هذا رد الشاعر سعود بن راشد الحربي على قصيدة ياسعود التى نزلتها الاسبوع الماضي
يقول سعود |
أهلا هلابك عد ماذعذع النود = ياشاعرن يبدع بمافي خفوقه
الصاحب الي ماطرق كل منقود = عبد العزيز الى جواده سبوقه
الشعر بحرن يصطفق ماله حدود = أحدن سطحه واحدن في عموقه
وانته تحل ياصاحبي كل معقود = ولاشك في شعرك طويله عروقه
ومقصودك الى قاصده يافتى الجود = نفسي على ذا الطرق ماهى شفوقه
أدري على جاله مصادير وورود = لوكان له جماً هماجاً مذوقه
ولاهو جديد اليوم يافلان مولود = قديم يوم دور الذلول اللحوقه
وياكثر من يوجد ولاهو بموجود = يضحك مع العالم ونفسه زهوقه
ومن غير من سهران والعالم رقود =يسري به الهاجوس لديار شوقه
وياكم من جسمن نحل كنه العود = اتقول فيه الشر لصق لصوقه
وكله من أسباب الهوى وكلن شهود = وغلطان منهو قال ماتابس وروقه
والدرب ماهو زل وأزهار وورود = الدرب صعب وأدناة شين يعوقه
وأن كان ماأبعدت ياليتك تعود = وتفك طير العشق هو وسبوقه
وتريح الخاطر يالعلك الفود = وجعل السعد قدمك وتعبر نفوقه
24-07-2007, 05:37 PM
المواضيع المتشابهه
