شاعر المليون قصائد وشيلات كامله في نقل مباشراضغط هنا

بسم من أظهر أسامة على جيش السُفيت"="سامع صوت بن متّى وهو في بطن حوت
أخرج من الميْت حيّ أخرج مْن الحيّ ميْت"="من جعل أرضاً ذلول وجعل أرضاً سبوت
بسمه المحيي المميت ابتديت ايه ابتديت"="ابتديت اللي بديت وعطيت الصوت صوت
شيب عيني شيب عيني اجرحوني ما دريت"="اقعديني اقعديني اقعدي راسي يانوت
عن نبيّ الله بأدافع دفاع المستميت"="لين احقّق غاية القصد والاّ ارحب ياموت
لابن يعقوبٍ بروح بن حربانٍ فديت"="ويا عسى جلدي لطاهر قدم رجليه بوت
مثّلت (يسرا) زليخا بمسرح أوبريت"="وهيّ كان اولى بها أن تمثّل دختنوت
مثّلوها هي ويوسف مثل رميو وجُليت"="وبجلابيب الزنا لبّسوه جْبه وكوت
ونوت تسألني عقب كل هذا وش لقيت!"="وابتسمت شويْ وقلت اثر ما في الوقت قوت!
يا فؤاد المستميت ان بكيت او ما بكيت"="العن آبو من على الضيم يرضيه السكوت
من لهب نار الرفيق انكويت ألا استويت"="طاح كرتي ويا كثر من لهم طاحت كروت
من وانا ورع ابو عشر وهمي كُمبليت"="امتطي ساقي مطيّة واهيم مع الخبوت
ما لعبت (عظيم ساري) ولا (بنت السبيت)"="همّي اكبر من دْوِرْتي على شلّة بلوت
عايش عيشة شقا لا فنيت ولا بقيت"="آتوسّد بطن كفّي واشوم من التخوت
بدويًّ قحّ من وين اعرف الإيْتِكيت"="حطّني الله عظم بحلوق أهل الجَبروت
طار نومي طار يا ضارب الطار وصحيت"="قم قبل يِرفع علينا شراع الجيْلبوت
ايه انا( ناصر) ولي في الملا صوت وصيت"="جت بي امّي في رمادة غضا في (حضرموت)
وحْلِمت بي حلمٍ افزع (تهامة) بيت بيت"="وافرح مْن سبيع (علوى) مروبعْة البيوت
وجت سوابق قصّتي في كتاب (بْن السُكيت)"="واعقدوا لي سحرهم في خليّة عنكبوت
بقْدمي سبعة ملوك من الجنّ لو بغيت"="في مثل لمح البصر فُتّهم يا نوت فوت
أذّنوا لي في المساجد : وفيت ولا هفيت"="دون حقّك (ياليتيمة) بغى ناصر يموت
فترةٍ فيها احتويت (اليتيمة ) واحتميت"="لين حطّوا لي بلاهم عبيد الكَهَنوت
طوّعوا غيري وانا اللي لحالي بس عصيت"="لين ضيّع راعي (البوش) في قلبي خفوت
لين بعيوني سقوني من الخمرة (كميت)"="قد بغيت آموت لولا صلاتي والقنوت
حرّةٍ يجلب لحمها على سوق الكويت"="دونها الموت الحمر شاتني للناس شوت
واعتزيت بسبعة من جدودي وانتخيت"="قالوا:اثبت.قلت: افا,ما عقب هذي ثبوت
والله اني من رجال بعاليها عليت"="الكبيرين البخوت الوسيعين البشوت
قالو:اثبت ,حكم ربك كذا.وش بك غديت؟"="والدهر مرّ وحلو كالزهر علقم وتوت

الناس ما زعّلتهـا حـروب بـسْ وينـك؟ = يوم انت تزعل على أدنى سبب واتْفه!!
يـا ناعـم العـود لـي دينـي ولــك ديـنـك = وكـلٍّ إلـى ثـوّرت مسـؤول عــن حتـفـه
يا زين زينك وبعـض احْيـان يـا شينـك = خصٍّ لجاء طـاري الفرقـا وقلـت: إتْفـه
والا انت ما في البشر طينٍ مثـل طينـك = ياعيـن فيهـا مـن المـوت الحمـر هتْفـة
والله مــا يـقـدر الـوقـفـة قـــدم عـيـنـك = إلاّ هـبـيـلٍ نـقــل حـتـفـه عـلــى كـتـفـه
فإن كان تنشد عن الحال, انشد اثنينـك = فـي ذمّتـي مـا بقـى مـن حـالـي النتـفـة
حــرام مــا يـقـدر الـوقـفـة قـــدم عـيـنـك = ألاّ هـبـيـلٍ نـقــل حـتـفـه عــلــى كـتـفــه

يايبه يانور عينٍ تبلشها السهر = يايبه ماجور ماجور يانسل الكرام
يايبه ياعزوتي من صواديف الدهر = يوم طير الظيم فوقي نفض ريشه وحام
لأجلك العين انتثر دمعها دمٍ حمر = والحشا كنه على واهج الرمضا حطام
يايبه وإن خانك الساق أنا ساقك وسر = ان بغيت السهل والا شواهيق العدام
يايبه وإن قصر الشوف شوفك ماقصر = دامني لك شوف وعيون فوقك ماتنام
يايبه وإن خانك الكف أنا كفك حجر = إضرب بي اللي تبي هامةٍ والا قوام
يايبه وإن خانك السمع أنا إذنك فالبشر = في ذمتي ماتسمع ألا خبر عزك يقام
يايبه وإن خانوا أصحابك أنا صحيبك جبر = مير مافأصحابك اللي عطى درب الملام
يايبه وإن درهم القوم أنا دونك بحر = والله إن تبطي مضاريبهم برد وسلام
يايبه لاغطرف القمري الشادي ودر = جر هاجوس المعنى عليك أحلى كلام
يايبه ياعزة الجار وضيوف السحر = يامزبن واحدٍ طقته بقعا وهام
مالقيتك بفرجة السوق تصلخ وتهدر = الك عند الناس قدرٍ وهيبة وإحترام
ولاأنت باللي فوق جاره عصاته تنكسر = يمدحك جارك وضيفك وربعك والخصام
وكان سبَّل عسعس الليل ثوبه واستتر = شف دمعك في صلاتك مثل وبل الغمام
ياعسى يفدى قدم رجلك اللي ماانعثر = رجلك اللي ماسعت كود في عز المقام
كم وكم فنجال بنٍ بمجلسك انتثر = مجلسٍ للعود الأزرق على وكره مرام
وكم سمانٍ راعي الضان لقدومك ذخر = حثهن بأطراف كفك لضيفانٍ حشام
كن نقفة دمهن فالثرى سيلٍ حدر = وكن ريح شحومهن فالفضا ريح الخزام
يايبه شفت الليالي مجاهيم وعفر = عن مباغيت المنايا التهينا فالحطام
كلنا يدرق عليه الزمان وينتثر = فوق منصوب الشداد وعلى ظهور المسام
يايبه من زاد كاد وخفى عزه شهر = وأنت عزك فالخضيرا جلا جنح الظلام
يايبه من هام شيٍ وهو ماله ظهر = ذاق دون اللي يبي مزة الحنظل شمام
يايبه من يبغي المجد من دون معذر = مثل زارع شتلةٍ فالصبخ يبغى الصرام
من همل فرجه بليا سمينٍ ماظفر = تنطحه شمسٍ تجدويه مطعوم السمام
يايبه تسبيحةٍ يوم جنح الليل در = ماتساوي وزنها كنوز مصرٍ والشوام
يايبه ماشق صم الصفا غير الصبر = والكدر عقب الصبر ينتحي مثل الحلام
يايبه دنياً لقينا لها بطن وظهر = الحظيظ اللي بها عز نفسه واستقام
والختام بريح مسكٍ وريحانٍ ذعر = الصلاة الزاكية من ضميرٍ مستهام
للنبي الهاشمي صاحب الكف الخضر = عد ماغنى على خضر الأغصان الحمام

يا خلوج جاوبت في حشا قلبـي خلـوج(1) = ليت ما فـيّْ فيـك حتـى تِعَرْفيـن الخـلاج
في حشاي اربع مِيَـةْ طفـل أدّوا (مانلـوج) = أو شريْطيّـةْ عقـارٍ تلاحـوا فـي حـراج
وش له استغرب ؟ وهذي هي الدنيـا زروج = لأجل خاطـر كلبهـا عَقّبـت ليـث الـزراج
الصقور اللي اذكروها تسوج الروس سـوج = يا كثر ما خدّها امـسٍ لكـلْ رِجْـلٍ مَسـاج
يا حمد حتّيش لو في سما الجـوزاء تـدوج = والله اني خابـرٍ يـوم هـيّ امـسٍ دجـاج
ناس لولا مالها امسـت معاورهـا فـروج = ويا حمد ما كان أكلنا رطـب غلبـا خمـاج
يا مكثّـرْة الحكـي والفعايـل عـوج هـوج = ما يِحَذْف الناس من كان بيته مـن زجـاج
يا حمد طيرٍ جناحـه وراء صـدري يـروج = ويش اسوّي ؟ كانه افلت من ضْلوعي وراج
في جنوب افريقيا البيـض ياطـون الزنـوج = وفي شمال افريقيا البيض ما ترفـع حجـاج
لا تعجّب مـن (علـوجٍ) توطّتهـا (علـوج) = والله انّ الشـرّ للـشـرّ أحيـانـاً عــلاج
يا حمد ما يدفـع الكَـرْب ترديـد الهـروج = كان مالك من ربوعك علـى الدنيـا سيـاج
العدل يبقى عَـدِل والـدروب العُـوْج عُـوْج = والعمى من لا معَه من فِعِـل كفّـه سـراج
والدهر بابٍ دخولـه مـن الداخـل خـروج = واللهْ لا زبّـن دخـيـلٍ ولا دبّــر خــراج
ولو من الموت تْحمينـا طويـلات البـروج = أمدىْ منْه مْلوك مِصْر احتموا في بْروج عاج
خُذْ حَذَرْك من الليالي ولـو صـارت مُـرُوج = كمْ وَ كمْ عذبٍ فُـرات انقلـب ملحـاً أُجـاج
المطالب يا حمـد دونهـا ضـرب الفجـوج = دونها شُربك قـراحٍ مثـل شربـك همـاج
ولولاْ قولة (والنعِمْ) ما اعتلوا فوق السروج = أٌمّـةٌ قبلـك خبَـرْ حيَّهـا فـي الأرض داج
لَحْج(2 )شرهتها على من سكنها من اللحوج = كـان هـو قدّامهـم جفّـل الذيـب النِعَـاج
أحمد الله يوم لي من خـلال المـوج مـوج = اركبه لا هاج سِيْـف البحَـر تحتـي ومـاج
ادلجوا لي كـلّ ذي طيلـسٍ رومـيْ دُلُـوج = وادّلَـج بـي كـلّ ذي أخنـس الأنـف ادّلاج
مأتمٌ فـي وادِ عبقـر بعـد سبـع مْحجـوج = صائح الموتى علـى جانـبٍ منـه استهـاج
مـا تصفّحنـا الليالـي تصفّـح (كاتلـوج) = لين مع كُلْ حادثٍ ذي حَـدَث عشنـا مِـزاج
بدويٍّ سِبْـت رِجْلـي يبـوج القـاع بـوج = ما تْعَقَّب وقفتـي فـي اعتـدالٍ واعْوِجـاج
امتطي من عظم ساقي إلى ما قمت غوج (3) = وافترش من عظم كفّي إلى ما نمـت صـاج
مـا لعينـي كحـلِ ألاّ لُجَـج ليـلٍ يـلـوج = ولا لخـدّي دهْـنٍ ألاّ وضوئـي والعـجـاج
وما لثوبي عطـرٍ ألاّ حطَـب سمْـرٍ ينـوج = وما لراسي مشـطٍ ألاّ شجـر سـدْرٍ تَـلاجّ
مثل من به في السما ديدب الجـنّ مْعَـروج = يوم تلعب شوشتي والهـوى صلْـفٍ هجَـاج
يا حمد مسيار ربعـي عليّـه فـوج فـوج = غايتي يوم الـردي غايتـه نجمـة و تـاج
ظبْيِـةٍ رشّـوا لهـا زعفـران الخلـد روج = من ملوك النحـل خمـسٍ بِمَبْسَمْهـا تِمَـاجّ
ساقي النشوى لها من خـروجٍ فـي وُلُـوج = كـم أنـا للصحـو منهـا شديـد الإحتيـاج
زوجةٍ ما شاقهـا مـن قياصـر نجـد زوج = غير ناصر ما تبي مْنَ اْيّ اْبِـنْ أمّـه زواج
سمّرت بيض الشوارب على سـود الـدروج = وفي العَجَم بين الأُمَم قرْطِسَتهم زاج زاج (4)
يالله يا مرهي عقـب طايلـة قيـضٍ ثلـوج = جاعـلٍ بيـن الثنيـن انعـزالٍ وانـدمـاج
طالبك فيها العَـوَض عنـدلٍ هيفـاً غنـوج = حتّىْ في عزّ الزّعل في الزعَل منهـا غنـاج
عيْطَلٍ(5) من راس جدّي لعُـوجٍ لا زعـوج = بنت قـرمٍ لا غـدا لأحمـر الـدمّ انْزعـاج
مُهرةٍ في حْجاج عيني إلـى صالـت بُلُـوج = في حجاج المِحتِظر(6) من مْلاعبها انبـلاج
من ورا الهضب المناحر رعت خضر المروج = حيرة الرجل ادخلـت دونهـا عـاجٍ بسـاج

يابدر ياصاحبٍ عن ثلاثمية صحيب = الحجج عن صحبة اللي سواتك واهية
يابدر غير الصراحة وش ألقى فيك عيب = حي هاك الفاه وأفواه غيرك فاهية
يابدر قلبٍ ورى نزوته مثل السبيب = ماالتهى فالبيض وقلوب غيره لاهية
عن حريبٍ أشغله من بني عمه حريب = والناس في ناسها متباهية
في حشى يمنى القهر ماملى بطن الشعيب = لاتغرك كشختي في الثياب الزاهية
يابدر ياكثر ماطبت في من لايطيب = وياكثر من طيبته ودته في داهية
يابدر من بدل الركض بمشيه دبيب = صنف الأقزام قبله وعينه ساهية
ولو لكل راعي اسم يابدر من اسمه نصيب = كان لا النافية مثل لا الناهية
هب ياقلبٍ دحرهم جميع اهيب اهيب = لعنبو من لاورد والموارد راهية

يـقـول نـاصـر عـلامـك ينـاصـر صــار نـاصـر واحــد ثـانــي" = "اهيـف بناصـر دقيّـق خنـاصـر مــدرِ كـيـف اهـلـه يشوفـونـه
قلت انت لا هنت ويش انـت لـو هـو جـاك يالعـذال مـا جانـي" = "مـا لمـت مـن كــان عـشـره ثـمـان وبــان للـعـدوان مكنـونـه
انــا طـوانـي هــوى مــن لقـانـي قـبـل عــام وروع اخـوانـي" = "بو مبسم احمـر تـلالا بـروق الصيـف ساعـة شيـف بسنونـه
وثمـان كالطـشّ والـرشّ بــشّ هــشّ مــن لـولـو ومرجـانـي" = "ترياقهـا كـاس اصـهـب عـلـى سـفـرة مـلـوك اللـيـل يثنـونـه
وعيـن كمـا بـيـض هـنـد وقـدحـة زنــد سـنـد عـنـد غلمـانـي" = "وسـيـف مسـجّـر ورمــح مشـجّـر هـجّـر وفـجّــر ومسـنـونـه
والـخــد جـمــرة كـريــم لهـبـهـا سـامــر بـأسـنـاف ديـوانــي" = "او لون ياقوت احمـر علـى اسمـر مـن بـلاد الشـرق يجنونـه
والكـف تابـوت مـوت ولــو انــه مــن حـريـر ازرق وكتـانـي" = "مـا سـر فـرخ الحمـامـة منـامـه حــدر فـيـة غـصـن زيتـونـه
وجديـل ذيـل الاصيـل الطويـل اعقـب شليـل الخـيـل فسقـانـي" = "اشــقــر مـحـجّّــل ثــــلاث مـبـجّــل عــنــد حــكــام يـلـزونــه
مـا دام عينـي عليـهـا رواق عــن حـسـن غـيـره وصيـوانـي" = "حتّيـش لـو وقـفـوا فــي طريـقـي تسـعـة وتسعـيـن مزيـونـه
يا سهيل ماانته سهيل سهيـل اسـم الغضـي ميـاس الاردانـي" = "ما انتـه بحولـه لواسمـك علـى اسمـه هلـك صـاروا يسمونـه
سهـيـل اســم مــن لـبـيّـن تـعـيّـن للـنـفـل شـعــب ووديـانــي" = "في كل ربع وغـب وخبـت وجـب وكـل قـاع اشهـب وتلقونـه
ليـه العجـب يـوم ادور بـروض ارض وطاهـا نبـت ريحـانـي" = "لا بـيّـن سهـيـل مــا يامـنـون الـسـيـل اهـــل بـــرّ يخيـلـونـه
غـرو ليـا بـان نجمـه تغيـب نجـوم كــل البـيـض مــن iدانــي" = "له قونس الراس للكـاس يـوم الطـاس لأهـل الطـاس يدنونـه
غـرو شكمنـي وحبـه حكمنـي حكـم بـن مـقـرن وابــن ثـانـي" = "علـيـه اكـبّـر واحـبّـر واعـبّـر يــوم اشـبّـر مـضـرب طـعـونـه
يـاحـول حــال لـحـال استـحـال ومــات مــا لـفّــوه بأكـفـانـي" = "وعـزي لمـن شـاف الاجـواد فـي موتـه وهــو حــيّ يعـزّونـه
ويـلاه مـا كـن ربـي خلـق فــي الارض هــمّ الا عـلـى شـانـي" = "اشـــوف مـــا هـــمّ الا واذوقـــه قـبــل خـلــق الله يـذوقـونــه
ولـو باهقـى مـن ورا جرتـي للصـوت مصـلـوح قــد امـدانـي"="شقيـت ثوبـي وجريـت لــي صــوت قطـيـن الـشـام يوحـونـه
يا طول بالي اجامل علـى جرحـي وانـا المـوت الحمـر جانـي"= "حـولـي خـوالـي وكـنـي لحـالـي واثـرهـا الاشــواق ملـعـونـه
يـا شيـب شيبـي ويـا طـرّ جيبـي ليـت لـي ريـش وجنحـانـي"="لأزور خـلــي جــهــار نــهــار وتــالــي الاعــمــار مـدفـونــه
يـا ويـل ويلـي ويـا قطـع حيلـي ويـا خسـارة كـل مــا كـانـي"="مــا بـاقـي الا انــا والـهـوى عمـيـا تمـشـط شـعـر مجـنـونـه
يـا راس راسـي علـى قـوّ باسـي ازرت تشيـل ثيابـي امتانـي"="وخوفي على الـراس لا يجيـه يـوم تعتـذر عـن شيلـه متونـه
ويا خوف خوفـي ويـا صـرم جوفـي يـوم شوفـي مـا تعدانـي" = "احــط فــي وجــه الايــام الايــام والايـــام بـالايــام مـقـرونـه
ويا جرح قلبي على ما فعل بـي حبـي السلبـي وش اعطانـي"="ووش في يدي يا يـدي والهـوى يومـي علـى قلبـي بحجّونـه
ويـا ثلـم سيفـي هـو الحـب مـن كيفـي عقـب خـفـه توطـانـي" = "وانــا ضـنـا لابــة سيـفـهـم مـــن دم عـبــد وعـــم يسـقـونـه
ويا جرح جرحي و(جمعي وطرحي)ايجازي وشرحي وتبياني"= "عـن مـا نشـا فـي حشـا ثـم مشـا بـيـردّ مظـنـون لمظنـونـه؟
ويا شر شري انـا ويـن اسـرّي عظـم ساقـي صـوب جيرانـي" = "الــدار مــن دار عنـهـا سـمـي الـنــار غـــار تـلـعـب جـنـونـه
ويا لوم لومي مـن الزيـن لومـي ويـش قومـي تقـل سكرانـي"="للحـب سكـرة وللبعـد سكـرة والهـوى مــا هــو عـلـى هـونـه
ويـا كبـر همـي ويـا فجعـة امـي بيـن ابــوي وبـيـن عمـانـي"="فــي سـاحـة البـيـت لا حــيّ فيرجـونـه ولا مـيـت فينـسـونـه
ويا روح روحي ما احد يسمع ولا احد بيوحي صوتي الفاني"="مـثــل الـمــدوّه بـنـجـد وذوده مـــن ورا نــجــران يـطـرونــه
ويا ويح ويحي يبـوج الوضيحـي دون خلـي تسـع الاوطانـي"="من دونه العاوي الطاوي الضـاوي وحـوض المـوت يردونـه
ويا وجد وجدي وش اللي بيجدي من عقب مدعوج الاعياني"= "يـا كــود ضـربـه بـكـف كــف وصــف دمـعـه صــف بعيـونـه
ويا عوب عوبـي ويـا شـق ثوبـي ويـن غـض العـود خلانـي" ="غـــــرّ غــريـــر ضــريـــر قــريـــر لــيّـــن بـــيّـــن كـــونـــه
ويا جور جوري على شوف نوري طاح من راسي حميدانـي"="ويـا خـف خفـي ويـا بعـد شفـي كـن وســط الـصـدر بالـونـه
ويـا شـق شقـي عقـب سـرق حقـي وجلّـي ودقّــي تناسـانـي"="نـسـى نـهـار امــس يوم (................................................)
فــي ذمـتـي لــوّ مــن بيـنـي وبيـنـه زعــل عـبـس وذبيـانـي" = "امــداه يـرضـى انـــا لا ذبـحــت اهـلــه ولا خـالـفـت قـانـونـه
ويا غبن غبنـي علـى صاحبـي يجذبنـي ادنـى خيـط سبهانـي"= "ويـا غــلّ غـلّـي وانــا اشــوف خـلـي دونــه المـلّـي يعـدونـه
فيـا ويـن اشوفـه واحوفـه والوفـه والـنـوى دونــه تقصّـانـي" = "تغـيـب دونــه ديــار وتبـيـن ديــار تـلــو ديـــار مـــن دونـــه
تسعـيـن انـسـي وتسعـيـن جـنـي زدتـهـم تسعـيـن شيطـانـي"="وتسعيـن عفـرا وتسعـيـن صـفـرا زدتـهـن تسعـيـن مدهـونـه
راجــن ومـاجـن وسـاجـن وداجــن كــل فـــج خـالــي قـانــي" ="وعن الغضي يـوم جـن مـا خبـر جابـن ولا يـدرن وش لونـه
الصاحـب اللـي علـى غيـر عينـي مـا ظهـر زولــه ولا بـانـي" = "اسمـه كتمتـه عـن اقـرب هلـي خـل عـاد نـاس مالهـا مـونـه
ومـن غيرتـي حالـف مـا يشـوف الزيـن غيـري واحـد ثـانـي" = "ولـو هـي علـى الكيـف حتـى ملايكـة المقابـر مــا يشوفـونـه

مونـس الفرقـا غنـا الورقـا علـى المرقـا يفـوعـه=صاد خمس وخمس من صيد امس باعه ثم باعه
في عَشِر حشْر ونَشِر ما هن بِشَرْ شوعه يشوعه=فـي صُفـر سـودٍ عُفـر دق وحـفَـر واودع وداعــه
راهــبٍ مـبـدى سـجـوده سـابـقٍ مـبـدى ركـوعــه=ماخـذٍ مـن مبـتـدى ممـشـى بـنـي عمـشـا لكـاعـه
فـي فجـر سبتـه سـرق سبتـة ثلوثـه فـي ربوعـه=حــرّةٍ رزّوا علمـهـا فـــي تـمـيـم وفـــي خـزاعــة
حـربـةٍ زرجــا وضـبـعـة واديٍ عـرجــا قـطـوعـه=بُنصـره فـي خُنصـره مـا ينـصـره مِــدّه وصـاعـه
من تِسِـع فيهـن وِسِـع شفنـا نزولـه فـي طلوعـه=فـي رُبِـع سابـع سبِـع مـا تاكـل سباعـه ضبـاعـه
يـا ملـوك الجـان حنّـوا راحتـه ساعـة خضـوعـه=مـا خبـرنـا واحــدٍ تــزوّج اخـتـه فــي الرضـاعـة
الف صبحا من بنات الفرس ساقـوا فـي رجوعـه=والف شقحا مـن بنـات الـروم ساقـوا فـي وداعـه
جاك من لا جـاك ريـح العبـد الادريسـي يضوعـه=فـي تهـامـة حنّـكـوه اربــع مـلـوكٍ مــن قضـاعـة
صـارع الدنيـا وهـي دنيـا وصـارت تحـت كوعـه=والقطا عجل الخطـا فـوق الوطـا ساعـه وساعـه
وش نبـدّل وش نعـدّل فــي قِهَـوتـه فــي قـدوعـه=لـو نسـوّي مـا نسـوّي وش نسـوّي يــا جمـاعـة
يـا معلّـم فـي المبلّـم صـار طبـعـك مــن طبـوعـه=لا تسـلّـم لا تكـلّـم وانــت طـبـعـك مـــن طـبـاعـه
كـلّ شــرعٍ لــه شريـعـة كــلّ اصــلٍ لــه فـروعـه=والاصـول الشركسيّـة مـا تبـوضـع لــك بضـاعـة
مـا يـرد مـن القـدر كثـر الـحـذر سـاعـة وقـوعـه=بالقـنـا طــقّ القـنـا لـيـن الثـنـا يـحـلـى سـمـاعـه
مــا يـنـوز مــن العـجـوز الا ولــد عـنـزٍ دنـوعــه=والـهـنـادي لـلأعــادي مـــا نقـلـنـاهـن شـفـاعــه
مــن تـزنّـد للمـهـنّـد كـــلّ بـــن كـلــب يـصـوعـه=لألـف جربـا وألـف حربـا حامـي البـارود صاعـه
ذا ودم واسـلـم وأَسـلِـم وآخــر الفسـقـان طـوعـه=مــن تبـرجـم مــا تـدرجـم يــا متـرجـم فـالإذاعــة

أضـحـى يُـلاعِـبُ كَــفّ الــودّ نقـرِيـسُ = حـتـى رمـتــهُ بـرمــحِ الـبَـيْـنِ بلـقـيـسُ
تـصـدّعَ الـدهـرُ عــن بــؤسٍ فـمـدّ لــهُ = يــدَاً إلــى أن شـكــى أثـوابَــهُ الـبُــوسُ
لـوصــل شـامـيّـةٍ فـــي عـــزّ مـشـأمـةٍ = تكـادُ تسـرقُ منـهُ الـروحَ (طرطـوسُ)
بـنـى لـهـا طـلـلاً فـــي نـجــد ذا حِـلــلٍ = يصـبّـرُ النـفـسَ والمسـلـوسُ مـسـلـوسُ
يرجـو بـهِ مـا دجــى الـداجـي منـادمـةً = أنّــــى تـنـادمــهُ الــيــومَ الأمـالــيــسُ ؟
الـيــومَ حــولــهُ أنــعــى كــــلّ نـائـيــةٍ = أبـكــي علـيـهـا وتُبكـيـنـي الـنـواويــسُ
أقلّـبُ الـطـرْفَ فــي شــامٍ وفــي يـمـنٍ = كأنـنـي مـــن بـنــات الـجِــنّ مـلـبـوسُ
ما الدارُ كالدارِ في الأمسِ القريـبِ ولا = تلـكَ التضاريـسُ بالأمـسِ التضـاريـسُ
مِـــن ودْق سـاريــةٍ كـلـمـى وغــاديــةٍ = كـأنــهــا لــتـــرابٍ عــالـــقٍ مُــــــوسُ
اخـضــرّ يـابـسُـهـا واشــتــدّ قـارسُـهــا = والـتـفّ حارسُـهـا والـرمْـسُ مــدروسُ
كــأنّ أشـبـاحَ أطــلالٍ بـهــا انتـصـبـت = صُـــمّ التـمـاثـيـلِ أحـيـتـهـا الـقـلانـيـسُ
مِـن جـنّـة العـمـر مــا بــاقٍ بـهـا عـلَـمٌ = حــيٌّ ومــا قـرَعــت فـيـهـا النـواقـيـسُ
يـــا صــرْف آنـســةٍ فـي الـخــدرِ كـانســةٌ = أرذي لـهــا الخيـلَ تعْلُــوُهـا القـرابيــسُ
أرذي لـهــا كـــلُّ ذي بـــدْنٍ وذي بَـــدَنٍ = كـــأنّ أحْـرُفَـهُـــم صـبـحــاً قـرانـيــسُ
شـالـت ظعائنُـهـا فــي إثْـــر ظاعـنِـهـا = فالبـيـدُ مـــن بـعـدهـا جُـــرْدٌ قـراقـيـسُ
هيمـاءُ مــا أخــذت عـيـنَ الفـتـى سِـنَـةٌ = عنها وما صبأت مـن شعْرهـا الـروسُ
تـدعـو المسـيـحَ وأدعــو أحـمـداً ولـنــا = مـعـاً عـلـى الـرمـل تثلـيـثٌ وتخـمـيـسُ
إنْ أقسَـمَـتْ أنـهــا لـــيْ مـثــل رابـعــةٍ = أقـسَـمْـتُ أنـــي لـهــا قـــدسٌ وقـدّيــسُ
يــــا ربّــــةً بـعَـثَــت مـيْـتــاً لـتـعـشـقـهُ = كعشـتـروت ومـــا استـعـلـى أدونـيــسُ
لِـمَـا بعـثـتِ مــن الأجــداثِ ذا حـــدثٍ؟ = ومــــا لـوحـشـتِـهِ إن عــــادَ تـأنــيــسُ
حـوريّـةٌ مــن جـنــان الـخـلـد هـاربــةٌ = عــن ســـرّ آيـتِـهـا تُـعـمـى القـوامـيـسُ
يَجُفّ فـي وصفهـا الحبـر الغزيـز وإن = يـكُــنْ بـحــوراً ويـنــدُرْنَ القـراطـيـسُ
هـيــفــاءُ نــاديـــةٌ غــيـــداءُ شـــاديـــةٌ = مـعْ درب فردوسهـا تُـؤتـى الفـراديـسُ
حــدْر الظفـائـرِ بــانُ الجـسـمِ أحـسـبُـهُ = بــدراً عـلـيـهِ مـــن الأجـــواءِ تـدلـيـسُ
عـلـى الجـبـيـن يـخُــطّ الـحـسْـنُ آيـتـَـهِ = مــا خَــطّ بالقـلـمِ المـعـصـومِ إدريـــسُ
كـأنّ بالـرمـش منـهـا وهْــي شاخـصـةٌ = خـيْـلٌ كسـيْـلٍ لــدى الهيـجـا كـراديــسُ
للمـوتِ فـي عينهـا اليمـنـى أرى مَلَـكـاً = وكــم مــن الـمـوتِ تخفـيـهِ الكـوالـيـسُ
وفـي شَفـا عينهـا اليـسـرى أرى ثـمِـلاً = أسـقـاهُ كــأسَ عُـتَـاقِ الخـمـرِ جـلّـيـسُ
والـخـدّ كــادَ بــلا جــرحٍ يسـيـلُ دمَـــاً = عامـانِ يُسـقـى بـمـاء الــوردِ ملـعـوسُ
يــا وجنـتـانِ كديـنـاريـنِ مـــن ذهـــبٍ = والشـمـس ساطـعـةٌ والـنـورُ مـعـكـوسُ
أشُــــمّ بـيـنـهـمـا طِـيــبَــاً فسـطـحـهـمـا = كـأنــهُ فـــي عـتـيـقِ الـعُــودِ مـغـمـوسُ
علـى حشـا النحْـر منهـا وهْـي واجـمـةٌ = بـنَـفـسـجٌ حــولــهُ يـنـمــازُ طـــــاووسُ
نــحــرٌ بـوقـفـتــهِ صـنــديــدُ مـعــركــةٍ = حيـن انتصـارٍ تمشّـى وهْـو غِطـريـسُ
الـصـدرُ لـــوحُ زجـــاجٍ مـسّــهُ قـبَــسٌ = نـــارُ المصـابـيـحِ أذكـتـهـا المـقـابـيـسُ
عـلـيـهِ نـهــدانِ مـــن عـــاجٍ كـأنـهـمـا = فــي معـبـدِ الـشـرقِ فـانـوسٌ وفـانـوسُ
كــأنّ أيــمــنَــهـــم لله مــبــتــهـــلٌ = كـمــا تـبـتّـلَ وسْـــط الــدِيْــر قـسّـيــسُ
أمـــا الـيـسـارُ فـمَـلْـكٌ بــيــن حـاشـيــةٍ = يـظُّــنُّ أنـــهُ فـــوق الـعــرشِ قـــدّوسُ
فــكــلّ نــهــدٍ لــــهُ ســــورٌ وســاريــةٌ = لـــهُ مـــن الـثــوب تـرويــحٌ وتنـفـيـسُ
يحْمـرّ مـن خجـلٍ حينـاً ومـن غـضـبٍ = حـيـنََ يُـلامــسُ ثـوبــاً مـنــهُ مـلـمـوسُ
والخـصـر يَسْـلِـبُ مــن سـيـفٍ ذبابـتـهُ = أدَقُّ مِـــن هَــيَـــفٍ أبــــــداهُ دبّـــــوسُ
حـلّــت عـلـيـهِ مـــن الأرداف واقــعــةٌ = فـمـا لــهُ أيُّ حِـــسٍّ وهْـــو مـحـسـوسُ
كــأنــهُ مــوجَــزٌ والـــــردفُ فـصّــلــهُ = في الخصرِ قَوْسٌ وفي الأردافِ تقويسُ
بـالـردف منـهـا إذا قـامـت وإنْ قـعَـدَت = رعـبٌ ومـا أرعــبَ النعـمـانُ قـابـوسُ
بـمـشـيـهِ مــــوّل الـمـجـنــونُ قـولــتــهُ = (يا حاديَ العيسِ ما أدنت لكَ العيـسُ؟)
مــا مَــرّ عُـبّــادَ قـــومٍ فـــي معـابـدِهـا = إلا تـقـلّـدَهُـم فــــي الــحـــالِ إبـلــيــسُ

لا نيـب بـأوّل مـن شكـى وقتـه ولا نيـب الأخيـر = فإن كان مني داس في اصبع , داس من غيري رقـاب
كُلْ ما بلتنـي منـه بلـوى , قلـت:يالله ,خيـر خيـر = وفي آقلّ من غمضة طرَف محض السراب اصبح سحاب
احمـدْك يـا ربٍّ خلقنـي عـن طبـاع الخلـق غيـر = طفلٍ ! ولكنْ في عقـل شايـب, وفـي هيكـل شبـاب
سبحان مـن أحْيَـت عجائـب قُدرتـه أمـوات طيـر = يوم انْقِفَـل بـاب, انْفِتَـح قدمـي بدالـه ألـف بـاب

علـى الالــف اولــف بخـلـي مـولـف=افــرق بـهـا اقــوام واقــوام اولـــف
اديــب شـعـوا لـيـن العـظـم والـلــف=الـفـه عـلـى حــرف حــرف ابجـديـه
عـلـى الـبـا بغلـبـا وصـبـيـان غـلـبـا=بــلا مــا بــلا القـلـب مـبـروم غلـبـا
بـلا سـبـق طـيـر بــلا وســق غلـبـا=بـنـيــه ونــيـــه ســواتـــي مـطــيــه
عـلـى الـتـا تــرى مابـتـاتـي بـتـاتـي=تـبــي مـاتـبـي ثـبــت بـــت بـتـاتــي
تـجـي بـامـر مــن ينـبـت المنبتـاتـي=تـجــي فـــت لـــو فـــت فـتــا فـتـيـه
عـلــى ثـــا ثـلاثــا نــهــار الـثـلاثــا=ثــــلاث الـغـضــي قـطـعـنـي ثــلاثــا
ثــــلاث طــــلاق عــلــي بـالـثـلاثــا=ثـــلاث فـــلا مثـلـهـا فـــي الـبـريــه
على الجيم جـم ادعـج اغنـج مسـرج=جديـلـه سبـيـب الحـصـان الـمـسـرج
جنـا الـخـد جلـيـا الـسـراج المـسـرج=جـــلا دج دوج الـدجــا الخـرمـسـيـه
علـى الحا حلـو لـيـس لــه بالمـلاحـي=حـلــي مـحـالـي او مـلـيـح مــلاحــي
حــلا مايحـالـيـه بـيــن الـمــلا حـــي=حـــلا فـــي حـــلا مـايـحــلا حـلـيــه
على الخا خـلا ماعلـى القلـب اناخـي=خليـل خــلا بــي خــلا عــن بنـاخـي
خــلاوي لـمـرخـي ولانـيــب نـاخــي=خــلا فــي خــلا خـالـي اخـلـو خلـيـه
علـى الـدا دوا الـدا مـن الـدا ياباالـدا=دوا الــدا مــن الــدا هــو الــدا يـبـدا
دوا فـــي سـهــود الـنـهــود الـمـبــدا=ودوا فــي مـهـود الـخـدود ضحـويـه
عــلـــى ذا ذوا ذا وهـــــذا كـــهـــذا=ذكــــرت بــهـــذا نـســيــت بــهـــذا
ذبـحـنــي ذبـحـنــي لــمــاذا يــاهــذا=ذبحـنـي ومــاذا عـسـى فـــي يـديــه
عـلـى الــرا رمـانـي بـســرا مـســرا=رمــانــي بــســرا شــمــرا مــســرا
رمـانـي وانــا بـيــن ضـــرا وســـرا=رمـاهــا ولا رامـــي ارمـــى رمـيــه
عـلـى الــزا زبـنـت الـمــذل الـمـعـزا=زبـن مـن زبـن لـه عـزا مــن تـعـزا
زهـمـتـه فــــي الازلام لات وعــــزا=زمـــــان تـــــوزا ولـــــزا خــزيـــه
على السـا سمـا الحسـن جنـا وانسـا=سمـا الحـسـن حسناوجنـسـا وانـسـا
سما اللي ان احسن صنيعا وان ساء=ســوى مـثـلـه فـــلا ولـدتــه ادمـيــه
علـى الشـا شنـاح بشوفـه تـشـاوش=شغـامـيـم شـيـخـان قـــوم تـشــاوش
شعرهـا شليـل اشقـح مـن تـشـاوش=شـمـالـيـه ولــــه حــقــو سـاحـلـيــه
على الصا صفا مسجد البيت الاقصى=صفا صدره النهـد الادنـى والاقصـى
صفاتي هياكـل مـن الشـرق الاقصـى=صـلاتــي عـلــى الـقـبـه الهاشـمـيـه
على الضا ضوى الخد ضـو لضاضـا=ضوى لال والا سنـا مـن لظـى ضـاء
ضبيب نحـره غـض وبـه اغلضاضـا=ضـبـيــب ذهــبــة نــضــة بـابـلـيــه
عـلـى الـطـا طلبـتـه مقـاطـم حمـاطـه=طلبـتـه بلـيـل عــن الصـبـح امـاطــه
طلبتـه طلـق مـا طـلا الشـيـح مـاطـه=طلـبـتـه مـطــارق جـديـلــه عـطـيــه
عـلــى الـظــا ظـــلام ونـــار تـلـظـى=ظـلـمـتـه ظـلـيـمـة ظـلــيــم بـلــظــى
ظرمتـه وظليـت يالـضـا عـلـى الـظـا=ظميـتـه ظـمـى ظــم ظـمـظـم ظـمـيـه
عـلــى الـعـا عـدا مـاعــدا بـالـبـراقـع=عــوا عــاوي يـــوم رد الـبــرا قـــع
عـلــى ماعلـيـتـه رقـعـنــي بــراقــع=عـلــى مـاعـلانــي رقـعـتــه بــزيــه
علـى الغيـن غليـون غلـو المـلاغـي=غـوانـي بـلاغـي مــن الـهـم الاغــي
غـوى يغـدي الشيـخ سيـد مـلاغـي=غــوى وابـــدل الفـاتـحـه سـامـريـه
على الفا في سيفي ورمحـي وهيفـي=في شوفي ونفنـوف صوفـي وهيفـي
فـلا فـي وليفـي اشيـا الا وهــي فــي=فــكـــن مـاكــتــب هـــــم الاعـلــيــه
على القا قـال السـاق مسفـوع راقـي=قــرو فـوقـه اقــرا ومنـقـوع راقـــي
قــلانــي بـعـرقــا سـبـيــل عــراقــي=قـعـدنــا وقـمـنــا ولا هـــــي هــيـــه
علـى الكـا كبـا مـن لعـب لعـب راكـي=كبـا ثـم شكـا ثـم بـكـا ماانـبـرى كــي
كـلانــا كــمــا شــبــك راك بــراكــي=كـــكـــم بـــكـــم وكـــيــــه بــكــيـــه
عـلـى الـــلا لـوالـيـه بـعـضـا وكـــلا=لاقــــــال اه لالا وكــــــل الــمــكـــلا
لــــه قــلــت لا لا وحــاشــا وكـــــلا=لــك الله ابــوك انـــت مـنــي وفـيــه
عـلـى مــا مــلام بـلامــا عـلــى مـــا=مـــلام بــلامــا هــــدت روع لامــــا
مــلام بـدمــع ذرف مـــا عـلــى مـــا=مـحــاه الـولــي فـلـمـا الـلــوم لــيــه
عـلـى الـنـون نــون بـنـون لادنــدن=نضـا منـه دن لاحـدرن وسـنـدن دن
نــضــا لـلـمـدنـدن لادنــــدن دن دن=نـغـنـه مـنـاغــا الـحـجــل راعـبـيــه
علـى الهـا هــل جـاهـل مــن جهلـهـا=هــل الـشـال الادهــم ديابـيـج اهلـهـا
هـل اهــلا لـهـم دانــة الـمـوج هلـهـا=هـم ابخـص بمهـمـه هـمـل مهمهـيـه
علـى الـوا وا وي مـهـاوي هــواوي=ولــنــي بـــــلاوي ولاويـــــه واوي
ووي يــــوم واو حــــدر واو وا وي=وســـاد تــوســد نــهــد غـشـمـريـه
علـى الـيـا يـقـول ابــن حــي يحـيـي=يـاربــي يـاحـيــي بـمـيـتـي وحــيــي
يـاربـي تصـلـي عـلـى احـمـد نـبـيـي=تــســوق الـتـحـايـا تـحـيــه تـحـيــه