شاعر المليون قصائد وشيلات كامله في نقل مباشراضغط هنا

هيه يا قلـب المحبـة مـا بقـى فـي العيـن عبـرة= كـل يــوم والعـيـون مــن الـغـرام يسـيـل مـاهـا
لين صار الجفن عنده مـن غزيـر الدمـع خبـرة = وانـت شيـخ حنـوة الاضـلاع مسجـون وراهــا
ما تعدى لـو طلـع راس الجمـل مـع سـم الابـرة = فـي ضلوعـي بكيتـك مـا غيـري بيسمـع بكاهـا
يا سجين الجوف تدري مالنـا فـي الحـب قـدرة = سنـة للنـاس مــدري وش قـداهـا مــن خطـاهـا
الهـوى كانـه خطيّـة مـا حـدٍ قــد جــاب عــذره = والـهـوى كـانـه مبـاحـي عـلّـة صـعـب دواهـــا
اصبر ويلقـى طويـل الصبـر فـي الايـام صبـره = كـم صبـور جـاب صبـره حـاجـة عـسـر لقـاهـا
يا فؤادي صرت لك حزمة هشيـم وانـت جمـرة = كـل مـا هـب الـهـوى بأطرافـهـا يكـبـر سنـاهـا
والهـوى تاليـه فرقـا والنـوى لـو طـال عـمـره = ما نسينـا العهـد وجروحـه براهـا او مـا براهـا
دام عهـده فـي يمينـي والنجـوم اتجيـب خـبـره = نعتـبـرهـا غـايـبــة عــنــا وحـجّـتـهـا مـعـاهــا
لو درت وش صار فينا ما خذت عن نجد سفره = يــا هبـايـب علميـهـا كــم شـقـيّ فــي رجـاهــا
منبـت الـنـوّار عقـبـه يـذبـح العـسّـاس دهــره = حالـف مـا عـاد ينـبـت فــي ديــار مــا وطـاهـا
المـولّـع عقبـهـا ينـقـل عـلــى الكـفـيـن قـبــره = ميّـس مـا عــاد تشتـالـه عظـامـه مــن جفـاهـا
عقبـهـا راع المطـايـا مــا دعــى للـعـد نـشــره = والظوامـي صافـي المـيـراد مــا يقـطـع ظمـاهـا
جـادل حـده زمـانـه عــن روابــي نـجـد مـكـره = والليـالـي مــا تخـلـي مسـتـريـح فـــي ذراهـــا
صـوب دار مالهـا مــن قسـمـة الاجــواد بــذرة = النجايـب سبعـة اشهـر مـا يجـن ارض نصاهـا
البحـور تحـول دونـه والفجـوج الجـرد عسـره = والذيابـة تحتـري مـع سـكـة الطـرقـي عشـاهـا
فـرّق الله شمـل مـن فـرق ثنيـن كــان خـشـره = فـي غـرام وفـي علـوم يشـهـد الـوالـي عـلاهـا
مــا يـحــق الـواحــد مـالـقـح النـخـلـة بـتـمـرة = مـن سقاهـا واحتماهـا لأثمـرت يقـطـف جنـاهـا
كنت اقـول يمـوت رجـل مـا نفـع نفسـه بعمـره = ثــم قـلـت يـمـوت رجــل حــدّ نفـسـه منتهـاهـا
كنـي الرحـال وسنـيـن الليـالـي الشـهـب بـكـرة = شلـت زادي فـي خبـاهـا والحيـايـا فــي خبـاهـا
يـا عنـود الصيـد لـو آخــذ مــن الايــام عـبـرة = كـان روحـي فـي يمينـك حكـم ربـي مـا رمـاهـا
جيت لك غيث تهادى وانت يمـي جيـت حسـرة = يوم علّقـت السحابـة سقـت رجلـك مـن سماهـا
لك شهر من غبت عنا والهوى يا طول شهـره = ذكـريـهــا يـالـثـريـا وانـشـديـهـا وش بــلاهــا
العـرب قـد قالـوا انـه مـع توالـي الـعـج مـطـرة = واعذابـي كانهـا عجـت والاخــرى فــي قفـاهـا
والهـوى لا زان قــاده للـولايـف سـلـك مـكـرة = ميـر وحـي مـن عرفتـه والهـوى يلعـن ثـواهـا
آتـصـبـر وآتـحــرى رجـعــة الـغـيّــاب بــكــرة = والـزمـان بعـيـد والايــام مــن يـلـحـق مـداهــا
يـا نديبـي هـاك خـط مـن دمـوع العـيـن حـبـره = الرسالـة غيـر (ناصـر) لا حــدٍ يبـحـث خفـاهـا
صاحـبٍ بيـن النشامـى بالمـراجـل بــان ذكــره = السبيـعـي لا تـعـزوى عــزوة الـعـود احتمـاهـا
يا ابن فارس شف صحيبك عيّب الجبّار كسـره = ان بكـى قـال اقطعوهـا وان شكـى منهـا كواهـا
يا ابن فارس كان عندك في عميق الجرح دبرة = لا تخـلـي صاحـبـك ينـقـل جــروح مــا قـواهــا
حالـتـي حـالـة فقـيـر يــوم قـــام يـســدّ فـقــره = مـا لقـى لـه غيـر عيـن تدفـق مـن الفقـر ماهـا

عـلـم والا حـلـم يــا قـلـبٍ حـشـاه عـويـد سـمــرة=كــنّ مــن بـيـن اضلـعـه جـنّـيّـةٍ تـصـفـق يـداهــا
قلبـي اللـي مـن سطـر مابـه تقـل غاشـيـه خـمـرة"=يـوم فـيـه قـلـوب شــق الـثـوب مــا كــدّر كـراهـا
قـم يمانـع فـوق وجْنـاً مـن خيـار الجيـش ضـمْـرة"=وصــف شـقـرا ربّـهـا دون المليـحـة مــا نـحـاهـا
بنـت هـرشٍ كـنّ قــرن العامـريّـة وصــف وبْــره"=وكــنّّ نيـبـان السـبـاع الضـاريـة تنـهـش حفـاهـا
ابـن مدعـث لـجـل عيـنـه نـقـرن الحـجّـة بعـمـرة"=ابـن مـن همّـل مجاهيمـه عـلـى البـصـرة وجـاهـا
لا تحسّـر دام بـاقـي فــي صلـيـب الــراس قُـطْـرة"=يا ابـن مدعـث والضلـوع العـوج داهـا فـي رداهـا
لا وربـي مــا نقلـنـا السـيـف ابــو حـدّيـن بـطْـرة"=كــود لعـيـون الصـبـيّ الـدوسـري نطـعـم شبـاهـا
يا ابن مدعث ما نلومك في الهوى لو شفت عُزْرة"=الـهــوى قـبـلـك غـدالــه بـأمّــةٍ بِــيْــضٍ لـحـاهــا
مـا أطـال النـوم فـي عمـر الفتـى المكـتـوب فـتـرة"=والسـهـر مــا قـصّـر اعـمـارٍ كـتـب ربــي بـقـاهـا
زمّ نفسـك والهـوى سكرتْـه عـن ملـيـون سـكـرة"=لـو حصـل منهـا سلامـة ويـن تسـلـم مــن نمـاهـا
نركـض وتركـض ومــا نجـمـع بأياديـنـا نِخَـسْـره"=اللـيـالـي دوْل والـدنـيـا رحـــول الــلــي مـشـاهــا
تـالـي الدنـيـا يخـالـد حـفـرةٍ فــي جـــوف حـفــرة"=نـطـرد الدنـيـا ولا نـفــرق خـطـاهـا مـــن قـداهــا
هيّ وش هي؟ هيّ من هي؟ هي ثمانٍ كـان عشـرة"=الـبـواشــق قـرنـســت وام الـكـبـايـر ذا جــزاهــا
مير اخذ من دنيتك (صاحب) و(بارودة) و(خفرة)"=زبــدة الـدنـيـا ثـــلاثٍ عـانـهـا واتـــرك سـواهــا
اتــرك الـلـي يـطـرد الدنـيـا يـبـي عــزٍّ وشـهــرة"=كـيـف يبغـاهـا تـعـزّه وهْــي مــا عــزّت ضـنـاهـا
يا ابـن مدعـث لـو عـرا جسمـك بمشلحهـا تغمـره"=لا لقـت غـيـرك تِحَـذْفـك حـذفـة الجـاهـل حصـاهـا
رايعـت مـن لا بنـى مــن شـامـخ البيتـيـن وكــره"=ولعـوزت كــل ابــن حــرٍّ بــأوّل الهـجـرة عطـاهـا
وصفـنـا وصــف ثْـمَـرَه والـزيـن فـــلاّحٍ بـغـمـره"=يعتنيهـا وان حـداه الجـوع مـا اسـرع مــا كـلاهـا
يا ابن مدعث لا رعت بيـن الجهـام السـود عفـره"=حاجةٍ تقضي عقب سـن الصبـا وش هـو قضاهـا؟
ابـعـد الله دار مـــن يـبـعـد ثـنـيـنٍ كـــان قـصــرة"=امّــة لا شـافــت الـشـمـل اجـتـمـع جـاهــا بـلاهــا
لا سقـى الله فيـضـةٍ فيـهـا سمـيـن الصـيـد قُـعْـرة"=كــل دِحْــلٍ واجـهـوا بــه حـيّــةٍ تـلـحـس جـمـاهـا
عـزّتـي لـلـي بـقـى بيـنـه وبـيـن الـمـوت شـعْـره"=روحـه اقـرب للمنايـا السـود مـن حـذفـة عصـاهـا
طال وقتك يـا ابـن مدعـث بيـن لا تطريـه واطْـره"=حـيّ ابـو مجنـاك ويـن الله شلـع بـك فـي فضاهـا؟
شدّهـا مـن خدّهـا واقطـر عـلـى المـركـاز صـفْـرة"=والحمـى مـا احـدٍ حمـاهـا كــان ربّــي مــا حمـاهـا
انــت مـثـل الـلـي يــدوّر للوسـايـد وســط خُـبْـرة"=وخُبْـرة الـروض ايتحمّـل مـا يجـيـه الـلـي ربـاهـا
نقطـن الـواد المخيـف ونـضـرب البـيـد أمّ جُـفْـرة"=لعنبـو بعـض البـنـي يــا مــا لحقـنـا مــن هـواهـا
مـا لقينـا مـن يقـول: ابطـى بـهـاك السـيـل كُـبْـره"=طـالـت الـمـدّة وخـالـد فـــي رجـــا دورة رحـاهــا
الوجـيـه البـيـض سـفْـرة والوجـيـه الـسـود ودْرة"=وجثّـةٍ مـا سـرّت الصاحـب علـى ويـش انغـذاهـا؟
هيـه ياللـي فـي فـؤادك مـن عسـام الـوقـت نـفْـرة"=طالت الدعوى ولا ادري وش حجَلها مـن قطاهـا؟
آخـر المنصـوب فتـحـة وآخــر المـجـرور كـسْـرة"=حطّـهـا نـــذرٍ عـلــيّ انّـــي لألـيّــن لـــك قـسـاهـا
واجمع اوّل حرف من كل بيـت تلقـى بيـت شطْـره"=عقّـب اللـي مزنـتـه مــا يــروي العطـشـان مـاهـا

يا خلف جانـي عـن النـاس فـي الديـرة خبـر = كـلّ حـيٍّ ظاهـرٍ فـي بطـن كفـه وبـر
اخرجـوا ذا مـن قبـر وادخلـوا ذا فـي قـبـر = واحرموا من صوب عجلِ صنعه السامـري

أمّـةٍ صبـت غضبهـا علـى موتـى القـبـور = باعوا القرآن بأربع حـروفٍ فـي الزبـور
أمـةٍ دايـم وهـي مـن دبـورٍ فــي دبــور = غرّهـا تنجيـم عجـلٍ صنعـه السـامـري

مـن بوقـت الحـرب يأخـذ بعيـن الاعتـبـار = رجعته,بيمـوت مـا ثـوّرت رجلـه غبـار
المخالـيـق المخالـيـق والضـيـق اخـتـبـار = والردي مأمـور عجـلٍ صنعـه السامـري

الرجـال اشبـاه بيـن اكـمـةٍ ســودا وبـيـر = وفي الطبوع ابعد من النير عن قبـر الزبيـر
يـا خلـف مـن لا بيكبـر ولــه ربٍّ كبـيـر = مات مـا كبّـره عجـلٍ صنعـه السامـري

حالـفٍ مـن شالنـي شـبـر لآشيـلـه مـتـر = في رجـا ستـر ولا غيـر ستـر الله ستـر
الصـلاة ابـدى بهـا شـفـع وانهيـهـا وتــر = لا سجد غيـري لعجـلٍ صنعـه السامـري

مـا لحقنـي مـن مطـاول هـل الـردة فـتـور = ولا لحق مدة يدي مع كثر ما اعطـت قتـور
ولا اشتريـت بذمتـي قـرب طــاغٍ دكتـتـور = لا تركت امـري لعجـلٍ صنعـه السامـري

مـع تتـار العصـر مـا أقربـه عصـر التتـار = عصر من لا خاط ستـراً ولا أسـدل ستـار
لا أرى فـيـه استـتـاراً ولا مـنـه استـتـار = طبختـه تنقـل لعجـلٍ صنعـه السـامـري

يـا زمـان الملـط مـا أنـت للعـاري ستـيـر = والمطايا فيك لـو مـا مشـت باعـاً فتيـر
مـا خبرنـا مــر يــوم ولا فيـنـا وتـيـر = ما اهتنى بك غير عجـلٍ صنعـه السامـري

إثر ما في الحمض أحد إثر مـاش اصحـاب إثـر = يا كثر ما قد تحمّلـت منهـم يـا كثـر
واصبـح اطيبهـم ورا زلّتـي قصّـاص أثــر = وهوّ يا طيبه لعجـلٍ صنعـه السامـري

والله انــي لا جـبـانِ ولا نـيـب مْـعـثـور = اعطي الموت انحري وازرق البندق يثور
ميـر مـن صكّـات الايـام فـي جلـدي بثـور = واشماتة أهل عجـلٍ صنعـه السامـري

عنّـزوا للـي قضـى شبّـتـه طــلاّب ثــار = عنّزوا للي يلالـي لشـاف الملـح ثـار
مـا مشـى درب انعثـار ولا يرضـى انـدثـار = يوم خانوه أهل عجلٍ صنعـه السامـري

مـا درى عـن لـذّة المرقـد الـدافـي الوثـيـر = واحدٍ حشوة وساده حصاةِ من شثيـر(1)
مـا يعـرف مـن الطفولـة قلـيـل ولا كثـيـر = واسألو عنه أهل عجلٍ صنعه السامـري

كـنّ قلبـي لا خفـق فـرخ طيـرٍ فـي شـجـر = طيّره من عشّتـه جاهـلٍ بإيـده حجـر
عزّتـي لـلـي لحـقـه اول الهـجـرة هـجـر = والرفاقة صيد عجـلٍ صنعـه السامـري

عن مشاهـد نـور عينـه وهـو حـيّ مهجـور = لا شكى لأحدٍ بكى ما عقب هالجور جور
اشهـد ان سواتهـم بـه فجـورٍ فــي فـجـور = حسبي الله في أهل عجلٍ صنعه السامري

عزّتـي للـي برجلـه وهــو حــرٍّ هـجـار = بين قـومِ تشبهـه لا يجيـر ولا يجـار
تسمع الجيـران مـن فـوق راسـه جـار جـار = يلعنون اذيال عجـلٍ صنعـه السامـري

يـا زمـان الأقويـا مـن يجـيـر المستجـيـر = من يظلل كاشف الراس من شمس الهجير
من؟ ومـن ياخـذ مـن الطاغيـة حـق الأجيـر = ليت ما هو بسّ عجلٍ صنعـه السامـري

من يبي الإنصـاف مـن ظالـمٍ صحـوه سحّـر = مثل من يبغى يلاقي إبـرةٍ داخـل بحـر
مـن يلقّـي لـك قفـا لا تلـقّـي لــه نـحـر = والقفا كفوك يعجـلٍ صنعـه السامـري

ولّ يـا وقـتٍ غلبنـي وانــا عـلّـة نـحـور = من حدر سبع الثرى شاربٍ سبع البحـور
يـا خلـف وقـت يـؤذّن فطـور فـي سحـور = صمته ولا صام عجلٍ صنعه السامـري

يـا لوقـتٍ يبـرد الـدمّ بــه والـجـوّ حــار = لا أخذنا عنه مـوتٍ ولا جـاز انتحـار
يـا خلـف كـلٍّ علـى معدنـه لولـو مـحـار = والفلوس ضروس عجلٍ صنعه السامـري

في الخلا مـا سـر داب الخـلا طـول الزحيـر = المنايـا وارده والعمـر روغـة وحيـر
كـل ابـن انثـى ولـه ساعـةٍ فيـهـا يحـيـر = لو تناسوها أهل عجلٍ صنعـه السامـري

حالـفٍ يـا فخـر مـن لا مـلا عينـه فـخـر = لأذكرك ما عاشت النفـس أيامـاً أُخَـر
يا تماضر بنت عمـرو ابكـي الفـارس صخـر = ودوّري له عند عجلٍ صنعـه السامـري

دوّري لـه يـا تماضـر علـى روس الصخـور = وان لقيتي جثّته عطّريهـا اغلـى بخـور
واصرخي :وا اخوي يـوم اكثـر العالـم يخـور = حيّرت شلفاه عجـلٍ صنعـه السامـري

واعذابـي عـن منـاي انفخـوا لـي فـي فُخـار = وانزعوني مثل ما ينزع من الما البخـار
دعوتـي يـا دعـوة اللـي توضّـى واستـخـار = لا تعجّلهـا يعجـلٍ صنعـه السـامـري

ما انت أول من صفـى وقتـه ولا انـت الأخيـر = والدهر ياما قلب خير شـرّ وشـرّ خيـر
ميـر لا تـامـن لمظـلـومٍ اقـفـى مستخـيـر = كم على ايده موت عجلٍ صنعه السامـري

هيـه لا تامـن ولـو طـقّ لـك وقتـك صـدر = ما آخبر شيْ قد طلع فوق ما حوّل حـدر
للدهـر وجهيـن وجــهٍ سـفِـر وآخــر ودِر = ردك تشوفه يعجـل صنعـه السامـري

الـدهـر دولاب مــا دارت ايـامـك يــدور = رُبَّ أمراً أسقطت منـه ربّـات الخـدور
كم صدور فـي فضـا وسعهـا ضيقـة صـدور = كان ما تدري يعجـل صنعـه السامـري

عـن ديـار مثـل هالـدار شـدّوا بـي لــدار = لا يقيم الحـر فـي دار أزكاهـا جـدار
يـا مـدار الـذل مـا لأنجمـي وسطـك مـدار = بأتركك لنجوم عجل صنعـه السامـري

ناقـةٍ داخـل حنايـاي مــا مــرت غـديـر = عازلٍ عنهـا جملهـا وقامـت تستديـر
يـا جمـل عيـبٍ عليـك الرغـا عقـب الهديـر = الرغا خلـه لعجـل صنعـه السامـري

ما حمـى ابـن آدم مـن شـرور أبـن آدم حـذر = ولا لقيت أحدٍ لحبي هـك البنـت يعـذر
ما هـو ديـن قصدهـم بـسْ حسـد نـذرٍ نـذر = والحسد طبع أهل عجل صنعه السامـري

عـنـدلٍ معروفـهـا مــا توفّـيـه الـنـذور = معذور ان متّ فيها معذور ايـه معـذور
يا بـذور سنبلـت فـي الغصـون مـن الجـذور = لا متى وانتي لعجـلٍ صنعـه السامـري

اذكرينـي فـي آخـر الليـل مــن آخــر أذار = عاشقٍ ما ارتاع مـن جيّتـك يـومٍ وذار
مـا مشـى عنـك اقتـدارٍ ولا جـاك اعـتـذار = ولا حنى راسه لعجل صنعـه السامـري

لـك بعينـي طفـل ريـم إلـى شافـك يـذيـر = صار من قدمك بشير ومن خلفـك نذيـر
يـا كثـر مـا جـاك وعيـون عدوانـه حذيـر = ما حسب لحساب عجل صنعه السامـري

يـا خلـف غـرّا لهـا أقسمـت بيـض الغـرر = في بهاها لعين مـن طاولـه ليلـه قـرر
بْ (درر) فمْـهـا تـمـاري بأصابعـهـا (درر) =ما درت بألماس عجل صنعه السامـري

مـا بهـا ذرة غـرور وفـي مشيتهـا غــرور = في الحشا منها أسارى وفي الخارج سرور
من نحرهـا طائـر الأيـك طـرّش لـي كـرور =والعمى بعيون عجل صنعـه السامـري

في الهدب صملة (عميـرٍ) وابـن عمـه (عـرار) = مخطرٍ يقدح سنا خدّها الخمـري شـرار
بين رمـشٍ فـي اسمـرارٍ وخـدٍّ فـي احمـرار = ساومت بالرجل عجلٍ صنعـه السامـري

فتنـةٍ يسمعهـا الاصقـه ويبصرهـا الضـريـر = في ثغرهـا زمهريـر يقبّـل قمطريـر
يـا يديهـا حالـف انـي لألفّـك فـي حـريـر = والفلس حظك يعجـل صنعـه السامـري

يــا محـلّـل دمّ الايـتــام كـــلاّ لا وزر = موعدك في يوم ماحـدٍ لأحْـد يشـدّ أزر
كيـف تسـرق عشقتـي مـن وانـا تـوي بـزر = ومن قبل ما اعرفك عجل صنعه السامري

يا خلـف مـا نيـب مـن يشهـد القـالات زور = من متى ولحوم الايتام مخلوقـه جـزور
لــو بنـرفـع فــجّ الازوار مـنـا زور زور = من بيدري غير عجل صنعـه السامـري

عنـدلٍ مدهالهـا مـن الـزرار اليـا الــزرار = لأجلها قارعت روس القبايل من (نـزار)
ليـن لاحونـي بنـو الجـنّ مـن زيــرٍ وزار = والهدف في راس عجل صنعه السامـري

عنـدلٍ مايـج بحرهـا علـى الجاهـل غـزيـر = ما اسدلت دوني رواقٍ ولا حطّت وزيـر
وجاه مـن أحيـا مـن الموتـة الكبـرى عزيـر = إنها لـي لا لعجـلٍ صنعـه السامـري

ليـت مـن شالـه علـى بـرد جنحانـه نـسـر = صوب أرضٍ دربها الا علي وحدي عسر
بس أنا وكسـوري اجمـع كسـر واطـرح كسـر = سالمٍ من مكر عجـلٍ صنعـه السامـري

عـزّتـي لـلـي تعـلـق بجنـحـان النـسـور = عن مقابل أمّةٍ مـا منعهـا عنـه سـور
ولا تشـوم انفوسهـا عـن بقايـا كـل ســور = فوق سفرة كل عجل صنعـه السامـري

وجـد حالـي يـوم اصفّـق يميـنٍ فـي يسـار = في رجا من صابني له عن الناس انحسار
مـا جـذب رجلـي مسيـر ولا خذهـا مـسـار = باع هالدنيـا لعجـل صنعـه السامـري

ما بقى عنـدي مـن الصبـر لـو جـزءً يسيـر = كل ما امد البصر في اليسير وفي العسير
ينقلـب لـيّ البصـر خاسئـاً وهــوَ حسـيـر = ما اطولك ياليل عجل صنعـه السامـري

عنـدلٍ كـنّ البشـر حولـهـا مـاهـم بـشـر = يوم تمشي كنّهـم حولهـا بساعـة نشـر
عـوّدت عشـري عليـهـا ثـمـانٍ لا عـشـر = واسعادة حظّ عجـلٍ صنعـه السامـري

مـن بهاهـا أحسـب الخلـق فـي ساعـة نـشـور = كبّـروا منهـا وهـم مـا رأوا إلا القشـور
حسـن خَلْـق وحسـن خُلْـق وحسـن رأيٍ وشــور = وبالنهايـة هـي لعجـلٍ صنعـه السامـري

يـوم تاقـف لا تجـد مـن ولـو بأصـبـع أشــار = والنهد واقف على الصـدر وقفـة مستشـار
ويـوم تجلـس كـن الارداف فـي نصـف انتشـار =كيـف اخلّيهـا لعجـلٍ صنعـه السـامـري

لأقبـلـت والنـهـد يهـتـزّ والشـايـر يـشـيـر = كن نهدها لي عن الصـدر مرسلتـه بشيـر
كـاد ينطق:يـا عشيـر انتـبـه جـالـك عشـيـر = لا رمـاك الله لعجـلٍ صنعـه السـامـري

كـنْ برمـش حبيّبـي لا نظـر سـاعـة عـصـر = عابدٍ ساعة سفـر كـلّ مـا صلّـى قصـر
مـن يشوفـه مـن بعيـد يْحلـف مـالـه خـصـر = ياه لـو ماهـي لعجـلٍ صنعـه السامـري

ولّ يـا خصـرٍ بسلـكٍ مــن التـبـر معـصـور = من شبيهه في الخصور تْعَقب كل الخصـور
النهـود قْـبَـبْ قـصـورٍ لأســلاف العـصـور = واصبحت في حكم عجلٍ صنعـه السامـري

عنـدلٍ مالـه شبَـه فـي طـوال وفــي قـصـار = فيه ما لا صار من قبـل بأمـر الله صـار
لذّتـي بــه لــذّة النـصـر يــوم الانتـصـار = والهزيمـة فـال عجـل صنعـه السامـري

عـنــدلٍ قـدّامـهـا لا طـويــل الا قـصـيـر = مثلها مـا مـرّ أحـد لا سميـع ولا بصيـر
مـا لـنـا فيـهـا مصـيـرٍ ولا منـهـا نصـيـر = في سرايا قصـر عجـل صنعـه السامـري

يـا خلـف لعيونهـا احرقـت فـي اليابـس خضـر = إيه أنـا شاعـر مضَـر لا أذلّ الله مضَـر
لا حضـرت اربـع قبايـل مـن الـجـنّ تْحـضـر = لا أبوهـم لآبـو عجـلٍ صنعـه السامـري

هيبتـي وان كنـت غايـب تسـدّ عـن الحـضـور = وان حضرت انهيت والناس من حولي حضور
احمـد اللـي مـا جبلنـي علـى كــل مْحـضـور = ولا ثنى عزمـي لعجـلٍ صنعـه السامـري

بْ _(هدايـة) كـلّ سـارّ آتـوقّـى كــلّ ضــار = ويعرفني من رأى المـوت ساعـة احتضـار
انِْـعـرِف لا طـــال بالواقـفـيـن الانـتـظـار = لا خذلهـم كـلّ عجـلٍ صنعـه السامـري

احمـد الله والنظـر مــا خــذل مـنـي نظـيـر = ولا سلبنـي هيبتـي كـل ذي شكـلٍ نظيـر
لـو عليـه اسمـع بقلبـي خلـوجٍ فــوق ضـيـر = ما ارتخي مثل اهل عجلٍ صنعـه السامـري

يـا خلـف يـا مسنـدي فـي خطـر ساعـة خطـر = ما ورا الصبخـا ذبيـلٍ ولـو جاهـا مطـر
بْ شطـر وازى شطـر وبْ سطـر أسفـل سـطـر = بانتقم مـن كـل عجـل صنعـه السامـري

ولّ يـا قلـب غــدا بـيـن قطبـيـن مخـطـور = راح لا أخّـر سحـورٍ ولا عجّـل فـطـور
دايـمٍ مـن طـور فـي طـور عـن طـورٍ وطـور = ما تحايـل فيـه عجـل صنعـه السامـري

كـل يـومٍ لـه شكـل كــل يــومٍ لــه إطــار = وكل ما غمّض عيونه شلـع نومـه وطـار
غـــادي للهمّ سـكّــة ولا سـكّــة قـطــار = لا رعـاك الله يعجـلً صنعـه السـامـري

الضعيـف ضعيـف لـو فـي يـده سيـفٍ شطيـر = دام قلبـه مخطـر لا سمـع صـوت يطيـر
والقـدر مكتـوب مـا عـنـه لأبــن آدم مطـيـر = لو تخفّـى عنـه عجـلٍ صنعـه السامـري

يـا خلـف مابـه سهـل مـا يجـي عقبـه وعــر = والجبان اقـرع ولـو لبّسـوا راسـه شعـر
زبـوةٍ فــي ربــوةٍ عشبـهـا الـيـوم استـعـر = .ليتهـا شبـت بعجـل صنعـه السـامـري

يـا خلـف بـان الهـدف والعيـون العـور عــور = احسب ان الوقت لو شان ما يجـرح شعـور
واثـره اذعـر وان تسلّـط عـلـى حــيّ ذعــور = فيه من عـادات عجـل صنعـه السامـري

مـا رعــى للـنـاس مـبـدأ ولا قــدّر شـعـار = لـه بـدال الاسـم مليـون إسـمٍ مستـعـار
فـي النشامـى منـه عـار ولـو مـاهـوب عــار = واعتلوا فيه اهـل عجـل صنعـه السامـري

يــا زمــان الصعلـكـة لا تـعـار ولا تعـيـر = فيـك يـا كـم قبّـةٍ أصلهـا حبّـة شعيـر
كـم سببـك استتيسـت عـنـز واستـنـوق بعـيـر = والطوال اضحت لعجـل صنعـه السامـري

في رجـا مـن لاتجـي البيـض معهـا فـي ظفـر = حسنهـن قدامهـا يعطـي الناتـج صـفـر
قلبـي الضـاري بهيكـل هــل المـشـرق كـفـر = ولا انحنى قـدام عجـل صنعـه السامـري

مـا طلبـت المغفـرة مــن ســوى ربٍّ غـفـور = والقبر مهمـا تطـاول بنـا العمـر محفـور
لعنبـو سـاس الـردي كـان دمــه مــا يـفـور = ساق دمـه عنـد عجـل صنعـه السامـري

يـا كثـر مـا دجـت بالرجـل فـي جـرد القفـار = من جبل (تتوان) حوّلت في صحـرا ظفـار
وطحـت مـن معشـر (إيـادٍ) علـى معشـر غفـار = من وراي ظلال عجـل صنعـه السامـري

لا بـدا صـوتٍ مـن الحـرب جـاوب لـه نفـيـر = والردي جارت عظامه عليـه مـن الصفيـر
اضـرب الصـف المناحـر مـن الجـمـع الغفـيـر = ذاك انا ماهـوب عجـل صنعـه السامـري

كــلّ خـافـي يبـيـن ولـكـلّ أمــرٍ مستـقـر = موعد المسلـم عـدن موعـد الكافـر سقـر
والفـقـر فـقـر المـراجـل إذا قـالــوا فـقــر = يا مـدوّر مـال عجـل صنعـه السامـري

الصـقـور صـقـور مدهالـهـا روس الـوقــور = والردي في الناس لو عاش ما عاش محقـور
حوّلـي يـا ترثـة البـوم وارقـي يــا صـقـور = عن فضالة أهـل عجـل صنعـه السامـري

الوجيـه الـلـي عليـهـا مــن الطـاعـة وقــار = ذكرها يبقى مع النـاس فـي روس الوقـار
والـردي منـسـي ولــو زوّد الحـمـرة شـقـار = من يعلّـم أهـل عجـل صنعـه السامـري

مـا سـوى مـن لا حـوى مجـد فـي الدنيـا فقيـر = ولا سوى من لا رفع راس في الدنيـا حقيـر
ولا سـوى مـن لا جنـى طيـب فـي الدنيـا عقيـر = والندامـة ردّ عجـل صنـعـه السـامـري

احمـد الله لـي علـى الوكـر سبـع مـيـة وكــر = سدني عن مجـد تغلـب وعـن عـزّة بكـر
زبـدة العمرالثـنـا بــسّ هــل مــن مـدّكـر = يا موطّـي عنـد عجـل صنعـه السامـري

يـا خلـف والـرزق مقسـوم مـاهـوب محـكـور = كـم ليـال وهـن أنـاثٍ تمسّينـا ذكــور
ميـر ويـن اللـي لربـه علـى مـا جـا شـكـور = لا شكـرك الله يعجـل صنعـه السـامـري

مـن حسـان المجـد فـي ذمّـتـي سـبـعٍ بـكـار = ابتكرهـا شايبـي ماضـي الوقـت ابتكـار
ليـن مـا صـارن لنـا عـن جميـع النـاس كـار = غيرهـا ياخـذه عجـل صنعـه السامـري

يـا مجـادل حامـل المسـك فــي نـفّـاخ كـيـر = يا مساوي حبّةٍ مـن رمـل بهضـاب كيـر
مـن نجـى مـن منكـرٍ ويـن ينجـو مـن نكـيـر = مرجعه في النار عجـل صنعـه السامـري

يـا خلـف وان كـان عمـري كـذا فأمحـق عمـر = كم سهج بيضٍ وهن بيـض والفاهـن سمـر
طبـت فـي عمْـرٍ ولا طـاب لـي يــومٍ عَـمَـر = والخيانـة طبـع عجـل صنعـه السامـري

إن تكـاد الأرض مـن فعـلـة الطـاغـي تـمـور = فلقد مارت لهـا الأرض فـي كـل معمـور
يـا ثـعـال عــوّدت تـالـي الهـجـرة نـمـور = دربكم مـن درب عجـل صنعـه السامـري

يـا خلـف إن أورق القـلـب مــن ذات الخـمـار =أسالك هـل سـال مـن بعدنـا وادي نمـار
أم بكـت منـا علـى الـربـع حـلـوات العـمـار = أم رمى البين أهل عجـل صنعـه السامـري

يـا خلـف سلطـان يومـك بطيـب اصلـك أميـر = من يحامي عن حمـا قبـر راعٍ مـن نميـر
ظاهـر الاســم العـلـم لا يعـامـل كالضمـيـر = لو يحـاول فيـه عجـل صنعـه السامـري

يـا خلـف حـيٍّ علـى الوقـت مـا عنـده ظـهـر = والله إن يصبر على الضيم سبع ميـة شهـر
إن شكـى ملطـوم وان صـدّ مـات مــن القـهـر = ضاحـكٍ سنـه لعجـلٍ صنعـه السامـري

يـا خلـف كـم مـن شبـابٍ بأعـمـار الـزهـور = شلّحتهـم حمـر الاقـدار لجيـاع الـدهـور
كـم بطـونٍ فـي الأصـل لـو نفتّشـهـا ظـهـور = يكفـي الله شـرّ عجـل صنعـه السامـري

يـا خلـف والليـل مـا طــال يمـحـوه النـهـار = ذروة الأمجـاد مـن دونهـا سـرد المهـار
كـل عمـرٍ لـه علـى صاجـة المـوت انصـهـار = وللتـراب يعـود عجـل صنعـه السامـري

ذا وصـلـى الله عـلـى مــن لهـالأمّـة ظهـيـر = خاتمة ما لا نظمه ابن ابـي سُلمـى زهيـر
نظـم مـن أفضـى إلـى النجـم بالطـرف السهيـر = عن روايـة كـل عجـل صنعـه السامـري

وش بــلا دمعـتـك سـالـت يـمـال الـذهــاب"="ضـاع كـدك كـذا يــا مــال شـيـن النصـيـب
ديـــــرة عـمّــروهــا مْـبـلّـمـيـن الـــكـــلاب"="لا يـشـهّـيـك مـقـطــان عـلـيـهـا خـصـيــب
الـقـط الـلـي تهـيّـا وانــت فــوق الـركــاب"="لا تنـوّخ وهــي بـيـن الصـعـب والصعـيـب
قبـلـك مـربّـع فـــي الـــروض حـيّــه وداب"="الخـضـر مــات والأصـفــر لـيـانـه ذهـيــب
لا يجي الشيـب راسـك وانـت تـوّك شبـاب"="والله انّ الخنـا ينبـت علـى الــراس شـيـب
لا تـصـدّق ابــه حــبّ تــرى هــو ســـراب"="مـاه لـو طـال عــدوك مــا يخـضّـر جـديـب
الهـوى راح مــع مــن راح مخـلـب ونــاب"="مابـقـى فـــي ثـمـايـل جـمّــه الا الـسـريـب
احـذر الـلـي مــع الأســواق مـثـل الــدوابّ"="قـاصــرات المـشـالـح مـومـيـات السـبـيـب
بنـدق الـعـود الاعـمـى مــا تـجـدّد صــواب"="لـو فشقهـا حمـر مـا طـاح منـهـا صـويـب
ولا يعـوض السلَـم عـن بـاتـرات الـحـراب"="لا وربّ فـــرق بـيــن الـعــدو والصـحـيـب
وان تـبـدّلـت صـارمـهـا بـسـلـك الــربــاب"="والله انـــك خـبـيـث لابـــس ثـــوب طـيــب
شـم عــن الـلـي طرفـهـا دايــر مــا يـغـاب"="كـــلّ زول تـلـفّـت لــــه بـنـظــرة حـبـيــب
لا تـجـي مـثـل سـالـفـة الـغـبـي والـغــراب"="يـوم وثـق بـه الـعـروة غــدا فــي القلـيـب
لابن برمـان طيـره فـي الهـدد ويـش جـاب"= "يالـمـبـلّـم تـعـلّــم مــــن يــــودّي يـجــيــب
والـهــوى مـــا يـطـهّـر لـلـعـذارى جـــراب"="ومـن يـرى غيـر هـذا عـدّ ملـعـون صـيـب
عرضهـن مـثـل مصـقـول الـقـزازة مُـهـاب"="بصـمـة الأصـبـع الطـاهـر علـيـهـا تـعـيـب
حــطّ للـوقـت شلـفـا مـثـل شلـفـا (ذيــاب)"="درْ علـى مــن نسبـهـم مــا يفـشّـل نسـيـب
لـيـث غــاب يــدوّر لبـوتـه وســـط غـــاب"="لا يـغّــرك شـــروق هـــو بـدايــة مـغـيــب
در علـى بـنـت حــرّ شــان حـظّـك وخــاب"="فـي ولدهـا ليـا جــاء هقـوتـك مــا تخـيـب
ابنـة الـلاش لــو تسقـيـك حـلـو الـرضـاب"="ورعهـا يجيـك مثلـه مثـل غـصـن رطـيـب
لا يـقـضّــي لــــزوم ولا يــوقّـــر جــنـــاب"="ولا يـقــوّي عــــزوم ولا يــــدوّر طـلـيــب
انتـبـه لا يـجـي عـقـب الثـبـات اضـطـراب"="وانتبه لا (خبيـب) المشـي يرجـع (دبيـب)
مــن بـعـد ذا عـلـى نـيّـة وفــا وانـتـصـاب"="ذروة الشـاهـق الـحـر الـعـلا يـــوم هـيــب
يـا هـل السمحـة الفجّـا النحـر مـن عــراب"="والبطـايـن مـثـل جــوخ المـلـوك السلـيـب
مــن ركـايـب ركـايـب مــن ركــاب ركــاب"="مــن نجـايـب نجـايـب كــلْ نجـيـب نجـيـب
مـا هـي مْـن الـذي ذبّــوا عليـهـا المـطـابّ"="لـيـن عــوّد نحـرهـا فــي ظهـرهـا حطـيـب
مـن عطايـا الولـي ملـحـا تـشـقّ الـرغـاب"="مـا رعوهـا مسبّـرة السـلـق فــي الحـديـب
كنّـهـا عيـطـمـوس لابـســه بـشــت كـــاب"="هزّت الخصر في سوق الهـوى مـن قريـب
مثـل مـن رقصوهـا جنـب (عمـرو ديــاب)"="يوم ترمي الحيا تحـت اسـم (فديـو كليـب)
ذا لهـا اربــع سنـيـن مــا تـحـق الـضـراب"="حــايــل كــــنّ اذانـيـهــا مـفـاريــد ذيـــــب
الـنـواظـر مـجـامــر ســمــر والا شــهــاب"="نـظــرة مْحـنـشـل دون الجـهـامـة عـزيــب
والخـشـيـم ادغـــم كـنــه طلـيـعـة عـقــاب"="ويتـنـفّـس تـنـفّــاس الـشـجــاع الـعـريــب
مـن فريـد الوحـش فيهـا الوصايـف عْـذاب"="مـدمــع ومـسـمـع وفـــزّ وكــــزّ وجــذيــب
حـايــل كـــنّ اسـافـلـهـا مـعـامــد خــــراب"="وكـنّ اعـالـي قـراهـا سـرحـة فــي شعـيـب
والله انّ الـبـطـن لـــولا عـيـونـي جْــــذاب"="مـا لمحتـه وهــو بـيـن الحـقـب والحقـيـب
شــوف دقّ ابــرة الخـيّـاط تـحـت الـثـيـاب"="عندي اسهل ترى مـن شوفتـه يـا صهيـب
الحقب يـوم مسـوا بـه علـى البطـن شـاب"="البـطـايـن طـبـايــن والمـحـاقـيـب شــيــب
ملتـوي كنّـه القـوس القـزح فـي السـحـاب"="يـوم خـيّـل عـلـى وجــه السـمـا مستنـيـب
والشعـف لا رهَـف واسْفـت عليـه المهـابّ" = "قــرن عمهـوجـة شـقـرا غــدا لــه لـهـيـب
طـبّـت الملعـبـة مــا مــن جـسـدهـا لـــذاب" = "غـيـر كـتـف وردف فــي المـلاعـب لعـيـب
جـــادل فـــي مـخـيّـم رقّـصـوهــا شــبــاب"="واطربتـهـا أغنـيـة (رهـيـب والله رهـيــب)
العـبَـس يــوم حــزّب فـــي شعـفـهـا وراب"="دبْــس هجـريّـة فـــي حُـقّـهـا يـــوم ريـــب
كـــنّ لـجّــة سفـايـفـهـا لــنــارت تــســابّ"="خفّـهـا فــي متـيـن الـرمـل ينـحـب نحـيـب
كنّـهـا يــوم تـلْـد الـصـوت تلـقـي خـطــاب"="وان قصـر صوتهـا اسمـع دقّــة العندلـيـب
حلـو الايقـاع ترقـص لـه قـرون الهـضـاب"="لـو سمعـه الجبـل فـي الحـال يقنـب قنـيـب
مــا عـلــو كُـورهــا الا فـارعـيـن الـرقــاب"="ومــا علـوهـا عـلـى حــرد الـشـدادي ؟؟؟؟
ولا نقلنـا لهـا جـردا العصـا مــن الـزهـاب"="دوب نرجـع عليهـا الصـوت تهـذب هذيـب
روّحــت كنّـهـا الـبــرق الخـتـالـى رْعـــاب"="هازهـا مخلـب اشقـرْ فـي المهامـة عطيـب
يــوم تـدبـح مــع الطلـعـات شــيّ عـجــاب"="ويـوم تسبـح مــع الـنـزلات شــيّ عجـيـب
فــي السـهـل كنّـهـا يـخـت يـشـقّ الغـبـاب"="الهـبـايـب هـــدنّ ومـايــج الـبـحـر اديــــب
وفـي الوعـر لا ثنـت بالحيـل خــفّ يــلابّ"="كنّـهـا السـيـل مــا قـدمـه يـحـطّـه حـزيــب
ولاادبــرت كنّـهـا عـــن ديـنـهـا تسـتـتـاب"="نـاحــرت دار الاســـلام المـسـمّـى مـنـيــب
ولا اقبـلـت كنّـهـا الشـامـان يــوم المـقـابّ"="ورّدوه الطـنـايـا فـــي الـنـهـار الـعـصـيـب
لا ركبـهـا غـبـار الــدرب مـثـل الـخـضـاب"="فـي جديـل اسمـر الخدّيـن عـيـن القضـيـب
دوب اخلّـص كلامـي والحـق الـبـاب بــاب"="لـهْـي قــد جــت بــردّه دون شــكّ وريـــب
لا ولا جــنّـــي سْـلـيـمــانٍ لْــهـــا يــنـــابّ"="لا ولا اللـي كشـف لـه ربّ الاربـاب غـيـب
أنــت مــا تسـمـع الله فــي ايــات الـكـتـاب"="يـوم يـهـدي عـلـى الـبـل كــلّ قـلـب لبـيـب
لا لفـح وجـه راكبـهـا مــن الـشـوق هــابّ"="مـثـل فـايـح دخــان فــي ســـراج ضـبـيـب
يــا بــدر يــا سـلايــل محتـمـيـن الـمــرابّ"="يــوم تسـمـع لجـيـش الفـارسـيـة طـريــب
نصّهـا صـوب ولـد الـعـمّ وافــي الحـسـاب" = "للمعكـلـي نـبـي ثــرّ الـذهـب يـــا حـسـيـب
مـن صلايـب مدفّـنـة الـركـب فــي الـمـذابّ" = "شـمّـر الـيـا كـسـر حلـقـة حـريـب حـريــب
قــل لتـركـي لـيـا مــنّ اشـقـر الـبـن طــاب"= "السبيـعـي عـلـى خـيــط المـهـالـك مـثـيـب
مــن ثـوابـه عــذاب ومــن عـذابـه ثـــواب"="يالله انــي دخيـلـك يــوم يـخـطـي يـصـيـب
فـي عيونـي سيـوف مــن سطـرهـا تـقـابّ"="وفي خفوقي يصيـح (مهلهـل) يـا (كليـب)
صابنـي مـن بعـض فعـل الـرجـال اكتـئـاب"="خـاطـري مــن ردى فعـلـة رفيـقـي كـئـيـب
الــرواســـي تـعــلّــى فـوقـهــنّــه ذبــــــاب"="بهذلـتـنـا ليالـيـنـا وانـــا اخّـــو( شـبـيـب)
يــا عـزيـزي زمـانـك بــشّ نــوره وغــاب"="مقفـي مـثـل مـنـزوع البـلَـح مــن عسـيـب
لــو نقـصّـر يـديـنـا اغتصـبـنـا اغـتـصـاب"="ولــو نـطــوّل يـديـنـا قـطّـنـا بـكــل عـيــب
يــا عـزيـزي زمـانـك فــي سـؤالـه جــواب"="يسـأل وهـو ف نفـس الوقـت عنـا يجـيـب
فــي إيـابـه ذهـــاب وفـــي ذهـابــه إيـــاب"="يــــا مــــدوّر ورا الــزلــة دْوَرْة الـذهـيــب
الـلــيــالــي دول وايـامــهــنّــه ضـــبــــاب"="تصبح الصبح (قصر)وتمسي الليل (سيب)
لـو تزخـرف علـى وجــه الحقـايـق نـقـاب"="الحقـيـقـة لـهــا وجـــه قـفــو مـــا يـغـيـب
سـلّـة السـيـف مــا تـومـن بـلـيّـا نـصــاب"="وشــذرة الـحـدّ مــا تمـسـك بلـيّـا قـضـيـب
يـا عزيـزي زمانـك لـو دمــث لــك جـنـاب"="جـرّتـه مــا تخـلّـص وافـــي مـــن هـلـيـب
قبلـك (العـود ابـو مخـطـر) كــلاه الهـبـاب"="رضّـعـتـه المـنـايـا مـــن ثـمـرهـا حـلـيــب
ثـبّـت الـزيـف فــي ثــوب مـــن الانـقــلاب"="فـوق وجناتـه الاربـع (هــلال) و(صلـيـب)
ولو عن اللي قسمه الـربّ الاعلـى حجـاب"="مــا مـشـى حــيّ الا وعــن يميـنـه طبـيـب
لا سـقــى الله زمـــان يرتـقـبـنـا ارتــقــاب"="صـــار كـــلّ عـلــى كــــلّ عـتـيــد رقــيــب
ويـا سـقـى الله زمــان يــوم حـنـا اتـحـابّ"="يـوم انـا جـنـدي ويــوم انّ غـيـري نقـيـب
بـــسّ والله ولـــو ذقـنــا كـريــه الـشــراب"="مــا نبـيّـن لـعــشّ الـبــوم مـنــا حـضـيـب
مــن تـكـلـم حثـيـنـا فـــي فـمــه بـالـتـراب"="لـيـن ينـقـصّ حـبـل مــن غــروره قطـيـب
مـن نبـاح الكـلاب ايـش بيضـر السحـاب؟"="الـثـوابــت ثــوابــت والـذهـيــب الـذهـيــب
ومن يبـي العـز ينـزل فـوق روس القبـاب"="مـا يبـي الطيـب نشـدة شيـخ والا خطـيـب
يــا زمـــان الـخــدم ومصلّـحـيـن الـكـبـاب" = "مـا نبـي منـك غـيـر السـتـر ولا تستجـيـب

ليا دنت هجوسـي والقصيـد محكّـم حروفـه = ادور لـي مـع الاشعـار سجـاتٍ تسليـنـي
على بحر الوفا طبعي اعرف الوقت وظروفـه = على ذاك الزمان اللي علـى كيفـه يخلينـي
زمن داير زمن جاير زمـانٍ شحّـت كفوفـه = زماني يشكي الفوضه من الفوضـه يشقينـي
انا ماقول نفسي مـن كثيـر الهـم مخطوفـه = انا شفت الزمـان اللـي يزعلنـي ويرضينـي
انا يالله يالرحمـن اخـاف الوقـت وصروفـه = وانا يالله ابن عبـدك علـى عرفـك يقدينـي
انا قصه مـن العالـم زمانـي حـدد سيوفـه = الا ليت الزمـان اللـي يحاكمنـي يقاضينـي
وانا نفسي تحب اللي يحب الطيـب ووصوفـه = ولا نفسي تحب اللي مع ممشـاه يـو طينـي
على ناصر ومن شانه تصير اسرا ر مكشوفـه = على حبه ومن صيته مـع الاسـرار يكفينـي
على عين الحسود اللي من الشوفه هي الشوفه = انا منه ومن منـه ومـن سحـره يبكينـي
ليا دنت هجوسي والقصيد محكّم حروفه = تباريني تباريني تباريني تباريني

هــلا بالـلـي ضــرب جـوفـه وسـاقـه ضـيـم سـرجـوفـه = عـلــى صـفــوة صـفــا قـافــه يمـوتـنـي ويحيـيـنـي
سـقـى الله يــا زمــانٍ شوشـتـه مــن خـلـف منـسـوفـة = تقـفّـيـتـه بـكـربـاجـي وهــــو كــــان امتقـفّـيـنـي
حـريـره مــا يناسـبـنـي ولا جـــاوب مـعــي صـوفــه = لـعــب بـــي لـعـبـة الـجـاهـل بجنـبـيّـة وسـكّـيـنـي
سـعـودٍ كــان نفـسـه مــن صــدوف الـوقـت مشـعـوفـة = تـراهــا مـــا صـفــت قـبـلـه لـسـكـران المجانـيـنـي
ليالـيـنـا عـلــى مـــا قـيــل محـسـوبـة ومـنـتـوفـة = بـكــارٍ لـقّـحـن يـــوم انـتـحـن تـسـعـة وتسعـيـنـي
علـى شانـك يــا ابــن محـجـان أطــق الــراس بالطـوفـة = وأبـيّـن مــا خـفـى مـنـي وعـلــم الـنــاس خافـيـنـي
أنــا لــك مـحـزمٍ وافــي وادوس الــداب مـــا اشـوفــه = عشـانـك أنــت والا الــلاش لــه ديـنـه ولـــي ديـنــي
ابــن محـجـان حــرٍّ لــه عـلـى وكــر الـوفـا نـوفــه = وانــا فــي معرفـتـه افـخـر إلـــى غـابــت شياطـيـنـي
رَجَـــل تـرثــة ريـاجـيـلٍ بـفـعـل الـطـيـب مـعـروفـة = ولــه عـنــدي مـقــامٍ مـــا وصَـلــه إلا السلاطـيـنـي
عـسـى يـفـداه مــن لا صــاد طـيـب ولا كـسـب حـوفــه = طـويـل الـذيـل ابــو زنبـيـل مـــن عـمّــار وحصـيـنـي

يالله ياربنا يامدبر الكون=يامدبر الكون نطلبك الاعانه
بأعانه(ن) منك نبداء كل مضمون=مضمون ماقول يحمل له حصانه
حصانة الدبلماسي ما تجي دون=دون النجوم العوالي في زمانه
زمانه الي يحطم كل دندون= دندون اله في زمان اول مكانه
مكانة(ن) دونها ناس(ن)يثانون=يثنون بالفعل من زود الرزانه
رزانة المخ بالافكار يبنون= يبنون بني الفطانه والذهانه
ذهانة(ن)ورعها يمشي على الشون=الشون خلوه ربع الخيزرانه
الخيزرانه لها ناس(ن) يلاوون=يلوونها لجل ما تزعل فلانه
افلانه الي لها مليون ابو لون=لونه خضر قلب ورع(ن) في الحضانه
حضانة(ن)سدها ماهو بمامون=مامون لو كان في دانه ودانه
ودانه ودانه تناسب قوم فرعون=فرعون ماله ورى الاسلام خانه
خانة حقيقة تحقق ماتمنون=يالي تمنونها ضحك وميانه
ميانة الجاهل المذنب تقفون=تقفون مع دربها والكم بطانه
بطانة(ن) فالصحافه تكحل عيون=عيون للحق قاطعة(ن) لسانه
لسانه الي يبين كل مكنون=مكنون بين الفضيحه والامانة
وأمانتي قلتها ياللي توحون=توحون ما اقول ما يبغى ابانه
وابانته زود مكدها وتلقون=تلقون ماقول في داخل خزانه
خزانة ربحها مضمون مضمون=مضمون صرف الذهب واعرف أوانه
أوانه أن راح ناصر يلعب الحون=الحون فيها يولع شمعدانه

يا حالتي يا فهد يا حالة الدون=يا حالة الدون عوّدتي ديانه
ديانة السامري فاولاد صهيون=صهيون ماقدّروا ربع استكانه
الاستكانه حشوها غصن زيتون=زيتون رمز الكرامه والإهانه
إهانة جمّرت في راس غليون=غليون خمّارة في وسط حانه
حانة سفرجيّة السفاح شارون=شارون نطّّل محازمها لعانة
لعانة ورثّت تسعين ملعون=ملعون الاصل احسبه مبطي تكانه
تكانة صورت في فلم كرتون=كرتون عانه ياابن جدعان عانه
عانه مع (المدمزيل) الستّ(سيمون)=سيمون هي ليت ما هي قهرمانه
القهرمانه قهرها المصطفى جون=المصطفى جون قلّدها جمانه
جمانة من جمان (استيف بارون)=بارون من فمه في فمها لبانه
لبانة المستكا صنع الصنم(عون)=صنع الصنم (عون)مصدر كل عفانه
عفانة بيّنه وش عاد يبغون=يبغون بالمطرقه والسنديانه
السنديانه نهاية كل مجنون=مجنون من سبّة جنانه جنانه
جنانه اربع كسر سمر وجالون=جالون جلة لهب زانه وزانه
زانه وزانه وعود اثلة وعرجون=عرجون برحيّة عشره ثمانه
ثمانه الوضح والمدفون مدفون=مدفون دفن العرافه والكهانه
كهانة صيّحت موسى بهارون=هارون فصّل لسانه طيلسانه
الطيلسانه لمثل احمد وذا النون=ذا النون ما غالت عجافه سمانه
سمانه سمان ما تشرى بعربون=عربون من يكسر سنانه سنانه
سنان وسنان بن جدعان مسنون=مسنون من يلحق سنانه عنانه

يا (ناصر الشعر) شعر الربع وش قومه = يـــوم اخـتـلـط فـيــه حابـلـهـا بنـابـلـهـا
بعـض المخالـيـق راســه كـنـه البـومـه = وحـلـوات الاشـعـار جاهلـتـه وجاهـلـهـا
عويـر وصويـر والاقـرع وابــو دومــه = مــثــل الـذبـايــح مـعـلـقــةٍ بـأسـافـلـهـا
وجـيـه الانــذال مـــن قـــدام ملـطـومـه = يـا ناصـرٍ لا تقـول إن قـلـت لــك قلـهـا
أنـتـه فـقـط سـيّـدٍ للشـعـر مــن يـومــه = وغيـرك كـسـور القصـايـد مــا يعدلـهـا
فرعـون شعـرٍ ولـك مـع هومتـه هومـة = والا هـــذولاك فـيـهـم مـــن تحـثـولـهـا
واللـي سـرى بـه بتالـي الليـل جاثـومـه = ويـظـن نفـسـه مـــن الـشـعـار بـأولـهـا
جـرثـومـةٍ طـبّـلـت لأشـعــار جـرثـومـه = والـنــاس تـــدري بخلفـتـهـا وحامـلـهـا
يـا كثـر مـا نـام والنـومـه هــي النـومـة = مـتـكــوّعٍ بــيــن خـارجـهــا وداخـلـهــا

شاهـيـن يــا سـيـدي والـنـاس منجـومـه = زودٍ عـلـى مــا تشـيـلـه فـــوق كاهـلـهـا
من ميسمك شفت بعض الناس موسومه = وقفـتـك يعـجـز كثـيـر الـنــاس ياصـلـهـا
حيـلـك بخـبـلٍ يـفـوح الشـيـن بـهـدومـه = والنـاس ربـي ببعـض الـنـاس مشغلـهـا
مـــن لا يـحــرّك يـديـنــه قبل بلـعـومــه = تـطمَـعْ بــه الـنـاس جاهـلـهـا وعاقلـهـا
نـاسٍ تفاخـر وهـي مــا حصـلّـت ثـومـه = وتـبـغـى تـجـمّــل وعــيــا الله يجـمّـلـهـا
وبعض العرب في الردى ماهيـب مليومـه = ربــي عـلـى كــلّ فـعــلِ شـيــن جابـلـهـا
ماهـيـب لا تـرحـم ولا هـيــب مـرحـومـه = ولـــو لبّـسـوهـا الـذهــب مالله بقـابـلـهـا
كــم واحــدٍ فــي المـراجـل كـثّـر علـومـه = وان جيت للصدق إلى ما هو مـن آهلهـا
وكـم واحـدٍ بالحكـي يــا زيــن منظـومـه = والــلازمـــه لا بــداهـــا مـــــا يـكـمّـلـهـا
يـا كثـر مـن جبهـتـه بالـعـار موصـومـه = وصّـه علـى كــلّ ســودا فـعـل وازهلـهـا
إن مـــا تـعـقّـبـت بالـسـكّـيـن حـلـقـومـه = والا فـــلا نـيــب مـــن خـيـالــة الـبـلـهـا
حـالـف لأبـيّـح مــع الـعـربـان مكـتـومـه = واحـــطّ فـــي لحـيـتـه لـيــن يتحثـولـهـا

الله يـا نـور مـن جبـال فــاران = بـان وتـروع منـه عبـاد الاوثـان
نور الهدى يا معشر الإنـس والجـان = نورٍ تـلالا واهـل مكـة يشوفـون
.
فيـضٍ مـن النـور الإلهـي تـلالا = أيــات ربٍّ للخـلايـق تـتـالـى
بأمـره تعالـى صـوت حـق تعالـى = وقريش في ميت صنمهـم يصيحـون
.
له من قبل يولـد علامـات ورمـوز = رؤيا ملوك الفرس فـي يـوم نيـروز
ومنها اصطفاق الما على رملـة القـوز = وشمشون ما هو مثله الأمس شمشـون
.
ساعة ظهر نجـم احمـدٍ مـا تـوارى = منـه اليهـود استنوقـوا والنصـارى
يوم اقفوا من الغيظ مثـل السكـارى = كل على كبده مـن الغـل طاعـون
.
نجمٍ ظهر للعين مـن مطلـع الشـرق = بينه وبيـن نجومهـا الطالعـه فـرق
ساعة ظهر غنّت على عشهـا الـورق = ترقب جموع الناس مـن أيـن يأتـون
.
وصار استراق السمع ما هوب جايـز = وتحركـت وسـط القبـور الجنايـز
وتلمسـن لصـدورهـن العجـايـز = واهل الكتاب من القهر مـا يريحـون
.
ورؤيا ربيعة نصر عمـرو بـن عامـر = قـبـل ولادة أحـمـد والعـوامـر
منها رمـت فرسانهـا كـلّ ضامـر = ما هيب مثل اضغاث الاحلام وظنـون
.
يـا حمـةٍ فـي ظلمـةٍ فـي تهـامـه = علـم بهـا (التبّـع ربيعـه) عمامـه
وعنها الف قامه ناشدوا والف هامـه = من جن وانس واهل الاخبار يـروون
.
طفل وهو مـن قبـل يكبـر وينمـو = له في السما كل كوكبٍ بـان يزمـو
الناس تنزل تحـت والطفـل يسمـو = طفلٍ غبطه العـز موسـى وهـارون
.
(سطيح) فسرهـا و (شـقٍ) كذلـك = إن الممـالـك تنتـهـي للمهـالـك
ويسودها ابنٍ لإبن فهـر بـن مالـك = عقب اربع قرونٍ تلتها اربـع قـرون
.
وحلمٍ رواه العبد عمـرو بـن مـرة = عن كوكبٍ يضفي على بطـن حـرة
وصوتٍ يقول اطمر ورا كـلّ جـره = للي لكم من غاديات الدهـر جـون
.
ساعة ولادته اشرف الشمس ابو وهب = ليلٍ ولا اخطت شياطينهـا الشهـب
الخوف خلى كاهنٍ مـن بنـي لهـب = يؤمن عقب شاف اسفل العرش مصيون
.
ساعة ظهر نجمه كمـا قـال حسـان = كل اليهـود موقفيـن علـى شـان
نجمٍ يزلزل حومـة الشـرك مـن دان = وابن اخطبٍ كنه علـى راس حجـون
.
وفي ارتجاس إيوان كسـرى علامـات = طيحة وثنهم مع سقـوط الشرافـات
ورؤيا رآها الموبـذان وهـل الـلات = دلالـةٍ منهـا لحـق ربهـم هــون
.
وفي خبر (قسّ بـن سعـد الإيـادي) = وزيد بن عمـرو واعتـراض المبـادي
واربع رجالٍ من مضـر مـا تقـادي = بإسم احمدٍ لأطرف ولدهـم يسمـون
.
في عام تسع ميـه وواحـد وسبعيـن = تاسع ربيع اول وفـي صبـح الاثنيـن
ميلاد اكرم من وطى القاع يا حسيـن = طفـلٍ عليـه الله وخلقـه يصلـون
.
يوم انجبته امه عقـب طـول مسـرى = من نور وجهه شافت قصـور بصـرى
وتحطمت صلبـان قيصـر وكسـرى = واصبح هرم فرعون ما سـر فرعـون
.
قالـوا ملائكـة السمـا يـا أمينـه = سمـي ولـدك احمـد وحبـي يمينـه
وعيذيه بالله مـن حسـد حاسدينـه = (إنا سنجعل منـه مصبـاح للكـون)
.
هـذا النبـي الهاشـمـي الـنـزاري = فجرٍ سنا صبحـه يبـوج الغـداري
نـور النبـوه فـي محيـاه جــاري = مصباح أهل الأرض يا اهل الصنم عون
.
في يوم ميـلاده توفـوا هـل الفيـل = وكاهن هل البصره وكاهن هل النيـل
وشافوا هل الساحل طواقي هل الغيل = من نور وجهه والقمـر دون فـي دون
.
في مولده يا حسين من ضمن الايـات = من أبطن الاصنام يخرجـن الاصـوات
من هاتفـات الجـن وكـل آتـيٍ آت = ياللي تعاتـب عنـد دمّـون دمّـون
.
تقول_فاطم بنت عاص أمّ عثمـان_: = ليلـة ولادة أحمـدٍ شانـهـا شــان
يكاد نـورٍ منـه يذهـب بالاعيـان = وخفت الكواكب فوق راسي يطيحون
.
لا جيت الفه باللحاف انقلـب عنـه = كن الكواكب فـوق تبغـى تعاينـه
وصارت اواني البيت مثل الذهب منـه = وشفت الوسايد يزحفن له على هـون
.
يـا فاطمـه هـذا النبـي المسـمـى = باكر يجيك الصبح بـ(إقرأ) و (عمّـا)
أمـا مـن استكبـر فـ(نـارٌ) وأمّـا = من اهتـدى فيبشـر بتيـن وزيتـون
.
مـا جـا مـن سفـاحٍ ولا قالـه الله = جاء من نكاحٍ حسـب مـا سنـه الله
يوم العرب في ملكـة الشـرع قلـه = واغلب مناكحهم زنـا لـو يعـودون
.
هـذا بـن عبـدالله نسـل الأكـارم = والجد عبـد المطلـب إبـن هاشـم
ابـن منـاف ابـن قصـيّ المغـانـم = ابن كلاب الخيـر والخيـر مضمـون
.
وكلاب بن مره ومـره إبـن كعْـب = ابن لؤيّ الحرّ ابـن غالـب الصعْـب
وغالب إبن فهرٍ وفهـر مهـو لعْـب = وفهرٍ لقبـه قريـش ياللـي تعـدون
.
بن مالك بـن النضـر آبـن كنانـه = ابـن خزيمـة إبـن مـدرك زمانـه
اللـي ثنـى دون الضعينـه حصانـه = منه اهل وادي الحمض والخمض يخشون
.
ومدرك هو بن الياس بن عالي الشـان: = مُضر هو اول من حدا قدم الأظعـان
ابن نـزار ابـن معـدّ بـن عدنـان = وعدنان في اسماعيل بعد اربـع بطـون
.
ابـن براهيـم الخلـيـل بــن آزر = أهـل المقـام المرتضـى والمـيـازر
خلْ عنك حكي أولاد بطرس وعـازر = ما هم بحوله في الشرف لـو يطولـون
.
واتـرك يهـود الدونمـا والخـزريـا = لو حاولـوا بأصلـه يحولـون الأريـا
إن مـا سقينـا كلبهـم مـرّ شريـا = والا ترانا مثل ابـو الهـول ملعـون
.
ابـن الذبيحيـن احمـدٍ لـو تعالـوا = ياللي علـى جحـدة محمـد تمالـوا
تعالوا إلـى كلمـةٍ سـواءٍ تعـالـوا = وحاذور عن شمـس الحقيقـه تميلـون؟
.
يا اهل الكتـاب الله عطاكـم كتابـه = واسم محمـد فيـه مـا هـو تشابـه
ولا زال باقٍ عنـه بعض الكتابـة = غير اللـي اخفيتـوه عنـا وتـدرون
.
يـا ليتهـم جهالكـم بـسّ تـدري = باللي فعلوتـه أول الوقـت بـدري
ان كان قدني منكم اشفيـت صـدري = واظهرت باطلكم لكم لـو تروغـون
.
بأذكر بعض ما عندكـم عـن محمـد = في كتبكم يا اهل الصليـب المصمّـد
بتوراتكـم وانجيلكـم عـن تعمّـد = اخفيتوا اسم احمد مع اولاد صهيـون
.
اغواكم ابليـس بتحريـف الآيـات = كتمتـم الآيـات كتمـان الامـوات
ما مات شيء فات يـا ناقـد الـذات = الحـق باقـي منـه حلـق ولغنـون
.
يا اهل الكتاب اللي حرفتـم حروفـه = تحريفكـم خلـى عيونه بجـوفـه
وتزويركـم كـلٍّ بعينـه يشـوفـه = وشلون تخفونه عن النـاس وش لـون
.
احمـد عرفتـوه بعلامـات جسمـه = وبكتابكـم مذكـور بإسمـه ورسمـه
والخاتم اللـي بيـن الاكتـاف وسمـه = شفتوه شوف العين وش عـاد تبغـون
.
حـق البكوريـة كتمـتـوه عـنـاّ = وسقتوه لأنفسكم بـلا ذنـب منـا
غصـبٍ عليـنـا إنّ بـالأمـر (إنَّ) = وهذاالصحيح وقولوا اللـي تقولـون
.
يا أمة التـوراة واصحـاب الانجيـل = أحمد ذكـر فيهـا بـأدق التفاصيـل
يا مقرطسين الصبح فـي ظلمـة الليـل = أدلتـي جتكـم عساكـم تـوحّـون
.
في سفر (حجّي) من ثنيـنٍ لـسبعـه = جاء ذكر احمد واهل الاسـلام ربعـه
وفي لفظ (حمْدَهْ) فـي ثلاثيـن طبعـه = لكنكم عـن كفركـم مـا تتوبـون
.
وفي سفر (دنيالٍ) بسابع فصـل منـه = حلمٍ تحلم بـه وطـار الكـرى عنـه
حلـمٍ يـأول منـه ظاهـرْه باطنْـه = ما هو حكـي ولادةٍ وبـن زيـدون
.
يوم ايحلم (دنيـال) بأربـع عواصـف = في وجه بحـرٍ مـا يوصّفـه واصـف
موجه عليه اربـع وحـوش تراصـف = متساويات اعيون واظهـور وبطـون
.
ليـثٍ مجنـح مثـل مـا تذكرونـه = ودبًّ ثلاث ضلـوع حسبـة سنونـه
ونمـرٍ بأربـع أجنحـه تاصفـونـه =واربع رؤوسٍ بـلا كراعيـن ومتـون
.
ووحشً قرونـه أربـع فـوق راسـه = ثم يظهر الحادي عشـر مـع أساسـه
ويكسر ثلاث قرون مـن قـوّ باسـه = ويصير مثـل الآدمـي فـمّ وعيـون
.
وبالكفـر والالحـاد يبـدا يتـفـوه = تـوه بـدا وبغايـة الشـرك تــوه
قرنٍ براس الوحـش شكلـه مشـوه = كنه شرب من خمرة الـراس جالـون
.
وفجأة يجي الله فوق عرشٍ مـن النـور = عرشٍ سنا نـوره تقـل فـت بلّـور
قدمه يرى نهـرٍ مـن النـور منثـور = حوله ملائكـة السمـاوات يمشـون
.
ثم يفتحون الكتب مـن كـل خانـه = والوحش ابو قرون احترق في مكانـه
كله يمـوت الا هـك القـرن عانـه = يدعو خلفهم للكفـر ليـن يدعـون
.
يدعون من جات السحايـب تشيلـه = يمثـل أمـام الله ويرخـي شليـلـه
ويعطيه ملـكِ مـا يوصـف مثيلـه = وتخضع له الدنيا اجمـعٍ روس وقـرون
.
هو احمد الخاتم وهـو ابـن الانسـان = في لفظ (برناشا) لو انْ فيكـم اذهـان
وتفسيرها في كتبكـم خيـر برهـان = إنه محمـد , لـو تروحـون وتجـون
.
وما قال فيه اكبر كهنـة آل كلـدان = (دافيد بنجامين) قـسّ اهـل ايـران
اكبر دليـلٍ لـه يزوغـنّ الاذهـان = والا على ويش اهتدي هـو وخاتـون
.
قال :بن الانسان أحمدٍ ما تبـي شـور = روالقرن قسطنطين لآبـوه مـن ثـور
اللـي بـدا التثليـث دورا ورا دور = وصرتوا معـه باللـي ينـادي تنـادون
.
وابليس منكم لبّس اثنـا عشـر قـس = ثوب الخزى ما هو حريـرٍ وسنـدس
يا ليت فيكـم بـسّ مثـل المقوقـس = يحفـظ لسانـه مـن علـومٍ تجيبـون
.
وفي سفر (شعيا) فصل ثاني وعشريـن = صفة محمد مع هـل الخـف والقيـن
وجبال مكـه والحجـر والحجازيـن = لكنكم عـن مكركـم مـا تجـوزون
.
وفي سفر (عوبديا) وفي سفر (حزقيـل) = وفي سفر حبقوقٍ وفي سفر (صمويـل)
واربع طعش سفرٍ عدا كل مـا قيـل = فيها احمد مذكور بالشكـل واللـون
.
واما وفـي العهـد الجديـدُ لديهـم = فـي كتبهـم ألفيـن شاهـد عليهـم
وماجائنـا منهـم سيرجـع إليـهـم = وقسيسهم من أكله السحت مبطـون
.
في سفر (يوحنا) و (لوقـا) و (متّـى) = وفي سفر (مرقس) والروايـات شتّـى
عن احمدٍ مـا يثلـج الصـدر حتّـى = ينام طيـب حـال والوجـه ميمـون
.
أحمد هو الطفل اليتيـم اللـي اخفـوا = ذكره, وهم في عهدة الرب ما اوفـوا
لله طفـلٍ ساعـة النـصـر يعـفـو = طفـلٍ وهـو لمدوّرالعـون ماعـون
.
هاك اليتيم اللي على جانـب العـرش = مكتوبٍ اسمه بأمر من يحيـي الطـرش
منجي غريق الموج من عضة القـرش = فـي غبـةٍ سباحهـا مـا يعـومـون
.
وقولة (بحيرى) عنـه لأقـرب عمامـه = عـن شـأن طفـلٍ ظللتـه الغمامـه
عليـه شـاف مـن النبـوّة علامـه = وقال اجنبوا به من قبـل لا تضيعـون
.
اللي لقت فـي قربـه امـه حليمـه = غنيمـة يـا كبرهـا مـن غنيـمـة
وهي قبل قربـه لاش خيمـه وغيمـه = عيالهـا مـن شـدة الجـوع يبكـون
.
طفل ملائكـة السمـا فـي فـؤاده = حطوا له الثلجـه عـوض للسـواده
شقوا صديـره وهـو طفـل وعـاده = صغير ما يدري عـن اللـي يحطـون
.
هاك اليتيم اللي غشت وجهها الشمس = ومشاعره خطرٍ عليهـا مـن الهمـس
وبرغم ذا ما حشموها عـن اللمـس = لمسة رماح ابنا عمامه لـدى الكـون
.
وبالرغم مـن هـذا ترضـى عليهـم = وتحمـل اكبـر غلطـةٍ مـن بنيهـم
ولا طاوعه ضامـره يدعـي عليهـم = ولو دعى راحـوا كمـا راح قـارون
.
هـاك اليتيـم اللـي عيونـه تقاطـر = رحمـه لقومـه كالمـزون المـواطـر
لعيونهـم شـال الأذى والمخـاطـر = ما كنْ بلقبه مـن أذى سبهـم لـون
.
في ذمتي ما فـي انبيـا الـربّ مثلـه = شال الأذى من لابتـه وسـط حثلـه
حباً وهم بالشيـن كـلٍّ بعـث لـه = ورعٍ يضيق خاطـره كيـف يرضـون
.
يا ويل قلبـي كيـف يرضـون سبـه = ومثـل هـذا مـا تجـيـه المسـبّـه
للرحمـه انشـا حبّـةٍ فوق حـبّـه = وخلى عجمها مع عربهـا يتخـاوون
.
ما به نبـي الا ودعـى بمـوت قومـه = وهو ما لقى ما قد لقى احمـد بقومـه
على كثر مـا شينـوا مـن علومـه = دعـى لهـم بالخيـر فيمـا يريـدون
.
آذوه في نفسـه وهـو مـا أذاهـم = يـا كثـر والله مـا تحمـل خطاهـم
إليـن ربـي لأجـل أحمـد هداهـم = لكنهـم جحـادة مــا يـوفـون
.
ربي من الرحمـه خلـق جسـم أحمـد = بثلجـةٍ فـي واقـر الصـدر تجمـد
منهـا عيـون مـدور الشـر ترمـد = لا سلـم الله عيـن نـاس يتعامـون
.
لبعثتـه يشهـد سـواد بـن قـارب = ومشـارق الايـام قبـل المـغـارب
وحمـر النجـوم كلابهـا والعقـارب = واسقف اهل نجران والكذب مركـون
.
وهرقل والعبد بـن نوفـل وعاتـك = والجن يا هاتـف خريـم بـن فاتـك
يـا مـدوّر جـرة بعيـرك وشاتـك = الخير قدمك في احمـدٍ سيـد الكـون
.
وعباس بـن مـرداس وراع النعامـه = وذباب بن حـارث وسـادن حرامـه
وشيخ الجزيره يـوم يكـد كلامـه = وقيصر وراع الأسكندريـه وقيمـون
.
وهذا مخيريـق اليهـودي شهـد لـه = وحبر اليهود بـن سـلام قعـد لـه
وعيضا وابن صـورٍ كنانـه وجعلـه = في النار يوم اجنب عن الحق مشحـون
.
في عصمته قد جاء ضمن الأحاديـث = ما ينجي السرحان من سطوة الليـث
وما يروي الظميان من ساقـي الغيـث = وما يوقد الجمره علـى راس غليـون
.
ربي عصمه من الحمايـا وابـو جهْـل = بمجرّد مـا هـو مجـرّد بنـي سهْـل
غضنفرٍ بيديه محض الصعـب سهْـل = عند المشاعر واهـل مكـه يراعـون
.
والله عصم عبده وهو داخـل الغـار = بالخيط خيـط العنكبـوت امّ عمـار
وانثى حمامٍ فرخهـا مـا بعـد طـار = وقريش حوله فـي الفـلاة يتعاشـون
.
وفي هجرته حاميه واليـه مـن قـرب = بالقرم ابن عمه علـي سيّـد العـرب
واعمى له ابصار الملاعين فـي الـدرب = عن جرته وقريشـه جنبـه يطوفـون
.
وابـو لهـب تبّـت يدينـه وتبّـت = حرمته يوم ان جمرة نارها منـه شبّـت
جت عند ابو بكر وهاجـت وسبّـت = ما تدري انه جنب ابو بكـر محصـون
.
سبحـان ربٍ عنـه اعمـى بصرهـا = وقريش عند الحجـر هـدت عفرهـا
وفي حجرهـا ربـي رماهـا بحجرهـا = شافوه واقفـوا جعلهـم مـا يثنـون

عطـاه ربـي هيبـةٍ فـي القلـوبـي = من روعها تـزول الأمـم والشعوبـي
ومنها تهـاوت كـل دولـه ولوبـي = هذي نبي الله وابـا الشيـن مشيـون
.
ومن نضر بـن الحارثـه ربـي انجـاه = في ثنيـة الحجـون يـوم الله اعمـاه
لين التراب مـن المهانـه مـلا فـاه = بأسود حيايـاً أقـرعٍ يـوم يلقـون
.
وربي حماه مـن ائتمـار بـن عثمـان = شيبه وهم بأسفل حنين أهـل سلفـان
بشوظ نارٍ من خـلاف آبـو سفيـان = كأنـه البـرق الـذي يستخيـلـون
.
وفي يوم أحد حلمه بكبـش الكتيبـه = وسهومهم من صوبـه ازرت تصيبـه
كما قال بن وقّـاص راعـي النجيبـه = حديث اعجب من حديـثٍ يحفظـون
.
ومن أهـل مكـه وحربـة سراقـة = ربـي عصمـه بـلا جـوادٍ وناقـه
ثـم بشـره بالخيـل تاطـا عـراقـه = وكنوز بابل مـن قواريـر وصحـون
.
هذا الذي قـال البـراء بـن عـازب = شفناه شوف العين ما هـوب كـاذب
يا اهل العروش الباذخـه والمواكـب = هذا حديث احمد والانـذال يخسـون
.
والله عصم عبده من الهيـس الاربـد = قيسٍ ومن راسٍ مثـل راس الاسـود
ابن الطفيل وكل مـن ضـاع ينشـد = سيفه بغمده واعـور العيـن مدهـون
.
حقـق دعـاه الله بجنـح المـلائـك = والوضع من مكر اعور العيـن شائـك
والمؤمنيـن أحيـاء فـوق الأرائـك = ولو شفتهم فـوق الأسنـه يموتـون
.
والله عصم عبـده مـن اولاد مخـزوم = وابن المغيره بأملـح السيـف ملطـوم
يوم الكلاب استنهضت كنهـا البـوم = احمد هو القايـم وهـم مـا يقومـون
.
ومن مرتزق قومٍ تجهّـز مـع قريـش = ربى عصم عبده من الخيـل والجيـش
اقفى كما ذايـر نعـامٍ مـع الحيـش = خبلٍ يحسب ان الوغى فلـم كرتـون
.
وعلى يهود الغـدر ابنـا النضيـري = ربي نصـر عبـده ونعـم النصيـري
اهـل الجـدار الله عليهـم بصيـري = وجدارهم جا فوقهـم قبـل يرقـون
.
وربي عصم عبده مـن يهـود خيبـر = لـو انهـم مثـل البراغيـث واكثـر
ولو شاتهم مـن سمهـا حلوهـا مـر =اهل المكر في مكرهـم مـا يسـرون
.
وفي القبة الحمرا بقول ابـن الاكـوع = راع الفرس سيفـه بكفـه تسلـوع
يسقيك يا راع الخنـا كـاس خـروع = لو كان بأيدك مرهف الحـد مسنـون
.
ومـن بنـي ميـة قبـل يسلمـونـي = ربـي عصـم عبـده بتـوده وهونـي
يوم اصبحوا مـن هولهـا يركضونـي = دون الصفا من خوفهـم مـا يثـارون
.
ومن غدر ابو سفيـان هـو وبدويـه = الله حفـظ لـك يالبـريـه نبـيـه
ربـي حمـاه وصـاحـت الهاشمـيـه = لشوفة اللي شوفتـه تطـرب النـون
.
ومن الشجـاع معمـر بـن يزيـدي = ربـي حمـاه وكـل صايـح يهيـدي
جاله على رمضـا حصاهـا فديـدي = وقومه معه من روعهـم مـا يلـدون
.
ومنافقيـن القـوم غـزوة تبـوكـي = في رقة مـا بيـن عوشـز وشوكـي
اقفى فحلهم مـن وحمهـا يكوكـي = يوم ان حذيفـه والصحابـه يسالـون
.
والله عصمـه مـن الهـوام وعملهـا = ومن السباع وما دنـى مـن اجلهـا
ومـن السبايـا يـوم تركـز سبلهـا = من روحوا من ضربهـا مـا يعـودون
.
وعـن دعاواتـه وسرعـة لإجـابـه = ربـي عطـاه مـن الدعـا والمهابـه
ما لو درابـه ثعلـبٍ وسـط غابـه = جا لأجل يدعي له على كل محيون
.
منهـا دعـاؤه للكـرام آل جعفـر = اهل الحراب الحمـر رمـح ومغفـر
يوم ازدحام النـاس والقـاع يصفـر = اضحو من المـال اغنيـاءٍ بـلا لـون
.
ومنها دعـاؤه للجريـر بـن عبـده = ودعاه للـي صلفـط الجـوع كبـده
ولا بن زيد وملحـة القـول زبـده = بدعا رسوله صار قاضـي وملسـون
.
ومنها دعاؤه لابن ابـي طالـب الفـذ = علي وهو لا ضاقـت النفـس منقـذ
قال اللهم اجعلهُ على الحـق جهبـذ = الين صـار اقضـى قضـاة يعدلـون
.
ويوم ان علي امتد طول الوجـع بـه = سهّل دعاؤه كـل عسـره وصعبـه
واشتد فـي قلـب المعاديـن رعبـه = الين صار اسطى هل السيف شامـون
.
واصبحت علي لا ضيقت قائد الحـرد = واصبح خلاصة سادة السرد والشـرد
وعنه اذهب الله وعكة الحـر والبـرد = ابا الحسن به فـي الحـروب يتتقـون
.
وفي دعوته للعبد أنـس بـن مالـك = بالمال مـع كثـر الولـد والمسالـك
يـروي لنـا التاريـخ تأكيـد ذلـك = حسبي على مـن للحقايـق يكنـون
.
ولا بن هشام بـل وزوجتـه زينـب = من فقرهم كانوا على كـور جنـدب
وصار بيديهم مجدب الأرض مخصـب = بيديهم الدرهم غـدا اليـوم مليـون
.
وللحر بن عوف بساعـة دعـى لـه = حدر العياله يـوم تبكـي عيـالـه
اغنـت يمينـه بالدراهـم شمـالـه = واصبح على بيت من الفقـر مامـون
.
ومنها الثنيـن اللـي تفـرّق ظعنهـم = بدعا رسولـه عـودوا فـي وطنهـم
روت لنـا الأخبـار منهـم وعنهـم = سوالفٍ يسعد لهـا كـل مشحـون
.
واللي من الانصـار يطلـب حرامـه = كمـا روى فـي قولـه آبـو امامـه
خلاه مـن أهـل التقـى والامامـه = وعاف الزنا واللـي عليـه يتلاقـون
.
وسهم سعد مـا يخطـي الـراس لله = وأويس ما تخطـي أبـد دعـوةٍ لـه
ولعمروٍ بـن الحمـق فـي شبـةٍ لـه = ما شيف شيبـه ليـن مـرت ثمانـون
.
وللعود ابو طلحـه وزوجتـه أيضـا = مـات الغـلام ورايـة الحـق بيضـا
واصبح لهم مع غيضة القيـظ فيضـا = ويبشـرون بتسعـةٍ مـا يحـاكـون
.
ولابـن قيـس يـوم كـدر مزاجـه = طول المرض ما احدٍ قدر فـي علاجـه
بدعـا رسـول الله تبهلـل حجاجـه = وقمز كما الضرغام مـا منـه مخبـون
.
ونابغ بني جعده بساعـة دعـى لـه = من شان قـافٍ حـزة العصـر قالـه
ما طـاح سـنٍ منـه بايـات حالـه = وعمره على المائة سنـه زاد عشـرون
.
وابو هريره صار احفظ هـل الحفـظ = قدره رفعه الله عـن الجـر والخفـض
ما همنا مـا يزعمونـه هـل الرفـض = واسلافهم تشهد لابن دوس مـن دون
.
ومنها دعـاؤه للزبيـب بـن ثعلـب = والشاهد آبن عمرو سمـره وأغلـب
اهل السريـه بيـن حالـب ومحلـب = حسامه اقـوى ضـرب ممـا يظنون
.
وعـن ام ابـان بنـت وازع وابيهـا = عن جدها الواقف وشاهدهـا اخيهـا
يوم ابنها اصبـح مـن نـوادر بنيهـا = من عقب ما هو قبل ساعـات مجنـون
.
وللقرم ابو حفـص دعـى بالشهـاده = لين الله اعلـى فـي الخلايـق عمـاده
من رمـح ابـو لولـو شهيـد وزاده = حب الرسول ومنكر الحـق ملعـون
.
ومنهـا دعـاؤه للعمـى فـي نظيـره = يوم اشهـب الايـام أعمـى بصيـره
شاف الصغيـره والوسـط والكبيـره = بدعا الرسول يشوف ما لا يشوفـون
.
وبن ضمـرةٍ ثعلـبٍ بقـولٍ يقولـه = الله حمـى روحـه بدعـوة رسـولـه
كم فوق سـرج عبيّتـه دش ضولـه = ويسلم وغيره فـي غسقهـا يصابـون
.
ومصعب ولد شيبه روى عـن أبيهـي = خاف ان هوازن تغلب ابنـا أخيهـي
دون الرسول اصبح سوات البليهـي = فزعه فقط, ما هو بالاسـلام مفتـون
.
وبدعـا رسـول الله بوقعـة حنينـي = جا للرسول اقـرب مـن الاقربينـي
مسلـم عقيـدة كنـه المسلميـنـي = ما هو من اللي للرسـول يتعـدوون
.
ولا بن حنيفٍ سهل من عيـن اصابتـه = من اعين الخلـق الله اشفـى ذؤابتـه
بدعا رسـول الله مـا عـاد شابتـه = عيونهـم لـو كلهـم لـه يعينـون
.
وفـي دعـاه لمـازن بـن العضوبـه = ومازن عليهم مـن صنمهـم عقوبـة
عقب الطرب وملاعبـه كـلْ لعوبـه = غير آي ربـه مـا سمـع مـا يغنـون
.

وعثمان بن العـاص فيمـا رووا لـه = نهـار ينسـى كـل شـيء يقـولـه
رجـع لـه الله ذاكرتـه محمـولـه = ما عـاد ينسـى والمخاليـق ينسـون
.
وبدعاه بن رواحـه ارتـاح ضرسـه = والبارقي عروه ومـن مـات غرسـه
ولزيد بـن ثابـت يراعـه وطرسـه = صاروا من الصحه على راس صعنـون
.
ولعتبـةٍ فـي فتـح مكـه ومعتـب = أمرٍ له اقصـى خاثـر الـدمّ يلتـب
عن معجزاته لـو بنكتـب ونكتـب = والله فلا نملـى مـن البيـر جالـون
.
وما قاله الفضـل بـن عبـاس عنـه = أن الجبـان بدعوتـه صـار جُنـه
بيـن الأسـنـه دايــمٍ والأعـنـه = ومبطي يموت ان شاف قـومٍ يغيـرون
.
ومنهـا دعـاؤه للصحابـي حذيفـه = وعلى هـل الـرده بـوادي حنيفـه
ولشعاب يثرب ليـن صـارت مريفـه = من دعوته ناش الحيا اوراق وغصـون
.
ومهرة جعيل الأشجعي مـن فلاهـا = بدعـا رسولـه بــارك الله نمـاهـا
وبثنا عشـر ألـفٍ وألـفٍ سواهـا = بيعت وهي قبل اقصر الخيـل عرنـون
.
ولا بـن قرفـه وابـو عـزه وغيـره = وللوليـد الثـانـي بــن المغـيـره
بدعاه صار اللي شكـوا منـه خيـره = والحنظله صارت مـن الخيـر ليمـون
.
وعن ابن مخمر إبـن عـمّ النجاشـي = ساعة غدت نوقـه ومعهـا المواشـي
بدعـاه عـادت جلهـا والحواشـي = واحيى عليهـا الله رجـال يشـدون
.
وعن قتلة الساحر وعن فعل جنـدب = أخبر وهندب يا ابيض القلب هنـدب
من سور بغـداد الـى بـاب منـدب = بدعاه مشيون امس هاليـوم مزيـون
.
وعن بن عنفـوة الشقـي وارتـداده = اخبر وعن راعـي الجمـل والمـزاده
وعن وقعـة الحـره وعـام الرمـاده = اخبر هلـه واللـي عليـه يتواصـون
.
وإبـن سلمـه عامـرٍ مـن دعـاؤه = خلـى ثمـام ابـن أثــالٍ ورائــه
بأبيض حسـام مـا تدنـس نسائـه = راحوا منه مثـل السكـارى يهيمـون
.
ودعـاه أن لا تعبـد النـاس قـبـره = ولوفد بن مره عقـب طـال صبـره
يوم الظما يقصر مـن الكـف شبـره = اخضر ورقهـم والسحايـب يهلـون
.
ودعا رسـول الله لزوجـة جليبيـب = يوم انها من جورهـا شقـت الجيـب
يوم المنايـا تخطـي العبـد وتصيـب = يحيـى جليبيـب وغيـره يمـوتـون
.
وبدعاه مزق ربنـا عـرش كسـرى = وتخاطفتـه البيـن يمنـى ويـسـرى
وبدعوته يصبح مـع العسـر يسـرا = ويصيـر للعوصـا ملحـى وعثنـون
.
وعلى أهل مكـه بدعوتـه بالقحـط = ما منهم اللي ما شحطه الفقر شحـط
تسمع لسوط الوقت في وجيههم محـط = ومنهم لحق كرباجه كتـوف ومتـون
.
وعلـى أبـي رثـوان عاقـر تميمـي = يوم انه اعـرض راحـلٍ مـا يقيمـي
اصبـح مـع الايـام مثـل الهتيمـي = بقعـا تغنـي لـه بدلعـون دلعـون
.
ثم مكنـه ربـه مـن العبـد نبهـان = واخبر قبل عن حال زيد بن صوحـان
وعن كمّ شيطانٍ لبس ثـوب إنسـان = قال لمعـاذٍ وابـن صخـر يتحـرون
.
ونويفـل بـن خويلـدٍ مـن دعـاءه = نجـى ولا ينجـى دعـاء ســواءه
وابـن معيـط عقبـةٍ مـن هجـاؤه = ما صاد خير وراح في الوقت مديـون
.
وفي بن قمئـة وابـن وقـاص عتبـه = دعاه صار وكـل حـيّ شمـت بـه
وما روّحت به سود الايام جـت بـه = في بيضهـا للنـاس مهمـا يكونـون
.
وعلى قشير في حديـث بـن حيـده = ربي جعله من الدهـر يقلـب ايـده
سيفه ولو هو مـن حديـده جريـده = من دعوته اقبل من العجـز موهـون
.
وعلـى عتيبـه سلـط الله اســوده = في صحصحٍ بيضه تجي مثـل سـوده
بدعا رسولـه يـوم نامـوا جنـوده = تناوشتـه سباعهـا يـوم يغـفـون
.
وعلى الشقـي محلـم آبـن جثامـه = قامت طيـور الجـو تنهـش عظامـه
هـذا جـزا مـن لا يثمـن كلامـه = عن عنتر ما اغنى ولا شـيء شيبـون
.
ومنهـا دعـاه لخيثمـه بالشـهـاده = وعكل وعرينه عقب ما هم بـسـاده
اضحوا عبيد شلوهـم فـي الحمـاده = تلعب به العقبـان لعـب ام ميسـون
.
ومنها دعاه لـذروة المجـد الاشـرف = في قتلة الملعون كعـب بـن أشـرف
اللي بهت اصحابـه الغـر واسـرف = لين اقتفى راسه من السيـف شاطـون
.
ومنهـا دعـاه لثابـت فـي رجولـه = عقب العرج يقمـز بهـا فـي ذلولـه
وبنت الخطيم الذيب منها رمـوا لـه = كراع ثـم ذراع وجنـوب ومتـون
.
ومعاويه ذو الـراي والـراي فطنـه = دعـى بـأن لا يشبـع الله بطـنـه
وابن الجموح ولو على العيـن قطنـه = بدعـاه صـار أول شهيـدٍ يطـرون
.
وتلـك العجـوز سبيعـه الاسلميـه = راحت سبب دعوتـه قـش صلبيـه
وابـن سنـان رافــعٍ والصبـيـه = وقيلـة بنـي شيبـان يالـلي تعرفـون
.
والآن ندخـل فـي ذكـر معجزاتـه = باللي حصل منها وهـو فـي حياتـه
وباللي لقينـا عقـب ساعـة وفاتـه = بالحـق مـا للحـق بـاب وكيلـون
.
الشمس تحبس له على شـان فرضـه = والجذع له حنْ قبل تاكلـه الارضـه
وصار العسيب حسام طوله وعرضـه = ومصباحهم يوم السرى عود عرجـون
.
وانشق له وجه القمر في السما فـوق = نصفين كالغرنوق في وجـه غرنـوق
بعثته والساعه كمـا العنـق والطـوق = راعي المقـام اللـي مقامـه يغبطـون
.
اسرى به الله يم الاقصـى مـن ادنـى = واصبح عن الربْ قاب قوسين وادنـى
لـو فيـه قلنـا ثـم عدنـا وزدنـا = من بعض حقه مـا عطينـاه عربـون
.
اللي وقف عن سدرة المنتهـى خلـف = ما خاشره في ذاك واحـد ولا ألـف
عند احتدام القاع من وابـل الشلـف = له معجزاتٍ تذهـل اللـي يراعـون
.
سبح بسم ربه وهو لـم يـزل طفـلي = سوع بشر به وموسـى وذوالكفـل
في البيت الاقصى صار للأنبيـا حفـل = ساعة لفاهم وهْـم خلفـه يصلـون
.
من شانه الأبكم نطـق مـع لسانـه: = إنه رسـول, وجاهـل فـي الحضانـه
ناغـاه مصبـاح القمـر فـي مكانـه = في المهد واعمامـه لشوفـه يويقـون
.
كم راهـب شـاف الغمامـه تظلـه = والناس عـز القيـظ والقيـظ علـه
طفل حبيبـات الحصـى سبحـن لـه = ما هـي خرافـة أو علـومٍ يجيبـون
.
اسم لقتـه قريـش فـوق المقامـي = منقـوش نقـش اغريقهـا للرخامـي
وعصاة ابو عبس انورت في الظلامـي = من نور احمـد أنـورت لونهـا لـون
.
وابن الحضير اسيد اضـاءت عصاتـه = واضاءت اصابـع حمـزةٍ فـي فلاتـه
والليل مـن فوقـه مضفـي عباتـه = كل اصبع خطرٍ بـه النـاس يسـرون
.
ورمياته اللي تصيـب دايـم هدفهـا = يوم السيـوف مـن العلابـي علفهـا
كم صخره بإيـده تزعـزع صلفهـا = ثابت وهـم مثـل النعـام يتعـادون
.
وجبـل ثبيـر يـوم حـرك سكونـه = مشيه بحـرف منـه زلـزل ركونـه
وحرا وأحد كل لـه ارخـى متونـه = له من عظيم الوجد خطرات يمشـون
.

والسدره اللي مرهـا وافتحـت لـه = والشجره اللي في الطريق اسجدت له
مانيب الوم الشجره اللي عـدت لـه = وكل كائنات الأرض لو جوه يسعـون
.
يا ظبية فـي وادي الـراك صاحـت = بسم احمد من وجدهـا ليـن طاحـت
ولجفرها راحت وجت عقب راحـت = باحمـد ولا مثـل احمـد لـو يمـارون
.
له من ملائكـة السمـاوات عـزوه = قاموا معه في حـول عشريـن غـزوه
وكم من طعين به من الرمـح نـزوه = بإيـده لمسـه وراح ماتقـل مطعـون
.
وبكا الجمل والحجـر ساعـة يسلـم = عليه واغصـان الشجـر لـه تكلـم
اكرم نبي له في سمـا العـرش سلـم = واهل الصليب اللـي تسبـه يعقبـون
.
شهـد لـه الجنـي بنـور النـبـوة = واسـلام ابـو ذر بمـا قـد تـفـوه
واشفاء كـفٍّ لابـو بكـر ٍ تشـوه = من لدغ ديبان لـدى الغـار يدبـون
.
وسدّانة الكعبـة بنـي شيبـة الحمـد = بدعاه صاروا هم وهي سيف في غمـد
مفتاحها بيدنهـم عمـد عـن عمـد = الين خلق الله على الحـوض يـردون
.
يرى بعينه كـل مـا لا يـرى الغيـر = وصوته بلغ ما لا بلغ في الفضا الطيـر
بايدينه احيي حول خمسة عشـر بيـر = ماهن قراح عذب ماهـوب ماسـون
.
مماتـه اوقــظ نـومـة النايميـنـا = واهـل القـبـور وروّع الغافليـنـا
وناحت عليه النوق فـي طـور سينـا = وكل الملائـك بأحمـدٍ جـو يعـزون
.
ومن معجزاته صـاد هـي والمعـارج = واخباره بقتلة علي للخـوارج
وذكر بعض ما غـاب دارج وعـارج = فيما اطلعه ربه مـن الغيـب بعيـون
.
ومن معجزاته فـي حديـث الذبابـه = ما اثبت العلم وعجـز عـن جوابـه
كـل كافـر مـا ينتـداوى صوابـه = لا القول معقول ولا الهـرج مـوزون
.
عن فتحنا المقـدس وبلـدان فـارس = اخبر وفتح الشام فـي شهـر مـارس
من عاد يجحدها وان ابن آبـو فـارس = شيء حصل كل العرب لـه يعيشـون
.
وعن فتح مصـر واليمـن والمدائـن = اخبر ومـا قالـه هـو اليـوم كائـن
ياكـم مررناهـن صباحـاً مـسـاءً = من غيـر مـن فيهـا عشـاءً يمـرون
.
أخبـر بنيـة خمـة مــن جهيـنـة = وما حكى حاطـب بسـوق الظعينـه
وبمـا نـووه اصحـاب مكـه بحينـه = وحلت صلاة الخوف ساعـة يخافـون
.
وعن الشقي قزمان يـوم القتـر ثـار = اخبر بأنـه رغـم فزعتـه فـي النـار
وفعلا قتل نفسه على اتفه سبب صـار = يالله دخيلـك مـن رجـال يخـورون
.
وعن ابن الاكوع عامر سيـد القـوم = أخبـر بأنـه ميـت ذلـك الـيـوم
وفعلا غدا في ذلـك اليـوم مرحـوم = يـا عـل قبـره روض وردٍ وينسـون
.
وعن اهل موته وخيـرة مـن قرابتـه = أخبـر بموتتهـم أجلـة صحابـتـه
وعن من استشهد وهـو فـي جنابتـه = اخبر وعن من فـي بحرهـا بيغرقـون
.
عمر الخلافـه يـا حسيـن الحقيقـي = احصاه في عشـر وعشـر بالطريقـي
مع عشر فيها يصيـر مـا لا يليقـي = يـا فتنـةٍ اطرافهـا مـا يسـبـون
.
وهيي خلافـة الاربـعـه الطاهـريـني = عمر وابو بكـر وعلـي نـور عينـي
وعثمـان بـن عفـان نـاد الجبينـي = بطيبهـم لازالـوا النـاس يحـكـون
.
وعن هلاك ثنيـن مـن جملـة النـاس = بسبة علي اخبـر علـي مـن الـراس
اللـي يسبونـه وهـم ارذل النـاس = واللي تقدس لـه وهـم مثلهـم دون
.
ياللي تسب حسيـن وتسب ابـو بكـر = ثنينهـم منـا لـه الحمـد والشكـر
لكنكـم نـاس بهايـم واهـل مكـر = فـي الجاهليـه كنكـم لا تـزالـون
.
خلوا كـلام اهـل العبـي والعمايـم = واستذكروا التاريخ مـا انتـم بهايـم
اهل العمـم خلـوا نساكـم غنايـم = واهل العبي للكره والبغـض يدعـون
.
واحد يكفر يحسب الدين حقه = وواحد عطى بعض البشر فوق حقه
مالي مع الاثنين زمل وحقه = ماغير دايم في بعضهم يسبون
.
وعن الحسـن واصلاحهـا الفرقتيـي = ناخبـر وانه خيـرهـم أجمعيـنـي
عن قتلهـم فـي كربـلا للحسينـي = اخبر واخبـر عـن مزقـرة الافيـون
.
وعـن ثنيـن مـن ثقيـف بالاذكـار = هـذاك كـذاب وهـذاك جـبـار
مختارهـم غـار وحجاجهـم نــار = وثنينهـم فـي النـار فيمـا يعـدون
.
ويوم رقاب العيـس مثـل العسـاوه = وعيون اهـل مكـه عليهـا غشـاوه
انـزل عليهـم مـن إلاهـه تـلاوه = آي بهـا كـل المخاليـق يـقـرون
.
آي تعجـز كـل كاتـب وشاعـر = تذهل عقول اهـل البقـر والأباعـر
قرآنـه المقـروء عـنـد المشـاعـر = دلاائل الاعجـاز بـه لـو تـأنـون
.
يشفي من الوسواس من ظنهـم ظـن = واللي سدح راسه على يابـس الشـن
ويشفى به اللي فيه مـس مـن الجـن = تلاوته تذهـب حـزم كـل محـزون
.
ستر من اهل السحر واهـل الكهانـه = واهل السيوف الغشم واهل البطانـه
واهل العيون الشهب واهـل اللعانـه = والحسد واهل الحسد واللي يكيـدون
.
هـذا نـبـي الله زيــن الـمـواري = اكـرم عبـاد الله طريـا وطــاري
تبكي عليـه وحوشهـا والضـواري = وفيه اهل صنعا لأهل بصرى يعـزون
.
اشرف شريفٍ عاش فـوق البسيطـه = في الوقـع المؤالـم ووسـط الخريطـه
عليه ثوبي بأحمر الدمع اخيطـه = حسبي على من لابن هاشـم يسيئـون
.
هذا محمـد سيـد الإنـس والجـان = واخير من عاشوا على الارض من دان
منقذ بني الانسان من ظلـم الانسـان = والجن مـن فضلـه عليهـم يحجـون
.
اكرم بنـي الانسـان جـدٍّ ووالـد = وذكره مدام الناس حييـن خالـد
ولا يسبـه الا ضايعـيـن المتـالـد = رباتة الخنزير وابليـس ملعـون

اختصـه الله بالرسـالـه وزكــاه = ليـثٍ كـأن البـدر طلعـة محـيـاه
أنقذ هل الناقه وأنقـذ هـل الشـاه = وحثالةٍ من حـول الاصنـام يومون
.
يا شيب عيني كيـف مثلـه يعـادى = ويا كيف مثله في الوعر مـا يشـادى
وكيف بن عم القرد كيـف يتمـادى = في سبه احمد قدمنا يـا هـل الشـون
.
هـاك النبـي الله يـكـرم مقـامـه = راع المـقـام المنتظر والمقـامـه
يا عابـد الخنزيـر مـا مـن كرامـه = ملعون واللي مـا يعاديـك ملعـون
.
وسبـك لأحمـد مـا ينـزل سمـوه = يرفع مقامـه وانـت مثـل المشـوه
احمـد يعرفـه فيكـم اهـل المـروه = والا انت ما تسوى ثمن كيس صابـون
.
يبقى محمد فوق مـن فوقكـم فـوق = والعود باباكم من الضيـم مصفـوق
حاخام خلاكم لكـل شيـن رقـروق = لا هـز راسـه معـه قمتـم تهـزون
.
هـذا نهايـة أول الـلـي كتبـتـه = في سيرة أطهـر سائـر الخلـق نبتـه
واللي غدت به سود الايام جـت بـه = لا ابو رياجيـل عـن الحـق ينحـون
.
أبديت مـا أملـى ضميـري عليـه = فـي اول بيـوت السيـرة الهاشمـيـة
الله يجازيـنـي بشفـاعـة نـبـيـه = لامي ولي وابـوي فـي يـوم يلفـون
.
يا كثر ما قصـرت فـي حـق ربـي = طرد الهوى عن درب ربي لعـب بـي
مالـي سـوى ربـي ولا غيـر ربـي = ينجيني اليا صرت للمـوت مرهـون
.
يا كثـر مـن ملـوا مقابـل بهيجـه = وغيـدا وصافينـاز مـدري خديجـه
وملـوا كثـر سجاتهـم يـا فريجـه = من باب بلقيس إلـى سـور سيمـون
.
هـذا كـلام قلـت فيمـا اريـدي = وان كان انا زليت ما هـوب بإيـدي
ماني مـورخ كـل حكيـه وكيـدي = مانيب ابن خاقان والا بـن خلـدون
.
وصلى الله الوالى علـى احمـد وآلـه = اهـل العلـوم الطاهـره والشكالـه
عـداد مـا تمطـر سحايـب خيالـه = وعداد من فـي بيـت ربـي يلبـون

عذابك يا خفوقي تـو مـا جـاك وتولـم لـه = ما دام انك فتحت الباب لهمـوم الهـوى شلهـا
اعـرف انـك بليهـيٍ اذا زاد الدهـر حملـه = يغني له هديـره " هـاذي احمولـك وعدلهـا "
ليا غنت تقول البيد عطنـي رقصـة الصملـه = وليـا منـه عطاهـا رقصـةً كنـه يجاملـهـا
يجامـل والمنايـا عينهـا قبـر يـدم دم لــه = بعين المكر خـزت ، وبعيـن الحـب غازلهـا
لقى عين المنايا تمكر ب( خمسة عشر عمله ) = يموت اليا نظرهـا وان خـذاه المـوت قبلهـا
الاولى ، بنت غيٍ تنقـض المجـدول وتعملـه = ليـا غطـت ترايبهـا شقـت بالليـل جادلهـا
وثانيهن ، هلالٍ بالسمـاء مـا ينعـرف كملـه = صخيفٍ لو نقل ريـش النعامـه مـا تحملهـا
وثالثهن ، معه سيفٍ بحـد المـوت معـدم لـه = ثمانين الـف فـارس عـن مناكبهـا معزلهـا
ورابعهن ، طلع حـرٍ مـع اللجـه معـزم لـه = علـى صيـدٍ قرانيـس النـوادر مـا تحولهـا
وخامسهن ، ضلامٍ ضيع نجـوم الفلـك جملـه = بقى فيه القمر يضحك مـع الضلمـا ويسئلهـا
وسادسهن ، عزيزٍ غار عدوانـه علـى زملـه = تلقاهـم بسيـفٍ شـيـب الدنـيـا وهولـهـا
وسابعهن ، هنـوفٍ تصفـق الكفيـن محتملـه = على فرقا الذي بالحب مالت له ، ومـال إلهـا
وثامنهن ، غريرٍ ما يقول مـن السحـا جملـه = خجـولٍ ليـا ناظـر عيـون النـاس خجلهـا
وتاسعهن ، تقى روضٍ هوى الغربي مقدم لـه = قراحٍ من سحاب تحـت علـم العـرش وابلهـا
وعاشرهن ، تثبت قصة " سليمـان والنملـه "= معاهـا معجـزه والمعجـزات الـرب يرسلهـا
وحاديهن ، مهاةٍ فـي جراهيـد الوطـا هملـه = تلفت للقنـوص اللـي مـن احماهـا تجفلهـا
وثاني عشر ، بحرٍ طلع اللولـو علـى رملـه = يبي يرضي ارمـالٍ مـن عصـر آدم مزعلهـا
وثالث عشر ، رسامٍ على الاهـرام يرسـم لـه = يدينٍ فوق صـدرٍ تسحـر الساحـر بـأناملهـا
ورابع عشر ، من عبرة يتيـمٍ دمعتـه هملـه = ثمان اسنين من فقده لـابـوه العيـن مسبلهـا
ابوه و مات !! وامه لا تحـنّ ولا تبسـم لـه = تنحـر صـوب دارٍ تهلـك السـاري مهاملهـا
بقى مابين وقت وبيـن عـمٍ مـا ترحـم لـه = دخيلـك يـا زمـانٍ لعـت عمـره لا تكملهـا
وخامس عشر ، من عمر اليتيم اليا ارتكب خمله = عشق له عشقـةٍ تفنـي شبابـه مـا تناولهـا
عيونتس يالمنايا تذبح ب( خمسة عشر عمله ) = لك الله هاذي " العمله " يا ( ابو فارس ) وحللها

يا ( خالد ) لا تهيضني وأنـا قلبـي متمـم لـه = علـى تركـت بـلادٍ ضـاع حابلهـا بنابلـهـا
تخيلت اربـعٍ سـودٍ اقصـار اعيونهـن ثملـه = وابن مـن لا نقـض حجـه ولا يقـدر يحايلهـا
فـوادٍ كـل مـا وجّـه علـى دارٍ و يمـم لــه = مقاريـد العـرب دونــه مزهـبـةٍ فتايلـهـا
نحوسٍ من ردى حظـه درج فضـه وكـوم لـه = مـن النكبـات سبحـات مسلسلـةٍ سلاسلـهـا
ترى لغزك يا ( ابن مدعث ) ولو حاولت اترجم له = كثير الناس يا ابـن النـاس جاهلتـه وجاهلهـا
وحلّ اللغز في خمـسٍ ورا الغـارب تهايـم لـه = علـى عشـرٍ قـدم عينـي تخايلنـي واخايلهـا
تشوف أوصافها فـي غـرة المجمـول مكتملـه = على ذبـاح أبوهـا سابـت الفنجـال وأحملهـا
الأولى ، عانها بيـن الجبـال السـود والرملـه = غراميـلٍ حمـر نشـر الشـواوي مـا تهيلهـا
وثانيهن ، ليا صامت مقاريـد العـرب صـم لـه = ولـو شفـت الديـار المجرهـده مـا تثيلـهـا
وثالثهن ، ثلاثٍ طيرهـا لا حـام لـك حـم لـه = تنجلـك الليالـي السـود ولا انـتـه بتنجلـهـا
ورابعهن ، ليا منه شكى الزامـل هـوى زملـه = تغطـى والغطـا غـارات روس القـوم يفشلهـا
وخامسهن ، غراب البين مـا حـيٍ بيجهـم لـه = اشـارة سـوّ تـدره للقوافـل مـن قوافلـهـا
وسادسهن ، حصانٍ حادسـه دبـت بـه النمِلـه = وعـود صيـدةٍ منـه العوانيـد طعـم اهلـهـا
وسابعهن ، ولد لا يخدعك لـو غرتـه جملـه !! = يصفـق مـا عـدل ميلـه ولا العدلـه يميلـهـا
وثامنهن ، لو طوّل لـك السبـت لا تحيـزم لـه = مـا جـو الا وعقبـه عجيـجٍ ترعـد مخايلهـا
وتاسعهن ، حيايـا الـروض فالمثنـاه مندملـه = والتمت على حس الونـس مـن حـدر اسافلهـا
وعاشرهن ، " سليمانٍ " مضى ما احدٍ جمع شمله = وقفـيـرٍ غــدت بــه لـيـن كـبـر وهللها
وحاديهن ، على وضح النقـا حـذرا تخـدم لـه = عليـك بمنـةٍ مـا احـدٍ مـن العشـاق زاملهـا
وثاني عشر ، برًّ لا يغرك مـاه واخطـم لـه !! = اذا ما هو حصل كل كلمـةٍ فـي خاطـرك قلهـا
وثالث عشر ، طرفك شف جديده لا يغطى سملـه = عصا " موسى " سحر " فرعون " ما غير منازلها
ورابع عشر ، دانـه خلهـا فـي شطّهـا تملـه = قراش الحنظله يدمـع ولـو مـا احـدٍ بقابلهـا
وخامس عشر ، ذيبٍ كان قام , انته بعد قـم لـه = (( وسما نفسك ولو هانت فعل كفـك يجملهـا ))

احسبنـي قبـل اشوفـك واحـد تـشـره علـيـه = واثبتت شوفتك اني كنـت سيـد العاقليـن
مـا عرفـت ال(ليت) وال (لوّ) و (متـى) وآه ولـيـه = لين شفتك خاضب الحنا على ترف اليديـن
يوم شفتك تنقـض المرجـود قلـت ايـه ايـه ايـه = ايه هذا اللي لشوفه مـا يشيـن الا يزيـن
لعنبـو مـن لاتقمـص فيـك شخصـيـة سفـيـه = مثل ما هو لعنبو من لا عشق مثلك ظنيـن
من سببك الموت يـا مـوت يمـوت المـوت فيـه = يا نحيف الخصر ابو دابين والمقعد سميـن
لو مع الشيطـان مـن سايـر جنـوده لـك شبيـه = ما بقى حي يبي الجنة عشانك يـا حَسِيـن
ابـك لـولاك انـت مـا حـيٍّ ابـد صفّـق يديـه = ولا فرقنا روشن السلطان من سرداب طين
ياجمـال خيزرانـه مــا يـطـق الا الوجـيـه = تربته من قحويـان ومـاه ورد الياسميـن
من يشوفـك بـس لـو لمحـة يبـي نومـه يجيـه = مثل من يبغى لبن عصفور يالله يا معيـن
جعل عيـن شافتـك حلـو الكـرى غضـت تبيـه = نومة اهل الكهف وسط الكهف آلاف السنين
مـن يشوفـك نـزوة الدجـال الاكبـر ترتـديـه = ولو تشوفك حامل في خمسها طاح الجنيـن
ومن يشوفك ضاع في عـز الضحـى لوهـو نبيـه = مرة يحذف يسار ومـرة يحـذف يميـن