شاعر المليون قصائد وشيلات كامله في نقل مباشراضغط هنا

يابريق الشعر ماللشعر غيرك بريق = هرجة الحاسد عليها من المشرق بروق
أرنبٍ حطولها من ورى التلة جريق = جابها الله صيدةٍ ماتصيدها سروق
يوم ابن يومه عليَّه عجز يلقى طريق = جاء مقبلٍ من بعيدٍ خبيثات الطروق
حمل الإسمين لو يشعل الساحة حريق = من ورى ثوبه شقوق وفي كبده حروق
للبحر ربي خلقهم مخاليقه غريق = للوفاء وافي جماعة وللدرقه دروق
خابره يوم اللجج في فمه مابل ريق = يروي البندق ومنه أكحل الصرباع يروق
يابريق الشعر لوكونوا ضدي فريق = في قصايد ناصرٍ عن قصايدهم فروق
خاين الصحبة ولو قالوا ان أصله عريق = نبتةٍ وسخه ومسها من البطن العروق
خابره بيضة حمامٍ على غصنٍ وريق = يفرقوا عنها ذكرها على وقت الشروق

ما كتبت الشعر يا نور عيني مـن فـراغ" = "فيك واللي فيك يحتاج لـه وقـت وفـروغ
الشعـر فـي غيركـم سامـجٍ مايستسـاغ" = "وفيك ما لا يستساغ من ورا خشمه يسـوغ
احسن الابيات فـي بوتقـة قلبـي تـداغّ" = "بسّ من هيبتك لا جيت ابكتبهـا دغـوغ
اتعب المرسم يدي واتعب الفكـر الدمـاغ" = "لين شفت لنجمة الشيب في راسي بـزوغ
من عذر قلبي نهار ابـرز البيضـا وزاغ" = "هوّ به من شاف ما شفت قلبه ما يـزوغ
في حياتي ما ذكرت انّي طشّيـت الشمـاغ" = "لين شفته وانزلغ دمعـي الاحمـر زلـوغ
طفل توّه في حشا امّه يغاغي (غاغ غاغ)" = "يتلعثم وان حكى افصح كلامه (غوغ غوغ)
ما يعرف من الهوى كود لعبـه بالصبـاغ" = "ابيض ابيض ما يعرف الصدوغ من الرسوغ
في عيونه صـاغ الآلـه شـيٍّ مايصـاغ" = "فصّ ساحر صاغ فيـه الفرقـان صـوغ
وفي الهدب هيبة (نَبِيْ) ما عليه الاالبـلاغ" = "وفي النهد طفلٍ بلغ من قبل سـنّ البلـوغ
وفي خدوده راغ بارق سحاب الشرق راغ" = "بسّ انا من خوف يعمي عيوني ويـن اروغ
يا جماعة وان غدا القلب من جوفي وباغ" = "من يدوّر لي معه قلب آخـر مـا يبـوغ

ياكتابٍ من غلا راعيه قلبي مات فيه = كيف أعرف فيه من كان اسمها مفرد علم ؟!!
ياقلم من طحت من رمشه على راحة يديه = ياقلم من لارعت ذودٍ ولاساقت بهم
لابغيت أقول مابيه اختلفت وقلت أبيه = كن قلبي له يلفنه غصونٍ من سلم
بنت شيخٍ كل من طارت عيونه ينتخيه = صيرميِّ كن في عينه اليا شبت سهم
جادلٍ في حسنها كم علقت باشا وبيه = في حشا ناصر لها شادوا من ضلوعه حرم
كم نبيهٍ في هواها غاديٍ مثل السفيه = فتنة الجمعين من صنعا إلى أرض العجم
ياسمي الريم من قصة أخٍ قاتل أخيه = لاتعجب فالألم يمسيك ألم جرحه ألم
مصرع الأنذال مهما كان من ضحكة من جنيه = ومصرع الأبطال مهما كان من ريشة قلم
بالقلم موت الفتى لاغمضت عينه يجيه = وبالقلم شهب الذيابه فحلوا فيها غنم
وبالقلم كم من وجيهٍ مع ذويه أبكي ذويه = وبالقلم كم من أمم في موتها مولد أمم
ياقلم من عنه خطواتي ترجعني إليه = جادلٍ ماللفتن مع فتنته ماطى قدم
ياقلم من ويل ويلي منه ياويلي عليه = سيدي سيد حروفي كل ابوها لن ولم
إختلافٍ فالليالي و إختلافٍ فالوجيه = والوضع لازال نفسه والعلم نفس العلم

لعـيـون أنـاقـة هــاك الـوجه الحـلـو (كـوفـي) = مـن منطلـق مبـدأ ( السـنّـي كـمـا الصـوفـي)
علـى قـرار (ابـعـد البـصـري عــن الكـوفـي) = صـــدّق ووقّــــع ولــــد خـالـتْــه (مـنـديــلاّ)
مـن أجـل تطبيـق قـانـون الـسـلام :إيـكـا(1) = جـاء ضمـن لوحـة قـرار الحـكـم :أنتيـكـا(2)
إلـعــن أبــوهــم عــــرب , دقّــــي يـمـزّيـكـا = غــنّـــي يـواشـنـطــن وهـــــزّي يـمـانــيــلاّ
مـا دام (ذلحـيـن) مــا تشـفـق عـلـى (هـسّـا) = ومـا دام (بـاقـي وتــوْ ) مــا وافـقـت (لـسّـا)
بــالـــذلّ والـــغـــلّ بِـنْـصَــبّــحْ وبِـنْـمَــسّــى = وكــــل بــــن كــلــبٍ بــــدمّ كـبـودنــا فــلّــى
شـعــبٍ يـسـمّــون راع الــديــن (وهّــابــي) = ومـن ثـار دون ارضــه يسمّـونـه (ارهـابـي)
وراع التـقـالـيـد (مـتْـخـلّـف) و (أعــرابــي) = يـحـيـون يـفـنـون مــــا راسٍ لــهــم عــلّــى
تَـحَـتْ شـعـارات يـــا (بـابــا) ويـــا (مـامــا) = عـن سـوط حاخـام(3) واحد.شـعـب يتْحـامـى
بـمـجـلــسٍ حـاكـمـيـنــه ألــــــف حــاخــامــا = وهيهـات بــن عــمْ عــن ابــن الـعـمّ يتْخـلّـى
يــا شـيـب عيـنـي مــن الدنـيـا ويــا خـوفــي = يــا ويــل ويـلـي ثــلاث ويــا بَــرِيْ جـوفــي
كـان الصِـقَـهْ حــظّ سمـعـي والعـمـى شـوفـي = بـتـوخـذ الغـالـيـة غـصــبٍ عـلــى مـــن لا!!
داعــي ســـلامٍ خـلَــطْ (فُـدْكــا) ب (كونـيـكـا) = أمّـه (سرائيـل) وأخـت أخـت أمّــه (إمريـكـا)
الـطـاهـرة بـنــت شـيــخ الـقــوم (مـونـيـكـا) = والـعـاهــرة (رابــعـــة) والـتـافـهــة جُــلّـــى
في خانةٍ بيـن حـرف (الشّـا) وحـرف (السّـا) = مركـب (خبَـرْ كـان) بالشـعـب العـمـى رسّــى
مــن نسّـتـه نـعـمـة النـسـيـان (مـــا نـسّــى) = تـلـقـى حـيـاتـه مـثــل مـوتــه سَـــوَى بــــلاّ
(الشعب) أنا ؟ والا أنا (الشعب) ؟ الله أدرابي = لا فـرق , يــا قـربـه الـزاحـف مــن الحـابـي
الـمــوت واحـــد ســـواءً جــــاك (عـنّـابــي) = أو جــــاك (أســــود) فــهــلاّ تـعـتـبـر هــــلاّ
خــلاص يـكـفـي تـــرى تمـثـيـل و (دْرامـــا) = بالعـيـن مــن واقـــع الأمّـــة (بـنـورامـا)(4)
أمــا نـبـدّل حـجَـرْ (شطرنجـهـم) (دامــا)(5) = والا انقلبـنـا مـثـل مـــن صـــام مـــا صـلّــى
مــا شــيْ تغـيّـر بنـصـف الـقــرن يالـعـوفـي = يـا كـود توقيـع خــطّ (النـسْـخ) ب (الكـوفـي)
الوضـع هـوْ هـوْ ,عمـر صهيـون مــا تـوفـي = شـمـطــاً عــلــى أُمّــــة الـمـلـيـار تـتْـسـلّــى
يــا شـعــب عـــن شَـــدّة الأظـعــان ناهـيـكـا = يـا صـوت مـا ينسِمِـع لـولا صــدى (الميـكـا)
نجـدٍ تـقـول (ابْــك) وتْـجـاوب حَـلَـبْ (لَيـكـا) = جـمــاد هـــلاّ !! وحـــيّ بْــحــيّ مــــا هــــلاّ
حلفـت وحْيـاة مـن (واســى) ومــن (أسّــى) = ربٍّ يِـصَـبّــحْ صــبــاح وبـالـمـســا مــسّـــى
مــا يرتـخـي (حـبـلٍ) الاّ مــن عـقــب مَـسّــا = ولا عيـبٍ اعظـم مـن اسْتِعْـطـاف مــن ولّــى
لـو بــه سـلامٍ بليا حْـسـام (إي وابــي) ( 6 ) = مـــا كـــان صـهـيــون قـدّمـنــي وصــلاّبــي
حـكــمٍ بــــلا ســيــف لا غــابــي ولا نــابــي = لــك حِـبّـة الـكـوع مـنـه اقــرب مــدى والاّ ؟
حـبـر القـلـم دفـتـره لــو يلـحـق الـمــا مـــاء = يـامـا عـلـى شـفـرة السـيـف الـحــدب يـامــا
شـعــبٍ تـــدارك مــــدَارِك دمـعـتــه وآمــــى = شـتّـان بـيـن الـقـلـم والـسـيـف أخـــو جـــلاّ
في الصيف شِتْـوِيْ ثيابـي فـي الشتـا صوفـي = بـغــداد بــغــداد يــــا جــوفــي وسـرجـوفــي
يـفــداك دمّـــي ولـيــت الـــدمّ بـــسْ يـوفــي = حـقّـك عـلـى السـيـف لا (حـاشـا) ولا (كــلاّ)

ألا يارسولي فوق منجوبة اليابان = نبى نبعثك من شان عينٍ حساويَّه
على جيبٍ مغطى تقل صومعة رهبان = على لمبته من وجنة الزين من ماريَّه
ليا ديس بنزينه وهبت هبوب عمان = قحص مثل رجلٍ شاف جنب القدم حيَّه
ولامنك عطيته بالدبل من ورى برزان = تقل صوت مسجونٍ يطالب بحريَّه
وكل من يشوفه يحسبه من طيور الجان = والا نجمة فوق الشيايطين مرميَّه
ولاأطلق شبح لاسمرت سايق الذرعان = تبى تلحق الفكسار لاصاح جنيَّه
وياجاهل الفكسار هاذايت الرحمن = وأظن من ركب فوقه له الخلد مبينيَّه
من حبي الفكسار حبيت أنا اليابان = غدوا لي عيال أعمام والا أكثر شويَّه
تشوف المواتر واقفه كنها الثيران = وهو وقفته وقفة أسد لعنبو حيَّه
أوصفه حبٍ فيه والا أنا يابدر طفران = وهو ماملكه الا عبادٍ غناويَّه
وأنا لو حصل لي ماأكنزه مثل هالحضران = ورى البايكة من فيِّة دوم في فيَّه
علي الحرام إني لسوقه كما الربان = أوطي كفره في كل أرضٍ خلاويَّه
أمسي على نجران وأصبح على الصمان = أدور الوناسة فالسفر روحة وجيَّه
وأزاور حبيب الروح أبو منطقٍ فتان = أبو حاجبٍ سكبه ووجنات ورديَّه
لكن الدهر يابدر خوان ابن خوان = وحظي لاقلت اصحى يقول اش لكم فيَّه

الله اكبـر والله اكبـر والله اكبـر والله اكبـر كـل مـا اقبـل مـزن وادبـر مــا ســرى بــرق ولاح
= والله اكـبـر والله اكـبـر والله اكـبـر والله اكـبـر ربـنـا ماغـيـره اكـبـر رب مـوسـى والمسـيـح
محصـي مـا قـد حبـا منـا ومـا منـا دبـا منـزل سـبـا مـنـزل تـبـارك والنـبـا مُـجـري الـريـاح
= جـاعـل الأرضَ كفـاتـا جـاعـل اللـيـلَ سبـاتـا مـنــزل مـــاءً فـراتــا مـرســل بـالـريـح ريـــح
يوم طشّيت الشماغ وصحت للهاجوس والهاجوس للهاجوس ابو منكوس يا منكوس صاح
= ما تقول الا انْ وسط اذني مزامير الف عفريت من الجنْ ساعة الصفرة مع الصفـرة تصيـح
يـا قلـم هلّـل وكبّـر لحظتيـن ثــم تعـبّـر فــي الــورق حـبّـر وعـبّـر فــاح فـوحـي فــاح فــاح
= يا قلم نبغى المعاني بيض كالبيض الغواني يـا قلـم خـذ مـن لسانـي لسـت بالمعنـى شحيـح
لي لسـان لا بغـى نظـم القصايـد مـا لغـى يقعـد صغـا مـن لـه صغـا فنجـال قافـه يـوم سـاح
= كـل قـاف فـي الحشـا مـد الرشـا ادلـى بدلـوه بيـن واجـب مستـعـد وبـيـن واجــب مستـريـح
بسـم فهـد سيّـدي فهـد الفهـود الصيهـدي شبـل الأسـود النُجّّـدي فهـد بـن سلطـان الجـمـاح
= بسـم قائـد منطقتنـا المجتهـد فـي كـل مـا يثـري البلـد يـا مرحبـا يــا ريــح ريـحـان وشـيـح
ارحب ارحب وارحب ارحب يالأمير اي والله ان ترحب وترحب رحبة ماهـا قـراح فـي قـراح
= عـدّ مـن غـرّد وغنّـى عـدّ مـن شـيّـد وبـنّـى عــدّ مــا مـنّـا ومـنّـا عــدّ كــل صــوح وصـيـح
مرحـبـا ياخـالـد الخـالـد سلـيـل أئـمّـة المـجـد الخـوالـد لــك بسـطـنـا كـــلّ راح جـنــب راح
= مرحبا بك يا سليل ملوك نجد اهل الشـرف والمجـد مـن ذروة هـل العوجـا معطّـرة الصفيـح
فـي ذرى دار قـرار شادهـا عبـد العزيـز الـحـرّ مــن وكــر الـحـرار مْـروّيـة شـهـب الـرمـاح
= ما حكمها من فراغ الا عقب حذف الشمـاغ وضـرب سيـف فـي الدمـاغ مصوّبـه عـدّه ذبيـح
دار ابـو تركـي حفيـد الأكرميـن اللـي حكمهـا باليمـيـن وكــلّ رجــل باليمـيـن أشـقـر جـنـاح
= ما حكمها ابن الملوك الا عقب ممشى بشوك وشـلّ ابـوك وحـطّ ابـوك وكـلْ نطيـح لـه نطيـح
دار ردّاد البرى رجع الثرى نجع الذرى ليث الشرى بدر السرى رجم القـرى ضافـي الوشـاح
= دار هدّاج الصخا سعد الرفيق اليا انتخى ستر المزيّـن لأرتخـى عنهـا الستـر حبـس الطريـح
يــوم زام الــزار والبـنـدق دخنـهـا ثــار منـهـا ثــار يــا سـتّـار نــار ونــار والضـمّـر تــداحّ
= يـوم زرقـات السهـوم وشـوم حانيـة الوشـوم القانيـة خمـس الرقـوم وكـلْ نزيـح لـه نـزيـح
مـن شجـرة للرفيـق وللصديـق المـا قـراح وللعـدو مـن حـضـر والا مــن بــدو ســمّ ذحــاح
= شجـرة آل سعـود اهـل الجـود بالماجـود لطّامـة شـبـاة الـعـود يــوم الخـيـل بآهلـهـا طفـيـح
إن ركب بنـت الحصـان تقـول ليـث وان قصـر مـدّ الزمـان تقـول غيـث عـان برقـه لاح لاح
= بالمعجّـل والمؤجّـل هـم هـل المـجـد المبـجّـل حـبـر ماضـيـه المسـجّـل دمّ كــلْ قــرم جـريـح
الـولـد خـالـد وسلـطـان هــو الـوالـد ونـعــم بـالـولـد والـنـعـم بـالـوالـد جـبــال مـــا تـــزاح
= والدك سلطان سلطان الصخا وقت القسا وقت الرخا سقم العدا قصر الندى الرحـب الفسيـح
ذلـــك الـحــرّ الأبـــيّ الـوائـلـيّ اليـعـربـيّ الـحـاتـمـيّ الـمـرحـبـيْ لا فــــي غــــدوّ ولا رواح
= هـوّ ابونـا وهـوّ اخونـا عزّنـا عـزّه وعـزّه عزّنـا بالجـود كـلّ اسـم إلـى جـاء اسـمـه يطـيـح
ايـه ابـو خالـد ولا ياطيـب طيبـه مـن ولـد مثلـه فـلا مثلـه ولــد لا فــي البـيـاح ولا الفـيـاح
= صيرميّ صمصمي مفراص ماص به خلاص اليا صبخ وبل الرصاص بكلّ سيح وكلّ ضيـح
سلّح القوّات بأحدث معطيات العصـر واستبشـر بمجهـوده حمـام النصـر فـي عصـره ونـاح
= بالسفـن ذات الـرؤوس وبالحفـن ذات التـروس وكـلّ أسطـول ضــروس لا يــزاح ألا يـزيـح
بالمـدافـع والــدروع وكــلّ كــوع جـنـب كــوع بـكـلّ دبّـابـة تــروع بـكـلّ تـرسـانـة ســـلاح
= زوّده بالنافـثـات العـابـرات وبـالأيــادي الـمـاهـرات آلـيــن كـــلّ بـــات فـــي بـيـتـه مـريــح
اولـده خالـد عضيـده قاضـب بأيـده وجـيـده أشـهـد ان خـالـد ولـيـده والعـمـل ســر النـجـاح
= صاحـب الـرأي المحنّـك لا هفـى غيـره وتنّـك طيـب طيبـه خـلّ عنّـك كـل سـيـح مــا يسـيـح
تــحـــت بـيـرقـهــم تـعـسـكـرنـا ودســكــرنــا مــــــن ايــمــنّّــا لأيـسـرنـاجـنــود لـلـكــفــاح
= مثـل مـا سـاروا تحتـه اجدادنـا واقولهـا وبكـلْ صراحـة والصراحـة مبـدأ الـرجـل الصـريـح
كلـمـة ابديتـهـا نيـابـة عــن سـيّـدي نـبـراس عيـنـي وسـعــدي والـعــذر مـنـكـم والـسـمـاح
= بالنيابـة عـن فهـد طيـر السعـد ستـر البلـد علـم صحيـح الا صحيـح ولا يصـحّ الا الصحيـح
والختـام انــا احـمـد الله (لاح يمـلاحـي ولاحــي لاح يمـلاحـي ولاحــي لاح يمـلاحـي ولاح)
= قالها اللي كنّ وسط اذنه مزامير الف عفريت من الجنْ ساعة الصفـرة مـع الصفـرة تصيـح

ألا يالله المطلوب ياعالم النيَّه = بدينا بكم ياواحدٍ فالسماء عالي
ألا يالله اني طالبك فزعتك ليَّه = على علةٍ تركي على كبدي الصالي
سبب موترٍ كنه مكاين بلديَّه = لو إنه يسابق نملةٍ صار فالتالي
إلى قام يمشي كنه عنزٍ تهاميَّه = ابو رمح فيها والوجع وسطها انهالي
وإلى مااعترض كنه مقفى هتيميَّه = الظاهر حلو والباطن مخيس وهمالي
وكن زبدة التندة خلاقين لحقيَّه = والا حمارٍ بين أذانيه سروالي
على ركزة اللمبادة تلعب مكاويَّه = وعلى صوتي المجروح يرقص ويجتالي
وتسمع طقيع الديلكو لارحم حيَّه = فضحني وفشلني ودمر لي أحوالي
وحتى طرمبة البنزين مابها محنيّه = تتفتف مثل قومٍ يردون الأمثالي
وإلى جيت عن إشارةٍ طق بوجيَّه = طفى الكهرب وقفل دركسونه قبالي
ربض وانسدح مافارق الخط موليَّه = وجر الوسايد قال خلوني لحالي
وأنا مغير أندب وأنادى العزوبيَّه = ندفه وهو ماسال عنَّا ولايبالي
نمطه مع خشيمه ونمصع أذانيَّه = نبى الشين يمشي مير وقف ولاسالي
على كيف كيفه يشتغل روحته جيَّه = ولايبغى حد يقلق له الراس والبالي
وإلى جيت أدق السلف كسر لي يديَّه = يلعلع ولايسمع وعيا يتهيالي
وإلى شاف له سيارةٍ صاح جنيَّه = شغل ثم تلقاها على الأرض طوالي
وألا يافري جيبي من أمره وياطيَّه = وياشيب عيني منه وياعنى حالي
وش عاد لو انها صناعة أمريكيَّه = وقير توماتيكي ودبل قطع الأسهالي
وأنا لاعطيته فيةٍ جنب الفيَّه = وأنا كل ماعدلته بسكةٍ مالي
ثلاثين ورشة زرتها اكترونيَّه = وفيها خبيرينٍ على مستوى عالي
فلبيني ومصري وتركي وابوفسيَّه = ولافيهم اللي طاح في طبه وقالي
وثمانين شيخ بين سنة وصوفيَّه = قروا فوقه إقرأ مع تبارك والأنفالي
وكم سورةٍ مكيةٍ مع مدنيَّه = قروا فوق كبوته ولافاد .. عزالي
ورحنا لابوفراج يكوي علابيَّه = ولعلع شوي ثم طاح صدامه حيالي
عسى القنبلة تقذفه بأرضٍ خلاويَّه = وتخليه فوق الأرض مثل أشهب اللالي
وهو لقطة غليص جعل فوج يالهيَّه = وأنا اللي احترمته وأرثي أرداه من مالي
عسى الله يهيء له عيال الحراميَّه = وإذا حنشلوه مسامحينٍ بالأعمالي
أقدم لهم خطاب شكرٍ وبرقيَّه = لحيثه ولد كلبٍ مايسوى له ريالي
عسى الله يلعنة ميةٍ من ورى ميَّه = ويلعن ابو من صنعه بين الأزوالي
ومن بعد ذا ياأهل الركاب الشماليَّه = خذوا مني المرسول للطيب الغالي
على وافي الجدين زبن الجلاويَّه = طويل الذراع مسقي الضيف سنسالي
على حضرته من عندنا البيض مثنيَّه = وعندي له البيضا على روس الأقبالي
هو مزبني هو عزوتي هو ظهر خيَّه = اليا عضني ناب الزمان أول وتالي
اخوي ابن ابوي ان جيت لي في طرف هيَّه = حزم محزمه وبغالي الروح يفدالي
لامني نخيته قال أبشر بعونيَّه = وبوجه الزمان أصيح واخوي يبرالي
عقب داسني غبر الزمان بمواطيَّه = رفعني وخلالي من العز منزالي
شبيبٍ ابوفارس هوى كل نشميَّه = خذا المرجلة من شايبٍ ذرب الأفعالي
ابوي أبلج الحجان هو طاهر النيَّه = على خدته جاء للوفا نجم وهلالي
على هامة الراي العلا حط كرسيَّه = وله فوق ربع الجود بيتٍ ومدهالي
وختمان قولي مالمع برق وسميَّه = صلوا على الهادي وماهل همالي
وترى الحمدلله وآخر القول مقفيَّه = بذكر العظيم الواحد العالم الوالي

ياناس هذي مصيبه وأكبر مصيبه = عشرين مليون في منديل مصريَّه
وش باشارحيل ؟!! لاسمعه ولاهيبه = علمه ردي لعنبا اللي هو سلوقيَّه
هذا نذل والردى والخبث يحري به = هذا حرامي من الناس الحراميَّه
وشلون مال الله اللي جاه يثعي به = في شي يخجل يجيب الرجل طاريَّه
اخذوا فلوسه ولاتبقون في جيبه = لاخمسة أريل ولاعشره ولاميَّه
ثم اسحبوا منه كل اللي يماري به = أكبر خطأ انه يخلى فالسعوديَّه
هذا وجوده خسارة ويش نبغي به = معدوم شيمه ولاعنده شهاميَّه
عساه يقفى عجوزٍ بينت عيبه = مافيه خوفٍ من الله خارب النيَّه
لو جاه مسكين ماوفى مطاليبه = مايلتفت فيه لو انه بنا اخيَّه
عشرين مليون لأجل الهون والخيبه = شيٍ يحيِّر عقول العالم الحيَّه
لو انها في سبيل الخير ياطيبه = مير انها في سبيل ابليس معنيَّه
لعلنا مانعاقب من تسابيبه = يصيبنا شر والا حاجةٍ سيَّه
لازم يؤدب عشان يصير تأديبه = عبره لناسٍ لهي هذي ولاذيَّه
ناسٍ تمسكن وفيها الشك والريبه = في وقت الأزمه لهم قصة حقيقيَّه
حنا جنود الوطن نحمي جوانيبه = من كل طامع اليا من ثارت الهيَّه
هذي بلاد الوفاء والعز والطيبه = هذا وطنا ولامثله ولازيَّه
عاشوا به أجدادنا وأيامه صعيبه = مادوروا غيره بلادٍ ولانحيَّه
ماقالوا القيض حاميةٍ لواهيبه = يامحسن الظل والمجلاس والفيَّه
يالله ياربي تسوق الخير وتجيبه = يامالك الملك ياعالم بمافيَّه
عفوك ورحمتك والتوفيق نمشي به = في كل ساعة وفالروحات والجيَّه

ياوقتنا اللي غلب كلبه علـى ذيبـه = وقت غدابه شجيع الـراس حوريَّه
وقت تعلوا بنـي حضـرم مراقيبـه = والراس عود ذنب والـراس كوفيَّه
من فعلة مافعلها ابليـس واصحيبـه = كن فاالحشاء تسعة وتسعين شبريَّه
ياراكب في ظهر حرشـي عراقيبـه = حر عيونـه تقـل مشهـاب بريَّه
من طلعة المسبحي شيـب محاقيبـه = مع راس كل ابـرق كنـه نداويَّه
ياقو عزمه على الفرجـة وياطيبـه = كن جرته فاالثرى ملسـاب جنبيَّه
سلم على محتمي الـدار ومعازيبـه = ربع حموا الـدار شرقيـه وغربيَّه
ربع بعلط القنـا صفـوا مشاريبـه = اليـن خـاوى جنوبيـه شمالـيَّه
سلام احلى من السكـر علـى نيبـه = بااوراق سدر على جيـلان حوليَّه
واحلى بعد من لبن عطف حنازيبـه = في روض بر يادوبه سـال واديَّه
ثم قلهم مع زلوج الشمـس تغريبـه = على لسان الـذي نجحـت مكاويَّه
تكفون ولدة شراحيل العنـوا صيبـه = ملعون اباالاصل تكفون العنوا حيَّه
آطوا علابيـه واقتصـوا مخاليبـه = لاصار ماله بفعل الطيـب ماريَّه
هيس يرقص على الطبلة رعابيبـه تقسيم عود علـى ترويـس طبليَّه
لاهـوب منـا ولاحنـا باقاريبـه = الا انهـا عـاد بشمـاغ وطاقـيَّه
في وقت الازمة نحت عنا مناجيبـه = وحول رصيده معه بـرا السعوديَّه
ثم ركب له طايرة فاالجـو توميبـه = وجنسيـة معـه بدلهـا بجنسـيَّه
ويوم انتهى الحرب جا ينفخ لغابيبـه = عادات طرش البحر كا ماانتهت هيَّه
حـرام ماهمتـه دار رفـت عيبـه = ماهمـه الا فلـوس فـي مخابيَّه
من عذره ابن القويماني فرى جيبـه = في عملة ماعملها سحيم فـي ابويَّه
من شان شرموطة هطقاء محيديبـة = ينفق وولد الوطـن بانـت معاريَّه
احد على الجوع يصبح به ويمسيبـه = واحد بشبعته مايدري عـن وخيَّه
يااحمد ماهي مصيبة الا اكبر مصيبة = عشرين مليون في منديـل مصريَّه
وماناح طير علـى عالـي نبانيبـه = صلاة ربي على المختار من حيَّه

يوم ابو متعب قِبَسْها ,معمّر كبّها = ارغم الليبيّ يركع وهو ملعون ابو
صَبّها من فوق قُلّة معمّر صَبّها = من لهبها كلّ خمّة طرابلْسٍ حبوا
خمّة من ليبيا ما عرفنا ربّها = ولا يجي من ليبيا كود كلْ سبوٍ جِبٌو
شيخنا في لحيتك يا معمّر شبّها = انكس انكس يا معمّر وكندس يا سبو
ذبّها يا خُلْفة الشرق الاوسط ذبّها = في قفا علباك رمحٍ وفي قلبك ربو
نار ابو متعب يعضّ اصبعه من طبّها = شيخنا ذروة هرم نجد ومعمّر قبو
العدا نلعن ثواها ونطحن حبّها = في ضحى وضح النقا والعدو ملعون ابو

الالـف اولـف ان دائــي دوائــي" = "يامـن شحذتـم مـن فنائـي بقائـي
لـو مائكـم مائـي بكيـتـم بكـائـي" = "وما كان لمتونـي بمـا كـان سويـت
عزي لمن اضحـى صباحـه مسائـه" = "مستخلص من محـض دائـه دوائـه
يغيـب مـع غيبـة سنـاءه سنائـه" = "طاغـوت بـدو قولتـه الطواغـيـت
والبـا ببلبـل مـن بـلاد المـغـارب" = "حبل علـى الغـارب تعقـده عقـارب
لابوك شارب مـن عـذي المشـارب" = "ما دسم الشارب ولو كـاس شربيـت
مـن كـل عـذاب معـذب مـعـذب" = "عامين واكثـر بيـن صـدق وكـذب
قلبي علـى الطفـل المهـذب تهـذب" = "ما لف ساق سـاق وسـط الحوانيـت
والتـا توابيـت المحبـيـن شـتـى" = "يا ليت لي تابـوت حـوت بـن متـى
من في الشتا صيف وفي الصيف شتى" = "دليلتـه مـا بيـن رميـو وجوليـت
خلونـي آشقـق جيوبـي واصــوت" = "فاتتنـي آخـر فرصـة مـا تـفـوت
حسبي على اهل الحسد ويـش سـوت" = "مارج لهبها يسرجـه عـود كبريـت
والثـا ثـلاث مـن ثـلاث لنـا ورث" = "مثل اللبن يخرج مـن الـدم والفـرث
يا من حرث له مع بني حارث حـرث" = "يجيـك يـوم نـوم عينـك شفاليـت
يا من بمولـى مـن مراكـش تشبـث" = "كفـك بسحـر اقـلام بربـر تخبـث
هـو ليـه بقليـب اليتيمـة تعـبـث" = "تبـت يـدا العبـد النميـري وتبيـت
والجيم جينا بـك رمكـة بـلا سـرج" = "واهتز من دولـة بنـي هاشـم بـرج
اهجد وقر اسجد وخر اقطـع الهـرج" = "عليـك باسـم الله يملعـون سميـت
يا ناقـش بيـدك خضـاب الفرنجـة" = "يـا مبـدل السبـع المثانـي كمنجـة
عن الحـرم لقيـت وجهـك لطنجـة" = "وبـدم كـل عـذرا يتيمـة توضيـت
والحا حلمت اني من الواد ابو سـرح " = "شرشوح جنة واتركوا باقـي الشـرح
ما الضرب والقسمة كما الجمع والطرح" = "اقبلت فـي قبـة وفـي قبـة اقفيـت
انا من اللـي مـا خـذت دينهاالحـى" = "عفرا وهي فـي سابـع العـد ملحـا
ما ياصل العبسي وهـو فـوق فلحـا" = "آصلـه وانـا جالـس مـا تعـديـت
والخـلا خـلا كازيـة توهـا فــرخ" = "عن كل هيفا قيل عن حسنهـا شـرخ
ارخ الرسن يا قلب عابـر سبيـل ارخ" = "لاابو ملـوك الجـن مـارد وعفريـت
اخ اخ يالقلـب العـديـم الـعـدو اخ" = "تنـاوخـت فـيـه السـرايـاونـوخ
من خوف مشعـوف المجـوخ تـدوخ" = "كوخ وبـر راسـه وخـوخ بحلتيـت
الـدال دفونـي كـلا عظمـي البـرد" = "باشقر تمشقر سرد مرد اشوس جـرد
باشقر زمرد اجرد زبرد المها الشـرد" = "يشحذ عنب صنعا ورا سـور تكريـت
راس علـى روس الحـزوم يتسـنـد" = "باحـدب مهنـد قـد تزنـد وعـنـد
وشاف الخديـوي لابـس لـه مجنـد" = "حدر ولا سند علـى ليـت يـا ليـت
والـذا ذليـل النفـس ممـا يـتـأذى" = "دامـه علـى ديـد الهـوان يتغـذى
سبـو علـى سلـم الاذلـة تـمـذى" = "يا مـا علـى جلمـد رقبتـه توطيـت
لا خالـق منفـذ ولا هــوب نـافـذ" = "يضيـع بيـن ابوابـهـا والنـوافـذ
قنـفـذ ولا يستلـحـق الا القنـافـذ" = "بيـاع بـن عمـه بصالـة وموكيـت
والرا رشا من دونهـا تـاج كسـرى" = "من دونهـا الاحـرار اشبـاه أسـرى
بصحيبها لا عسعـس الليـل يسـرى" = "لا طق يمنى فوق يسرى نضب زيـت
هي حبها ناصر وهـي حـب ناصـر" = "مثـل البناصـر والخناصـر تقاصـر
من دونها صيـور مـا طـال قاصـر" = "يـا دافـن بيـن الاواصـر دناميـت
والـزا زمانـي سالفـة فـرد حمـزة" = "مـا غمـزة الا ويعقبـهـا بلـمـزة
من ذكرك تكتب على الحـرف همـزة" = "يا ناسـي الموضـوع كلـه بباكيـت
لابـوك وقـت مـع عـدوي مخـاوز" = "وقت يـراوز كـل معـرض مـراوز
وقت عن اصحـاب الكبايـر تجـاوز" = "وملبـس عـوب المذاهـب يواقيـت
والسا سلام الله علـى نـادر الخمـس" = "حر شهر كن بمهـلا حاجبـه شمـس
عنده سراير خمس من صيد قبل امس" = "من طيب فعله لـه بكـل ديـرة بيـت
سعد ولـد ناصـر اذا الليـل حنـدس" = "الكوكـب الـدري الهزبـر العرنـدس
من الشرف كاسيـه جلبـاب سنـدس" = "من شذرة الغلبا وله منتهـى الصيـت
والشين شبـل اسـود مـا تنتهـاوش" = "كظامـة لا مـدح ابوهـا تـشـاوش
للبازغـات اسـد يديـهـا تـنـاوش" = "وعزومه آشد قسـوة مـن الجرانيـت
وليا اشتبك قـرن الليالـي وعكـرش" = "له في سنـام المجـد تـاج مزكـرش
بالجود غيث فـي سمـا بعلبـك رش" = "من منبـت طاهـر طهـور المنابيـت
والصاد صمصام من الماص مفـراص" = "حوت بغبـة مـاه مـا واحـد غـاص
فـص مفـص للعويصـات مخـلاص" = "عنتوت مـن نقـوة رجـال عناتيـت
مقـص مـا ينقـص منـه يتقصـص" = "صم الحصـا بالمعجـزات متخصـص
يوم الردي فـي مـا يبيـه يتغصـص" = "ذو همـة تعجـز رجـال مناعـيـت
والضـاد ضرغـام اذا مـا iiتغـيـض" = "ذيب ضليـع ضلـوع يـوم يتهيـض
بحر الندى طاش على الجـال فيـض" = "سعد سعد عينك من الهم الـى جيـت
ابن الذي في شرعه المرجلـة فـرض" = "عود شـذا ذكـره نشمـه بكـل ارض
دوج طباق الارض من طول من عرض" = "جعل الوسم يسقـي عظامـه تفاويـت
والطا طمر عنـي مقـام علـى بسـط" = "يوم احتمت بلواي من ضامر الوسـط
وان شلت هم شال قسط وانـا قسـط" = "الله يحفظـه مـن عيـون النواحيـت
لجلـي علـى روس الافاعـي توطـى" = "يوم ان بعض ابنـا العمومـة تغطـى
فض يتخطـى صـوب اهلـه يتمطـى" = "وانا الـذي مـا مـرة عنـه فضيـت
والعين عـام وعـام فرعـا وقرعـا" = "درعا عنا ترعى لهـا القلـب مرعـى
وقت يخلـي خيـرة القـوم صرعـى" = "واودع سـلا تيـح الرخـوم اتيكيـت
وقت علينـا احمـر ضنـاه متـوزع" = "بيديـن مـن مثلـي ورقـه يتمـزع
يـا كثـر مـا فـزع بيـوت وجـزع" = "قلـوب وقلـوب تـهـزع ترنـزيـت
والغيـن غاغانـي زمانـي مغـاغـى" = "كن حـدر سرجوفـي جنـون تناغـى
قهـر الدهـر خلـى الذيابـة تثاغـى" = "وفحج الحرار اضنت بسبعـة كتاكيـت
وقـت دبـل كبـدي بكثـر المـراوغ" = "في القلب منـه اربـع حيايـا تـزاوغ
مـا نيـب لمحثـرب لبنـه متسـاوغ" = "لا شك غصب مـن لبنـه استمزيـت
والفا فـلان مـا لقـى اليـوم ملفـى" = "من عود حلفـا سـن رمـح وشلفـا
لا اشعـة البيتـا ولا اشـعـة الـفـا" = "تكشف خفا روح ورا الصـدر كنيـت
لولا ثنيـن مالهـم بالعـرب وصـف" = "ان كان قد همي قصف غاربي قصـف
لولا ابو تركي شال نصف وسعد نصف" = "امداني مـن الهـم الاقشـر توفيـت
والقـاف قـوم قيـفـت بالبـنـادق" = "بنـادق تشبـه عـروق القـنـا دق
وقوم تربـص لـي بوسـط الخنـادق" = "قلته وانا صادق وروحوا لهـل هيـت
وقت سقاني مـن شقـا مـا تشقـى" = "للي سواي من العـرب ويـش بقـى
لـو منـه واقـي كـان كـل توقـى" = "وقـت تلقـى ربعـنـا بالشلالـيـت
والكاف كل في فلـك مـا سلـك فلـك" = "سواك ياذا الملك مااحـد ملـك ملـك
لو كان بيده دارت ابـرة علـى سلـك" = "صيور كل من فوق وجه الثرى ميـت
وقـت بمجـرد كـل حـر تـسـوك" = "لا قلت بسـك يـا زمـن قـال iiتـوك
زوليتـه حمـرا فرشـهـا مـشـوك" = "يا وقتنـا يـا حـظ فيـك الهلافيـت
والـلام لـه يـوم يجـيـك يتـدلـى" = "عابـد حــذاء الفاتـنـة سـنـدرلا
الحـظ فرصـة واحــدة لـيـس الا" = "يـا مـن بجثمـان اليتيمـة تعشيـت
يا صرخـة مـن كـل حابـل بنابـل" = "يهتـز منهـا سـور صنعـا وبابـل
ويلقح لها مـن مـرود العيـن وابـل" = "قطر ومطر ليـن اخطـر ولا اطريـت
والميم مرمى بندقي في اربـع اسمـا" = "من كل معنى سامـي الغايـة اسمـى
من كوثـر حالـي جمـا بلتمـس مـا" = "بيـد رسـول الله ليامـت واحيـيـت
تمسحـت بالركـن اليمانـي وزمـزم" = "يالله ولا لـي غيـرك اليـوم محـزم
مـن عابـد المـرزم وحـوت بقلـزم" = "تردلـي حقـي يمـن بـك توقـيـت
والنون نـاري منـه قامـت تلسـن " = "يالله وأنـت القائـل السـن بالـسـن
انزل عليه من الغضـب مـا توسـن" = "عبرة لمـن لا يعتبـر كيـت ماكيـت
وبما دعا ذا النون في ظلمـة النـون" = "ان تهلكه باللي هلـك منـه فرعـون
ولا بريـح صرصـر كونهـا كــون" = "تفجعه في ظلمـة سحـر دون توقيـت
والها هـوى دونـه دهتنـي دواهـي" = "ان ترجعه لي شرع لا هـو ولا هـي
يا من حبل حلمك على الخلـق راهـي" = "سبحانـك اللهم حامـي حمـى البيـت
طالبك اشوف آثـار سوطـك بوجهـه" = "ليت يغدي في الخلق سبهـة وشبهـة
من دون وجهه كـل برهـه بشرهـه" = "يا من لوجهك صمت شهري وصليـت
والـواو وره عاقبـة مــا تـبـوى" = "بقوتـك ندعـي علـى مـن تقـوى
يالله جـزا مـاحـط فـيـه وســوا" = "تفجعـه فجعـة مخلفيـن المواقـيـت
وان تفجعـه فـي كـل يـوم ببلـوة" = "ليـن يحفـر قبـره بسلـوه وشلـوه
والقاه فـي صلـوه وغلـوه بخلـوه" = "ويضيع فـي غبـة دشيـر سرابيـت
واليـا يــرازق زكـريـا بيحـيـى" = "يا من قضـى للعمـر مـوت ومحيـى
يا ناشر الموتـى بعـد مـوت احيـا" = "اجبر عزاي انـي تصبـرت وازريـت
وبازكى صـلاة طاهـرة مـع تحايـا" = "صلـوا علـى جامـع قلـوب البرايـا
ما اودعـت حـوض المنايـا سبايـا" = "وما لامجت عـوج المطايـا سباريـت