده
أجداده اللي يوم طارد ومطرود=بين الجموع الرمح يروون عوده
لا جالنوا المعركة برق ورعود=تعجبهم بروقه وحنت رعوده
اليا اختلط فالجو عجّ وبارود=خيالهم لا هاب جمعه يقوده
تقول منقضٍ من الضلع جلمود=قدامه لفرسانه مثل الطروده
ذادوا عن أحياض القيم والشيم ذود=لين بعثوا مجد العرب من لحوده
في جود جدانه على غيرهم زود=وسعود مجده فالملى بان زوده
عضو الكرم من مولده معه مولود=ودر الفضيلة راضعه من ديوده
من شبّته لين أنه أقبل يجي عود=دون المعالي ما تراخت جهوده
ولا يرخي الهامة مدا البيض والسود=إلا لربه فالركوع وسجوده
الطيب اللي ريح طيبه مع النود=كسا الوطن طيب وتعد أحدوده
طيبه شذاه أزكا شذا من شذا العود=والياسمين أزكا من أزكا وروده
بنيت بيت الدين والجود يا سعود=ذراه خوف الله ودينه عموده
وأن جاك مضهود من الدين ملهود=بعد الشقا يا سعود يلقى سعوده
أقل مداتك ليا جاك مظهود=اسخا سخين بالعطايا تكوده
يا ما عطيت من الونيتات ولقود=ومن شيك بنك ما تعدد نقوده
والبيت عدّ يدهله صدر وورود=تروي بعد ترده وتصدر وروده
وكم من سجين دونه الباب مردود=حبل الرجا به مبهمات عقوده
قضيته وصلت لها درب مسدود=وباتت حياته بالشهور معدوده
اسنين بيدينه ورجلينه قيود=وبوه عود بايحات سدوده
صار الأمل في شوف غاليه مفقود=ما له جدى إلا الدمع محفٍ خدوده
بالجاه أبو خالد بذل فيه مجهود=واطلق بعون الله مكبل قيوده
يرجي ثواب العبد من عند معبود=رب به أمال العباد معقوده
عديت لي شيئن مثبت وما كود=أفعال أبوخالد تزكي شهوده
وتاريخ أبو خالد مثل شامخ الطود=يصعب على راع المدايح صعوده
وسلم عدد ما طاف بالبيت من رود=وعداد ما تذري ذواري نفوده

أنا ما لقيت اللـي يشاركنـي الأحسـاس=من الساحل الشرقي ليا الساحـل الغربي
و من حدها اللي من ورى قصر بن هباس=ليا أقصى الطوال اللي جنوب عن الدربي
ترفع مزاجي عن مزاجات بعـض النـاس=ورفض عقب مسكان الرفـاع يتحدربي
عن المنزل اللي فيه للساقطيـن أونـاس=لـدار المعـزه والعزيـزيـن سافـربي
زراج قفر ما جاه لهـل الـردى عسـاس=و لا دوجت بربوعـة الهيـم والجربي
مزاجي كمـا طيـر ليـا هبلـه نسنـاس=عن أرض المذله في سما العز يشهربي
يحلـق بجـو العـز تحليقـة القرنـاس=عن الشرك يم ديـار الانصـار هاجربي
طمحت لحديث بن عمر هو وبن عبـاس=وهجرت الرياضيات والجمع والضربي
ليا وردو انذال المـلا عقلـت الانجـاس=مزاجي مـع المظمـاه عنهـا يصدربي
لو العز بحـر ٍلالتطـم يغـرق الغطـاس=رسابي مزاجي فـي موانيـه وابحربي
اجنب يميـن عـن المناقيـد و الادنـاس=وخلـي طـريـق ٍللـمـلام يتياسـربي
انا مع طريق اللي لهم فالدجـى نبـراس=هذا دربهـم وانـا علـى دربهـم دربي
اقـص الاثـار المستجـدات والــدراس=تقفيت اثـر وافيـن الاشبـار والثربي
و عن منهج ٍ سارو معه مارغب المنكاس=تسهـل معـه ممشـاري ولا توعـربي
وانا حالفٍ بمكـون الـروح و الانفـاس=ومرسل خيار الخلق من خيـرت العربي
ما تصغ المسامع للمطامع ولا ارخ الراس=ولـو كـان كـل ٍينتقدنـي ويسخـربي
اقاس الظروف وسمعتي كنهـا القرطاس=ولا اطلـب جميـل البوسنه والصربي
وقل ٍتسوده عزت النفس مـا بـه بـاس=ولا خضع يا كود لكاشف الضر والكربي
لو ارخي عزيز النفس لجل الذهب والماس=بقت وصمةٍ لاحـل بـي ذكـر وتذكربي
هذا هو طريقي والبشر والعقول أجناس=وكل ٍ لـه أرا ولـه منهـج ولـه دربي

يا عاشق الدنيا الدنيه عشاقه=بئس المودة وبين عاشق ومعشوق
الله ولا عشقٍ يبيّت نفاقه=مبداه خدعة فاتنه واخره بوق
دنياك عذرٍ شوفك الها شفاقه=من خلقة آدم عذبت كل مخلوق
هيما خواصر و العلاوي دقاقه=قوامها كنّه من النبت زملوق
تفوق غزلان الظبا بالرشاقه=وتلبس لطراد الهوى التاج والطوق
و تسرق قلوب الغوش منهم سراق=هبالابتسام وبالتغزّال بالموق
و تذوّق الجهال منها ذواقه=ألذ من در المتالي من النوق
ولها عليهم لو تزين اصطفاقه=لو كان نسقيهم من العذب دغروق
كم عاشق ٍ بعد اسقته درناقه=تسقيه كاس ٍجوفه السم مسحوق
انصحك ياللي فيك عرف و حذاقه=احذر تهاويها ولو هزّك لشوق
درير ناقتها ابتعد عن فواقه=وبعها ولو باقل الاثمان فالسوق
تراك معها لو صدقت الصداقه=ترى عهدها معك ماهوب ماثوق
دين الهوى مالك ومال اعتناقه=وبدل طواريق الضلاله بطاروق
و خلك مع الخالق قوي العلاقه=اللي بنى عرشه على الكون من فوق
اللي ليا بارو بك ادنى الرفاقه=ينجيك لو كادوا لك الطاق مطبوق

بعض العرب تشوف جسمه كبيري=وعرفه قليل وحجم عقله صغيّر
تشوف جسمه كبر جسم البعيري=واليا نخيته حن مثل الحويّر
وبعض العرب تشوف جسمه صغيري=وبينه وبين النوع الآخر تغيّر
السر عنده كنز في جوف بيري=وعرفه لفهم اقصاه لغزٍ محيّر
وبعض العرب في السلم حكيه كثيري=وفي صالحه لافعول غيره يغيّر
وعند المواجه ما يدان الصفيري= تقول ظبيٍ عقب شاف متذيّر
وبعض الأوادم فيه تيقن بخيري=وهو ماكرٍ خداع ماهو بخيّر
لو اوحيت حكيه قلت نعم العشيري=وان شاف فرصه جاك جمعه معيّر
وبعض العرب شريف قول وضميري= ورجله لحزب اهل الخنا ما تصيّر
لك في الشقاوة والسعادة خشيري =واليا احتجت له شيك يفيد المجيّر
والوقت أشوفه في الزمان الاخيري=ساعد مشاون بنت اعمه جهيّر
مشت له الدنيا بسلك الحريري =كبر وطال وهو نحيفٍ قصيّر
وبصري غدا في تالي الوقت أميري= كنه من الجربان ولا النهيّر

يا مل عيـن ٍ كـدّر البيـن بالهـا=الها ثلاث شهـور ينشـي خيالهـا
تلج بحصـون الضمايـر رعودهـا=وبروقهـا بيـن الحنايـا اشتعالهـا
انهل مغـرب ليـل الاثنيـن وبلهـا=حتى جـرت وديانهـا مـن زلالهـا
ولا كف من خطبٍ دهاهـا غشينهـا=ولاصحى سماها لين جابت حثالهـا
والعين لوتسقى الثرى من دموعهـا=ولو كان تبكي ايامهـا مـع ليالهـا
ما احدٍ على هـل العبايـر يلومهـا=يوم انها تنعى عزيـز ٍ غـدى لهـا
تبكي على مضنونها مثـل غيرهـا=صروف الدهر ماهي عليها لحالهـا
هذي سـوات الله بخلقـه وسنتـه=قدامها جرى لهـم مـا جـرى لهـا
تبكي على رمز الشيم منبـع الكـرم=شهم ٍ يروم من المراجـل جزالهـا
المرجله عذرا ً على نايـف الحجـا=تسبـى عقـول الطيبيـن بجمالهـا
واللاش ولد اللاش ما يشتقـي بهـا=ما يشتقي فـي حبهـا الا رجالهـا
والا الردي ترى الرخامه عشيقتـه=عليه تضفـي شيلـةٍ مـن شيالهـا
لا عجز يصعد للعـلا ينحنـج لهـا=مثـل انحنـاج ام الغـزال لغزالهـا
كوخ الرخامه في اسفل الدرك مرتخي=ومن عجز يرقىا لنايفات ارتخى لها
ومن شام يم المرجله واشتقى بهـا=يحفي سبوته فـي مراقـي جبالهـا
امثـال ابـو سطـام رهيـن حبهـا=اللي بعسرات المراقـي رقـى لهـا
احبهـا مـن صغـر سنـه وحبتـه=ياما استمالـت رغبتـه واستمالهـا
طاعة كريم الوجه غايـة مقاصـده=من صغرته متمسكـا ً فـي حبالهـا
ونفسه عن افعـال الدنايـا يعزهـا=نفس ٍ شريف فعولهـا راس مالهـا
ويمنا ً قصد مرضـاة ربـه بمدهـا=اللي تمـده مـا درت بـه شمالهـا
ويمنا ً كماالهمـال للضيـف كفهـا=ترخص ليال العسر غالـي حلالهـا
له ربعـةٍ للضيـف دايـم مشيـده=ونارٍ مـن الصالـي يقـرب دلالهـا
وحيلٍ على المنسف ينسف عصوبها=والا هرافا ً مـن خزايـز اطفالهـا
الله مـن دنيـا ً اليـا زان وجههـا=لابد ما تلقـح لـو اطـول حيالهـا
النـاس مـا يستبشـرون بلقاحهـا=وتشيّب الاطفـال لاضنـت عيالهـا
دنيا ً يحـل العبـد فيهـا ويرتحـل=لا وصل يومه نوخـت لـه رحالهـا
اللوح فيه الخلق والمـوت والبعـث=كتبت بـه ارزاق البرايـا واجالهـا
نفهم ردى الدنيا ونـدري بقصرهـا=مير البشـر يغرهـا طـول امالهـا
اليا صار ندري ان المخاليق فانيـه=والنـاس والدنيـا قريـب ٍ زوالهـا
ياجب علينا اليوم نصبر ونحتسـب=لحمولهـا مـا يبـرك الا جمالـهـا
صبر على البلوى والايمان بالقضاء=لو كبرت البلـوى يخفـف اثقالهـا
وندعو لابو سطام بالعفو والرضـى=فـي جنـةٍ عليـه دان ٍ ظلالـهـا
ويعوّضه باهـلٍ يعوضـون بالاهـل=وبالـدار دارٍ خيـرٍ منهـا بدالهـا
وسطام واخوانه عوضنـا وذخرنـا=واسود الشرى ما تخّـر الا شبالهـا
شبول ٍ شهدنـا فعلهـا قبـل حلهـا=الكل منهـم رايـة الجـود شالهـا
وصلوا على اللي جا من الله بالهدى=عـداد مـا تـذري ذواري رمالهـا

عفا الله عن عين اليـا مـن كـل نـام =جفاها المنام وسبلـت مـاء مدامعهـا
تفيض ومخازنها بزرق الدموع اجمام =ولاتقلـع الا ليـن تنضـب منابعهـا
اليا من عينـي جفنهـا عن منامـه شـام =تجافا الجنوب من السهر عن مضاجعها
وقلبي يجـي للهم منجـاع واستجمـام =همـوم يقبلهـا والاخـرى يوادعهـا
سبايب فتاة رمحها من ثمـان اعـوام =يخج الضلوع وبسـرة الكبـد فالعهـا
فتاة تخادعني بالاغضـاي والسلهـام =وتجر العواطف ليـن فيهـا تطمعهـا
اليا اقفت ترخي عن صغار الثمان الثام =وعن وجنة بالوشم الازرق ترودعهـا
ولاشفتهـا يجترني شوقهـا بخطـام =وريعت معها عقب صملـت اقاطعهـا
اليا جيت اوادعها تقول الوعـد قـدام =وطمعت بمبادي وصلها من تواضعها
ولاكنت اظن وعودها لي خدع واوهام =ولااظنهـا يمشـي علـي تصنعهـا
ولاكنت اظن بحسنها قبلي احـد هـام =ولاقبلي اخذت جاهل فـي مذارعهـا
وعقب فعلها نيم الضحى من منامه قـام =ودرى عن مغيب نجومها من مطالعها
دريت انها قد عذبت نسل حام وسـام =نصوب لعوب مـا تخلـي طبايعهـا
تعشر بلا زوج ونماها يجـون اتـوام=اليا اضنت نماها خانت اللـي مبايعهـا
ياكم بايعت من روس قوم ومن حكـام =بقت دورهم قفرٍ خليٍ بلاقعهـا
خراب غراب البين فوقه يجـر انغـام =واهلها المنايـا جودتهـم باصابعهـا
غدى ذكرهم بين البرايا تقول احـلام =تحت قاعها صرعـا خلـي مرابعهـا
وكم جندلت من فارس فالوغى مقـدام =اصرعته وهو محتال فيها يصارعهـا
وبحر مكرها للي يعومون مـا ينعـام =ومن لا تطيعـه مالـه الا يطاوعهـا
اثر تركي بن حميد معذور ما ينـلام =بدنيـاه لـو حـرج عليهـا يبيعهـا
ومثل ما ذكر تركي اليا صرت الاقلام =هل الحكي كثر الحكي ما عاد ينفعهـا
فلو البقى والمجـد والعـز لاحـد دام =تجلت نجوم الانبيـاء فـي مواقعهـا
ولا نكست راية ملوك اليمـن والشـام =وهي ما احد يقدر مـن اول ينازعهـا
لكن البقـى للواحـد المؤمـن السـلام =فهو رافع الرايه بحكمـه وواضعهـا
وبقعا مثل مـا قيـل لوانهـا تنسـام =عقب ما ظهرلي مكرها مـع مخادعهـا
لاحرج على بقعا مثل قرشة الايتـام =واخليـه لاحـرج يقـنـع مقنعـهـا
ولا استثني الا طاعة الواحـد العـلام =جزيل العطا مفني البرايـا وجامعهـا
بيومن يثبـت فيـه للمؤمنيـن اقـدام =ويجي فيه لاقدام الشقي ما يزعزعهـا
ورفقة مشاكيل عـزاز حشـام كـرام =لضيقة ضميري عندهم مـا يوسعهـا
ابادلهم الاشعار شروى هـل الدمـام =بروح عليهم دافـع الشـوق يدفعهـا
من الواد وادي سبيع نقريهـم السـلام =تحية شفوق من ضميـره يروجعهـا
واخص الاديب ابوحمود الكريم اشمام =وعلى الربع منـي بالنيابـه يوزعهـا
وبازكى الصلاة الطاهره والسلام ختام =على مسس السنـه ومعلـن شرايعهـا