شاعر المليون قصائد وشيلات كامله في نقل مباشراضغط هنا

يامجلس لأجل تعاون جمـع أسيـاد ستـة دول = ياعقد من ستة جواهر جمعها سلك واحـد فقـط
أنا إبنكم منكـم وفيكـم وبأطلبكـم وكلـي أمـل = ثلاث لاأكثر وعذراً إذا بـه شـي سهـواً سقـط
اليا متى نحمل جوازات واحنا شعب واحد وأهـل = حطوا تحتها خط والحرف حطوا فوقه أربع نقـط
واليا متى العملة على مايقولون ألف شكل وشكل = إلا إذا الوحدة على اليسر وحده صح والا غلط
والثالثة نبغى مفاعل ولاهـو صعـب إلا سهـل = والعذر من صهيون واسع ولن نرضى بحل وسط
هذا مفاعل بوشهر تم إنشائه وش اللي حصـل = كل غدى يزرع بصل في الحقيقة لامجـرد لغـط

دثريني يامنيره زمليني يامنيره=يامنيره في فوادي فرخ عبدٍ طق زيره
من هنوفٍ صوبها راع الهوى يشعب بعيره=سيدة سادات قومٌ سادةٌ أبناء ساده
من بهاها يامنيره ويش أوصف ويش أخلي؟!! =في جبين الطهر منها بدر سبتين متجلي
هالةٍ دون المصلى أخلفت وجه المصلي=في محاجرها عقيد القوم يومي به جواده
الحجاج هلال ماهو في أهلتنا مقيّد=من يشوفه قبل لا يبدي هلال العيد عيّد
لا متى والموت حدر رموشها السود يتصيد=لا متى ذبح البشر عند العيون السود عاده
دوب يانع وردها في روض لبتها تفتق=في سحر منطوقها صرفٍ من الراح المعتق
وكن ظفايرها على الغره ليا قامت تنتق=خدم أسودٌ وقوفٌ حو ل بنت البيه غادهٌ
ياوجودي يالزباد الزبد يالبيض المقشر=يوم حازت من أمامي عمد وأحمر المؤشر
ما أنا إلا أخو عقمٍ بمولودٍ مبشر=من سروري يوم أعانق طيفها فوق الوساده
كن أصابعها من العناب أو بسلن عراقي=أو غلا أحشامٍ مجفف أو قناني خمر ساقي
وكن ترايبها صحاف الترك حمران الطواقي=في سنا نور رقبتها ذابت أكثر من قلاده
فتنةٍ من شافها في جو سابع عرش عرّش=كاد ناعم ثوبها في جسمها الغض يتحرّش
مرحبا يامرحبا يامرحبا بالطش والرش=بالحرير الحر والغرو الغري ر الغرعاده
كل ما تكبر تزين وكل ما تقدم تجدد=كن نحرها من وراء بوابة الثوب يتهدد
حجم ناحل خصرها في ردفها لاجيت أحدد=حجم نقطة نون داخل نون ما تقبل زياده
بين خصرٍ إشتراكيٍ وردفٍ رأسمالي=ويل ويلي شيب عيني طر جيبي ويل حالي
كل غضٍ في نحرها شايفٍ نفسه معالي=والثنينين بصراحه يستحقون الإشاده
كن عايم صدرها في وقفته قرمٍ ينادي=في خضم المعركه هل من مبارز أو معادي
من غروره يعتبر كل ما نقوله فيه عادي=يامصابيح الرواهب من بياضه في سواده
من مزاج الزنجبيله في شفاه السلسبيله=أورد الساعي كليبٌ حتفه نظم الجليله
جمرةٍ في روح تمره ضيعت أبو دليله=قايدٍ حاذاه قايد ريم وأنساه القياده
من ليونتها كأن ماله ولا عظمٍ جسدها=ومن نعومتها تخاف خدودها من لمس يدها
ومن كثر ما مشيها جذاب ما تمشي وحدها=ومن كثر ما جلدها صخيفٍ تحب اللبس ساده
ويش يسوى المسك وأبو المسك مع ريحة عرقها=يوم ذبت شالها وأهتز في ال ملعب حلقها
ما كأن الله مثل باقي مخاليقه خلقها=فتنةٍ كانت طقوس القصر تعبدها عباده

غـروٍ طمــح ياحسين بيــن الصلاتـــين = يوم إن زوج البـين مـا هو تكانه
ياحسـين أنا أدخلته بـوجـهي نهارين = ينطر هله وأنا مكانـي مكانه
في ذمتي ياحسين ما شافت العين = زولــه ولا حدث لساني لسانه
وفي ذمتي ياحسين لو شفتها الحين = إنــي ما أعــرفة لــو بصــم لــي بـنانه
مـا ساورتني فيه نفسي عن الشين = ياحسـين حسن الظــن ربــع الــديانه
ما أشك في نفسي ولا فأدعج العين = لــو هــو مـن الــــروعه جعلــــني وزانـه
ياحســين يــوم الشك مــن عادة القين = الشـك مـــاله مــع هـل الطيــب خــانه
مـــا كل طيــب ينلقــــى مـــثله إثنـــين = لأن مــــا هـــــذا الـــــزمان بـــــزمانه

تلاوة كاهن أو نفثُ قارئ = بصدري يوم أجر الصوت ساري
أدندن دن دندن دن دندن= مثل ما دندن الدندان جاري
على ربع كبطن الكف قبر = حلقه من الذواري موس ذاري
كأن الريح فيه وحوش غابٍ = تحاور في حشا صدري حواري !
كأن جبال سلمى دون سلمى = هنا و هناك أنياب ضواري
شعا شاعي شعا شايع شعاها = شعاعاً ما يباريها مباري
شعاشيع قراشيع شعثها = إلا شعشع سبيبٍ ما تماري
ألا يالله طلبتك ثم طلبتك = سحابٍ من حياض الخلد جاري
تزبّر ثم تعبّر لين غبّر = و حبَّر ماطره وسط الخباري
تجلهم ثم تدلهم ثم أكلهم = بأمر باري برى باريه باري
يحوف الشمس لين الشمس تصغر = شوي شوي مثل عين البخاري
إلى أن يختفي في ثوب نوه=جذب طاريه أهل درم السماري
مزونه مزنة و مزنة و مزنة = جواري حاكمٍ تتلو جواري
بروقه في فتوقه من تشوقه = يلاعبها بأطراف الشباري
شهب مشهاب ضوٍّ أو شهاب = شهب شباب أشهب برق عاري
رعوده كلما نقض جعوده = قنيب ذيابةٍ وسط الغداري
صدى أصواتها في كل ضلع = تلاميذ تردد خلف قاري
تحارش ثم تهارش ثم تكارش = خطارش غيمته من غير طاري
بطش الرش حش القاع حش = يبش ولا ينش و له مواري
دغاريق هماريق بريق = بأباريق ترقرقها عصاري
لا قبَّل ثم وبَّل ثم سبَّل = و طبَّل تحسبه يصرف مصاري
وإلى جل البرد وبله و هلل = مكلل ماه يا الماشي حذاري
محاذيف البرد كبر الجماجم = و أصغرها مثل روس الحباري
كأن القوس من قزح على أول = ظهور أول ظهيرٍ شبه ناري
سنا شفق به رمق تدلى = سويعة مغرب من فوق صاري
سحاب جعل ربي لا ومر به = يعم به اليماني و النزاري
و يسقي كل أهل شبه الجزيرة = تهامة و الحجاز و نجد داري
و ابو ظبي و واد العين منه =ِ تغار لحسنه جزر الكناري
عساه فوق قبر الشيخ زايد = مية ليل وهو سكَّاب جاري
قبر زايد و من هو مثل زايد = و أفعاله تغنيها القماري
ملك بالطيب كل قلوب شعبه = بحب و خير و أسلوب حضاري
حمل شعبه على كتفه إلى أن = تباكوا له بأطراف الصحاري
سقى الله ضحكتك يابو خليفة = فلا زلت أعذب الأحباب طاري

ناقتي ياناقتي ما عليك من الهروج = صيحتين في قفى الذيب يقفاها العجاج
العدل يبقى عدل والدروب العوج عوج = والعمى من لا معــه من فعل كفه سراج
يا مكثرة الحكي والفعايل عوج هوج = ما يحذف الناس من كان بيته من زجاج
يا حمد طير(ن) جناحه ورا صدري يروج = ويش أسوي كانه أفلت من ضلوعي وراج
مولدي في أرض عبقر من العام محجوج = انشدوا عن مولدي ليلة الحج ألف حاج
المطالب يا حمد دونها ضرب الفجوج = دونها شربك قراح مثل شربك هماج
ماثنوا عزم ابن عباس أصحاب البروج = لين زوجها من أعزب حدب سيفه زواج
والدهر معنى دخوله من الداخل خروج = والله لا زبن دخيلٍ ولا سنع خراج
يا حمد لا تآمن الجدب في خضر المروج = مزنة العذب الفرات أمطرت ملح أجاج
ولولا قولة والنعم مااعتلوا فوق السروج = أمةٍ قبلك خبر حيها في الارض داج
لا تعجب من علوج توطتها علوج = والله أن الشر للشر أحياناً علاج
في جنوب أفريقيا البيض ياطون الزنوج = وفي شمال أفريقيا البيض ماترفع حجاج
بأترفع عن رجالٍ عن الهينه تدوج = عالمٍ رامت مرام الصقور وهي دجاج
قيصرٍ من فوق غوج وكسرى فوق غوج =والجماعة بينهم راكبين فوق صاج
وش نبي في هامةٍ همها ضحكة غنوج = أو قيامة قامةٍ ماتقوِّم عود عاج
احمد الله يوم لي من خيال الموج موج = أركبه لا هاج سيف البحر تحتي وماج
ماتصفحت الليالي تصفح كاتلوج = لين مع كل حادثٍ ذي حدث عشته مزاج
العقيله ماتبي غير ابن حربان زوج = يوم حاجات الذيابه غدت عند النعاج
ساقي النشوه لها من خروج في ولوج = كم أنا للصحو منها شديد الإحتياج
يا حمد مسيار ربعي عليَّه فوج فوج = غايتي يوم الردي غايته نجمه وتاج
ناقتي ياناقتي ما عليك من الهروج = صيحتين في قفا الذيب يقفاها العجاج

في قياده سيد الجود حفاظ العهود = بأفتخر لا دن للرايح للغربي رعد
سيدي بحر النداء لاغدن البيض سود = وإفتخاري فيه ما جاء كذا ركزة وتد
سيدي سلطان لاحك عودٍ راس عود = حامي القطرين ذو التاج في عليا معد
كن عينه لا نخيته تقول ارقى سنود = وكن كفه لا نصيته تقول إطلب تجد
كيف ماأفخر في فعول أعظم أهل الأرض جود = الولد من قائده في غدٍ أو بعد غد
بإختصار لن مافي كثر الحكي فود = مثل أبوخالد على الأرض لم يولد بعد

مـا أرانـي فاعـلاً فـي الليـل إن أرخـى سدولـه؟ = مـا أرانـي فاعـلاً والصبـح قـد حــان احتـضـاره
طفلي الـلي مات فـي اول يــوم مــا ذاق الطفـولـه = عاجلـه سهـم الـقـدر واخـتـاره الله فــي جــواره
طفلي اللي مات في غمضة طرف ما حال حوله = يــوم عـمـر الآدمــي مــا كــان يـومـاً باختـيـاره
يـا وجـودي يـوم لفّـوا شـاحـب الأكـفـان حـولـه = مــا تـقـول إلا شـظـيّـة لـؤلــؤٍ داخـــل مـحــاره
يا وجودي يـوم أطالـع فيه,فـي عرضـه وطولـه = تنتحـر فــي العـيـن مـنـي دمـعـةٍ كنْـهـا شــراره
نفس عيـن آبـوي عينـه بـل ونفـس الـزول زولـه = وبالأمـاره, فـيـه مــن عمه(شبـيـبٍ) كــم أمــاره
جـابـه الله مـثـل هـتّـان المـطـر سـاعـة هطـولـه = ديــمٍ احـيــا بـهـجـة امـــه تـــارةٍ وآبـــوه تـــاره
ويوم شاف الشرّ من صوب آهلـهْ يشعـب ذلولـه = حطّ دون صدورهم صـدره مـن الرحمـه ستـاره
ومــات تــوّي مــا بـعـد بـإيـديّ لبّـسـتـه نـعـولـه = مـات تـوّي مـا بعـد سـاويـت فــي ثـوبـه زراره
كـنّ عينـه يـوم مـات تقول:بابـا, ويـش هـو لــه؟ = يوم تبكـي وانـت تـدري ميـن انـا ذلحيـن جـاره!
كلنـا راحــل وخـيـر الـنـاس مــن زوّد رحـولـه = باغتـنـام الصالـحـات وكــلّ كـسـرٍ لـــه جـبــاره
طفلـي اللـي صوّبـت كبـده قبـل ساعـة وصـولـه = بنـدقٍ مـن عيـن حاسـد واودعـت قلبـي طـشـاره
يـا وجـودي مـا لقيـت أنسـب لمـولـودي مقـولـه = مـن مقولـة: يـا وجـه صبـحٍ تحـرّر مـن خـمـاره
أو ثـغــر بـــرقٍ تـهـامـيٍّ تـبـسّـم فـــي ثـعـولــه = ضـوح مصباحـه علـيـه يــورّد النـجـدي بـكـاره
يـوم اشيلـه مـا تقـول اشـيـل شــيٍّ مــن نحـولـه = آتشـمّـم ريحـتـه -مــن فجـعـة القـلـب- بـحـراره
يوم جيـت العـب معـاه وغـاب قلبـي مـن ذهولـه = يـوم مـا شفتـه تبسّـم لـي وانــا فــي اول زيــاره
قمت أحدث عنه نفسي- والعرب حولي وحوله- = ليت ما هـو ميْـتٍ؟إلا ميـت! مـا تبغـى استشـاره
اتْخنـقـنـي عـبـرتـي يـــوم آتـذكّــر مـــا تـقـولــه = عـنـه أمّــه يــوم أنــا فــي ديـــرةٍ مـاهـيـب داره
آتـذكّـر يــوم هــو فــي بطنـهـا يـحـرّك رجـولـه = وانتعيرّ:لـيـت مــا هــو أقـشـرٍ؟ لـبّـى الـقـشـاره
كـم سهرنـا معـه ليـلـه كامـلـه مــن كـبـر هـولـه = ليـن صرنـا نعَـرْف موعـد قومتـه داخـل قــراره
وان تأخّـر مـا صحـى فـي موعـده قمنـا نصولـه = ننغـزه يــا مــن يمـيـن البـطـن وإلا مــن يـسـاره
ما نبي شيْ بـسْ نبـي نضحـك علـى ردّة فعولـه = ننـغـزه ويـفـز خـايـف مــا درى ويــش العـبـاره
مـن يـدي غـيمة علـى أيـدي الملائكـة محمـولـه = غيمـةٍ مــن نــور مــا تشـبـه نضارتـهـا نـضـاره
يـا إلاهٍ كـل مـا فــي الأرض طــراً سبّـحـوا لــه = شفّـعـه فـيـنـا غـــداً واجـعـلـه لابـوانــه بـشــاره
فــي نـهــارٍ فـيــه أعـنــاق الشيـاطـيـن مغـلـولـه = يتلقّفـنـا مـثــل مـــا يـلـقـف الـحــاوي صـــراره

عشـت فـي الدنيـا وهـي دنـيـا وروغتـهـا عجـولـه = وخذت منها ما خذا (عامر) و (حاجب بن زراره)
يا فتى خذ من حكـم مـن كـل الاشهـاد اشهـدوا لـه = حكمـة العاقـل على راس العصـا مـثـل الصـهـاره
المنـايـا مخـلـبٍ فــي كـــفّ نـســرٍ مـــن يـطـولـه = شـاح بـه شوحـة حصـاةٍ حوّلـت مــع راس قــاره
المـنـايـا مـــن بـغــت يــــومٍ تـنـولــه, ابــ تـنـولـه = لــو تشـيطـر فــي تفاديـهـا مـهـي لـحـيـة شـطــاره
لـولا تفـريـق المنـايـا ضـولـةٍ مــا شـفـت ضـولـه = تجتـمـع, يـــا للـعـجـب والـهــول بـــل يـالـلإثـاره
مــوت دولــه, لــوّ مــا يعـنـي لـنـا مـيـلاد دولـــه = كان ما شفنـا اختـلافٍ فـي حضـاره عـن حضـاره
لا يـغـرّك يــا فـتـى قـفــر تـطــارد بـــه وعـولــه = كـمّ مــع سـاقـة وعــل قـفـرٍ مـشـت لـبـوة مـغـاره
اخطـر الاعـداء مـن يضحـك وهـو يسـرج خيولـه = واخطر الأصحاب من سـرك معـه, وتشـق إزاره
فتكتـك باللـي هـو اضعـف منـك مـا فيـهـا بطـولـه = البطـولـه أن يـكـن فتـكـك بـمــن فـاقــك جـســاره
قبـضـة السلـطـان مــن لا يـــدّرق عـنـهـا تـغـولـه = ومـن يعانــدهـا تجيبـه لـوّ فـي بطـون الجحـاره
خـلّ عنـك الجـدّ مــع مــن أمــسٍ آخـذتـم زمـولـه = مـازحـه ينسى,فـقـد تحـيـي سـويـعـة جـــدّ ثـــاره
مــن يـحـاول أن يـغـيّـر ذو مـيــولٍ عـــن مـيـولـه = مثـل مـن يسعـى إلــى تغيـيـر نـجـمٍ عــن مـسـاره
في خروج المرء عـن مـا حبّ-مـن قلـب- دخولـه = سقطـةٌ,والـمـرء لا يـجــدي بـكــارٍ غـيــر كـــاره
الفـشـل وقــت النـجـاح إيــاك تستـبـعـد حـصـولـه = النجـاح اكبـر فـشـل إن مــا أخـذتـه عــن جــداره
الـقـبـول مـــن الله ولا يَـحـسـد الــمــرء بـقـبـولـه = غـيـر نــاس مــن حسـدهـا تلـتـوي بذنـيـب فـــاره
كـــم صـديــقٍ بـادّعــاء الـــود صجّـتـنـا طـبـولــه = والحسـد كـل الحسـد شفـنـا عـلـى وجـهـه أطــاره
نيـة الحاسـد لحـاف أجـرب ولـو جـتـك مْغسـولـه = مالـه الا الحـرق لــو بــرد الـثـلاث يـطـق طــاره
كــلّ مــا يخفـيـه ابــن آدم ولـــو حـــاول يـحـولـه = تظـهـره فلتـة لـســانٍ مـنــه أو مـ الـعـيـن إشـــاره
يــا مــدوّر مرجـلـة مـــن لا مـلــك ذرّة رجـولــه = يـــا مـــدوّر إبـــرةٍ فـــي قـشــةٍ كـبــر الــزبــاره
إن مـوت الشعـب أن تـرحـل مــن الفـقـرِ عقـولـه = الفـقـر مــا حــلّ فـــي شـعــبٍ ولا ورّث دمـــاره
حـاكـمٍ مـشّـى علـيـه اربــع مـيـة كـذبـه رسـولــه = انتـبـه تـصـدق مـعــه مـمـكـن يحسّـبـهـا صـقــاره
كم فضولي فـي العـرب سـاق لـه حتفـه, فضولـه = كــم طميمـيـعٍ خـسـر ديـنـار فـــي تـدويــر بـــاره
يـوم ولـد الـلاش مـا تطـهـر مــن الخيـبـه همـولـه = الــرجــال فـعـولـهـا زادت مـلابـسـهــا طــهـــاره
الفحولـه أن يـزيـدك قُــلّ مــا فــي إيــدك فحـولـه = والحقـاره أن يزيـدك كثـر مـا فــي إيــدك حـقـاره
لا تطـب بـوادي أرضٍ مـا حسبـت حسـاب غولـه = يـــا كـــلاك الـغــول وإلا يـــا تعـشّـتـك الـنـمـاره
واعرف انْ ما جـاء بْسهولـه دايـم يـروح بسهولـه = والصعب روحتـه صعبـه والفتـى راضـي وكـاره
ليس لـ اللحـيـه وهــي بيـضـا عـلاقــه بالكـهـولـه = إنـمـا الكـهـل الحقيقـفـي مــن فـقـد معـنـى وقــاره
كــم عـزيـزٍ أورده حــوضٍ مــن الـذلــه خـمـولـه = والترف في بيت أصحـاب الشـرف يعنـي انهيـاره
بالأُسُـل لا بالكسـل مـا طــال مــن شــيءٍ تطـولـه = تــدرك الأمـجـاد قـسـراً غــارةٍ فــي إثــر غـــاره
كــــم مـخـالـيـق تهـابـلـهـا ولا هــيــب مـهـبـولــه = لبّست راس الغبي- مـن حيـث لا يـدري- غضـاره
لا تـثـق فــي واحــدٍ تـرشـح مــن الهيْـنَـه سمـولـه = الـنـذل يبـقـى نــذل لــو يـرفـعـك فـــوق الـمـنـاره
كــم دنــيءٍ بالفـلـوس اشـيـوخ نـجـدٍ وقـفــوا لـــه = في رجا مـا فـي يـده مـا يجلـس إلا فـي الصـداره
المـراجـل سـيـل مــن عـنـده مــن الدنـيـا سـيـولـه = كــم شـريـفٍ مــن فـقـر جـيـبـه يخـلّـونـه عـيــاره
مــا يـنـال الـعـزّ مــن نفـسـه مــن الـعـزّه جفـولـه = الثـنـا يـوخـذ بـأطـراف القـنـا مـــا هـــو طـــراره
اتّـحـمّــل مــــا يـواجـهـهــا مـنـبّـشــة الـدحــولــه = فـي الهبايـا مــا يعـطّـل مــن جـمـع بــدوٍ عـشـاره
(المغـولـي) بالمـسـاواه أعظـمـوا أمـــره مـغـولـه = (والـفـزاري) بالمحـابـاه احـقـروا أمـــره فـــزاره
الـزمـن هــذا كـتـاب جــاء فـــي آخـــر فـصـولـه = (شعـب كـامـل قــد تـشـوّه هيكـلـه نـشـوة زقــاره)
الجهالـه فـي تجاهـل مـن عليـك اوصــى جهـولـه = كـــل خُـلــق بـغـيـر وقـتــه لا أرى فـيــهِ نـعــاره
ليـث واحـد ممـكـن يــدوّخ بـلـد عـرضـه وطـولـه = والـف قـرد وقـرد مــا فـكّـت مــن بعـيـرٍ هـجـاره
ليـس مـن شـرط الشهامـه أن تجـاول كــل جـولـه = أو بـأن تنـــزل بأعلـــى قمـــة رغــم الـوعـاره
فالأسـد يبقـى الأسـد فـي قـاع كــل ارضٍ نـزولـه = والوبـاره دايـمٍ فـي اعلـى الجـبـل وهــي الـوبـاره
قـل لبعـل السـوء عمـر الضـرب مـا أثبـت بعولـه = رغـــم لـيــن الـمــاء قـطـراتـه يـشـقّـنّ الـحـجـاره
فــي اقتـفـاء المـجـد تـابـع لا تـكـن نفـسـك ملـولـه = يـدرك الصعبـات مـن لا نـام راســه مــن عــواره
كـم رجـل مـن زود حـذره نـفـسه الـيـوم مختـولـه = بل ومن نفـس الشـيَ اللـي يحـذره واخفـق فـراره
واحــدٍ يــزرع بــلا قـصـدٍ وتـثـمـر لـــه حـقـولـه = وواحــدٍ يــزرع وهــو قـاصـد ولا يجـنـي ثـمـاره
زارع المعروف يرجي من ورا النـاس محصولـه = ليـس معـروفـه بمـعـروفٍ قــدر مــا هــو تـجـاره
رغم فقـري كـم ولـد نعمـه -غنـي وبخيـر- اعولـه = لإن ابــوه معلّـمـه كـيـف يْحَـفِـظ قـرشــه مـهــاره
يـا فتـى دوك النصايـح أخذهـا مــا ابـغـى عمـولـه = استـفـد منـهـا وأفِــد عـلــمٍ أعـرتــه لـــك إعـــاره
خــذه واتركـنـي لأنّ اللـيـل قــد أرخــى سـدولــه = حــان وقــت مْـعَـاوَدَة مـيـلاد طفـلـي واحتـضـاره