اهل كرم ودلال صفر(ن) جديده *** يعجبك ريح البن والهيل لا فاح

أخذت بالمصياف فترة فريده = واليوم ياناصرقرب كل مرواح
سرع اليالي فالزمن من يعيده= ماكنها الاصافي الصبح مسراح
أصبر على المشوار ونفسي سعيده=لوكان قبل الفجر والصبح منباح
والعصر نرجع للديار المجيده= ماسيرت فيها عمالة وسياح
الجار ربعي والمناقب حميده= الكل منهم في ملاقاه ترتاح
اهل كرم ودلال صفر(ن) جديده= يعجبك ريح البن والهيل لا فاح
والنار تشتب والمرحب وليده=والجوصافي من معاصير الارياح
ودارت سوالف والمعاني امفيده =وكلن على ماقيل غايص وسباح
احدن يجيب السالفه والقصيده=واحدن يجيب اعلوم فيها تمزاح
هذاهوا قلبي وهذا رصيده=لازم يغني لويقفل بمفتاح
حب الجماعه ماشي(ن) في وريده=ماهمته سكن المدن والتملاح
اظن يا ناصرقرب شديده=لوجيت دور فالجسد قلت لك راح
حتى مصيف المملكلة مايريده =اللي بساتينه مشمش وتفاح
كلن يجيله من مكاين ابعيده=يبغا الهوا الصافي على قم الاصفاح
واناهوايه فالديارالمديده =اللي شجرها يشبه الليل لاطاح
عن الجنوب يسار وتروح سيده=يازينها لن كان نو الحيا لاح
واد الخرايق سال وابيض زبيده=شق النفود وحط فالأرض الاجراح
وزان الشجروالعشب ربي يزيده=كنه جدايل بنت في ليل الافراح
وكلن شكر ربه وزاد تحميده=والذود يشبع وانبهج كل مصلاح
لو جيت ابا وصف ماتكفي جريده=اخذت من صاف المعاني تلماح
هاذي هواجس خاطري في بريده=وصلوا على الرسول ممسى ومصباح