ديوان ناصر الفراعنه

بسمك اللهم منزل سورة الاحقاف والاعـراف = منـزل(ن) (قاف)(كاف,ها,يا,عين,صـاد)"
"عالم سر العباد ومهلك فرعون ذو الاوتاد = عاد هل ارم ذات العمادومن بنـوا صخـرا بـواد
جيت لا حي ولاني ميت بين اقبلت بين اقفيـت = احـط البيـت تلـو البيـت واشـد القيـاد"
"جيت للحفل اعدي شهلول هملول بردي = قامت يدي تصفق يدي طبعي لجيت ابغـى القصيـد
جيت من ظلما قبر بالحفل ما جاني خبر = لعيون امير من ملوك اهـل الوبـر واهـل المـدر"
"ما زهمني غير بدر الشمري في الخامسة عصرا = وجيت اجري جري بامر العزيز المقتـدر
جيت خيروجيت شر سر ضر وحلو مر = وبين كر وبين فر انفذ الايعـاز الـى اليميـن در"
"في مثل لمح البصر جيت العصر في حفل = ابن خالد حفيـد القائـد الوالـد ولا نعـم الحفيـد
فيصل فيصل سمي السيف راع الكيف = ريف الضيف برد صيف هيف هيف ليـس زيـف"
"من هل المجد الأبي العود منهم والصبـي = مرملـة سـود العبـي نزالـة القفـر المخيـف
فوق قين وفوق خف وكل كف فوق كف = الصف تلو الصف لين اشتف مـن شـف شفيـف"
"يوم تصرخ نارها هل من مزيد مسلسلينـه = بالحديـد احمـر وريـد وكـل شيطـان مريـد
في سباق اليوم شفت الخيل خضب ليل = راس وذيل قوم وقوم مـا بيـن النيـازك والنجـوم"
"يا رمك زوغة سمك لا شفتها تفتح فمك = غوج عطا راسه تقول يدين سابح منديال جا بيعـوم
كن تتابع حمرها مـع شقرهـا جيـش = مـن الرومـان قابـل مـن غـزاة التـرك قـوم"
"وشفت منها اشقر تقل مشروب خولاني اشقر = صخرة في راس عنقر بل وذو عـزم شديـد
ضوح سيالته فوقه مثل نار الموبذان او دير = راهـب ولعـوا بـه شمعـدان ويـش اقـول"
"والله يا لولا الرسن فوقه يحوفه يا نهار = ارخى كتوفه ما تشوفه مـن عيونـك عيـن طـول
ما تقول الا شعاع الشمس في وقت الاصيل = او سندس في جوف ليل مرصع جوهر ولـول"
"اسمه المرسول كنه بموية التبر مغسول = اليا صهـل كنـه يقول:انـا هنـا الغـوج الوحيـد
يقفي قفاية جبان ويقبل قبالة شجـاع = وكـن ساقـه فـي سياقـه مـن مساقـه صولجـان"
"لا عقاب ولا حمامة لا قطاة ولا نعامة = مثل ابو زيـد سلامـة لاانتهـض وسـط المكـان
لا تنشر ما تقول الا رسول جا يبشر = كن سرجـه فـوق مرجـه حـول درجـه طيلسـان"
"جرتـه يـوم اتتبـع لا مثلـث لا مربـع = كالخديـوي متربـع فوقـه الجوكـي مهـيـد
لا تعصب ثم تنصب ما تقول الا مقصب = تاج كسرى ما تغصب عرض طول وطول عرض"
"فزته فزة قريص مونس بالساق لسعة = في سباق النخبـة التسعـة يـرى ان الفـوز فـرض
كن تفتاله تفتل روس رهبـان تبتـل ركزتـه = حافـر وحافـر زلزلـت فـي كـل ارض"
"تقل لا طوف حصان يقول له :هاه!اقتنعت = اوكيه ثاني مـرة اعـرف قيمتـك علـم وكيـد
الله اكبر والله اكبر تصغر القالة وتكبـر = يكسـر العايـب ويجبـر يـا بـدر علـم بـدر"
"الله اكبر والله اكبريقبل العايـل ويدبـر = يبتلـى المسلـم ويصبـر كـل فـوق لـه حـدر
شاعر ضابط مظلي مهندس ملـي بملـي = اعبـد المولـى واصلـي ولا طلبـت الجـن در"
"جت بي امي في رماده وارضعتني في حماده = يا نميـر بن(ا)عبـاده جـدي الشاعـر لبيـد
من وانا حي نسوني وفي عباتـي كفنونـي = هـل اذا مـت اذكرونـي لا ورب العاديـات"
"لا ورب العاديات الضبح رب النازعـات = الغـرق رب الناشطـات النشـط رب السابقـات
والله لو عندي فراغ ان قد رسمت الشعر صاغ = وجبت ما لا جابه(و)اهل العصورالماضيات"
"مير اشغلني الزمان وضرب أنس عند جان = وعشرة راحت ثمـان وصـرف عبـاد عبيـد
شاعر من خلقته ما قد شحذ بالشعر قرش = ولا طلب في الارض عرش يموت قبل يقول (ابي)"
"من خلق ما شال هم الا ثنين ابا وأم الموت = عنهـم بعـد (كم)ورضاهـم اقصـى مطلبـي
ولا هالدنيـا متـاع فرحتيـن ثـم وداع القبـر = بـاع فـي ذراع ولا جهلـه الا غـبـي"
"نفخ صور ثم نشور من قبور ثم سعـادة = او دبـور المسعـد اللـي ذالـك اليـوم(ا) سعيـد

بـــدعٍ بدعـنـابـه وحـنـالـه وجيـنـابـه وسـرنـابـه ويـعـجـز بـــدع قــافــه كــــل ســــادات الــعــرب=فـي وقـت حيفـه صـار شيفـه حـد سيفـه مـن رهيفـه يبتـر الهامـات والجمهـات والعظـم الجلـيـد
=يالله دخليـك مـن عنـا الدنيـا دخيلـك انـت يـا حامـي خليلـك وانـت يـا حاجـي حجـا البيـت العتـيـد
=والـحـر عــام اول تـحـول صــار شــوّل يــوم غــوّل والـدهـر طــوّل وحــول بالـذيـابـه يـــا عـبـيـد
=وابـن القبيلـه كالحليلـة شـف شليلـة فـي مقيلـة رابــطٍ رجـلـه وذيـلـه مــع حصيـلـه وســط قـيـد
=وقـتٍ بـه الشاعـر تغيّـر لا يجـار ولا يجيّـر فالعـرب سمـوى الذنـب يـدور مــن يـشـري القصـيـد
=وصحنـا ونحنـا يـوم رحنـا فالقصيـد اجنـاب يـوم انّـا هلـه فـي مدهلـه فـي زاخـر ابحـوره نجـيـد
=عيـش البـدو كلـه قسـاوه يالقطـاوه مـا تشـاوه وانتـوا مـا شفتـوا مـن الدنيـا علـى الدنيـا شـديـد
=والقـاضـي محـمـد وابــن لعـبـون راع افـنـون يــم ديــار مــي والشـوامـي مـالــكٍ تـــاج النـشـيـد
=وبديـوي الوقدانـي وابـن سبـيّـل بـبـدع المعـانـي والذويـبـي عـنـد سرحـانـي ثـنـا بسـيـفٍ جـديـد
=بيـض القوافـي والرهافـي يـوم هـاف الجـد ليـن السـد زيـن الخـد مـا طـاول علـى البـيـدا صعـيـد
=واللـي بقـوا شقـف ابلحـه اتفـل عليهـم لعنبـو منهـو غـذاهـم والـعـن آبــو آبــو ثـواهـم والكـديـد
=مــا كـتـب لــي مـنـه ابتـلـي غـصـبٍ عـلـي حـكـم ٍ جـلـي ومكمّـلـي مــن عـنـد الـعــرش المـجـيـد
=شامـي علـى الغبـه صلفتـه عقـب شفتـه مـا عرفتـه يـوم حفتـه والمصيقيـل ابـن نـزاع الهضيـد
=شبـت هجوسـي مثـل نـيـران المجـوسـي وانثـنـت عـنـي لبـوسـي وانثنـالـي كــل شيـطـانٍ مـريـد
=مــــا كــسّــر اقــفــول الـحـديــد الـكـايــدات الـصـالـبـات الـشـامـخـات الـصـامـتــات إلا الـحــديــد
=بـس آه يـا قـل قلهـم ولا كلهـم لـو كـان شـاعـر مـعـه ابـاعـر قــادرٍ فــي سبـكـة الـقـاف الجـويـد

‏الله مــن قـلـبٍ عـلــى مـرتــع الـخــور = ‏كـنــه هـشـيــمٍ دمــــدم الــعــود بــالــي
كني عضيض اللي مع الخبـت مسعـور= ‏بــاقــي مــــن الــمــدة ثــلاثــة لـيـالــي
يكـفـخ بــلا ريـــشٍ ويـنـفـخ بـــلا زور = ‏ويكفـيـه عـــن رد الـجــواب الـسـؤالـي
دنيـاك يـا خالـد علـى السـرج والـكـور = مــا تفـجـع الا مــن زحــول الـرجـالـي
تجبـر عـراوي الكلـب والـبـوم والـثـور = ‏وتـكـسـر عـــراوي طيّـبـيـن الـعـيـالـي
تـنــزل مـقــام مـخـرّقـة كـــل طـابــور = ‏وتـرفــع مــقــام مـخـرّزيــن الـنـعـالـي
شاخـت بـهـا الأذنــاب لحّـاسـة الـسـور = ‏ســــود الـوجـيــه مبـيّـعـيـن الـشـيـالــي
فيـهـا ولـيــد الـــلاش عـالــم ودكـتــور = ‏ولقـيـطـة الـحـجّـاج حـضــرة مـعـالــي
وســـلالة الـجــزّار مـطــوة وســاطــور = ‏تـأمـر عليـنـا فــي الـعـصـور الـتـوالـي
فـإن كــان يــا خـالـد معـنّـى ومنـجـور = ‏ما احدٍ يا ابن مدعث من الوقـت سالـي
وانـتـه عـريـبٍ وافــي الـجــد مـخـيـور = ‏يــا صـلـب زايــد يــا كـريـم السـبـالـي
أمـا معـي تقطـع مــن الـعـرق مشـبـور = ‏والا قـطـعـت الــعــرق كــلــه لـحـالــي
روحي مثل روحك على سبـق مطيـور = ‏مـــا بـيــن قـولــة لا تـجـيـن وتـعـالــي
فـكـان الـزمـان بـحـدّة الـبــدو مـأمــور = ‏يــا لــوم قـلـبـي يـــوم يـنـحـاس بـالــي
تـرى يخالـد مـا ورا الـشـوف مـذخـور = ‏ولا احــدٍ يـهـدّ الطـيـر والـقـاع خـالــي
مـن عقـب مـا حنـا ذرى كـل مظـهـور = ‏عـلــى ســـروج الصـافـنـات الـمـتـالـي
تنـتـف شواربـنـا عـلـى غـيـر مـبـرور = ‏ونشـرب مـرار ويشـرب الغيـر حـالـي
يـاطـى الثـعـل هـامـة ثمانـيـن مـنـعـور = والــذيــب عــــوّد فــرْســةٍ لـلـرخـالــي
وولد الردي لا جاء علـى راس عنقـور = ‏يـبـلاك فــي نـفـسـه لـــو أنّـــك مـثـالـي
صيـده ليـا جـابـه زريـطـي وعصـفـور = ‏يــوم النشـامـى مـــا تـصـيـد الـهـزالـي
بـالـهـرج عـــدّة نـابـيـة كـــل عـثـمـور = ‏والفـعـل مــا مـلّـى صـغــار السـحـالـي
يـــوم انّ كـــلٍّ إلْـــه حـيـلـة ومــقــدور = ‏جــــداه كـشـخــة غـتـرتــه والـعـقـالــي
ولــدة حـــرامٍ بـــارد الـخــدّ مـقـصـور = هــيــسِ يـكـبّــر مــوخــره بالـسـمـالـي
سبـوٍ جبـو قــدره مــع الـنـاس محـقـور = ‏وش عـاد لـو عــدّى الـرجـوم العـوالـي
خبـلٍ يــدوّر مــع قـفـا الـنـاس ثـغـرور = ‏والقـفـو مـــا نـــوّخ ظـهــور الجـمـالـي
والعـنـز لـــو ربـــي رزقـهــا بـزمّــور = ‏مـــا يحتمـيـهـا مـــن ذيـــاب السـهـالـي
ومن لا يحوش الطيب والعمـر ميسـور = ‏مــا يـدركـه لــي مـــا غـشــاه الثـفـالـي
فيـالـلـي تـعـذربـنـا هـبـيــلٍ ومـطـيــور = ‏أجْــل الـبــداوة عـيــب ؟ لا يالخـمـالـي
كـان البـداوة عيـب مـا نـيـب مصـغـور = ‏يــا طـيـب عـيـب معطّـريـن الـسـلالـي
حـنـا الـبـدو أحــرار وآســـود ونـمــور = ‏سـيــفٍ يـقــصّ مـروبـعـات الـحـبـالـي
حـنـا الـبـدو حـنـا عـمـى كــلّ مـغـرور = ‏مــا حـــنْ عـيــال مضبّـبـيـن الـدلالــي
يشهـد لنـا مــن حــدر الالـحـاد مقـبـور = ‏ويشهـد لنـا فــي الـقـاع مــن لا يـزالـي
حـنـا الـبـدو سـيـفٍ بالايـمـان مشـهـور = ‏وتـشـهـد عـلـيـه قـصـارهـا والـطـوالـي
لا نقـطـع الـذمــة .‏. ولا نـشـهـد الـــزور = ‏ولا نتـلـب العـانـي لـيـا جـــاك جـالــي
ولا نـقـلـب الـمـلـة.‏. ولا نـطــرد الـعــور = ‏ولا نسـهـج الشيـنـات وســـط المـفـالـي
ولا ننقـل العـجـرا .. ‏ولا نطـلـب الـغـور = ‏ولا نـلـحـق الـكــف اليـمـيـن الشـمـالـي
ولا نـذبـح العجـفـا .‏. ولا نـسـبـق الـــدور = ‏ولا نـطــرد المـقـفـي لـشــدّ الـرحـالــي
ولا نـزرع الصبـخـا .‏. ولا نحـفـر الـقـور = ‏ولا نطـرح الا مــن السـمـان الجـزالـي
ولا نعبـد الرتبـه ولــو هــو امبـراطـور = ‏ولا نــهـــاب الا عــزيـــز الــجــلالــي
ولا نخلـف الهـقـوة.‏ولا نطـلـق الـحـور= ‏الا عــلــى طــيــب وحــافــظ ووالــــي
مــا نقـطـع السـاقـة.‏ولا نبـعـج الـشــور = ‏ولا نــدغــر الـقـالــة بـقــيــلٍ وقــالـــي
ولا نبـخـس الكيـلـة.‏ولا نجـحـد الـنــور = ‏ولا حِـنْ مــن الـلـي يكـنـزون الريـالـي
ولا نشـعـب الـذلـة ولا نـخـاوي الـبـور = ‏زرق العيـون ضـراب شـرْد السحـالـي
ولا نضـرب الطبلـة.‏ولا نشحـذ الـكـور = ‏فـضــلــة عـبــيــدٍ لـلأكــابــر مــوالـــي
ولا ندهـل العِبْلـة ولــو طـورهـا طــور = ‏والــرزق فــي يــدْ مــن علـيـه اتكـالـي
حنـا البـدو يـوم اكثـر النـاس طـرطـور= ‏نــاطــى صــمـــا صـمــيــم الـجـبـالــي
عشـة,‏ولا قـصـرٍ عـلـى الــذل معـمـور = ‏نـلـعــب عـلـيـهــا الـهــمّــلا هـمّــلالــي
عشـة تـدوم ولــو عـلـى سبـعـة بـحـور = ‏ولا قصـر لا مـالـت بــه الـريـح مـالـي
حنـا البـدو يـوم اشـهـب المـلـح منـثـور= ‏يـامــا خـزمـنـا روسـهــا مــــا نـبـالــي
رجّالنـا فـي حـومـة الـحـرب مسـطـور = ‏ورضيعنـا مـع ضـرب الاشهـب يلالـي
حـنـا عـلـى كـبـد الـعـدو مــرّ مـمـرور = ‏وعـلـى الـخـوي مـــيٍّ قـــراحٍ زلالـــي
مـا قـد وِخِـذ مـن حقنـا كـبـر الاظـفـور = ‏مـيـر الـدهـر خـلـى الخـفـايـف ثـقـالـي
مـن خلقـة الدنـيـا إلــى نفـخـة الـصـور = ‏والـبـدو أخَـيْـر الـنـاس بـــأول وتـالــي
ذبّـاحــةٍ يـــوم اول الــوقــت مــذعــور = ‏حـمّـايــة الـمَـرْكــي نــهـــار الـقـتـالــي
فـحـولٍ وسادتـنـا حـصـا كــلّ شنـظـور = ‏ولـحـافـنـا بــيــض الـنـجــوم الـمـدالــي
مـا نبـدي الشكـوى لخـاطـر ومخـطـور = ‏ألا عـلـى الـواحــد أحـــد ذو الـجـلالـي
ولا نغبـط الحاكـم علـى حكـمـه الــدُور = ‏الـيـا رعيـنـا فـــي الـفـيـاض الـخـوالـي
يـامـا حــلا ســـوق المعـاشـيـر بـقـفـور = ‏ونـجـم السويـبـع مـثـل قــرن الـغـزالـي
فـي خـايـعٍ تــوه مــن الـوسـم ممـطـور = ‏نــوّار عـشـبـه مـثــل نـقــش الـزوالــي
إبْـلٍ رعـوهـا الـبـدو مــع كــلّ دعـثـور = ‏تـســوى شَـبَـحَـات الـوجـيـه الـمـكـالـي
روحك يا ابن مدعث على ريشة كرور = ‏احــذر بـهـا صـفــر العـراقـيـب تـالــي
وان عذربوهـا بأشقـر الكـنـت مـعـذور = ‏أغاديه يِذهب عن حشا الجـوف صالـي
وان عذربك من سِلْحـة النـاس مسمـور = ‏اشـــرب وطــــقّ مـشـقّــره لا تـمـالــي
قبلـك شرَبْـه الجِهْـر نـاصـر ومنـصـور = ‏وعضيـب وعـقـاب عــنِـزَة والهـلالـي
وشرب ازرق الدخان ماهوب محظـور = ‏الـعـيـب زرع الهـافـيـة عــنــد غــالــي
ابــشــر يـخـالــد دام لـــــي دمٍّ يــفـــور = ‏مـانـيـب مـــن هـــو قـــال دوّر بـدالــي
أمـــا خـذيـنـا حـقّـنــا واقــبــل الــنــور = ‏ولا تــرانــا مــــن بــنـــات الـحــلالــي
مانـي وانــا نـاصـر بـهـورٍ ولــد هــور = ‏وانــا الــذي مــن راس عـمـي وخـالـي
فـيالله فــي كــونٍ مـثـل كــون جمـعـور = ‏هـشـهـاش بـــاروده ســـوات الخـيـالـي
يصبـح بـه الهافـي عـن العـز مكـسـور = ‏ويصبـح بـه الطيـب علـى راس عـالـي
نـاخـذ بــه خـفـاف المـوازيـن بـالــدور = ‏وكــم راس نــذلٍ عــن كتـوفـه يشـالـي
والنصر الى قالوا على الضـد منصـور = ‏مــا هــو عـلـى زعْـلـة خـــويٍّ قـبـالـي
ومـا قـلّ دلّ وزبـدة الـروض حـمـرور = ‏والا كـثـيــر الــهــرج مــالــه ومــالــي

كـل مـا فاضـت عيونـي نجـر ابـن حربـان دنّــا = في ضلوعي يسمـع اللـي مـن ورا بغـداد دنّـه
يـوم ابـن مدعـث لنـا سـنّ الوجـود الـحـقّ سـنّـا = وا فوادي كـنّ دود الارض يرعـى فـي مسنّـه
وا فـوادي لـو تضنّـى يابـن مدعـث مــا تضـنّـى = كنّّـه المجـدور عقـب الجـور مرمـيٍٍّ بعـنّـه
اشعـل التنبـاك مــن خلقـتـه مــا شـبّـه و كـنّـا = مير كنّّه من عجـاج فـاح مـن صـدره يكنّّـه
وا وجـودي وجـد منهـو عــضّ بابهـامـه وحـنّّـا = واحـدٍٍ شـاف الثـلاث البيـض سـودٍ مستجنّـه
شــاف قــدّام الخـيـام خشـيـف ريــمٍ مرجهـنّـا = وثوّر البندق يبـي صيـده وراغ الخشـف عنّـه
اطلـق اربـع عقبهـا اربـع ثـم سمـع صـوتٍ يـونّـا = واثرها امّه صابها طلقـه و طـار العقـل منّـه
واتهـمـوه بذبـحـة امّــه ليـلـة العـيـد و تجـنّـا = اتهمتـه النـاس و صـدوف المقاديـر اتهمنّـه
قالـوا اخوانـه تـرى منّـا بمـنـك ولا انــت مـنّـا = يفرق الله بيننـا و بينـك عسـى مالـك مظنّـه
لـك ثـلاث ايـام مـن ذلحيـن و ارحـل مـن وطـنّـا = عقبها تخطر علـى راسـك مضاريـب الاسنّـه
ودّع مريتـه وتــوْ بنـتـه صغـيـره مــا تحـنّـى = توّها ام اربـع شهـور و فـي لحَمهـا زود لنّـه
ركْـب غوجـه و انقلـب قبـلـه بلـيـلٍ مــا تـونّـى = والحمايـا مـن خلافـه ارخـوا حْبـال الاعنّـه
المطـايـا و السبـايـا مـــن خـلافــه عـمـدنّـا = والمنـايـا سـجّـدٍ قــدّام عيـنـه يحتـرنّـه
كـل مـا عنّـز علـى قـومٍ وطــنّ الــراس طـنّـا = قالـوا اذلـف ذابـح امّـه لعنبونـا لـو نحنّـه
ذابـح امّـه لــو زبـنّـا عــدّه انّــه مــا زبـنّـا = لعنبـوك بْيـوت قـومٍ ذابــح امّــه زبنـنّـه
الجمالـة مــا تجـمّـل فــي ولــد حــرٍّ تـدنّـى = ميـر دوّرغيرنـا وانحـش بقلـبـك لا نـدنّـه
وانقلـب مـن عندهـم كـنّـه عـلـى محـمـاس بـنّـا = يمّة اهل الغـوص عجـلات الركايـب وجّهنّـه
ركْـب بابـور البـحـر و دمــوع عيـنـه يذرفـنّـا = فـوق خــدّه كنّـهـنّ اذواد بــدوٍ مرثعـنّـه
يــوم حــلّ اللـيـل اشـرعـة السفيـنـه دودلـنّــا = و الهبايـب مـا يخلّـنْ محبـلٍ مــا دودلـنّـه
قـام ربّـان السفيـنـه قــال يــا نــاس امتحـنّـا = قوموا ادعوا ربّكـم عـلاّم مـا وسـط الاجنّـه
قــال شـيـخٍ منـهـم الا عـنـدي الــراي المطـنّـا = ضحّوا بواحـد عسـى الله ينقـذ ايديـنٍ رجنّـه
و طاحـت القرعـه علـى اللـي ذابـح امّـه مـا تتنّـى = ثم رمـوا بـه فـي ظلمـات البحـور المستكنّـه
و ادبحـوا عنّـه وهـو فـي غـبّـة الـمـوج يتثـنّـى = ثم عرض له من وحوش القرش جرجورٍ و صنّه
عـضّ جرجـور البحـر ساقـه و صايـح و استجـنّـا = ابك لـولا الله كـلاه القـرش مـا يسلـم مطنّـه
وفـي ديـارٍ مـن بـلاد الهنـد بيـن انــسٍ و جـنّـا = من فضل ربي عليه اطـراف الامـواج احذفنّـه
ومثـل مـا قبـل امـس متهـومٍ بذبـح امّــه معـنّـى = اتهمـوه بذبـح سلـطـان الـبـلاد المطمئـنّـه
و فـي السجـون المظلمـه خمسـة عشـر عـامٍ قضنّـا = مع ثلاث مـا قضـنّ الا عقـب حالـه قضنّـه
لا سمـع ورقـاً تغـنّـي جــرّ مسحـوبـه و غـنّـى = وكلّ مغنىً يزعجـه غصـبٍ يجـي تاليـه ونّـه
ولا طرتـه بْـيـوت قــومٍ فــي الخـلايـا يرفعـنّـا = دار دولاب الدبـا الدالـوب دولابــه و زنّــه
وكـل مـا بـرقٍ سـرى شـرقٍ صـدوق الغيـث شنّـا = كـن قلبـه فـوق سبـق طيـور بـرٍّ شطرنّـه
عـقـب مــدّه جــاه مــن داره نـذيـرٍ مرثعـنّـا = قـال انـا جيتـك بعلـمٍ والله انّــه والله انّــه
حرمتـك ماتـت لهـا عشـر سـنـواتٍ قــد مضـنّـا = و البنيّـه معمـسٍ تقـرع عليـك قـراع شنّـه
عمّهـا عـزّر بهـا فـي وسـط بيـتـه مــا تهـنّـى = خادمـة نسوانـه الثنتيـن و الـلـي ضيفـنّـه
ثـم زوّجهـا لـبـو سبعـيـن عــامٍ مــا انقصـنّـا = شايبٍ يطـرب خفوقـه لا سمـع للقـرش رنّـه
يـوم سمْـع هْروجهـم فـاضـت عيـونـه و ازحـرنّـا = وسط سجنه كنّّـه اللـي ساكـنٍ لـه فـي مجنّـه
قـال يـا ربعـي افزعـوا لـي مـن سجـونٍ غيضـنّـا = و قبـر قلبـي الدمـدم آغـادي يديكـم يظهرنّـه
قالـوا انّـا وش لـنـا انّــا والله انّــا مــا شحـنّـا = غير بنتك والاّ مثلـك مـا قربـه بقـرب جنّـه
وانتـحـوا وعـيـون قايـدهـم جـنــوبٍ خايـلـنّـا = وهـو ورا سجنـه عيونـه كـلّ نجـمٍ خايلنّـه
وعقـب عـامٍ مـن مجـيْ ربعـه و سـنٍّ عـضّ سنّـا = اعفـوا الكفّـار عنّـه مـن عقـب سـودٍ دهنّـه
يـوم فكّـوا قيـد رجـلـه وانطـلـق خـاطـرْه مـنّـا = و انفلت يبغـى ديـارٍ مـن ورا نجـد اشحننّـه
حـثّ ساقـه مــا يـشـوف الا بنيـتـه يــوم قـنّـا = من عقب عشرين عامٍ فـي وطـن قـومٍ مصنّـه
ومـن ردى حظـه نهـار اغضـنْ عيـونـه و ارقـدنّـا = فزّ من نومـه عقـب عضّـه حنـش دابٍ بسنّـه
ومـن اثـر سـم الحنـش يونـس ضلـوعـه يطبخـنّـا = و طاح عـزّي لواحـدٍ سـود الافاعـي طيحنّـه
يـوم هـو فـكّـر والــى فـوقـه نـجـومٍ يبرقـنّـا = وشـاف بكيـة بنتـه اللـي جـا يبيهـا بينهنّـه
قـال يـا نجـوم السمـا تكفيـن روحـي صـوب اهلنـا = علّمي بنتي عن اللـي صـاب ابوهـا واستسنّـه
اشهـد انّـا مـا بحلنـا فــي الليـالـي اشـهـد انّــا = مير حظي خانني ثمْ مـات مـا بـه مـن يقنّـه
ذاك وجـده وجـد حالـي فـي وطـنّـا مــن عطـنّـا = من هنـوفٍ خدرهـا بيـض الهنـادي يحتمنّـه

لـيـلـةٍ مـا بـيـن مـسـفـر وابـــن عـمــه مـقـيـم(1)= الـعـرب مــن هـولـهـا صـلّــوا الـمـغـرب عـصَر
يـــا مِـقِـيْــم ابـسـألــك عــــن مُـقـيــمٍ مـسـتـديـم= مــا ذكــر فــي يــوم صـلّـى صـلاتـه مـــا قـصَـر
ووش وزيــرٍ فــاق فـي سلطـتـه سلـطـة زعـيـم؟= وهـــم رعـايــا الـدولــة الـواحــدة فـيـمــا ذُكِــــر
يـــــا مـقــيــم ابـســألــك راحـــــلٍ والا مــقــيــم= قــــال :ألا راحــــلٍ قــلــت: وان قـلـنــا: صــبَـر
قــال: مــا بــاقِ ألا أنــا قلت:وافـهـم يـــا فـهـيـم= قــال: بـإيـدي لا بـيـدْ عـمـرو يــا شـاعـر مُـضَـر
لــي عـــن أهـــل الخـيـزرانـة صـــراطٍ مستـقـيـم= قـلـت:بــرّ وقــــال: ألا بــحــر وامــحــق بــحـــر
غـصــن زيـتــونٍ لـلاطـيـار مـــن فـوقــه رنــيــم= بـاتــرك الـورقــا تـغـنّـي عـلـيـه :اسـمــر عــبــر
ولا تـعـيـش الـرمّــة الا عـلــى الـشــيّ الـرمـيــم= كالطـيـور الـلـي عـلــى اشكـالـهـا تـوقّــع حـــدر
الـنـوَر تشـبـه بـعَـض والطبـايـع (سـيــم سـيــم)= ولـــو تـغـيّـر اسـمـهـم .. الـنــوَر تـبـقــى نــــوَر
ولــو بـهـم واحــد فـقـط مـــن طبايـعـهـم سـلـيـم= كان مـا صار اسمهـم _عنـدأهـل مصـرٍ_غجـر
احـمـد الله ضربـتـي مــا تـجـي الا فــي الصمـيـم=وكـلـمـتـي وحــــده ولـكـنّـهـا تــســوى عــشـــر
قـلـت:وسّـع خــاطــرك خــابــرك دايــــم حـلـيــم= مـــــا تــهـــزّك كـلــمــةٍ جــابــهــا وجــــــهٍ ودر
الحلـيـم الـيـا سـمــع هـرجــةٍ جـــت مـــن لـئـيـم= ابتسـم .. وشلـون أجـل لا سمعـهـا مــن بــزر!!
انتـبـه تـزعــل . تـــرى أسـعــد أيـــام الخـصـيـم=يــوم يلـقـى للـزعـل فـــي وجِـــهْ خـصـمـه أثَـــر
بـ(جــاه ربــي) باطلـبـك ثــمْ بـجـاه بــن اليـتـيـم=قــــال كــــلا ألــــف فــــي ألـــــف كـــــلا لا وزر
يـــا مـقـيـم أرجـــوزة الـبـغـي مرتـعـهـا وخــيــم= وقـبّــة الطـغـيـان مـهـمـا عـلَــت تــرجــع قــبــر
قال:سين (انت ابن من في الرجال) وقلـت :جيـم=( ابـــن مـــن لا أنـجـبـت حُــــرّةٍ مـثـلــه ذَكَــــر)
لــي مـــن الأمـجــاد مـــا فـــاق آفـــاق الـسـديـم= ولـــي مـــن الـطــولات مـــا لا تطـاولـهـا بـشــر
قال:طيّـب .وش تبـي فــي شــرابٍ مــن حمـيـم؟= وكـــلّ قـــدٍّ مـــن قـبُــل صـــار قـــدٍّ مـــن دبُــــر
وش تبـي فــي خـمّـةٍ سـمّـت البـاشـق .. عـديـم= لا نـخـوا سلتـوحـهـم جـــاك مـــا صـــدّق خـبــر
يــا مقـيـم أدري بـكـلْ شــيّ انــا مـانــي غـشـيـم= وادري ان اسـمــي لـهــم صـايــرٍ عــلّــة نــحــر
وادري اهــل الكـهـف هــم نفسـهـم أهــل الرقـيـم= بــسّ مـالـي مـــن ورا كـشــف عـورتـهـم أجـــر
عـــورةٍ لـــو خـيّـطـوا فـوقـهــا ســلــك الـبـريــم= بـيّـنـت كالـشـمـس والـسـاعـة الــوحــدة ظــهــر
مــن دعــى لــه والــده بـيــن زمـــزم والحـطـيـم=مــا يـهـمّـه سـيــل أهـــل الـحـسَـد مـهـمـا كـبــر
ما انقطع لـي فـي (هـوازن) وصَلتـه فـي (تميـم)=ولا يـمــوت احـــدٍ ولـــه كــاتــبٍ ربــــي عــمــر
القـهـر مــا هـــوب هـــذا .. ابـــك والله العـظـيـم= مــا مـثـل قـهـر الـرجُـل مــن بـنـي عـمــه قـهــر
كـــم ولـــدٍ عـــمٍّ لـــو آجــيــه ظـمـيــانٍ سـقـيــم=مـــا سـقـانـي شَـرْبَــه ولــــو تـرجّـيـتـه شــهــر
احـمــد الـلــي عـزّنــي مـــن وانـــا ورعٍ فـطـيـم= عـــن مـثــل هـــذا وعـــن كـــلّ مــبــدولٍ غــبــر
اقـطــع الـفـرجـة لـحـالـي مـــع الـلـيــل الـبـهـيـم= يـوم ولـد الـلاش مــا فـاخـت أمّــه لــو .. شـبـر
للهمــم ربـــي خـلَــق _يـــوم يخلـقـهـا_ هـمـيـم=وللقـمـم يصـعـد مــن الـقـوم كــلْ صـاعـد نـظــر
بـالألـف والـــلام والـمـيـم لـــي صـــوتٍ رخـيــم= يــوقــظ الـنـايــم قــبــل يــــذّن الــمـــذّن فــجـــر
شرهة (الروح بن مريـم) علـى (موسـى الكليـم)= والــردى فــي أهــل الــردى لا تــدوّر لــه عـــذر
حسـبـي الله فـــي رجـــالٍ مـــن الـداخــل حـريــم=وضـعـهــا دايــــم خـطـيــرٍ ولا مـنــهــا خــطَـــر
مثـل ابـو وجهيـن مـا شـفـت فــي العـالـم عقـيـم= لا انكـشـف أفـلـس مــن اثنينـهـا بـطــن وظـهــر
يــا كـثـر مــا جـنّـةٍ فــي الأصــل كـانـت جـحـيـم= وكــم كـسـر ســاقٍ إلــى زاد عـــن حـــدّه جـبــر
مـــا لـنــا ألا الـظـاهـر .. وبالخـفـايـا الله عـلـيـم= ســنّــة الله لــيــن يــــذن حـمـارٍ فـــي هــجـــر(2)
ويـــش تـرجــي مـــن عـتــلٍّ بـعَــد ذلـــكْ زنـيــم= مــا يطـيـب ولـــو تشـيـلـه عـلــى مـتـنـك دهـــر
ووش لـــي بـهــمــاز لــمّــاز مــــاشٍ بالـنـمـيـم= مـع كثـر مــا يـسـرح الصـبـح مــا ضــوّى بـعَـر
حــالــفٍ مــــا دام لــــي راسٍ يــشــمّ الـنـسـيــم= مـــا اتـلـحّـق مـقـفـيٍ لا بِـ(خـيــر) ولا بِـ(شـــر)
جاهلٍ من يحسب (القدس) هي نفس (أورشليـم)= كـالسهــل عكس الصعوبـة وهـو عكـس الوعَـر
هيه لو صيد (البواشـق) مثـل صيـد (الظلـيـم)(3)= شفت في (البومـة) عـوَض واحـدٍ ضيّـعْ (صقـر)
لا وســيــم ألا وســيــم الـسـجـايـا يــــا وســيــم= والـفـقـر فــقــر الـمـراجــل إلــــى قــالــوا فــقــر
والـدمـيـم الـصــدق يـالـلــي تـقـولــون الـدمـيــم= واحـــدٍ يـفـخـر بمـاضـيـه والـحـاضـر (صــفِــر)
مَـن يزاعـل صاحبـه لجْـل يِـرْضـي خـشـف ريــم=لا تثـق بـه لــو فــرَش لــك عـلـى السـكّـة زهــر
مـا انقطـع رزقــي ولــي فــي السـمـا ربٍّ كـريـم= ولا يضيـق بـي الفضـا ولـي عيـون ولـي بـصـر
مــن أقــام الـنـار فــي يـابـس العـشـب الهـشـيـم=قـــادرٍ أن يـخــرج الـمــاء مـــن حـصـبــا قــفــر
كـيـف نشـحـذ والسـمـا غيمـهـا مــن فــوق دِيــم= عـيـب والله عـيـب والشـمـس مــا مـعـهـا قـمــر
مــا يضـيـم بــن آدمٍ مـثـل ضـيـم الـحــظّ ضـيــم= مــن ردى حـظـه وهــو مـــا بـعــد ســـار يْعَثُـر
عـزّتــي لـلــي سـواتــي عـلــى وجــهــه يـهـيــم= لا مــعـــه حـــــظٍ يـعـيـنــه ولا عــنـــده ظــهَـــر
قـلــت مـــا لا قـالــه الـعــود (لـقـمـان الحـكـيـم) = بالشعـر .. بـسّ أنّ حظـي صفـق بـي فـي حجَـر
وغيـري الـيـا قــال كلـمـة ولــو هــي حـلـم نـيـم= اكتـبـوا لــه مــن عظـيـم الـثـنــاء مْـيَــةْ سـطــر
ورغــم هــذا مـــا تشـائـمـت والـحــادث جـسـيـم=فـــي رجـــا نـصــرٍ مـــن الله ولا غـيـــره نـصــر
من (خميس مشيط) ثمْ من (تبوكٍ) في (القصيم)=يـــا كـثــر مـــا طـــال لـيـلـي عـلـيّـه يـــا كــثــر
غـربـةٍ تـحـت السـمـا .. غـربــةٍ تـحــت الأديـــم=غـربـتـيــن مـــــا لابــــــن آدمٍ مــنــهــا مـــفـــر
مــا نـوفّـي ربــع مـعــروف عـــارف يـــا مـقـيـم= خـلّ عـاد إنـي اجحـده !! والـوفـا عــوده خـضـر
قــد حفظـنـا حــقّ جـربـوع فــي العـصـر القـديـم= فكيـف مـا نحفـظ لــذي الـحـقّ حـقّـه يــا بـشـر
ديـنـنـا فـــي صْحِيـبـنـا ذلــــك الــديــن الـقـويــم=مــا نـجـي مــع غِـرّتـه يــوم ولــد الــلاش غِـــر
ربّــنــا لأهــــل الــوفــا حـطّـنــا جــنّـــة نـعــيــم=ولـلـردى واهـــل الـــردى حـطّـنـا مـــوتٍ حـمــر
بـسـمــك اللهم ذي الــطَـــوْل رحــمـــنٍ رحــيـــم= لا تـخـيـب واحــــدٍ طــــقّ لــــك بــإيــده صــــدر
طـالــبــك يالله فـــــي كـــــلّ شـيــطــانٍ رجــيـــم= مـنــه لا تـبــقــي عـلـيـهــا جــنـــود ولا تَـــــذَر
يالله انــــك لا تـخـلّــي عــلـــى الـدنــيــا ذمــيـــم= ويالله أنـــك تـلـعـن الــلــي إلــــى قــفّــى غــــدر
يـــا مـقـيـم الـيــا اجتمـعـنـا نـديــمٍ مــــع نــديــم= مَــن بظـنـك يـربــح .. ومَـــن بـظـنـك بِـيْـخَـسَـر
وجـاه مـن أحيـى بِـ(غَيْـمٍ) ومـن أهـلـك بِـ(غـيـم)= غـيــر ركـعــة تـالــي الـلـيـل مـــا شـــيٍّ يــسُــرّ
فــــي نــهــارٍ سـاعـتــه مـالـهــا حــــدٍّ و قــيْـــم=لا انتـصـب منـهـا صــراطٍ عـلــى حـفــرة سـقَــر
لا نـجـى ســـاق السلـيـم وزلَــق ســـاق الأثـيــم= يـــا جـنــانٍ خـضــر يــــا ذات ألــــواح ودُسُــــر

سقيفـة معبـدٍ فـي أرض فــارس" = "سقيفة صدر ابو فارس يفـارس (1)
علـى كتفـي نقلـت اليـوم حتفـي" = "ولـي بالجنـة العليـا هجـارس (2)
بخـدّ صبيّـة مـن نسـل هـاشـم" = "ورسني من بنات الجـانّ وارس (3)
ألا يـا عيطمـوس الجـانّ صيحـي" = "ودقّي لي على صوت المهـارس (4)
وطيـري بـي لسبـعٍ بعـد سـبـعٍ" = "بأجنحـةٍ كأجنحـة الـنـوارس (5)
هجـوسٍ يـوم اهوجسهـا تشـادي" = "رباعيّـات رهـبـانٍ تـجـارس (6)
انـا العبـد الـذي صبـأوا ألـيـهِ" = "ذوي الملك الجبابـرة الغطـارس (7)
أنـا العبـد الـذي صلّـوا علـيـهِ" = "بقفـرٍ دمــدم الآثــار دارس (8)
بعشريـنٍ رأى مــا لا رأى مــن" = "بني التسعين من دارس ومـارس (9)
لصيحتـهِ تزلـزل قـصـر مــارد" = "ودهمٍ من بنـي بكـرٍ تكـارس (10)
سبيـعـيّ وذو معـنـى ومبـنـى" = "صناديد الوغى الأسد العتـارس (11)
زيـازيـمٍ شغامـيـمٍ أشـــاوس" = "زحازيـحٍ طحاطيـحٍ أشـارس (12)
سلاطـيـنٍ شياطـيـنٍ صــوارم" = "وإن حمي الوغى عميٌ أخـارس (13)
ورثنا قيصـرا فـي عـرش رومـا" = "ومن كسرى ورثنا ملك فـارس (14)
تسلطـنّـا بنـجـد ألــف عــام" = "وفي التاريـخ تذكيـر لـدارس (15)
أقمنـا دولـةً فـي إثــر دولــة" = "على مضَضٍ وبرد الدهر قارس (16)
جلينـا ظلـمـة الأتــراك حـتّـى" = "تصوّف ربّهم في شهر مـارس (17)
كسرنـا شوكـة البـاشـا محـمـد" = "ضراب التـرك أولاد البطـارس (18)
جعلناهـم شعوبـا فــي الـعـراق" = "وفي مصرٍ يلمّـون السبـارس (19)
عسفنـا كــل عربـيـدٍ مـدجّـج" = "فما من ضربنا انجته المتـارس (20)
ندلّـه إبلـنـا جـوسـا وقـسـرا" = "وترعى عنوة عشب العضـارس (21)
تدرّسـنـا عـلـى روس الـرمـاحِ" = "وليس سوى الحروب لنا مدارس (22)
لنـا فـي صفحـة التاريـخ مسهـم" = "بأمّـات الكتـب ذات الفهـارس (23)
ولنـا فـي الأنجـم العليـا مصلّـى" = "وفي أقصى بلاد الأرض غارس (24)
بعبدتنـا سبيـنـا ألــف حــرة" = "وعبلة عشق عنترة الفـوارس (25)
فمنـّا مــن تـلاعـب بالأسـنـة" = "ومنّا مـن تلاعـب بـالأدارس (26)
ومنّـا حربـةُ فـي كــل هيـجـا" = "ومنّا ضربةٌ فـي كـل فـارس (27)
فـإن كانـوا كـمـا كـنّـا وكـنّـا" = "كما كانوا فما للدهـر حـارس (28)
ومـن يستـبـدل الآيــه بـآيـه" = "عليه انياب كل لاشٍ تضـارس(29)
رمانا الدهـر فـي يـد كـل واطـي" = "قلال الأصـل أبنـاء الهـدارس(30)
زمــانٍ بــه ممالـيـك العبـيـدِ" = "بلحم أسيادها قامت تفـارس (31)
زمـانٍ بـه سراحـيـن الذيـابـة" = "خضاب كفوفها الداء النقـارس (32)
انـا العبـد الـذي صبـأوا إلـيـهِ" = "ذوي الملك الجبابرة الغطـارس (33)

راكــب الـلـي مـــا غذيـنـاهـا عـبــث=بـنـت هــرش ملحـتـه خـمــسٍ ورث
كـنّـهـا تـنـتـل مـــن الــرقّــة جــثــث=لا عطـت مـع صيهـدٍ عقـب الرغـاب
صيـعـريـة كـــن مرافـضـهـا دمـــاث=كــن حــدر خفـافـهـا مـثــل الـحـثـاث
دقّـهـا المـيـسـم ثـــلاثٍ مـــع ثـــلاث=جوس ترعى في الدِّيَر نوع اغتصاب
سمـحـةٍ لمـصـارع الفـرجـة لـهــوث=لـو تبـي سبـتـك قـبـل يــوم الثـلـوث
جابته مـا عـن هـوى الطرقـي نكـوث=لو يريد من اشهـب الضيحـة سحـاب
صـيـعـريـة لا رثــيــث ولا غـثــيــث=مـن علـى عاشـر بطـن مابـه خبـيـث
حـثّـة الرجلـيـن والمـمـشـى حـثـيـث=كنّهـا الجـاوي عـلـى سـلـك الـربـاب
لا مشـت شفـت ادهــم الـرقّـه شـلَـح=والحصـا صفقـه مثـل صـفـق المَـلَـح
خطْـر ينبـت فـي قــرى الـجـرة بـلـح=تظهـر المـا اللـي ثمـان سنيـن غـاب
كنـهـا مــن تـحـت تنـهـش بالـرمـاح=سـابـق تسـبـق هـمـاريـق الـسـحـاح
هقوتـي لـو هــي عطـاهـا الله جـنـاح=ان تسـابـق للـفـضـا جـــن الـتــراب
كــم وكــم روحٍ بـغـت منـهـا تـــروح=يــوم طـقّـت خـدهـا مـثــل الـطـمـوح
او كمـا طيـر خفـق مـن راس صـوح=مـن وحـم ظلّـه علـى الكـدري عـذاب
كــن ردن اوبـارهـا خْـــزام وشـيــح=وكـن حــدر عرقوبـهـا قــرم يصـيـح
مـوخــرٍ مـمـلــوح واقْــبــالٍ مـلـيــح=مثـل مـن دقّـوا عـلـى كـفّـه خـضـاب
لا مشـت مـا ناشـت الـرجـل الصِـبَـخ=مثـل قولـة عـلّ مـا فــي الأرض فــخ
اشـهـد انــك يــا ذلــول الـشـط مـــخ=يـوم هبتـي مـن غلـيـظ الـقـاع هــاب
صيعـريـة لا عـطـت بــأرض دخــاخ=كنّهـا تـطـرد عــن المـزهـب جـخـاخ
مــن غنجـهـا كـبّـر الـراكـب وشــاخ=فــوق غاربـهـا تـقـل يلـقـي خـطــاب
كـن وبرهـا لأنزَعـج ريـش الـفـروخ=وكـن حـمـرا عينـهـا جـمـرة شـيـوخ
وكـــن اعـالـيـهـا مـلـبّـسـةٍ بــجــوخ=او هـنــوفٍ لبّـسـوهـا بـشــت كـــاب
فـي ثنايـاهـا الـرسـن جـالـه صـريـخ=مثـل صيـخٍ صيّخـوا بـه فـوق صيـخ
مـقـدم العثـنـون تـقْـل اقْـبـال شـيــخ=كــبّــر الله دون بــيــت الله وتـــــاب
صـيـعـريــة كــــــن اذانــيــهــا رزز=او طـواقــي عـسـكـر يـــوم الــلــزز
وكــن بـيـن دفوفـهـا جـحـارة خـــزز=والــروادف كـنـهـا روس الـهـضـاب
تـقـل يــا زيــد مخلـوقـة مــن قــزاز=يـوم تـبـدي مــع ظـهـر حــزم نـكـاز
او كمـا روس الـمـآذن فــي الحـجـاز=كـنـهـا فـــوق الـسـهـل لـولــب دُلاب
زيـنـة الممـشـى بــلا مـطـرق تـنـوز=لا مـشــت كـنـهــا مـركّـبــةٍ قــــزوز
تسبق اللي مـن غثـا الضولـة يحـوز=خشف ريم جـاه مـن لا صـاب صـاب
لأدبـــرت مـثــل الـنـعـام المستـحـيـز=ولأقـبـلـت تـشـبـه جـنــود الإنقـلـيـز
الحـقَـب مـلــزوز والمـحْـقـب لـزيــز=كـنّـهـا لا عـقّــب الـراكــب عــقــاب
رعيـهـا بـيــن الـزبـايـر والـهـشـش=من عـروق سبيـع لـلأرض المِشَـش
مـــا تـغـاذوهـا مـطـرْبـلـة الـعِـشَــش=كـود مطعـمـة القـلـل روس الـحـراب
صيـعـريـة مـــا رعـيـنـاهـا بــــلاش=لـيـن صـلّـع نيّـهـا واطْـلـع وشـــاش
كـود نبغاهـا عـلـى الطـرقـة هـشـاش=ليـن يقنـع مــن خـبـر نــوت عـقـاب
الـثـفـان مـقـوّسـة مـثــل الــقــروش=او كفـوف البـيـض حانـيـة النـقـوش
مـن بنـات الريـح لا شاشـن تشـوش=لـيـن مــا تـفـرق ذهــاب مــن إيــاب
وقـفـة الـغـارب ولا وقـفـة شـويــش=مــا تـقـول الا احــد ســـادة قـريــش
او كما اللي شاف فوق الراس ريـش=وان تمايـل مثـل مــن يـقـرا الكـتـاب
عيـنـهـا لا حملقـتـهـا عـيــن لــــص=او عـلـى خـاتـم مـلـوك الــدار فــص
او كمـا حـصٍّ لمـع مـن فـوق حــص=مــن تحـتـه مولّعـيـنٍ سـمــر غـــاب
لا عـدت تسبـق مطاليـق الـرصـاص=كنّهـا الـلـي فــضّ محـكـومٍ قـصـاص
لا بــــلاد ولا مـــــلاذ ولا مــنـــاص=طـقّ لـه مــع رقّــةٍ مــا هــي هــزاب
المـنـاكـب كـنّـهـا طـرقــات خـــوص=والشـعَـف كـنّـه مداهـيـل اللـصـوص
بـتـرة الفخـذيـن والساقـيـن عــوص=كـنّ بيـن الـزور والكـوع الـف بــاب
لا طرقـهـا الـوابـل الغـربـي تـمـيـص=كنّـهـا بـنـت تـبـي فـصـخ القـمـيـص
حالها لأرخـى الرسـن حـال القريـص=يـوم نـاظـر مــن تـحـت رجلـيـه داب
تـقْـل يحْـداهـا عـلـى الطُـرقـة شِـطَـط=لا عـطـت خــطٍّ بــلا سـابــق خِـطَــط
مـثـل سـيــل أودع الـــوادي غـطَــط=وكنّهـا مــن جـورهـا تـطـرد ســراب
كــن سـنـام الصيعـريـة يــوم شـــاط=قبّـة القـصـر الأمـيـري فــي الـربـاط
والخـفـاف تْـقِـلْ كـسـرٍّ مـــن بـــلاط=والسفـايـف لأخفـقـت كنْـهـا تـســابّ
بـنـت نـونـيٍّ تـمــوط الـقــاع مـــوط=وكـــن اسافـلـهـا مـقـطّـعـةٍ بــســوط
وان توحّـت صـوت راكبـهـا رخــوط=كـنّـهـا الـلــي شـــاف ديّــانــه ولاب
عنـدهـا قـطـع الـديـار امـــرٍ بـسـيـط=والله يـا لـولا الرسـن ساعـة تشـيـط
ان تـروح مـن الفـزع روحـة مقـيـط=مـيـر هيّـدهـا رسـنـهـا لـيــن شـــاب
يــا نديـبـي ســـر كـمــا حـــرٍّ شـلــع=فـوق حـرّة مــن بـطـن جـيـشٍ طـلـع
مـثــل بـنــتٍ ذبّـــت الشـيـلـة دلــــع=يـوم تطـوي خرجهـا والكـيـف طــاب
سـر وملفـاك الشجـاع بــن الشـجـاع=ابـــن حـامـيـن الـمـهـنّـد والــيــراع
نـجــد لا عـــدّوا طويـلـيـن الـــذراع=مـن سـلايـل روس مـرذيـن الـركـاب
قـل لنجـدٍ مــن قـبـل صــرم الـفـروع=ابـو فـارس مــا قــزاه الـنـوم جــوع
بــس مـوحـي بــالإذن شــيٍّ يـــروع=عــن قلـيـب فـيـه داب بــدون نـــاب
مــا للـغـزك حــلّ يـالـقـرم الشـجـيـع=غيـر شـيٍّ عجْـز يلعـب بــه رضـيـع
كــل مــا دقّــوا حـنـك يـقـرع قـريــع=مـن ورا المقفـي تـقـل هابـيـه هــابّ
كــم ولــد هـيـسٍ مــن اسبـابـه نـبـغ=ونجـم بــن لاش مــن اسبـابـه بــزغ
وكــم ولــد حــرٍّ مــن اسبـابـه ولـــغ=صافـحـه شيـبـه وهــو تــوّه شـبـاب
يــــوم قـلّـبـتـه بـمـنـظـور الــدمـــاغ=انقـلـب راســي وطـشّـيـت الـشـمـاغ
وراغ دولاب الضـلـوع الـعــوج راغ=قلـت هــذا هــو ولا احـسّـب حـسـاب
(اللـسـان) الـيـا نـبـغ قـبـل الـنـبـوغ=عــزّةٍ لـلـي يـصـوغ الـقـول صـــوغ
وذلّــةٍ لـلــي يـبــي طـــقّ الـصــدوغ=يمـسـي بقلـبـه ثــلاث مْـيَـة صــواب
(اللسـان) الـيـا عسـفـت ابـلـغ بلـيـغ=وان تركته يـا ابـن روق افـدغ فديـغ
هــو حـلـول اللـغـز واللقـمـة تـسـيـغ=يــوم تلحقـهـا بجغـمـة مــن شـــراب
والـصـلاة اعــداد هـمّــال الـنـصـوب=وعــدّ مــا هـبّـت ذعـاذيـع الـهـبـوب
من حشا قلبـي علـى الحـر القضـوب=احـمـد المـخـتـار مـحـشـوم الـجـنـاب

يـوم كـلٍّ لابـن عمّـه عصـب راســه وشــاش=شش ياراسي لارحم رحم ابـو مجنـاك شـش
يـوم جينـا للمزايـن وغــاض الـمـاء وطــاش=بانـو اهـل البـل وبـان الاصيـل مـن الغـشـش
يـوم جـاكـر ذودنــا ذود الاجـنـاب استـغـاش=ذودنـا يـفـرق بـفـرق البصـيـر مــن العـمـش
طقّ للذيـدان باصبـع وهيـض الجـاش جـاش=جعل ابـو مـن يجحـد الحـق يشـرى لـه نعـش
اربـع الـذيـدان سيـقـت عـلـى ريــع مـشـاش=كـــنّ خّّـــدّه زبـرقــان الحريـرالـيـا انـبــرش
بيـن صـفـرا واشـعـلا كنّـهـا طــش الـغـراش=بيـن ملحـا وبيـن وضحـا تقـل وجـه امغـبـش
ولّّ قــلــب دقّــتــه كـنّـهــا طـلـقــة كـــــلاش=يـوم صيّّح"عامري""لعمـري" والـديـم رش
كـــن تـنـظّـام الجمـاهـيـر وغـتـرهـا تــبــاش=طقـم لولـو فــي ثـغـر حـلـوة المبـسـم بـهـش
زبـــدة الاربـــع ثـــلاث رقشـنـاهـن رقـــاش=يـافـهـد والـرابـعـه جـالـنـا فـيـهـا امـخـمــش
ولو لفونـا مـن هـل الـوادي الاقصـى هتـاش=وادي سبـيـع الـمـقـدس لـفـانـا مـــن هـتــش
كـان اخذناالاربـعـه حـاضـر بحـاضـر وكــاش=ورثـنـا هــي ورثـنـا دونـهـا لـطـم الـخـشـش
يـا بـن علـوش البـل البـل ربوعـي يـا بـلاش=هـم هـل البـل دونـهـا ورّدوا خـضـر النـمـش
يافـهـد حـنــا هـــل الـبــل مـدلـهـة الـبــواش=دونـهـا مــا ينتـفـخ راس شـيـخ الا ويـفــش
دونهـا كـم روس قــوم عـلـى الـرقـه تـطـاش=دونهـا سـوق الرصـاص الحـمـر جيـنـاه دش
دونـهـا كــل اشـقـر بالشبـيـلـي مـــا يـحــاش=لـلـنـحـر رمــــح مــدبّــب وللـعـلـبـا مــقــش
دونهـا حشنـا السلاطـيـن بالبـيـض الـحـواشّ=ولا انفهقـنـا لـيــن عـــوّّد غضنـفـرهـم (...)
دونهـا ملعـون ابــو مــن يبيـهـا لــه مـعـاش=غصب ولا بالرضا تفدي( دغيش) و(دغش )
دونـهـا شـهـب الـمـعـارك دفشـنـاهـا دفـــاش=مثل يوم (عريق )و(طويـق) و(دوارة نعـش)
وغير وقعة (حنو) وقعـة (غراميـل الفـراش)=وهـيـة فــي (جــو سـاقـان) بارقـهـا رهـــش
يا فهد يا ما حلا تدريجهن يوم للسيل ادّحـاش=فـي مـداحـي عثـعـث حـطـه الوسـمـي مـنـشّ
فــي رغــد قـــاع زمـالـيـق جـيّّـانـه تـجــاش=اشهـريـن وادهـــم الـغـيـث فـوقــه يمـتـحـش
يلعـب الزمـلـوق فــي خايـعـه لـعـب الـفـراش=وام سـالــم تـطـلـب وابـــو سـالــم يـبـرهـش
غـــادي كــنــه زوالــيــف ســجــاد تــهــاش=مـن عقـب ماهـو مثـل خـدّة الـوجـه الـخـرش
كــن صــوّّاك الـغـضـا فـيــه بـوّابــة قـــراش=كــن زهــر ورده طـرابـيـش تـــرك تـدّهــش
كــن زبيـديّـه لـيـا صلّـعـت روســـه وكـــاش=روس حجّـاج عـقـب حلّـقـوا ســود القـشـش
اول الاربــــع جـهـامــة مـجـاهـيــم تــنـــاش=كنـهـن سـهّـاب نــوّ عـلـى الـقـمـرا غـطــش
لا نثعـن كنهـن سبـيـب ادهــم غــاد طـشـاش=وان تتـالـن كنـهـن مـــن طـوابـيـر الـحـبـش
مـن زبـار (الخاطبيـه) لـيـا (حــزم الـرقـاش)=فـي عـروق سبيـع نــزو المجاهـيـم ايهـقـش
مثـل ممشـى الحافيـه خايفـه وطـي الخـشـاش=لا امـهـلـن وان عـجّّـلـن يلـعـبـنّ الطـرقـعـش
قطـف مـا فـي اوبارهـن لأمّّ ريحانـه عــراش=والـمـذيّّـل مـثــل ريـــش الـنـعـام المـنـفـرش
كنـهـن روس تـحـاذف غتـرهـا فــي هــواش=لا نحوهـن عـن هواهـن وضاميـهـن جـهـش
كـن بيـن عيونهـن ضـوح نــار فــي قـشـاش=وكـن وبرهـن يمرخونـه بمـاء عيـن iلوحـش
كـن فحلهـن بينهـن يـوم جـاء يدقـش دقــاش=وهنّ مـن حولـه صفـوف تجـش القـاع جـش
حاكـم يهتـف لـه الشعـب كـلـه عــاش عــاش=كـبّــروا راســـه ولا عـــاد يحـتّـشـه مـحــش
ول يـا ملـحـا تـحـت ظــل السبيـعـي ماتـنـاش=كـنّـهـا لاشفـتـهـا يـافـهـد تـرعــى الـمـشـش
بنـت شيـخ لبسـوهـا اســود الخـامـه قـمـاش=فـي حـداد وعمرهـا مـا تـعـدى اربــع طـعـش
وثـانـي الاربـــع شـــرارة مغـاتـيـر بـشــاش=كــن وبرهـنّـه بــرشّّ مـــن الـفـضّـه يـــرش
كــن مرافضـهـن صيـانـي سلاطـيـن غـبـاش=كــن قـريــش اثفـانـهـن سـنـديـان مـنـقـرش
وصــف قـبّــة مـسـجـد سـقّـفـت بالبيـلـكـاش=وصـف مـردودم سنـام علـى العـطّّـف وقــش
كــن حــسّ ارغيّـهـن قرقـشـة طـفـل بـقـاش=وتضـحّّـك خـفـرة غـازلـت راعـــي بـكــش
كــن بلـهـان الفـحـل بينـهـن يــوم استـهـاش=ثـم هـدر واضـحـن خشـيـع خضـيـع ماتـهـش
ضـابـط افــراد لـقـى وقـفـة الطـابـور مـــاش=فار دمّه ثـم عطـى الامـر "ثابـت يـا حـوش"
ول يــا وضـحـا كنّـهـا قطـنـة تـربـط بـشـاش=فــوق اصيـبـع جـاهـل طــشّ دمّــه ثــمّ نــش
كنّها تحـت الـذرى مـن عقـب طـق الرشـاش=جـــادل دوبـــه خـذالــه يـابــن عـلــوش دش
كنّـهـا لا فـرّّعـت مــع ظـهــر حـــزم نـكــاش=خـفــرة ضـاقــت وذبّـــت عبايـتـهـا طــفــش
لا اختفـى بـدر الظـلام اكشحـت مثـل الفـلاش=وان تـبــدى زادت الـنــور نـــور وارتـهــش
وثالـث الاربـع مـن الصفـر حلـوات الرهـاش=كــن سـمـار ازوالهـنّّـه قـصـور فــي جــرش
تقل ساعـة يفترشـن ابيـض الارض افتـراش=روس اصـابـع حــرّّة بأخـضـر الحـنّـا تـمـشّ
كــنّ حـسـك ظهورهـنّـه ذوالـيــق الـعـشـاش=بينهـا القمـري بنـى لــه مـيـة عــشّ وعــش
كـــن علابـيـهـن ورزّّات الآذانـــي هــــواشّ=قبّّـعـة جـنـدي خـفـر صـوّّتـوا لــه وانـخـرش
ووصــف قـاعـة بـرلـمـان تـلاقــوا للـنـقـاش=وصـف دمـث اردوفهـن لا تبـدّن عقـب طـشّ
كـن لعـوب اذيالهـن لاغـدى يرعـش رعـاش=قــرن ممـلـوح بليـلـة زفــاف اخـتـه رعـــش
كنّـهـن نـســوة شـريــف تـلاقــن بالـمـقـاشّ=يـوم غـارن مـن بعضهـن تلاقـطـن الـشـوش
ورابـع الاربـع مـن الشعـل حلـوات المـهـاشّ=فـي الدحـى كنـهـن شـيـوخ مذهّـبـة الجـمـش
كنّ وصف الشعل فوق ابيـض الخـد الحـراش=عقـد سلسـال علـى صـدر ابـورمـش عـكـش
كــن غواربـهـن محـاريـب رهـبــان نـــواشّ=جــرّة الميـسـم عليـهـن تـقـل جـــرّة حـنــش
كنّهـن ضـوح الشفـق يــوم بارقـهـن تــواشّ=او كـسـر يـاقـوت حــدري مصابـيـح تـــوشّ
وكـن حدرهـن يخـت مليـارديـر فــوق طــاش=وكـــن اذانـيـهـن مـزامـيـر عـبّــاد الــدبــش
كنّـهـن حــدر المـطـر خـــرّد بـالـمـا تـــراشّ=والـحـويّـر تـقــل ورع يـــدوّر لـــه مــخــش
كنّـهـن بـرشـوم وجّّ المـذهّّـب فــي الـقــراش=تـغـري الـضـد المنـاحـر والــى هّــدّ ابـتـلـش
يـا فهـد هـذي وصـوف البـل جاشـت بـجـاش=شـاعـر لــه فــوق عــرش الشـعـاره مـدّّقـش
يافهـد جـانـي عـلـى سبـكـة المعـنـى خــراش=كـنّ بيـن اضلـع حشـاي الــف جـنّّـيّ غــوش
افرق (النقطه) عن (الفاصلـه) بثنيـن (داش)=لا أبــو حــشّ الــردي لا أبــو والـيـه حـــش
لا أبـو عيـن عـن الـشـوف لاحقـهـا عـمـاش=لا أبـوهـا اذن عــن السـمـع لاحقـهـا طــرش
ذا وتـالـي الـقـول مـثـل اوّّلــه والــلاش لاش=شش ياراشي لا رحم رحم ابـو مجنـاك شـش

علـى الـربـع مــن عــافِ الـرسـومِ نـقـوشُ= دُمــىً أوحـشَـتْ مـنـهـا الـعـيـونَ وحـــوشُ
إلــى (الحـائـر) المـرجـوعِ أثـنـاءُ رجعِـهـا = قـــيـــامٌ كــأعــنــــاق الــنــعــائِــــــمِ رُوشُ
إلــى (ســاقِ عـوجــانٍ) (فـرمـلـةُ بـرْبــك)= نــشـــاشٌ ومــــــا لـلـنـاشـئــاتِ نــشــيــشُ
كــأنّ غـصـون الـرمـثِ فـيـهِ وقــد حـنَــتْ = عـثـانـيــنُ ذودٍ جُـــــلّ نـــوقِـــهِ حُــــــوْشُ
إلــــى بـــرّ (عَــمْـــروٍ) فـالــتــلالُ كـأنـهــا = قــــــلاصٌ عـلـيــهــنّ الـــغـــداةَ قـــعُـــوشُ
إلــى مــا حــدى (غيـلانـةٌ) مــن حـزونـهـا = جــمــوعٌ بــهـــا مـسـتـضـعـفٌ ونـــــووشُ
إلى (الروضةِ الخرماء) أعـراضُ سرْحِهـا = أخـالــيــقُ أشـــــلاءِ الــثــيــابِ خـــيُـــوشُ
إلى (الصُلْبِ) (فالصمّانِ) صوحٌ صحاصحٌ = عــلـــى جُــرْدِهـــا لـلـمـثـقــلات كــفــيــشُ
إلـــى (بـطــن وادٍ) (والـطـويـلان)ُ حـولَــهُ = كـسـعـنـيـنِ حـــــاذى بـيـنـهــنّ نـــجُـــوشُ
تــــلاعٌ كــأكـــواع الـســبــاعِ شــواخـــصٌ =يـحِــلّ بــهــا ســــارِ الــسُــرَى ويــجــوشُ
كـــأنّ صـدوعــاً فــــي عـرانـيــن شُـمّـهــا = بـــراويـــزُ إيــــــوانٍ عــلــيــهِ رقُـــــــوشُ
ومـــا لـصــدوعٍ أحـــدثَ الــدهــرُ راتــــقٌ =. ومــــــا لـــجـــروحِ الــطــارقـــاتِ أُرُوشُ
ســنــائــنُ أخـلَـتْــهــا الــســنــونُ أســـنّـــةً =. يُــحـــاشُ ســـــرابٌ فـوقَــهــا ويـــحـــوشُ
هــضــابٌ كــــأزوالِ الشـيـاطـيـنِ ســجّـــدٍ = ألــــــــدُّ إلــيـــهـــا أعــيـــنـــاً فــتــجــيــشُ
أمــــاطَ لــهــا وجـــــهُ الــدهـــورِ لـثــامَــهُ = فــأوحـــشَ مــنــهــا مـــربـــعٌ وجــمــيــشُ
سـقـى الله مــن نَـــوْفٍ مـواطــىءَ رجـلِـهـا = إلــى (الشِـمْـلِ) صــوبٌ ضمّـهـا وجحـيـشُ
سـقَـتْـهـا الــمــزون الــغُــرُّ كُــــلَّ مُــرِنّـــةٍ = بــحـــورٌ تـــدلّـــى دلْـــوهـــا وطــشــيــشُ
ســحــابٌ يُــتِـــمّ الــعـــدّ سـبـعـيــن لـيــلــةٍ = تـــحــــنُّ إلـــيــــهِ نـــاقــــةٌ وهــــشــــوشُ
تَــرَى حـيـن يلـقـى مشـرقـاً مـنـهُ مـغــربٌ = جـيــوشــاً تـلـقّـتـهـا الـصــبــاحَ جـــيـــوشُ
كـــأنّ سـمـيـر الــبــرقِ مــنــهُ إذا ســــرَى = مُــحــيّــا حــبــيــبٍ لـلـحـبـيــبِ بــهــيـــشُ
كـــأنّ ظِـــلالَ الــمُــزْنِ فــــوقَ رؤوسِــنــا = عــرائــشُ قــصـــرٍ بــاســـقٍ وعـــــروشُ
كــــأنّ صــنــوج الــرعــدِ فــيــهِ نــوائـــحٌ = أقـــلّـــت بَـنِــيْــهِــنّ الـــغــــداةَ نـــعُــــوشُ
كــــأنّ حُــبــابَ الــمــاء فــــي دوَرَانِــهـــا = علـى الـقـاعِ مــن عــالِ السـحـابِ قُــرُوشُ
تَــــرَى لـصـلـيـعِ الأرضِ مــنــهُ ذوائــــبٌ = تُــكَـــدُّ ومـــــا لـلــمــاء مــنـــهُ مـــشـــوشُ
كـــأنّ شـقــوقَ الــمــاءِ فــــوقَ حـزومِـهــا = خـــدودٌ نـضَــتْ مـنـهـا الـدمــاءَ خُــــدُوشُ
تَـنُــضُّ عــيــونُ الــمــاءِ عـنـهــا تـرابَـهــا = كـمــا نــــضَّ جِـلـبــابَ الــهــوانِ كَـمِـيــشُ
تَـــرَى أرجُـــلَ البـهـلـولِ وسْـــطَ وحـولِــهِ = مــســاويـــطَ أُدْمٍ زُلَّ مـــنــــهُ جــشـــيـــشُ
سـقـى الله نَـوْفَـاً لـيـسَ نَــوْفٌ هــوَ اسـمُـهـا= ولــيــسَ لــهــا فــــي الـنـائـفــاتِ نـقــيــشُ
جـهِـشـتُ إلـــى الأطـــلالِ مـنـهـا صـبـابـةٌ = فـعـيـنــيَ مـــــا دبّ الــزمـــانُ تـــجـــوشُ
تـعـلّــقَ قـلــبــي قـلـبَـهــا الــحـــيّ عِـلْــقَــةً= تَـعَـلّــقَ أطــــراف الـغــصــونِ عــريـــشُ
لهـا فـي فــؤادي كُــلّ مــا عَــرَضَ اسْمُـهـا = ظـــــوامٍ تـــحــــنُّ حـــائــــلٌ وفَـــريـــــشُ
أو انّ ذئــابــاً لــحْــمَ جــوفــي تـنـاهـشَــتْ = وإنّــــي لَــمِــنْ قــبـــل الــذئـــابِ نَـهِــيــشُ
عــدا مخـلـبٌ والاهُ فــي إثْــــر مِـخْـلَــبٍ =. فـكُـلـي وهـــل يُـجْــدي الـضـمـادُ كُــــدُوشُ
أبــى الله لــي مــن زهْـــرَةِ الـغــارِ قُـرْبَــةً = لــعــلّ لــهــا بــعــد الــعـــروشِ رفـــــوشُ
يـعـيـبُ عــلــيّ الــقــومُ مــدحــي لأهـلِـهــا = وقـــــد خـذلــونــيّ والـمــديــحُ فــشـــوشُ
أيـــــا لائــمـــيْ إنْ يـخـذلـونــي فـشـأنُـهــم = ولــي دونـهــم عـضْــب الـحـديـدةِ حـــوشُ
وكـيــف إلـــى ذمّـــي لـهــم ؟ وهـــمُ هُــــمُ = قـــرومٌ لــهــم فــــي الـمُـقـعِـدات جــهــوشُ
أســـود الـشــرى مـــن كـعـبِـهـا وكـلابِـهــا = مـلــوكٌ لـهــم فـــي الـسـامـقـاتِ عـروشُ (1)
ولا عيـبَ فــيــهــم غيرُ تــأبــيــنُ غــايــتــي = يـعـيّـرُنــي فــقـــر الــجــيــوب نـــجـــوشُ
لأبــنــاء عــــمٍّ لا يُــضــام بــــنَ عـمِّــهــم = أعـــزّ وللأمْــــــــــر الخـفــــيِّ بـشـيــشُ
عـلـى مــا تعـالـوا عــن مقـامـي مقـامَـهـم؟= وقــــد كــنــتُ أثــنــي دونَــهــم وأهـــــوشُ
فــــــوالله مــــــا زادوا عـــلـــيّ بـفـضــلــةٍ = إذ الـعِــيْــنُ عُـــــوْرٌ والـهِــزَبْــرُ فــرِيـــشُ
وإنـــــي لأزكـــــى الـعـالـمـيــنَ ســجــيّــةً =ولــــي مــوقــفٌ عــنــد الـلـقــاءِ وحــيــشُ
أكِـــــرُّ إذا فــــــرّوا وأبــــــدو إذا اتّـــقـــوا = وأحـمــي حـمــى مـــا لا حـمــوا وأحـيــشُ
أنــــا مَــــنْ تــوسّــدت الـجـمـاجـمَ عــنــوَةً =. لـــي الأرضُ عـــرشٌ والـسـمـاءُ عـريــشُ
فـصـعْـصـعَــةٌ جــــــدي إذ الأبُ عـــامـــرٌ = أمـــــوتُ ومــجـــدُ الــعــامــريَ يـعـيـشُ (2)
ورِثـــــتُ عـظـيـمــات الـمــكــارمٍ مـنــهُــمُ = ولـــي منـتـهـى الـقــولات حــيــنَ تــبــوشُ
علـى الــراحِ مـنـي ملتـقـى النُـبْـلِ والـنـدى = ولـــي فـــي عــلاهــا مــفــرشٌ وبــــروشُ
تحـمّـلُـنِــي ســبـــع الـعـشـائـــر حِـمـلَــهــا = ويـحْـمِـلُـنِـي عــنـــد الــنــوائــب رِيْــــــشُ
مَـهِـيْــبٌ مــــن الـجَـدّيــنِ والـسِـلْــمُ قــائــمٌ = كـمـا هـابـنـي عـنـــد الـسـبـابِ بـطـيـشُ
أنــــوشُ مــــن الــطــولاتِ كُــــلّ قـصـيّــةٍ =أنـــــوشُ ومــثــلــيْ لــلــطــوَالِ يـــنـــوشُ
وإنـــــــي إذا مالله يــــومــــاً أحــاطـــنـــي =بفـضـلٍ لــذي الـحَــوْجِ الـســؤولِ هـشـيـشُ
نَـــــدِيٌّ ولــــم يــنــدَ الــثــريّ إذالــثـــرى = مِـــن الـضُــرِّ مـصـفـرُّ الـنـبــاتِ جـمـيــشُ
وتـسـمـو عـيـونـي نــظــرةٌ بــعــدَ نــظــرةٍ =فــمــا لــدّهــا نــحــو الــتـــرابِ قـشــيــشُ
وأرفــــعُ نـفـســي عــــن جــــدالٍ يُهِـيـنُـهـا = إذا مــــــا أصــــــرَّ أحـــمـــقٌ وفـــيــــوشُ
لـحــى الله قـومــاً فصـلُـهـا قـبــلَ وصـلِـهـا = عـلــى نـصـلِـهـا عِــــزَّ الـنـهــارِ تــــدوشُ
هـويــتُ مـــن الـحُـمْـرِ الـعـتـاقِ عِـرابَـهــا = ولـســتُ بِـمَــنْ أرْضَـــتْ هــــواهُ كَــدِيــشُ
تـأبّــطــتُ لـلـسـبــع الــعِــجــافِ مــهــنّــداً = ورُمــحــاً إذا خــــاش الـشــقــيّ يــخـــوشُ
لِـمِـثْـلِـيْ ذواتُ الـحـمْــلِ تُـسْـقِــطُ حَـمْـلَـهــا = وسـيــفــي كـمــبــريّ الــيـــراعِ رهــيـــشُ
ولِـــيْ حَـرْبَــةٌ كـالــدابِ مـصـقـولُ حَـدِّهــا = لـهــا فـــي الـرقــاب الطـافـحـاتِ رعـيــشُ
بِــيَــوْمٍ كــــأنّ الـلــيــلُ جُــنْـــحَ عـســامِــهِ = رؤوس الــعِــدا مــمّــا أثَــــرْنَ عُــشُـــوشُ
أمــــا أحَــــدٌ يُـنْـبِـيْـكِ يــــا نَــــوْفُ أنّــنــي = سـلـيــلُ الـمـلــوكِ الأعـظـمـيـنَ جــرِيـــشُ
فلله قــــومٌ مــــن هـــــلال بـــــن عــامـــرٍ = أكــــضُّ لَــهُــمْ مــــن أدمُــعِــي وأمــوشُ (3)
لَـكَــمْ كـنــتُ أنـعـاهـم إذا أظــلــمَ الــدُجــى = إلــى الصـبـحِ والقـفـرُ الـوحـيـشُ وحـيــشُ
كـأنّــي بعـيـنـي عِـشْــتُ بـالأمــسِ مـعـهُــمُ = وقــد طــار بـــي عـنــد الـطـلـولِ مَـرِيــشُ
إلــــى مُـعـتـلـى قــصــرٍ يـقــولــون أنّـــــهُ = لـعــامــرَ قــيـــسٍ مــــا بـنــاهُ هـشــيــشُ (4)
فــأورَثَــهُ قِــسْــراً ذيـــــابَ بـــــنَ غــانـــمٍ = عـلـى الــتــاجِ مِــنْــهُ أسـطــرٌ ونــقــوشُ (5)
تَـحِــفُّ بِـــهِ الـعـبـدان مـــن كُـــلّ جـانــبٍ = وَحَـــــــجَّ لَـــــــهُ ذو فـــاقــــةٍ وقَـــرِيْــــشُ
بـقـصـرٍ غــــذوا جــدرانــهُ مــــاء فــضّــةٍ = كـــأنّ شِــعــافَ الــزهــرِ فــيــهِ حُــفُــوشُ
فــأســفــلُـــهُ دَوْمٌ وأعـــــــــلاهُ دِيـــــمـــــةٌ= كـــأنّ حــبــوبَ الـمـسْــكِ فــيــهِ قــشــوشُ
عـلــى صَـــرْحِ بلـقـيـسٍ تـمـثّـلَ صــرحُــهُ = كـــــأنّ بــلاطـــاً فـــــي فــنـــاءهِ شِــيـــشُ
تَـرَى الجـنـدَ مصطفّـيـنَ فــي ظِــلِّ سُــورِهِ =كـأســنــانِ مِــشْـــطٍ والـعـبـيــدُ خُـــــرُوشُ
كــــأنّ الـخـطــوطَ الــســودَ فــــي لَـبَـنَـاتـهِ =ثـعـابـيــنُ صـفــصــافٍ لَــهُـــنَّ كـشــيــشُ
وَجَــــدْرٍ كــسَــوْهُ مــــا تــدلّــت خـيـوطُــهُ = كــــأنّ عــلــى أعــــلاهُ ســــارَ حَــرِيـــشُ
وأحــــــواضُ زَرْعٍ كـالـمــوائــدِ فــوقَــهـــا = لأســنــانِ أضــيــافِ الـمـلــوكِ جـــــروشُ
كــــأنّ قِـــــلالَ الــمـــاءِ وَهْـــــيَ قــوائـــمٌ =قـــواريــــرُ راحٍ تــمــتــلــيْ وتــطـــيـــشُ
كـــــأنّ ذُرِى الــديـــوان مــنـــهُ مـــدائـــنٌ = مـآذِنُـهــا خُــضْــرُ الــــرؤوسِ جــشـــوشُ
تـخــالُ بِـــهِ كُـرســيَّ ذي الأمـــرِ كـوكـبــاً = أضــــاءَ لَــــهُ خــلــفَ الــوزيــرِ مَــرِيــشُ
وتـــــاجٌ عـــــلاهُ قـــــد عـلَــتْــهُ جـمــانــةٌ = سِــــراجٌ لَــــهُ نَـــــيُّ الـجـلـيــلِ حَـمِــيــشُ
تُــبـَـثُّ مــــن الإسـفَـنْــجِ فــيـــهِ وســائـــداً = لـــهــــا أبـــطُــــنٌ كــأنّــهـــنّ كـــــــروشُ
كــــأنّ قـشـيــر الـسـقــفِ فــوقَـــهُ أســفَـــعٌ = بِـــــهِ عَــلِـــقٌ مِـــــنْ دُرِّهـــــنّ دشــيـــشُ
يُــرِيــكَ دُخــــان الــنــارِ حــــولَ مـشــبّــهِ = مِــن النـشـوِ مـــا لا قـــد يُـرِيــكَ حـشـيـشُ
كـــأنّ كــــؤوس الــــراحِ فــــي فـوَرَانِـهــا = طــــــلاءٌ بـــمـــاءِ الـزئــبــقــيّ أمـــيــــشُ
وكِـيــزانُ فـــي أيـــدي الـجــوارِ رواعــــدٌ = مصـابـيـحُ مــــن رِيْــــحٍ لَــهُــنَّ رعــيــشُ
فلله قـــصـــرٌ حـــالُـــهُ حـــــــالُ أهـــلِــــهِ = أصـابَـتْـهُ مـــن غُـبْــرِ السـنـيـنِ جَــمــوشُ
هـو البيـنُ لا يـرعـى مــن الـنـاسِ حُـرْمَـةً =فَـمِــنْــهُ بـأجــســادِ الــرجـــال خُـــمـــوشُ
إذا الـبَـيْــنُ فــــي قــــوْمٍ أنـــــاخَ رِكــابَـــهُ =رأيــــتَ الــقـــدور الـفــارغــاتِ تـجــيــشُ
تـطـيـشُ سـهـــومٌ بـعــدَ طـــولِ إصــابــةٍ =ســـهــــم الــمــنــايــا لا أراهُ يــطـــيـــشُ
ولــلــنــاس أطـــبـــاعٌ وفــيــهــا تــبــايـــنٌ =كـمــا الــغــابُ أُسْــــدٌ وُثّــــبٌ وجــحــوشُ