شاعر المليون قصائد وشيلات كامله في نقل مباشراضغط هنا

دَمّـــي عـلــيّ مـــن الـثــرى يــــا غـانـيــة=بــالأمــس مـــــا أبــكـــاك قـــــد أبـكـانِـيَــهْ
لـصـبــيَّــةٍ مـــــــن آل بـــيــــت مــحــمّـــدٍ=أدركْــــتُ أســــرار الــثــرى فــــي ثـانـيَــةْ
وقــرعـــتُ أبـــــواب الـســمــاءِ مــهــلّــلاً=وهـتَــكْــتُ أســتـــار الـمــلــوك عــلانــيَــةْ
عَـرَفَــتْ مـلــوك الـجــنِّ ريــــحَ عِـمـامـتـي=ونَـكَــحْــتُ مــنــهــم ســبــعــةً وثـمـانــيَــةْ
ودفــنــتٌ قُــرْطــاً فــــي صـفـيـحـةِ قــرْمَــدٍ=وشـرِبْــتُ مـــن دمِ ذي الــصــواعِ بـآنِـيَــةْ
وتــركـــتٌ فـــــي وادِ الــســمــاوةِ أُمّــــــةً=لــــم يــغْــنِ شـيــئــاً عـنــهُــمُ سـلـطـانـيَـهْ
وغـسـلْـتُ فـــي مــــاء الـخـلــودِ يتـيـمـتـي=فـتــكَــلّــلــتْ تــيــجــانَــهــا تــيــجــانــيَــهْ
عـــــن زهـــــر جــارِيَـــةٍ و وردِ كـريــمــةٍ=أرجـــــو بــشـــوكِ يـتـيـمـتـي سـلْـوانِــيَــهْ
يـــا مـــن عـلـيــكِ نــزَلْــتُ كــــلَّ مـخـيـفـةٍ=ونَــقَـــدْتُ دمـــعـــةَ مُــشْــفِــقٍ تـنـعـانـيَــهْ
يـــا مـــن إلــيــكِ رَكِــبْــتُ فُــلْــكَ مـنـيّـتـي=وعـشِــقْــتُ طــعــنــةَ ظـــالـــمٍ أردانـــيَـــه
كـــازيّـــةٌ لــعِــبَــتْ بـمــهــجــةِ نـــاصــــرٍ=أزْمَـــعْـــتُ طـــيّـــةَ حــبّــهــا فـطــوانــيَــهْ
ألـحـبّــهــا آلـــيـــتُ لا أحـــيـــى ؟ نـــعــــم=ولـــقـــد لــبِــسْــتُ لـحــبّــهــا أكـفــانــيَــهْ
كــم حُـكْـتُ لــي مــن مقـتـلٍ بـيــدي ! =فـلــمأُقْــــتَــــلْ! فـقـلــت:أحُــوكُــهُ بـلـســانــيَــهْ
فيـجـيـرنـي ذو الــطـــوْلِ فـــــي كِلْـتَـيْـهِـمـا=ربٌّ نــــحَــــرْتُ لــوجـــهِـــهِ قــربــانــيَـــهْ
ولـقــد نُــصِــرْتُ بــدعــوةٍ مــــن والــــدي=شـيــخٌ عـلــى حــبــس الـحِـمــا أسـمـانـيَـهْ
أَلْــفَــيْ عــزيـــزٍ مـــــن أعـــــزّةِ عــامـــرٍ=رضِــيَـــوا حــيـــاة الأرذلــيـــنَ عــدانــيَــهْ
أذئـــــاب أقــفـــارٍ إذا مـــــا لـــــم يـــكـــنْ=حربـاً وإن حَـمِـيَ الوطـيـسُ حَصانـيَـة(1)؟!
أولــــم تــكــن تـــــدري ســنـــاءُ بـأنّــنــي=لا يـشـتـكـي ضــــرب الــرقــابِ سِـنـانـيَــهْ
أولــــم تــكــن تـــــدري ســنـــاءُ بـأنّــنــي=أُعْـــطــــي إذا ربُّ الـــمــــلا أعــطــانــيَــهْ
أولــــم تــكــن تـــــدري ســنـــاءُ بـأنّــنــي=أُسـقــي كـــؤوس الــمُــرِّ مــــن أسـقـانـيَـهْ
أولــــم تــكــن تـــــدري ســنـــاءُ بـأنّــنــي=أُثـــنـــي لـــكــــلّ عـظــيــمــةٍ أركــانــيَـــهْ
أولــــم تــكــن تـــــدري ســنـــاءُ بـأنّــنــي=ذو مِـــــــــرّةٍ لا تــســتــبـــاح قِــيــانــيَـــهْ
أولــــم تــكــن تـــــدري ســنـــاءُ بـأنّــنــي=أعـــلـــو إذا ودَقُ الــســحــابِ عــلانــيَـــهْ
أولــــم تــكــن تـــــدري ســنـــاءُ بـأنّــنــي=أنِــــفٌ وعــــن مــــا لا يُــعِـــزُّ حـشـانـيَــهْ
أولــــم تــكــن تـــــدري ســنـــاءُ بـأنّــنــي=فـــكّـــاكُ خـــوْلـــةَ مــجــلــسٍ تـنـخـانــيَــهْ
أولــــم تــكــن تـــــدري ســنـــاءُ بـأنّــنــي=مــطــلــوبُ أوّلَــــــةٍ ومــطْــلَــبُ ثــانــيَـــةْ
مـــولـــودُ تــاســعــةٍ ووالـــــــد تـــاســــعٍ=قـــطّـــاع قـــفــــرٍ لا يــلــيـــنُ جَـنــانِــيَــهْ
لـــيـــثٌ إذا عــــــضّ الـــزمـــانُ بــنــابِــهِ=غـــيـــثٌ إذا هـــبّـــتْ عـــلـــيّ يـمــانِــيَــةْ
أدنــــــــو لــــكــــلّ مــجـــنّـــدٍ بــمــهــنّــدٍ=وتـعـارَفَــتْ قُــضُــبُ الـســيــوف بـنـانـيَــهْ
نـــــــزّال أودِيَـــــــةٍ تـــعُــــجُّ سِـبــاعُــهــا=لا أرتــضـــي فـــــي الـنـائـبــاتِ هـوانــيَــه
أرســـو كـأعــلام الـجـبـال عـلــى الــثــرى=مــا اهـتـزَّ مــن سُـمْـرِ الـقـنـا إيـوانِـيَـهْ(2)
مــتــأبّــطٌ يــــــوم الـكـريــهــةِ صـــارمــــاً=هـضْــبٌ إذا فَـــدْمُ(3) الــحِــرابِ كـسـانـيَـهْ
وحــجـــابُ عــارِيِـــةٍ أجـــــابِ لـصـوتِـهــا=فخَـضَـبْـتُ مـنــه الـسـيـف حـيــنَ دهـانـيَــهْ
ولــقــد حـضَـنْــتُ الــمــوتَ دونَ يتـيـمـتـي=وكَــــرَرْتُ بــيــن الـطــارقــاتِ حِـصـانـيَــهْ
أقْــدَمْـــتُ مـعـتَـمِــداً عـــلـــى ذي عِــــــزّةٍ=فـحَــمَــى حـصــانــيَ مـنــهُــمُ وحـمـانــيَــهْ
سـبـحــان مــــن خــــرّت لـهـيـبـةِ مُـلْــكِــهِ=جِـــــنٌّ الـبــرابــرِ وانْــجَــلَــتْ أحــزانــيَــهْ
فـأنــا الـــذي فـــي الـمَــرْجِ قــبّــلَ حـتـفَــهُ=حــتـــى تـحــاشــى (طـلــطــلٌ) سـنـدانـيَــهْ
فـكـأنـنــي بــالــرمــحِ أضــــــرِبُ قـــائـــلاً=الأرضُ أرضــــــيَ والـــزمـــانُ زمــانــيَــهْ
نــحـــن الـفـراعــنــةُ الـــشـــدادُ تـخـالُــنــا=مــــن بـأسِــنــا يـــــوم الـلــقــاءِ زبـانــيَــةْ
شُـعْــثُ الـمـفـارقِ لــــم أكُــــنْ لأَسُــودَهُــمْ=لــو لــم يـــرَوْا سـمَــطُ الـدٌخَــانِ غشـانـيَـهْ
مــن خـيـرِ عـامِـرَ (4) كلـهـا فــي مـنـسَـبٍ=الأصـــــل أصــلـــيَ والــكــيــانُ كـيـانــيَــهْ
لـــي فـــي عُــــلاَ عُـلـيــا سُـبَـيْــعٍ مــنــزِلٌ=أُفْــضِـــي إلــيـــهِ إذا الــزمـــانُ رمــانــيَــهْ
ولــقــد قــصــدْتُ ديــارَهُــمْ فــــي ظُـلْــمَــةٍ=لــــم تــشــكُ صــــرفَ بـعـيــدَةٍ أعـوانـيَــهْ
فــأخــذتُ مـرْتـجِــزاً إلــــى أن أغْـمَــضَــتْ=غُـبْـس (5) العـيـون السانِـحـاتِ , أتانـيَـهْ:
حُـــلْـــمٌ تــكَــحّــلَ بـالـجـحــيــمِ شــفــيـــرُهُ=غـــيــــب الـــدهــــور الـبـاقـيـاتِ,أرانــيَــهْ
فـــي ظـــلّ عـوْسَـجَــةٍ بـرَمْـلَــةِ (حــومــلٍ)=أطـلَــقْــتُ لـلـحُـلْــمِ الـبـغــيــضِ عِـنـانــيَــهْ
فـــرأيــــتُ كـــــــلَّ قــريــبـــةٍ وبــعـــيـــدةٍ=حـــتّـــى تــمــثّــلَ صـــادِحـــاً كَــرَوَانــيَـــهْ
أُنْـبِــئْــتُ مــنـــهُ بــكـــلِّ بـــــاقٍ مُــفْــجِــعٍ=عـــن غـيــبِ دهْـــرٍ لا يُـكَــرِّمُ عـانـيَــةْ(6)
فـرأيــت مـــن سـفـيــانَ أســجَــحَ جـبْـهــةٍ=مــرهــونَ طــوديــنٍ ونـفـســهُ كـانِـيَــةْ(7)
فـيـلــوذُ فـــــي جــمْـــعٍ يـغــالِــبُ نــشـــرُهُ=نـــشْـــرَ الـــجـــرادِ مُــدَاهِــمَــاً عـمّـانــيَــهْ
فَـلَـيَـفْـتِـكَـنْ بـقـصــيــرِ هـــاشِـــمّ فــتْــكَــةً=مـنـهـا نـعــا بـالـصــوت : مــــا أشـقـانـيَـهْ
فـيُـجِــدُّ فــــي طــلــب الـيــهــودِ يـســوقُــهُ=غــلــيــانُـــهُ فـلَـيُــطْــفِــئَــنْ غــلــيــانــيَــهْ
فيسـومُـهُـمْ فـــي الـجـنــبِ مــــن طَـبَـرِيّــةٍ=ســــوطَ الــعــذابِ بــكُــلِّ أحْــــدَبَ قـانــيَــهْ
ورأيــــتُ أُمّـــــةَ مــغْـــرِبٍ تــعـــدو بِــنـــا=عـــدو الـجـمـال الـهـارِعــاتِ بِـسَـانـيَـةْ(8)
فــتــرى عــلــى إثْــــرِ الــهــلالِ صَلِـيـبَـهـا=يُـبْــنَــى وَمِــنْـــهُ بــكـــلّ قُــطْـــرٍ بــانــيَــةْ
إلا الــثــلاثـــةُ(9) أهــلُــهـــا بــدِمــائِــهــم=عـنـهــا أمــاطــوا كُـــــلَّ بُــرْقُـــعِ رانــيّـــةْ
قـــــــرْنٌ قِـــــــرانٌ حِـــلُّــــهُ وحــــرامُــــهُ=لا يــؤخـــذُ الــزانـــيْ بِـــجُـــرْمِ الــزانــيَــةْ
فـــــإذا أضـــــاءتْ دُورُهُـــــمْ وقُـــدُورُهُـــمْ=وجــنَــتْ لــهُــمْ شـــــرَّ الـبـلـيّــةِ جـانِــيَــةْ
شَـــــلَّ الـمَــنُــونُ ذراعَــهُـــمْ وكِـراعَــهُــمْ=وأراعَــهُـــمْ رَجْـــــعُ الـكــبــودِ الـطـانــيَــةْ
قـعَـدَوا لـهـمْ أعــراب خُـنـذُفَ(10) مـقـعَـداً=مــــن صــلْــوِِ نــــارهِ تـصـطـلـيْ أبـدانـيَــهْ
تـكــتــالُ لــحْـــمَ بُـطُـونِـهُــم وظــهــورِهُــم=أســيـــاف عُــصــبَــةِ عــيــلــمٍ مُـتـفـانـيَــةْ
فــيــخــونُ أطـــلــــسُ إيــلــيـــاءٍ ربَّـــــــهُ=فــتَــدُكُّ أرضَــــهُ ســــودُ حــــرْبٍ قـانــيَــةْ
فـتــرى قِـــلاصَ(11) المـؤمـنـيـنَ كـأنّـهــا=زُمُـــــرَ الـبــواخــرِ أو قُـــــرَىً مـتـدانــيَــةْ
فـتــطــولُ أعــوامـــاً فـيـقـصُــرُ طــولُــهــا=ذو نقْرسٍ(12)نـحَـتَـتْ ضـريـحَــهُ غـانـيَــةْ
قــالـــت لـــهُ:يـــا تــاجَــهُــمْ وسِــراجَــهُــمْ=أَسَــمَــاعُ نُــصْـــحِ مُـحِــبَــةٍ أم شـانــيَــةْ ؟
أتــرى النـزاريّـيـنَ (13) يُـؤمَــنُ مـكـرُهُـم=وبـقـولِـهــم قــــــد جـــاءنـــي شـيـطـانـيَــةْ
فـولائُـهُــم مــــن حــيــثُ كــــانَ بـرائُــهُــم=فــهُــمُ هُــــمُ إذ حِـمْـيَــرِيْ هـمَـدَانـيَـهْ(14)
شــمّـــرْ لـقــبــرِ نـبـيَـهِــم فـــــي يــثـــرِبٍ=واجْـــلُـــبْـــهُ إنَّ مـــكـــانـــهُ لــمــكــانــيَــهْ
وعــلــيــك بــالــرُكــن الـيـمــانــي إنّـــــــهُ=ورْثٌ لــنـــا أقـــصـــاهُ فــــــي كَـهْـلانــيَــهْ
فـتــكــونُ مـــــن عُـلــيــا نـــــزارٍ آمـــنـــاً=وتـعــودُ روح الـــربُ فـــي خـولانـيَـهْ(15)
فسَـرَى سُـرَىً وجَـرَى يسابـقُ فــي الـثـرى=جـــمْـــعٌ حـــســـابُ جـــنـــودِهِ أعـيـانــيَــهْ
فإذا النضا (16)وطأتْ لظى وادِ الغضا(17)=وتــعَــرَّشَـــتْ أطــوائُـــهـــا أغــصــانــيَــهْ
أُخِــذُوا بـصـرصـر أحـمــرٍ وأُحَـيـمِـرٍ (18)=لــلـــروع مــنـــهُ تـصـافــحَــتْ أمـتـانــيَــهْ
فيهـولُـهُـم مــــن ضـلـفــعٍ وسُـوَيْـقَــةٍ(19)=مــا ســدّ عـيــن الـشـمـسِ عـــن أعيـانـيَـهْ
مـــــن بـــــاب بـــغـــدادٍ وقُـــبَـــةَ بـــابـــلٍ=ذو عِــــمّـــــةٍ إخــــوانـــــهُ إخـــوانـــيَــــهْ
فـــيَـــرُدُّ عـالــيَــهُــم لـسـافِـلِــهــم وقـــــــد=أحْــيَـــى صـهِــيْــل عِـتَـاقِـهِــمْ جُـثْـمـانـيَــهْ
فــــإذا انـقـضــى دهــــرٌ تــمـــرّد أشــقـــرٌ=نــصَــبَ الـصـلـيـبَ وأخـلَـجَــتْ أوطـانــيَــهْ
فلَيَقْـتُـلَـنْ مـــن أهــــل دِيــنِــهِ مــــن =يــــخالِـــفَ شِــــرْكَ مـذهـبِــهِ ويُـجْـهِــدُ وانــيّــةْ
فــــإذا مــضَــتْ عَــشْـــرٌ تـقــلّــدَ سـيــفَــهُ=وغــــــدا يقـولُ:مـسـيـحُـكُـمْ !! آتــانــيَـــهْ:
سِـفْــرَيــنِ تُـثْــبِــتُ أنّـــنـــي مُـسـتَـخْـلَــفٌ=فـــي رزق أهـــل الأرض حــيــن دعـانـيَــهْ
فـتــســوجُ أصــقـــاعَ الـبــقــاعِ جـيــوشُــهُ=وشــعـــارُهُ :مـــــا الــشـــانُ إلا شــانــيَــهْ
فـتُـجِـلَّــهُ صـهــيــونُ خــشْــيَــةَ بَــطْــشِــهِ=ويُــشــوّقــونَــهُ أرْضــــنــــا وأمـــانـــيَـــهْ
فـبِـمِـصْــرَ يُــحْـــرِقُ أُمّــــــةً وبِــقُــبْــرُصٍ=أُخْـــــــرى ورُبَّ جــريـــمـــةٍ تـخـفــانــيَــهْ
فـيــكــونُ حِــلْـــفَ هِـلالــهــا وصـلـيـبـهــا=لِـقِـتــالــهِ بــالــقُــربِ مــــــن غـسّــانــيَــهْ
حــتــى إذا انـتـصــروا تــمـــزّقَ حِـلْـفُـهُــم=وتـقـاتـلــوا والــنــصْــرُ فــــــي قــرآنــيَــهْ
فـــإذا انـقـضـى دهــــرٌ تــزَنْــدَقَ أبــــرصٌ=فــيــمــورُ مـــــــن نـفَــثَــاتِــهِ ديــوانــيَـــهْ
فــيــضــيءُ لـــلأوثـــانِ كُــــــلَّ سَـقِـيــفَــةٍ=قـــد كـــدت أحـســب ضــوءهــا أعـمـانـيـة
قــــد كــــادَ يُـجْــحِــمُ بـالـحـجــازِ وأهْــلِـــهِ=لــــــولا أبـــــــادتْ عــبْــسَـــهُ ذُبـيــانــيَــهْ
فــإذا انقـضـى دهــرٌ بـــدت مـــن مـوصِــلٍ=ســــــودٌ يـــعـــومُ بـعـومِــهِــنَّ دُخَــانــيَـــهْ
فــتــقــام حــــــولَ مـــراكِـــشٍ لـلـقــاءِهِــمْ=بــيـــضُ يــلـــوحُ لـضـوئــهــنّ جُـمـانــيَــهْ
فــــإذا انـقـضــى دهــــرٌ تــصــدّعَ مــدْفَــنٌ=عــــــن ربِّــــــهِ فـتـبــاشَــرَتْ قـحـطـانـيَــهْ
حــتـــى إذا صـــبَـــأَوا إلـــيـــهِ أعـــادهـــم=ذو وحْــمَـــةٍ مـــــن مُـعـتــلــى عـدنـانــيَــهْ
فــــإذا انـقـضــى دهـــــرٌ تــربَـــعَ طــائِـــرٌ=فـــي عــــرشِ نــجــدٍ لا يـقـاصــي دانــيَــةْ
فـــإذا لـــوى ســاقــاً بــســاقٍ لــــم يُــطِــلْ=لـــهُ أشـعــثٌ مـــن (بـيـشـةٍ) فـــي هـانـيَـةْ
وهُـنــا انـتـهـى حُـلْــمُ الشُـجَـيْـرَةِ والـتَـهـى=قــلــبــي بـــصـــوتِ مــــــؤذّنٍ نــادانــيَـــهْ
أوَمَـــــا هُــنـــا حَــبـــرٌ يُـفَــسِّــرُ حُـلْـمَــنــا=مُـتَـبَـيِّــنٌ مـــــا فـــــي مُــبِــيْــنِ بـيـانــيَــهْ
مــــا أكــثــرُ الأحــــلام غــيـــرُ تَــخَـــرُّصٍ=لـــــم أسـتــمِــعْ يــومـــاً لــهـــا بِـجَـنَـانـيَـهْ
فــالــدهــرُ يـــومـــانٌ فـــيـــومٌ فـــيــــه أل=قــانـــي ويـــــومٌ فــيـــهِ مــــــا ألـقـانــيَــهْ
أَتُــعَــابُ؟ نــفــسٌ فــــي قنـاعَـتِـهَـا وقـــــد=أزِفَ الـرحــيــلُ وكُـــــلُّ نــفـــسً فــانــيَــةْ

ولّــي خـلـوجٍ عـلـى سـمـرا فَـمِــي تِـــرزم" = "كـــلْ هـــمٍّ اقـفــى تـــردّه جـــاي وتْـعَـزمـه
اوّل زمـانــي وانــــا هــمّــي ثــمــان ارزَمّ" = "واتـلـى زمـانـي وكــلْ رزمــة مِـيَـة رزمــة
من شطّ (قزوين) اجاوب شاطـي (القلـزم)" = "واطـراف ريشـي بـعـوق سْـبـوق منْلـزمـة
يـا سـاق لـو صيّـرك حـذف الطغـاة احْــزَمّ" = "غيرك عرب وانت عودٍ من عَـرَضْ حِزمـة
وقــتٍ تمـرسـل قـفـا علـبـاي كـــود ابْـــزم" = "وانــا مـتـى مــا بـزمـت الـبـزمـة الـبـزمـة
فياللـي ترانـي (قـزَم) عينـي تـراك (اقـزم)" = "ومـن آهَـلِـك مــن تـعـوّض قـربـك بْكَـزمـة
عن (موميا مصر) بحثي في (حصا زمزم)" = "وعلم(الـجَـبِـر) دارسٍ قـبـلــك خــوارزمــه
ما احدٍ عن (الشُبْـط) ينشـد (كنّـة المـرزم)" = "لا قــد تـخـاون ولا جـــاء بيـنـهـن لِـزمــة
يـا سعـود مـن كـلّ ذو عــزمٍ نبـيـك اعْــزم" = "واحـرص ماْكـلْ عهـدٍ بْْـه اعْــداك ملتـزمـة
وان شفـت لـك حـازمٍ مـسّ الحـزام احْــزم" = "خـبـلـك لـمــا تـحـتـزم والـقــوم محـتـزمـة
الحـرّ يغضـب والـى شــاف القـهـر يَـجـزِم" ="والعـبـد مـــا حـسّـتـه قولـة:عـلـى جـزمــة
يـا سعـود مــن لا نِـصَـرْه الله يـبـى يـهـزم" = "وصـيّـور منْتَـصْـرِةٍ يــا سـعــود منْـهـزمـة
اعــزم والــى مــا عـزمـت ايّــاك تستـعـزم" = "خـلْ ردّهـا فـي اكبـرٍ مـا هـوب فـي عِزمـة
مــا لازم الاّ ويجـيـك الصـبـح مـنـه الْـــزم" = "ومـن آهَلِـك مـن عــدوّك شــدّ بــه عَـزمـه
كـم خـشـم لــولا خـشـوم ربـوعـه بْيِِـخـزم" = "يأمـن وهــو يــا كـثـر نــاسٍ تـبـي خـزمـه
مـا كـلّ رجــلٍ طـعَـم هـرجـه حـلـو مـحـزم" = "وحلـو الحكـي فـي الشدايـد مـا يفـكّ ازْمـة
مـن دون قـولـة (نِـعِـم) سبعـيـن مستـلـزم" = "ما استلزم الفعل في( نصبه) وفي (جزمه)

تغطلس حاكم القطبين بين المارد وعفريت=حكم له شيخ له في كل قطب صروح مبنيه
غزاهم في ظلامٍ والسبب من ولعةٍ في ليت=ركب من فوق سبعينٍ على الالفين مع ميه
ثمان سنين ياناصر تجرع سم مع حلتيت=طحن له حبةٍ زرقا بجوف الداب والحيه
تغشّاه العرق بارد ولاهو حي لاهو ميت=وقف له من تميم الفين جنيٍ وجنيه
قراله نوتةٍ من نوت وقالت نوت ليت وليت=ليامنك كشفت ارقامها تقطع بجنبيه
وانا من قبلها في زاد مسلم قالط وسميت=وقبل الزاد فنجالٍ قدوعه حالي شويه
الا يانوت شفت الموت فوق الضلع باني بيت=وحدر الضلع ياناصر ثمان الاف عفريه
يسرحها يضويها مع الوادي ليا مريت=رفع رايه على جبال اليمن ماهي يمانيه
وانا لولا جذبني نور في نورٍ ترى ما اضويت=على وادي سماه بليل من غيمه صحاويه
اناظر في قدم رجلي على هوني ولازليت=ولاحت لي بيارق سود شرقٍ مع شماليه
سمعت الصوت يزهمني وانا في يمته ناديت=ورد الصوت من غربٍ وناداني جنوبيه
لقيت العبد الادريسي ينادي ياهلا حييت=على ضلعٍ تراجف فيه ديّه عقبها ديّه
تلقيته بوجهٍ منه مرتاحٍ ولا صديت=ولكن كل مخلوقٍ ابه حسنه وابه سيه
دخلت لمجلسٍ عامر وحاكم راعيٍ به هيت=عليه الشامه السودا براس المتن ماريه
انا سويت وش سويت لو سويت ماسويت=وجتني نوت بكتابٍ عرفت العلم تاليّه
على ناصر ولد فارس تراك اخطيت ثم اخطيت=الك نيه وله نيه وانا يانوت لي نيه
تهلي بك ثلاث الاف لامن رحت ولامن جيت=على جبال الجزيره للصدى روحاتٍ وجيه
ولكن ناصر لحاله يسريها وانا سريّت=ثلاث الاف عفريتٍ على وضحا عمانيه
اسل السيف الاجرد واحسب اللي فيه كم ادميت=قلوبٍ سود في بشرة حماره بنت شاميه
ملوك الجن بالمغرب معك وترد لي لاامسيت=تفرعّن حاكم الوادي بقاصيه ودانيه
تكفيت العنا ما بك قصورٍ في عناك اكفيت=تعلمت الصبر من وقت قاسي ماش حنيّه
تفرعن ناصر بشعره كسب له سمعةٍ مع صيت=اقوله والكلام لنوت ياخيٍ مدح خيّه
وواريته ثرى من قبلها تكبيره وصليت=بقى قبره اثر من فوق ضلع ونوت تحتيه
شهدتي له وانا شاهد ولوني بامدحه ما اوفيت=ابوفارس لحق عهد الزناتي والهلاليه
تزوبع زوبعه والروس الاربع قرنها خرتيت=جنوبيه شماليه وشرقيه وغربيه
على ميمون ماطافت علوم وفاالامور اخفيت=جرى دمه بعرق وكبده من الغل مرويّه
ابوديباجه ان حاشك بسوط مشّوكٍ غنيت=صدى صوته وصلني لو يجره فالسعوديه
شطائيلٍ مع شيخٍ كبيرن لا وصلك اغفيت=ولامن مات شيخه ماكفاه الفين مرثيه
تناسينا ولا ننسى على برقان كان الفيت=تبي تضحك على العالم مع هاذي وهاذيه
ملوك الجن جنّت من عقل صاحي ولا جنيّت=وتبقى الحبه الزرقا عن الحساد مخفيّه
نهايتها ياناصر اسلم وسلّم ليا رديت=عرفت العلم من نوت الرزينه والهواويه

على قبر اليتيمه نـوت ثوبـي بالخـلا شقّيـت = ذكرت الله وشبّت في ضلوعـي حـربٍ أهليّـة
عقب وِتْر السبع والخمس والتسبيح والتسميـت = طيور الما على سلمـى تغنّـي (طـاق طاقيّـة)
على باقي عرَق ساقي زجاجـة كاهـنٍ شمّيـت = على قِرْنـة حجاجـه نجمـة السِبْـط اليهوديّـة
على الجنب التهامي لبّسوني خرقةٍ فـي زيـت = تلالى مثل واري جمرةٍ فـي حـوض صفريّـة
على ساقة ملوكٍ من بـلاد الرافديـن أضحيـت = أركّب سـنّ واقلـع سـنّ لـو مالـه ولا ليّـه
وفي ريشة جناحٍ من حمام الأخشبيـن ادويـت = امّذْرِع شان واقـرع شـنّ وآبرقـع نصيريّـة
وعلى ظهر النعامة سافروا بي سبعةٍ من هيـت = إلى أعتى شعـوب الأرض الادنيّـه والاقصيّـة
ذبحت العبد الادريسي ونِجْـل الطاغية:حِبْرِيـت = بأرض المغرب الأقصى طبخت من اللحـم نيّـة
على تابوت نوت احيا واموت افنيت ما ابقيـت = ضربت الطار واجتاحـت عبيـد الـزار كونيّـة
على قبر اليتيمة نوت أجدّد حسرتـي لا جيـت = وأقبّـل ضاحكـات المـوت تحتيّـة وفوقـيّـة
على شانك ينوت اعميت خطلان البشوت اعميت = أقـارع كـل ذو سِـدْنٍ وذو خِـدْنٍ وكوفـيّـة
على شانك ينوت ادميت روس الخاينين ادميـت = أسرّج مِـرْج أمـرّج سِـرْج علويّـة وسفليّـة
على شانك ينوت اضرب بحدّ مْصقّـلٍ إصليـت = وكدنـا ننتهـي لـولا خيانـة عيـد الألفـيّـة
خبيثٍ من بني قومي سقاني حامـض الكبريـت = قرَت وسطه عجوزٍ من ذوي حضـرم ظفاريّـة
وبسم اللي لهول اسمه تزلزل منبـر السوفيـت = نحَرهـا اعلـى ظهرهـا جُبّـةٍ بالسـمّ مطليّـة
ثلاث دهور اصارع نافثات الـزرو مـا ذلّيـت = أغيّب شمس وادفن رمْـس والأصنـام مرميّـة
ثلاث ازمان أداقش مسرجات الجانّ في تكريـت = ثلاث ازمان تمْرخ لـي ملـوك الجـانّ رجليّـة
ثلاث سنين اعافـر نافخـات الطيـن ماولّيـت = ثـلاث سنيـن أكفّـن قاريـات التيـن بيديّـه
وثلاث شهور ألاعي نازلات الطور مـا ملّيـت = اجاوب جنب خيمـة ضاربـات الطنـب طبليّـة
وثلاث ايّام تنعاني سرايـا يـام ليـن اصغيـت = أقدّم كـوع اوخّـر كـوع يـا بيّـي ويـا بيّـه
لذي الفيروز سادن معبـد النيـروز مـا لبّيـت = لغير الواحـد المعبـود مـا أبديـت مـا فيّـه
بوادي برْك طارت بي حراير تُرْك يوم امسيـت = أعاشر ليـل عاشـر كـل ذي حمـراً نميريّـة
طباين سبْك تدبْك دبّك ساع اقبلت ساع اقفيـت = لسرْدٍ شـرْد جـرْد مـرْد اصيّـح كـل قيسيّـة
ببطن القِرْش اعشّي حايمات العـرش ماغدّيـت = وحرْش الطرْش اورّدها قليب الهرش عصريّـة
بوجه الحوت جلّ اللي خلقنـي ضيغـمٌ صنتيـت = هِزَبْرٍ مـا تحـرّك منـه ساكـن ألـف سكنيّـة
ورب البيت ما خلّيت منهـم بيـت مـا هدّيـت = أهـدّم دور وابـنـي دور والآيــات متلـيّـة
هل المزمـار عبّـادة لسـان النـار والباكيـت = بني الإفْرَنْج قـومٌ مـن فـروج الزنْـج مبليّـة
بكى سابور ذو الأكتاف في قصر الملك بلْهيـت = على نَيْكـل سقيفـة عابـد الهيكـل ضحاويّـة
تغطرس بِطرس النقرس وجينا له على التوقيت = من ارض الفرس وارض الروم جبنا القوم منهيّة
بعمّا والنبا والخمس من سـورة سبـأ شدّيـت = بقوّة مـا تواتـر فـي الليـال العشْـر مكيّـة
أقمنا دولـة الأيتـام مـن حِلّـي إلـى حِلّيـت = وآخـر عهدنـا مـا أورَدَتْ ليلـى الأخيلـيّـة
وانا ما هاضني فيما على بيض الورَق خطّيـت = شجـاعٍ لقّبـوه :أحمد.ولـه شلفـا وشبـريّـة
أعرف أحمد إلى جاء جاء وانا لا شلت ماحطّيت = تحامينا علـى وضـح النقـا والأرض محميّـة

مل قلب ما يكف=حيلته يوم اعتكف
ضرب كف فوق كف=لا يحِب ولا يحَب
بين سر وبين ضر=بين خير وبين شر
بين كر وبين فر=مثل غوّاص الغبب
لا يكل ولا يمل=مستحل مستقل
مستعز مستذل=مستربّ مستلبّ
يوم شفته يستدير=قمطرير زمهرير
مستثير مستذير=مستعل مستطب
قلت ابرقد واستريح=ويش بيدي لو بأصيح
وفوق تخت من ضريح=شفت موتي عن كثب
زارني وسط المنام=حلم اسود مستهام
قال والله ما تنام=لو تخبّى لو تخبّ
ولّ حلم في عجل=جل دق ودق جل
عن مرة صارت رجل=عن ربيب مستربّ
شفت في حلمي سحاب=احمرٍ مثل الخضاب
اسود ريشة غراب=ومرّة مثل القهب
يا سحاب في الخريف=من مشافه يوم شيف
يرجع المبصر كفيف=واخرس القوم يخطب
منه ساعة يستشيع=يختلف قلب الشجيع
ينقلب راس الرضيع=ابيض ابيض مشلهب
في جنوبه قدح نار=في مواخيره شرار
في مقاديمه حمار=مع سمار من عقب
حسبك الله من مطر=مويته دمّ حمر
ابرديّه من جمر=ساقه المولى غضب
ضوح برقه يوم لاح=دمع طفل يوم طاح
صوت رعده يوم صاح=صوت عذرا تغتصب
اوله طعنة جريح=واوسطه طيحة طريح
وآخره جثّة ذبيح=فوح نار ذا شعب
قلت هذا هو اكيد= من بلي به من يحيد
كل شيطان مريد=يال سوء المنقلب
اهلك الله فيه عاد=هل إرم ذات العماد
وكل طاغي في البلاد=للخنا قام يهذب
قلت لحظة يا سحاب=خذ سؤال وجب جواب
رحمة والا عذاب=انته من اي الجبب
قال عني لا تسل=روح للأقصى وسل
باحمر الدمع اغتسل=شعب كامل وارتعب
دون الاقصى ما نحيد=عن شبا السيف الحديد
عند ذالعرش المجيد=سد ثقب لا انثقب
وقمت من حلمي جزوع =شايف شيِّ يروع
وقمت ازوع المر زوع=وقمت اضب الفكر ضب
الحلوم المحزنة=ثانيتها عن سنة
عزي لمن تشحنه=كن بيديها مجب
وقمت احسب بانسجام=قلت اجل بارجع وانام
لا جزاها الله حلام=تكشف اللي في الغبب
وجيت مسرع في المسير=خايفٍ نومي يطير
ناحر هاك الوثير=مرقد حلو المذب
يوم طرفي في كراه =سج جاه الحلم جاه
حلم آخر وابتلاه=لين شفت الخبت خب
شفت لي شي يهول=يذبح القلب الزعول
لا يحيل ولا يحول=انحب القلب ونحب
شفت خمس مية شحوف=الصفوف اثر الصفوف
والسيوف اثر السيوف=عسعس الليل وسرب
شفت خيل حذو خيل=ليل صبح وصبح ليل
نوب حط ونوب شيل=نوب ربع ونوب غب
السيوف امفسّرات=والسهوم موسّرات
والرماح مكسّرات=وكل مسنون شرب
كل عذرا في غبيط=حولها طفل شطيط
من لحم جوفه يخيط=ثوبها يوم انسلب
ومسجد الاقصى ورا=عن وحمهم في ذرى
في وشاح لا يرى=كالذخاير في الجربّ
من فلسطين الرجال=من عمام ومن خوال
كبّر الاقصى وقال=هيّدوا يا اهل الثرب
دام هذولا هلي=احمد الله ما علي
اضرب الخبت الخلي=ما حسبت حساب غب
ربّع الاقصى ولعب=دونه الاطفال شعب
ما على الله شي صعب=لا شكوك ولا ريب
كل طفل في جماه=عضّ واظهر له حصاه
حط الاقصى في حشاه=وفي عيون النذل شب
سايق روحه فدي=بعدي والله بعدي
من يده ما هي يدي=عرش صهيون اضطرب
طفل برمية حجر=روّع اولاد الغجر
لين لاذوا بالشجر=واستغاثوا بالربب
صار شي ما يصير=ما عجز عنه الكبير
جابه الطفل الصغير=غصب غصب مغتصب
هو مثل غيره حريص=ولا العمر عنده رخيص
مير والله يا بخيص=باع روحه واحتسب
هو درى أن لا حياة=دون الاقصى أو نجاه
وان لا شيئا سواه=يوصل الجنة محب
ناطح الموت يعدي=وْلدي نفدا وْلدي
من سهيل في الجدي=في سما العليا دأب
وقمت من نومي مخيف=كن فوقي حد سيف
قلت لطفك يا لطيف=قرّ يا جنبي وطب
وقمت افكر واستخير=قلت ما في السهر خير
لا يعار ولا يعير=يحتصب ما يختصب
قلت عونك يا معين=ودوب طرفي يستكين
زارني عقب الثنين=حلم ثالث وانتصب
شفت لي طفل صري=أبلج عظمه طري
كنّ في خده زري=ضوح نار في حطب
لا بس ثوب حرير=قلت ذا شيّ كبير
يا ابن حاكم يا ابن امير؟=يا ابن سادات نجب؟
فوق صدره طيلسان=وفي يمينه صولجان
قدمه آلاف الحسان=خرّدٍ بيض خُلُب
ألف شقر غانيات=والف سمر جاريات
وألف بيض دانيات=لولبيّات القُضُب
وألف كالفيروز جرد=وألف كالياقوت مرد
وألف تُسقى ماء ورد=من جمال منتخب
فوقه احمر ألف كاس=قدّموها أهل ألف طاس
لا يباس ولا مساس=حمر خالطها صهب
نور خدّه والجبين=مثل نور الصالحين
أو كؤوس من لجين=بيض ما فيها شوَب
ريح ثوبه زعفران=ديدحان قحويان
فاح من بين الثمان=عود جاويٍّ أشب
كنّ في ثغره درر=وكنْ بياض ايده شرر
لا ضرار ولا ضرر=يجرح القلب المشب
وسط قصر كالزجاج=كنْ جداره برج عاج
وأسقفه ملحٌ أجاج=مثل منقوش الكعب
فوق عرش من جمان=لبّسوه الإرجوان
في جنوبه قرطيان=مثل مركوز الطنب
قلت من ذا يا ترى؟=إنس أم جنٌّ أرى
ويش ذا يا من قرأ؟=ويش ذا يا من كتب؟
قلت هذا شهريار=وشهر زاد اللي يسار
قلت لالا كيف صار=مثل ذا ماله مربّ
قلت هذا التركمان=أو أجل جنكيز خان
قلت لالا كيف كان=مثل ذا وصفه عزَب
خذت لحظة كالسفيه=عقبها اومى لي يديه
قال زاير قلت إيه=قال قلّط وارتحب
قال ابسأل قلت سم=قال ابطلب قلت تم
بس سلّم واستلم=قال يا ضيف درَب:
يعربي والا حديد=قلت له هات المفيد
قال مسلم قلت اكيد=لو شذبنا من شذب
قام قال ارحب يا اخوي=يا ابن امي وابن ابوي
لا مطيع ولا عصوي=حِلّ والمغرب غرَب
اسألك بالله يا ضيف=كيف حال القدس كيف
مسجد الأقصى الشريف=كيف حاله والصحَب
قلت لحظة يا صغير=وانت وجهك وجه خير
لا بشير ولا نذير=لا مغبّ ولا مطبّ
ودي اسأل لا تهون=من تصير ومن تكون
اختلط نون بنون=واختلط دبّ بدبّ
ودي اعرف يا نما=أنت من أيّ الحما
أرض والا من سما=لأيّ حيٍّ تنتسب
قال أفا,عن ذا وفا=ما خبر خافي خفا
ضاع وجه في قفا=واكثر الماضي حثب
أنت ناسي يا فطين؟!=قم وطالع فيّ زين
كان لك أُذن وعين=مْحجرها ما غرب
قلت لا تشره علي=النواظر كالدلي
دلو يرجع ممتلي=ودلو يفشل من جذب
مثل ما قال الخليل=النظر حطّاب ليل
خبط عشوا في مسيل=لا تلومه لو زلَب
والشفق ثم الغسق=والقمر يوم اتّسق
عن طبق أعلى طبق=ما بقى جرح وطبّ
بس ذكّرني وشوف=كيف يجذب صوف صوف
كلّ ذكرى وسط جوف=فوقها الماضي سهب
ثم سكتّ وهو سكتْ=وعقب ساعة ما انحكت
كلمة,عينه بكت=قلت يا صغيّر أجب
وسج لحظة ثم بحَص=شمّر الكم وقحَص
شفت في عينيه حص=دمعة ماها دعَب
دمع موق روق روق=نوب تحت ونوب فوق
في مثل سمر البروق=اسود العين اغيَهبّ
وجض قلبه واصطفق=وهل دمعه واندفق
وقام يشبح في الأُفُق=كل نجم مضلهبّ
وشفت في عيون الصغير=راهبٍ في وسط دير
ماردٍ في وسط زير=جمرةٌ ذاتَ لهب
طفل قلبه قدح نار=شظوةٌ تقدح شرار
ساكنين اقصى الديار=من سناها في غيَب
قلب طفل ابو ثمان=نبضته في القيروان
أسمَعت من في عُمان=وأرعبت من لا رعَب
وعقب ساعة في سما=التفت كنّه عمى
في عيونه طشّ ماء=عاكس النور ورغب
قال سبحان المعين=وين أنا قبل امس وين؟
وشوف انا ذا اليوم وين!!=في جنان لا تُسبّ
وقلت أنته وش تقول=وش خبر ذولي وذول
لا تجنني اقول !=شف ترى راسي ضرب
خل قلبي يستريح=يالصغيّر كن صريح
ذي.هي الجنة صحيح؟=والا ركبة مالركب
قال يا طالب غنى=ها هي الجنه هنا
وكان ناسيني فأنا=من هل القدس انتسب
يوم الاقصى صاح صاح=الكل قالوا طاح طاح
كود انا درت السلاح=رب نصرا كان رُبّ
مسجد الصخرة ينوح=وقبة الصخرة تلوح
ما بعد هالروح روح=لعنبو من لا حضَب
يوم صوّت لي وقام=قلت اقول ارتح ونام
دام انا حي بتقام=والامان بيستتب
قال انا روحي بيديك=لا يخيب الظن فيك
قلت افا والله عليك=انت عيني والحجَب
يوم ينخى اهل العبي=بإسم عيسى والنبي
قلت أمرك وش تبي=ما تبي عده وجَب
آه يا لبّى ثراك=وآه يالبّى سماك
يا عسى روحي فداك=اطمئن واقدع رطب
يوم جدرانه شكت=جرّت الصوت وبكت
لعن ابويه لو سكتّ=والله لا اشبّ الحرَب
يوم كلب الصومعة=في خضمّ المعمعة
جاب خرفانه معه=يحسب الاقصى مصبّ
يحسب انه يستطيع=دهمة البيت المنيع
ما درى أنّا جميع=ارواحنا دونه نَهِب
يوم حكّام الفلَس=خانعين للدنَس
هايمين في الونَس=يْتساقون النخَب
قلت لا واللي خلق=ابن آدم من علق
ما نطاوع للسلق=وآخر الدنيا مضبّ
عن محرّفة الكتاب=دون بيت الله حجاب
قوّةٌ منها يهاب=راس قوم لم يهَب
صفّت الاطفال صف=دون الاقصى صفّ صف
يا موصّف وش تصف؟=من مروّية الغلَب
من مطلسمة الخطوط=من بقايا قوم لوط
في حجارتنا صعوط=فيه للغاشم عطَب
من ثعابين الوطا=ما رضينا بالخطا
سيفنا سيف سطا=في جناب وفي جنَب
بالوجيه العافرة=والقلوب الكافرة
جاء وبيّن خافرة=كلب صهيون ولعَب
بالنفوس الدانية=والرقاب الحانية
يبغى ولد الزانية=في حما الاقصى يطبّ
ابصواريخ تروع=مع مدافع مع دروع
صنع عبّادة يسوع=صال في شعب عزَب
بألف طيارة شبح=وألف غواصةسِبَح
قلقص الكلب ونبح=من كلاب في كلَب
بالسفن ذات الرؤوس=والكواسح والتروس
شبّ له حرب ضروس=كان عهد امس وقلب
بأسلحته الضاربات=والقنان القاهرات
جاء عشير العاهرات=ثوّر الحرب وثرَب
يالوجيه الدانعة=والجلود الخانعة
جاء يدور اليانعة=...أمّه مستقبّ
مير ربي قطّنا=في نحره وحطّنا
من شرب كاس الطنا=يثني لا مِسّ الحقَب
لو يجيب اللي يجيب=الف مليون حريب
وكلّ عبّاد الصليب=وكلّ عبّاد النٌصُب
لو يجيب اهل البطان=من شياطين وجانّ
الجبان ابن الجبان=ما عرفنا له حسب
نقلبه من فوق قلب=ونحلبه من تحت حلب
كلب ابن ستين كلب=ثب يا إبن الكلب ثب
بالقلوب الطاهرة=والجباه الزاهرة
والعيون الساهرة=مرابطين فوق قُبّ
بالسيوف الساحقات=والرماح الماحقات
والجياد اللاحقات=نستلم سِرو العِبَب
السيوف من الشجر=والرماح من الحجر
والجياد ارضٌ زجَر=رملها الطاهر وهبّ
من ثلاثة لا ثلاث=كلب صهيون استغاث
قام يمشي في الحثاث=حافيٍ ياطى القِتَب
عقب فسقات الرخا=لان راسه وارتخى
وان تعزوى وانتخى=ندعس امه بالكعب
وكان ما طاوع ولان=نلحقه نارٍ دخان
مثل نار الموبذان=تحرق القلب العسَب
دون قبة مسجدي=يا سرائيل اهجدي
اسجدي تحت اسجدي=مالك اليوم مْحَجَب
حن محيّرة القطا=الخطا عجل الخُطا
العطا عقب البطا=سلّة السيف الحدَب
كل طفل من طلع=به على الهيجا ولَع
ما عشقها من دلَع=كود من جبٍّ يجبّ
في جهار من نهار=شبّت الأجواء نار
صوّت الاقصى وثار=مثل ملحٍ لا التهب
قلت أمّن واعتلم=من دخل وجهي سِلِم
يلعن الله من ظلم=ودون حقك ما وثب
ابشر ابشر بالسعد=لا يهمك من وعد
لوّ قام ولو قعد=لو تطاول للشٌهُب
يا حبيب حنبله=من حشاي وسنبله
لو رموا به قنبله=نبت غير الحبّ حبّ
يوم ردوا للسلاح=والفلاح من الصلاح
دمّرت هوج الرياح=بيت صهيون الأكبّ
أحد رشّاشه معه=واحْدٍ اعزل ما معه
كود حيدٍ نزرعه=في جباه اهل الثغب
والحجر في يد أسد=يْحَصِد ما لا حصد
ألف رشاش بيد=كلْ جبانٍ مستخبّ
بيننا طال النهار=لين أمر الله صار
صابني منهم عيار=يحمد الله من طلب
صابني يوم المصاب=طلْق رحمة لا عذاب
وشفت أنا حسن المآب=شوف عينٍ ما كذب
لو دروا من بالعمد=غرّهم طول الأمد
ما وهبنيه الصمد=بعد دهرٍ ذا سغَب
كان ذبّوا بالحياة=ذبّة الحافي حذاه
وكل سلطانٍ مناه=جنّة عز الطلب
مثل ما عينك تشوف=جنة عنها الوصوف
تقصر وعنها الحروف=ما تصب ادنى مصبّ
وقلت حسبك بسّ بس=بسّ.ما يحتاج مسّ
لا تهسّ ولا تنسّ=جوّد اللحم العصَب
وقمت اهلّ الدمع تحت=ثم برد حيلي وطحت
قلت ما الومك لصحت=أوّل السكرة رضب
يا صغيري يالحبيب=هالشكل ما هو غريب
قال:قل,يمكن تصيب=من قضب دلوٍ جذب
قلت واحد بسّ مات=واسمه محمد ثبات
والعمر سبع سنوات=صارع الموت ونشب
قال:ياناصر وصلت=ذا جواب اللي سألت
ان عدلت او ما عدلت=كل عود له مشبّ

يا محمد بن جمال=يا ابن ابن درة تعال
ريح دمك لا يزال=يثوّر الأمّة غضب
قال وحتى يا رفيق=الطريق هو الطريق
واللجج ما بل ريق=مثل نار بلاحطب
قلت:ليه؟وقال:هه=كل شعب له جهة
باني له فوّهة=وان بغى ينجح رسب
قلت ما تدري وكاد=ويش سووا في البلاد
يوم نادوا للجهاد=جت مكافحة الشغَب
قال قابلني إذا=جاك أحد منهم في ذا
تحسب الدعوى كذا=دون جيّتهم ضبَب
قلت في هرجك غموض=قال تبغاني أخوض
قلت كلْ شيْ له فروض=كل قانون بسبب
قال أجل على البلاط=قصدي أصحاب البساط
كل جبار محاط=بالعساكر والكِتَب
قلت قرّب لي شوي=قال واضح كلّ شي
يا أخي خلك معي=قصدي اصحاب الرتَب
كل سادات العرب=همها حفظ الرتب
همها جمع الذهب=تحسب الفقر مْعَيَب
من الخليج اليا المحيط=كل حاكم في غبيط
عن ألم شعبه مُغيط=مع مخمّرة العنب
كل حكام الشعوب=من شروق في غروب
ما تخيط فتق ثوب=جنح ظلما لم تغب
بس تحشد في الجيوش=من أجل حفظ العروش
خايفة يوم يهوش=شعبها والا يقبّ
كل من لبس الصواع=جاع شعبه صاع ضاع
ما يهمْ دام الصواع=فوق راسه ما انسحب
دام عرشه في يديه=كل شعبه طز فيه
وكل شي العنة ابيه=في العنته أمٍّ وأب
دام عرشه في ثبات=طزّ في شعبه لمات
بات والا ما يبات=بنار تحرقه ولهب
دام عرشه في ذرى=كل حاكم ما درى
لو كلا شعبه ....=لو تسلّخ وانصلب
من حنى راسه لعرش=بيبيع ارضه بقرش
وبأقل من ربع قرش=تلقى عرضه ...
كل حاكم عن مطيح=شعبه الثكل الجريح
فوق عرشه مستريح=بين ود وبين حب
كل حاكم لبس تاج=ساج عن شعبه وماج
ما يراه الا دجاج=أو قطيعٍ به جرَب
يا ابو فارس وش هقيت=في مصدّرة البكيت
ان بكيت او ما بكيت=قلب قادتنا قلَب
لو ترى الناقة تبيض=ولو طيور الما تحيض
ولوّ ماء زمزم يغيض=وتطلع الصبخا ذهب
ولو بعد شاب الغراب=وآمن ابليس وتاب
ولو يحجّن الكلاب=وتاب فرعون وخطب
ولو رعى الذيب الغنم=ولو حكى صم الصنم
ولو يصير الميّ دم=ولو يتوب ابو لهب
ولو غدا القاضي جحا=ولو يصيب اشعب سحا
ولوّ من قبره صحى=ابن عبد المطّلب
ولو يصير العبد عم=ولو نسى العود المعمّ
وعاير السيف القلم=والدبا صارت دبب
ولو تطير السلحفاة=ولو خلط داب الصفاة
بالحلاوة سم فاه=ولو يصير الدب ضبّ
ولو يصير المستحيل=ولو يصير الصبح ليل
ولو يصير الراس ذيل=والجبب مثل القبب
ولو يخاوي القطو فار=والحمار ابن الحوار
ولو يخاوي الثلج نار=ولو يصير العلباْ عِب
ولو تصير الست خمس=ويصير باكر ليلة امس
ولو بدت في الليل شمس=وتشرق الشمس مغرب
كل شي ممكن يصير=الا شي واحد ما غير
مستحيل انه يصير=بأي ربع وبأي غي
مستحيل مستحيل=ان تلاقي بأي جيل
قائد ما هو عميل=عاهلٍ ما هو ذنب
قلت اقول اربط جحَشْك=صك بالبرقع وحَشْك
كان به شي محَشْك=في العرب لقّاط حب
لا تعمّم يا خبل=آفة العلم الجهل
كمّ به قائد بطل=وكم من زعيم ما يسب
ازعج اذني حس طار=وطار نومي طار طار
من يمين ومن يسار=كل آتٍ قد ذهب
وقمت من نومي وصحت=قلت تكفى لو سمحت
يا محمد وين رحت=لي على طيفك عتب
ليتني مع حلم دام=ساعةٍ عشت الف عام
آه يا محمد حرام=وين أرضك والمربّ
يا عيوني هللي=حرمي أو حللي
في بطن حجلة طلي=يال سوء المرتقب
ما تشكى ضامري=حب بنت العامري
ولا لعبت السامري=ولا رقيت المطلحب
يا جروحي كبّري=أقبلي أو أدبري
كسّري أو جبّري=ماء هدّاجٍ نضَب
يا ضلوعي نوّخي=في حشاي وفرّخي
وان زعلتي صرّخي=مثل من صاح ولتَب
يا مداين شيّعي=احفظي أو ضيّعي
لن يعي من لا يعي=لو عوى الذيب وقنب
صرخةٍ بأقصى البلد=روّعت من في المهد
أخرجت من في اللحد=كل ذا قلبٍ أشبّ
صرخة الاقصى الكريم=احيت الجرح القديم
وكل ما تحت الأديم=من عصور ابنَ وهب
صرخةٌ في إيلياء=أفجعت قلقيلياء
جاوبت إشبيليا=لحن أصداها شحب
صرخة الاقصى الأبيّ=زلزلت قبر النبي
والف قبر يثربي=جر صوته وانتحب
صرخة منها استهام=منبر البيت الحرام
عانق الركن المقام=موعد الحشر اقترب
صرخة هزت عزاز=أرض نجدٍ والحجاز
في تهامة كل باز=رف جنحان الغضب
صرخة أم الأبرياء=في قصور الأثرياء
ردّدتها سوريا=من دمشق اليا حلب
صرخة هزت بلاط=كل قصر في الرباط
ثوّرت أهل الرِّباط=كل إبن أمٍّ وأب
صرخة منها يهيج=كل شبر في الخليج
نار تقصدها الحجيج=في جماد وفي رجب
صرخة هزت طباق=أرض بابل والعراق
والتوت ساق بساق=أرض فارس والكرب
صرخة هزت لدن=أرض صنعاء اليمن
حضرموت مع عدن=سد مأرب والشعَب
صرخة هزت عمان=واربع في القيروان
وطار بالسودان جانّ=من عظيم مجتلب
صرخة هزت سميت=ليبيا حتى الكويت
وبالجزاير بيت بيت=نارها شبت لهب
صرخة منها انشطر=طود بحرين وقطر
وفي الامارات انفطر=كل قاعٍ مشلهبّ
صرخة في ظاهرة=جاوبتها القاهرة
أرض مصر الطاهرة=وصمةٌ إن لم تجب
صرخة هزت قصور=بعلبك صيدا وصور
وكل الاردن سور سور=وسايح البرّ انقلب
صرخة منها استحال=بحر صومالا ومال
موريتانا جال جال=وغور جيبوتي زهب
يا رجال العرب وين=كن ما فيكم أمين
الكبار مخدّرين=وارض الاقصى تنتهب
لعنبوكم كيف كيف=دونكم يومي بسيف
طفل توْ عظمه صخيف=ذاد عنكم واعتصب
طفل صدره خندقة=عظم كفّه بندقه
في ضلوعه خندقه=يعتننقها لا انسحب
آه يا والله القهر=ألف مرة في الشهر
من الصباح اليا الظهر=من عصر اليا مْغَرِب
غرّكم من هو يقول=أن عبّاد العجول
عندهم جيش مهول=وا خسارة من رهب
السلاح بلا قلوب=لا يثوب ولا ينوب
حن صناديد الخطوب=حن عريبين النسب
ما رضخنا للعصيّ=مْعَصِي ثم مْعَصِي
قوم ارجلهم خصي=بمثلهم كيف نْحَسِب
القلوب مخمّرة=والرجل منهم مرة
لو تصيقر حمّرة=ما تضوّي راس ضب
استجرتم بالطغاة=ثم نسيتم واسفاه
أنّ جانبكم إلاه=وعنكم النور احتجب
يوم وطّى روسكم=احتقار نفوسكم
كلٍّّ اضحى يدوسكم=حتى بوم ابو حقب
يا مكبّرة اللحى=والعذارى تستحى
وصفكم يشبه جحا=من خبيب في خبب
لا صرخ هاك الصبي=وفرّعن سود العبي
ما تجون الا حبي=لعنبوكم من حِزَب
لعنبوكم خير خير=كل ذي ريش يطير
لا قليل ولا كثير=كلكم حسوة جرَب
كان ناسين اليهود=آبي اذكّر باليهود
هم مصبّغة الجلود=هم مدنّسة الجِعَب
لعنبوهم فرد فرد=كلب كلب قرد قرد
المحارم جرد مرد=والرجال اهل مْعَلَب
يقتلون الانبياء=ويعبدون المومياء
لا كرامة لا حياء=باقية شعب خَرِب
كذّبوا موسى واخوه=واذبحوا يحيى وابوه
فوق طست قدّموه=لل....... .......
وابن مريم كذّبوه=خاصموه وحاربوه
لولا ذو العرش اصلبوه=فوق عود المنقرب
اقسموا بالفانية=أنّ مريم زانية
واولغوا في الآنية=ونجّسوا نهر الحبب
صادوا الحيتان يوم=سبت واصغوا للنجوم
عقب ما هم كان قوم=راحوا قرود عُصب
تاهوا بسينا سنين=في سنين الأربعين
لا معان ولا معين=تايهين في النُقَب
افسدوا وسط الديار=واسجدوا في اول نهار
عند عجل له خوار=والدما حد الركب
ويوم طالوت بغى=قتل جبّار طغى
ادبروا قبل الوغى=شرق يبغون الهرب
احمد قد سمّموه=اغدروا به واسحروه
وآزروا من حاربوه=ابن أخطب ذو الجِلَب
فيهم الفرعون سيد=ساطهم سوط العبيد
بالحبال وبالحديد=والفوا منه التعب
بالرجال انزل بلاه=وبالنسا خدّم نساه
لين موسى جاه جاه=وكبّله راس وكب
وبختنصّر ذو الوثاق=بين فارس والعراق
ساقهم سوق النياق=نصْ ونصّ آخرْ صلب
وهتلر عشّى بهم=جايعات كلابهم
زين ما سوى بهم=يوم خلاهم صلب
للغواني يركعون=وللزواني يسجدون
لا جباه ولا عيون=جاثمين في الذرب
هم قووايد الخنا=هم عماميل الزنا
لا هناك ولا هنا=هم مجنّدة القحب
اعظم الامم ذنوب=وانجس العالم قلوب
ضايعين في الشعوب=لا مربّ ولا مضبّ
زين الدنيا لهم=شمعدان اطلالهم
المذلة فالهم=في الحناجر تشرأبّ
حلت اللعنة بهم=سابحين في وهم
مثلهم مثل البهم=في رجاء المرتقب
الدياثة طبعهم=والخنا من نبعهم
ساد فيهم ضبعهم=اهب يالملعون اهبّ
هم اذل العالمين=لا بدنيا لا بدين
كارهين صاغرين=لو علوا هام السحب
شعب كل يلعنه=ماله الا المسكنة
لو سعى ما أمكنه=في الامم صاروا ذنب
مالهم في الارض أرض=عرضهم ما هوب عرض
حكم هتكه فرض فرض=فرض عين إن وجب
من ذبح فيهم وحيد=هقوتي له اجر الشهيد
بشّره يوم الوعيد=يال حسن المكتسب
والسبب أن اليهود=ذبحهم يبرى الكبود
آمّة تؤمن بعود=ولا ترى في الرب رب
لو بيدها اخطر سلاح=شعب اذل من السحاح
طفل بليا سلاح=شاعهم شوع الهلب
من حجر طفل شهر=شافوا نجوم الظهر
طفل في عمر الزهر=شب فيهم واحتطب
طفل خلاهم خشاش=كيف لو بيده كلاش
مثل ذا الطفل او بلاش=من نسانا في الطلب
كيف من ذولا نخاف=يا موسّرة اللحاف
الحلايل تستضاف=والمنازل تقتضب
لعنبوكم من رجال=انخدعتم في مقال
لا سلام بالقتال=بل بإبرام الخطب
ما بعود الخيزران=قهر رمح ذي سنان
لا ولا بالسنديان=عاض عود من قصب
يا سلام آخر سلام=لا سلام بلا حسام
من سلام يا سلام=فيلق الطاغي غلب
غاية من دون سيف=يا رجال العرف حيف
ما شتاء يأتي بصيف=ولا من الآغا انخطب
آه يا امة خلف=للأمم صارت علف
تاخذ الذلة سلف=مجدها الماض اغترب
يا...... الدول= كيف تحقيق الأمل
دام طيبكم خول=والذنب فيكم شنب
آه يا شعبٍ ذرف=وين يبغى له شرف
شعب الهاه الترف=واحرق الدمع الهدب
شعب اعمى ما يشوف=بين حوف وبين خوف
بين ابو عايف وعوف=متربّع له كنب
فوقهم شب الرصاص=كل حايص ثم خاص
وكل ما قالوا خلاص=ابتدى بأخرى وشب
فوقهم سيف كما=قذف نجم من سما
وهو على صهيون ما=سل سيف من خشب
اجتماع كبارنا=ما يطفي نارنا
لين ناخذ ثارنا=والفشق صوته طرب
ما عساهُ أن ينم؟=اجتماع للغنم
يا صنم قابل صنم=كل نتايجكم لغب
هم يسموه اجتماع=اجتماع للسباع
ولا يجيه الا الضباع=وكل ثور مقتصب
الولد مما نشا=والقدم مما مشى
والحشا مما انحشى=فيه بارود وحب
لعنبوكم من رجال= ما تضوي راس مال
همكم في كل حال=كيف توثيق الرتب
لعنبو مصلوبكم=عن صواب شعوبكم
غامسين كوبكم=في الزبيب وفي العنب
لعنبوكم كيف جات=طفل ابو سبع سنوات
دون الاقصى استمات=في جحيم مصلهبّ
طفل ما هاب الفنا=دون بيت الله ثنا
وانتم ولا انتم هنا=من سرير في كنب
باع دنياه بثمن=الثمن جنة عدن
قبره ارضه والكفن=قبة الاقصى الأشب
يا شعوب آخر زمن=من يبيع الروح من
ليس من حياً كمن=باع روحه واحتسب
مسجد الاقصى يضام=هه يا سادة يا كرام
وين من صحصح وقام=وطوع الكلب الأغبّ
يا مكثّرة الخدم=كلنا لحم ودم
البداية من عدم=والنهاية في تُرَب
يا بشوات القصور=يا بهوات الخمور
ما درى باهل القبور=من قضى وقته طرب
عن الم كل الشعوب=نظرة الحكّام صوب
كل قائد يم صوب=راح يبحث عن لقب
ولا تطول ارقابها=ناس لولا القابها
ما حسبنا احسابها=لا اصول ولا حسب
يا مليمة الخدن=سابق المجد الزمن
حكم ياسر راح صن=وانطحن في الراس حب
يا ........ العرب=تبت يديكم وتب
مثلما تبّت وتب=يد شارون وتب
خل ترديد الحكم=وقل لنا يا ابو الحكم
بعت دم شعبك بكم=وكم ولد طنطا قضب
بس يا ياسر خلاص=كل جرح له قصاص
لا ملاذ ولا مناص=...................اهب
بس يا يا,, ....=ما ورا هذي ورا
من هو جايبنا ورا=غير شاكلتك ..أجب
ولو وجوده ما افاد=مستحلين البلاد
كان مثل ابو جهاد=عيدوا بك يا ذنب
لو ..... .........=منك عز وراس مال
دبّروا لك اغتيال=او سعوا لك في العطب
امة تذبح فدي=نصف شعبك يا ردي
ولمصافحها تعدي=لعنبو هاك الشنب
راح دم شعبه سلف=والسلف مثل التلف
لو بينكر ويحلف=يْعَقُب ثم يعقب
كان مقصده السلام=يا رفيق اخذ الكلام
عطّف الطاغي شمام=الحرَب ثم الحلَب
عمر حبر في ورق=ما يرجّع ما انسرق
كل شيّ له عرق=والعرق مثل السبب
ما ورا كوفي عنان=ذلك العبد الجبان
الخصي حلو اللسان=كود ذلّ ومْغَلَب
.
وين مرخين الخطام=وين مروين الحسام
وين مقفين الظلام=ايه!! لله العجب
وين صافين الذمم=من معصّبة العمم
وين أعلام الامم=وين أرباب الرتب
وين حامين الخبا=في البيان وفي الغبا
وين مروين الشبا=عن حريم تحتلب
وين مرعبة الجموع=عن مسبّلة الدموع
عن رضيع يموت جوع=عن رضيع يموت جبّ
وين بانين الذرى=وين قازين الكرى
وين عبّادة حراء=وين حلوين القرب
وين كاسين الفرود=عن مصلين سجود
عن هلٍ كانوا رقود=يذبحون ولا تهبّ
وين مرغمة الخصوم=كانها نامت تقوم
هذا ما هو وقت نوم=ما ورا النومة شبب
وين مسقين السيوف=وين مردين الحتوف
كل عين ما تشوف=جعل فيها يثرّ شبّ
وين مدّبة العُصاه= عن طواغيت طغاه
آه ثم آه آه آه=كل بن كلب نهب
وين حامين الرغام=وين حاجين الجهام
عن حلال هو حرام=حلّلوه اهل السلَب
وين نزرين الرجال=وين عزرين العيال
مثل (فيصل) أو (جمال)=لا بغى شي وجب
وين غاذين الحصن=عن مصون لم يصن
يوم طقن صن صن=يا مكبرة العيَب
وين صعبين المراس=ما ستر بعض اللباس
فضّة صارت نحاس=مير شب النار شب
وين جبرين الضلوع=يا محمد يا يسوع
عن منام فوق كوع=امة راحت كبب
وين حامين الحمى=ادرك الكبد الظما
هيه يا مال العمى=كيف يكسب من كسب
وين مشبعة السباع=والجياع من الضباع
وين مزحمة القلاع=وين مدركة الصعب
وين مجرعة الحساس=وين ملهبة الحماس
كل ذيل صار راس=واستوى عظم العصب
وين صلفين التروس=وين معطين الدروس
دكت الحرب الضروس=وهم ورا سود الحجب
وين عسرين الجبال=خازمة روس الجمال
عن مروبعة الحبال=عن ملغّمة الحلَب
وين مردمة الحيود=وين مضرمة الكبود
وين مدحمة الزنود=وين متعبة الثعب
وين بارين السهوم=وين جزمين العلوم
وين ذربين السلوم=وين بارين الكلب
وين ملحمة القنا=واردة حوض الفنا
حامية رهو الضنا=ويوم ساء المنقلب
وين زاهين الفصوص=وين مفحمة اللصوص
وين مقطبة النصوص=وين أساتذة الكتب
وين شمطان اللحى=من عفاريت الضحى
عن دواليب الرحا=يوم دارت بالسعب
وين مصخين القلوب=وين مرخين الجيوب
عن ذنوب في شعوب=من مقصدرة العلب
وين ظفرين البخوت=وين ضافين البشوت
كيف ترضى بالسكوت=والطلق تحت الطلب
وين متعبة العسيف=وين مرهقة الحفيف
وين منقذة الحليف=وين حامية التلب
وين عطبين الطعون=وين مرهين الصحون
عن موسّعة الطعون=عن مرقّعة الجلَب
وين فزعات الشيوخ=الشيوخ اهل الشموخ
عن صغار كالفروخ=دمها صب وسكب
وين مدركة الذبيح=شافية قلب الجريح
مقعدة راس الطريح=تلحق الدم الركب
وين مطلقة الرصاص=يوم ماص فوق ماص
لا ملاذ ولا مناص=والهرب ما من هرب
وين حمران العيون=وين قاضين الديون
وين مثنين الجنون=وين ملحقة العصب
وين قادات الجيوش=وين سادات العروش
وين وثبات الوحوش=عن مطوّية الحقَب
وين صلبين الكيان=مرتضى خضر الجنان
يوم عشر جت ثمان=وبرزخ الحشر اقترب
وين موجهة الخيول=وين حاملة الحمول
وين هدات الفحول=يوم كل فحل ينبّ
وين سفرين العمل=من منوّخة الجمل
يوم الاقصى من الهمل=كش وجهه ثم شحب
وين عقبان الرجوم=مرقبة بيض النجوم
لا دفاع ولا هجوم=والشلي فيهم ذرب
وين أبحار الندى=مجهدة جند العدا
وين اقلام الفداء=ما احدٍ فيهم وظب
وين مرسين الديار=وين صنّاع القرار
من يمين ومن يسار=مثلهم مثل اللعب
وين غلمان الثنا=شاربة كاس الطنا
بالقنا لا بالغنا=مصاب مجد لم يصب
وين عشاق الصلف=وين طراد الكلف
يا خلف أفضل سلف=في الزمان المحتجب
وين حامية الذمار=وين مرخصة العمار
صيّحت ذات الخمار=وين ندب المنتدب
وين مدخلة الدخيل=عن يويل وقطع حيل
بين حط وبين شيل=بين مدح وبين سب
وين مكعمة الحريب=عن صحيب وعن قريب
قطع صيب وشق جيب=كل ملهوف ندب
وين مرذية الركاب=مخرجة ما في الجراب
وين مكرمة الحراب=عن ضعوف تطّلب
وين مصخية الرقاب=عن سؤال هو جواب
ما ورا هذا الجواب= يا مجدّدة النسب
وين الاحرار الحرار= عن طوال وعن قصار
الحمار بن الحمار=عن شرفنا لم يتب
وين دبكات الجنود=وين رزفات الحشود
بالمسالم لن نسود=عدّنا طين لزِب
وين حومات الصقور=وين رفّات النسور
وين ركضات النمور=مسجد القدس اضطرب
وين لبّاس الحديد=عن مية الفٍ شهيد
يوم سيقوا كالعبيد=يقتلون بلا سبب
وين صولات الاسود=وين خبطات الفهود
وين صعقات الرعود=يوم ريح الحرب هب
وين مدّية الفروض=وين ساترة العروض
يوم أغرتها العروض=واسلمت من كل لب
وين بانين الحصون=عن هلٍ يستنجدون
في القبور وفي السجون=استبدّبها الوصَب
وين معلين البروج=وين مخلين السروج
وين ماشين الفجوج=من مدابيس السرب
وين وين اللي بحض=قال لالا وانتفض
ضف ريشه وانتهض=جر صوته ثم قنب
طش ثوب الذل عنْه=وزحزح الذل ولعنْه
وساق للأقصى ظعنْه=سرّج الخيل وركب
اقعديني يا مها=انتهى القول انتهى
يا لبيب القلب اها=في العرب عقرب نشب
عيش يومك واترك امس=واقلع الشيطان وامس
ثم صلْ خمس وخمس=فوق سبعك والركب
لوّانا ما امون امون=لو يكون اللي يكون
من سيوف الأقربون=في وجه ربي مُكِبّ
بتبارك والعلق=وجزء عما والفلق
عذت من شر ما خلق=وغاسقٍ إذا وقب
وجه من أنزل سبا=والمعارج والنبا
لذت من خابي خبا=وكل من خب ونكب
منزل قافاً وزاد=الف لامٍ را وصاد
كاف ها يا عين صاد=غير ربي ماش رب
منزل آيات الرعد=قل هو اللهُ أحد
والمسد هي والبلد=هو ملاذي والمربّ
منزل اقرا والطلاق=والضحى والانشقاق
هو ملاذي يوم ضاق=بي فضا الكون الرحب
منزل آيات الزمر=والتكاثر والقمر
رب نونٍ والحجر=باسمه الفرد احتجب
من بدا بالبسملة=كل آيٍ منزلة
الضحى والزلزلة=في كتاب ما كذب
منزل السبع المثان=والبراءة والدخان
خالق إنساً وجانّ=جاعل لكلْ شيء سبب
ذا نهاية ما نظمت=من حلو قافٍ حكمت
يوم سلمت استلمت=كل مصبوبٍ على اب
من قصيد ما يموت=ملحمة فيها البيوت
الف قاف جت ثبوت=وبحر فكري ما نضب
هي هدية من فقير=القبر طفلٍ صغير
هيّض بموته ضمير=له سنة ميت وقبّ
ذا وخاتمة الكلام=السلام ازكى ختام
عد ما يضرب سلام=عد من هبَّ ودبّ
ما جرى عيد لعيد=وما سعى عبد لسيد
للنبي احمد وازيد=لآل عبد المطّلب

سلّمي يا روح ما من حبّ حلـوات البناجـر = غير قطعة خام غيرك ياليتيمـة مـا وجدهـا
آه ما أكبرها فضيحة عجزت أطراف الخناجـر = لا تموّتنـي ومـتّ بنظـرةٍ واهـيٍ جهَدْهـا
العيون اللي تسوّي في القلوب سْوات فاجـر = يحلفون أن الدواهي هي وأنا أقول إنها أدهـى
من سحايه لا جلست قْبال ساجيْـة المحاجـر = ما دريت أنـا صغيـر اخوانهـا والا ولدهـا
الهنوف اللي تلملم غيّهـا فـي ثـوب هاجـر = وين روحي في هواها يا عـرب ربـي قرَدْهـا
يوم أجيها ضلوع سرجوفي من الغيرة تشاجـر = كلّ ضلعٍ ما يبي شوف الهنـوف الا وحَدْهـا
اتعب رْضاها سبيـعٍ والدواسـر والهواجـر = الولـد منهـم ولدهـا والبلـد كلـه بلَـدْهـا
لا مِشَت من عذرها الأرواح تاقف في الحناجر = كنّ عود الخيزرانة يقطعونـه مـن جِسَدْهـا
وان عدَت يدجر بروحي من عبير الطيب داجر = كنّ دهن المسك لا عَرْقَتْ يِقَطّر مـن نهدهـا
لو تشوف البيض من حسنٍ على (هاجر) تناجر = مْعَذوراتْ ,أُمّها وهْي أقرب النـاس تْحَسِدْهـا
شيب عيني كان أنا ماني على صبري مواجر = ويل ويلي والله اللي رحت يـا خالـد بيَدْهـا
والله اللي قام يسجرني من الخفـرات ساجـر = ويش عذري في عيونٍ من عمل يدْها رمَدهـا
هاجرٍ عن ما سواهـا حاجـرٍ للعيـن حاجـر = عيشتي والله ما تسوى ربـع قـرشٍ بعَدْهـا
ما حسَدْته نزلته قصرٍ مـن الياقـوت تاجـر = لا نزلت الفيضة اللي نقّضـت فيهـا جعَدْهـا
ولّ يا بنتٍ على الطرْيا تجرّ اقصى الحشا جـرّ = فتنة المفتون فيها مـن مهَدْهـا اليـا لحَدْهـا

نوٍّ رهش لي موحشٍٍ مرهٍـش جِِِِـش"="هتّـاش عتّـاش ورشّـاش طشّـاش
ناشي من المنشا يشـادي لياارهـش"="جيوش حبشيٍّ على الشـرق نطّـاش
شهلال شهلوله على القاع الـى رش"="شهلال شلفٍ في النخاشيـش هتّـاش
رشّ مطـشّ هايـشٍ شـايـشٍ وش"="جيّـاش نـوّه بالقناطيـش طــوّاش
ينشر نواشيره علـى هشهـشٍ نـش"="يغشاه من قشـع الشخاتيـر غـوّاش
يرهش ويربش يوم قش الشجر قـش"="قلب الشجاع اللي تنغمـش تنغمـاش
كن راعده لاجهش شجـاعّ تشوبـش"="قام ايتخطرش دون الاشهب تخطـراش
يحيي هشيمٍ عقب شوف اربـع كـش"="وينعش نشاش مشلهب عقب الانشاش
نـوٍّ بشـوش يـوم جـرّش وبـرّش"="يشفي بشوفه بوش بـدوانٍ اعطـاش
طرش على عشب الشمـال ايتجهّـش"="قام ايتخطّش شـوك شبكـه تخطّـاش
شوف الشمطري والشجر منبته هـش"="شفّي وشفّ امنشنـشٍ حالتـه مـاش
والشف الاول شوف غـرو تقـروش"="غرو هبشني هبـش حـب بمهبـاش
البارحة كني علـى ريـش الاريـش"="من شان شيٍ بالحشا يجهش جْهـاش
همٍ حشا حشّي يحـش الحشـا حـش"="حشّة حشيش غطرشوا به على طاش
فيا شوع قلبي شوع طيرٍ على عـش"="اخذ فرخه وخرفش على العد خرفـاش
فيـا نشّتـي نشّـة خلـوجٍ تنشنـش"="شالوا ضناها وهي تشوفـه يعمّـاش
لاشرقوهـا شـرق شـام تنـقـرش"="قامت تشمشم من شذا الريح مهنـاش
هي شومها شومي على ناقل الغـش"="راع الجديل اللـي تعكـرش تعكـراش
ابـو ثليـل فـوق متنـه تعـكـرش"="شملول شهلـول بـرد وابلـه طـاش
وابـو خـدود مرهشـات همـلّـش"="لا شال برقعهن تقـل شعّـة فـلاش
يـا مـا عليهنّـه شجـاعٍ تطربـش"="اصفى من الياقوت وابيض من الشاش
صدر من الشيـراز كاسيـه رشـرش"="نور مـن البلّـور كاسيـه رشـراش
ابـو ثمـان كنهـا الطـش والـرش"="هـشّ هشاهيـشٍ تبهّـش تبـهّـاش
كـن ريقهـن در البكـار الحبشبـش"="ولا حليـب ناشـع فيـه خشـخـاش
مزيون من شـر العيـون يتخشّـش"="على مشفشف شفّته جانـي خْـراش
ياشبـه خشـف ذيّـروه المـخـرّش"="كنّه يحوشه عن شبا الريـع حـوّاش
خشف عفيف الشـان حـرّك وتبلـش"="عوده ليا هب الشمال ارعش ارعـاش
عليه لا جاء مـن يميـن آتـدروش "="وعليه لا جاء من شمال ارهش رْهاش
مانيب مربـوشٍ ولا نيـب هشهـش"="ولا شاربٍ غرشا ولا نيـب حشّـاش
لا شك شوقي شقّ الاجيـاب واربـش"="واصبحت مربوش على كور مربـاش
يالايمي فـي حبّـه اش اش ثـمّ اش"="لابو هشاش المرجلـة لابـو قطّـاش

حبيبـي يـا جـمـالٍ فـيـه آمــوت ولــو بغـيـت آمــوت = وقــف مــن دون مـوتـي مــوتٍ أحـيـا مـيّـتـي حـيّــه
آبذبـح كاهـن البـصـرة واعـيـد أسـطـورة الطـاغـوت = آبـــي ادوّر عــلــى كــلّــي وراء بـعـضــي وخـافـيّــه
إلـى مـن فـوق كتّـان السمـاء تـرسـم ســراب بـيـوت = لـهـا تـحـت الـثــرى مـنــي خـيــوط الـوجــد تـبـريّـة
إلى أرضٍ دونهـا الخطـوة علـى بـاب الجحيـم تفـوت = إلــى أرضٍ دونـهــا فـــاح الـدخــان وصـــاح جـنـيّـه
إلــى عــزّي إلــى ذلّــي إلــى الجـنّـة إلـــى الـتـابـوت = إلـــى بــعــدٍ يـسـوقــه وجــــه قــــربٍ نـيّـتــه نــيّــة
حبـيـبـي لا تعاتـبـنـي وانــــا بــاقــي بـقـايــا قــــوت = عـلــى مـــا كـــان كـــان وكـــان شـرقـيّـه وغـربـيّـه
لـو اطلـب عنبـرة مـن ظبـي والا مسكـةٍ مــن حــوت = علـى الـحـظ الـقـوي سهـلـة لــو الأوضــاع عكسـيّـة
حبيبـي عمـر كـاس المُـرّ مـا يصبـح زجـاجـة تــوت = وانــا حـظّـي عـلـى الدنـيـا سـحــابٍ خـــان شـاويّــه
حبيـبـي كلـنـا ظــلٍّ سـنــا شـمـسـه ظـــلال بـشــوت = تــمــوت الـفـيــن مــــرّة فــيّــةٍ فــــي فـيّـهــا فــيّـــه
وانـا عـن حـرب شطرنجـي نظمـت إلـيـاذة البـالـوت = هـربــت مـــن الحـقـايـق فــــي ســراديــبٍ خـيـالـيّـة
هـربـت سْــوات مــن بالـنـار لـلأقـدام حــطّ سْـبــوت = هـربــت اطـــرد زمـانــي بــاقــي شــمــاغٍ وطـاقـيّــة
لـك الله مـا تشـوف ان هامـتـي تكـبـر وانــا هلـفـوت = وتصـغـر لا عصـبـت الــراس قـلـت أخّـــو الفـلانـيّـة
حبيبـي كـلّ ذيـبٍ عـاش عــن شــيٍّ مـضـى كتـكـوت = تــراه الـلـي يصـيـد الصـيـد يــوم الـصـيـد عـصـريّـة
حبيبي ليه اعارض ؟ ليه افاوض؟ ليه أجرّ الصوت؟ = ولـيــه ابـحــثْ ورا قـصــرٍ مـــن الـمـرجـان حــريّــة
مـــدام انّـــي بصـمـتـي لابـــسٍ ديـبـاجــة الـيـاقــوت = وصـعـب الـنــاس مـثــل الـخـاتـم المـحـكـوم بـيـديّـه
أبـي ارمـي باقـي الأوراق واعطـي الوقـت بالشلّـوت = تعـبـت ارقــى تعـبـت انــزل أبــي كـيّــة وانـــا كـيّــة
عجـزت القـى دوا للـي معـي لـو هـو سحـر هــاروت = وانــــا دمّــــي لــمــن مـثـلــي مــثــل دمّ الـبــرازيّــة
يـقـول الـلـي يقـولـه شـيـخ انــا والا بـعـد سـربــوت= عـوايـد سـاكــن الـفـوقـي يـشــوف الـنــاس تحـتـيّـة
(سكـودٍ) فـي فضـاه مروّعـه قبـل أمـس (باتـريـوت) = ولا بــه شــيّ مــن لا شــيْ وبـسـر الناضـجـة نـيّــة
لــــلا داوود,طــالــوتٍ تــوطّــى صــابــره جــالــوت = ورا طـالــوت يـجـحـدهـا؟ يـطـالــوتٍ مــهــي هــيّــه
وبـعَـد داوود يستـاهـل ولــو طـالـوت شـاتـه شــوت = رضـــى بالأجـنـبـي شـيــخٍ وعـيّــا عــــن بـنـااخـيّـه
ومــن يـرضـى بنفـسـه فـــي يَـــدٍ إلا يـــده ريـمــوت = يـراهـا نــاس صحـبـة بــسْ نـراهــا حِـــنْ عـبـوديّـة
أنـا فـي وجــه ربــي مــن خِــدَام الهيـكـل المنـحـوت = ومـــن قـنـبـر بـنــي بـربــر ومـــن كــــفٍّ وكـوفـيّــة
ومـن طلسـام سحـر العـبـد الأدريـسـي وأبــو نـبّـوت = ومـــن عـبّــادة الـعُــزّى ومــــن شــامــة وشـومـيّــة
دعوتـه بالفلـق تعويـذةٍ مِـن مَـن خلـق فــي (كــوت) = ومــن أهــل الحـسـد والـلـي لــوت بـيـن العـقـد لـيّـه
أزال الجُبـت واحيـا النبـت حامـي حوتـةٍ مـن حــوت = إلاهــــاً لا ســــواه الـمـنــزل آي (الـحـمــد) مـكــيّــة
حبيبـي لا تـلـوم المـيْـت فــوق أرضٍ حقيـقـة مــوت = ولُـمْ مــن مــات فــوق ارضٍ حقيـقـة أرضـهـا حـيّـة

علمـوا ياسـر بسلـم كـذيـا لا يحـلـم=ماخبرنـا صـار سلـم بـلا حــرب ودام
من متـى والسلـم يوخـذ بتوقيعـة قلـم=يا دعـاة السلـم شـدوا محازمكـم شمـام
كـل سـلام جـا بقرطـاس لـذة محتلـم=والسلام اللي كذا اسمه سـلام ايـة كـلام
مثل من هو يطرده مثل مـن يطـرد وهـم=مثل من قرب سحلته يبـي حلـب الحمـام
من يبي سلـم بـلا حـرب بيبطـي عظـم=السلام بحربة الرمـح الاشهـب والحسـام
سبحانك اللهم محيـي بـن آدم مـن عـدم=نطفة ثم مضغـة باللحـم تكسـي العظـام
صرخة يهتز مـن هولهـا سـور الحـرم=صوت الركـن اليمانـي وجاوبـه المقـام
العـذارى تغتصـب والعفـايـف تتـهـم=لعنبونـا اللـي ولا واحـد شمـر وقــام
كم وكم عذرا عـلا صوتهـا (وامعتصـم)=بس ما كـل معتصـم معتصـم ولا عصـام
معتصم آخر زمـن معتصـم بـس بالاسـم=لقبـوه المعتصـم بـس لكثـرة لاعتصـام
امة شفنا بهـا الـروس توطـى بالجـزم=سالفتهـا عـودت سالفـة بنـت الحـرام
امة من سـور صنعـا الـى بـاب العجـم=مجدها يعيده لها طفـل فـي سـن الفطـام
امـة تعـدادهـا فــاق تـعـداد الامــم=وللاسف في وزنها ما تجـي واحـد جـرام
كونوا مـن مجلـس الامـن للعالـم صنـم=فاتخذنـاه(و)الاه(ن)فـحـل الانـتـقــام
يا عرب آخر زمن يا حـواس بـلا جسـم=مـن عـذر كـل توطاكـم اطيبكـم خمـام
يا شعـوب ميسـم الـذل واسمهـا وسـم=فـي شعـوب ابنائها دقـت الذلـة وشـام
شكلها واحـد تبـي مـن خـلاف او قـدم=قرب راس من ذنب قرب خف مـن سنـام
لعنبـوه الـذل خلـى مـن السـادة خـدم=العمـام هـم العبيـد العبيـد هـم العمـام
هيه يا مهدي هـل القـدس معزوفـة نغـم=منه جايبنـا ورا الاانـت واشكالـك حـرام
لا تقل (نحن العرب) قل (اجل نحن الجلـم)=واثنها (نحن البهم) لجل اقلـك يـا سـلام
كنت افول الذيب لا يمكن ان يرعـى الغنـم=لين شفت الطفل (ياسر) بحضن (اسحاق) نام

دثروني .. زملوني .. زملوني .. دثروني = واندبوا لي من هل الضلع الحمر قطاع ليله
صوبِ دارٍ مثلها فالكون مايملى عيوني = ديرة لآل الصباح .. الغر .. متعبة الأصيلة
فوق جمسٍ جنت جنونه .. وأنا جنت جنوني = نضرب العرق المطرف والوعد رأس الطويلة
عيدكم عيدٍ لنا ياأهل الكويت وصدقوني = كل ابونا شعب واحد .. عايلة والا قبيلة
جيتكم ياأهل الكويت أطوي من الفرحة متوني = أرخي الحجان ساطي وأنهض الجنحان حيلة
ياكويت ان مانفضت البشت من دونك ودوني = عقبنيني صبة الفنجال لين أشعم سبيله
يامتوني يامتوني .. والله ان منتي متوني = كان ماشلتي وأنا ناصر من الحملة ثقيلة
حالفٍ ماتهتني مع هجعة العالم جفوني = لين لعيون الكويت أروي من المعنى صقيله
دار جابر .. جابر العثرات تفداها عيوني = جعل قبرٍ ضم جابر يدهله وبل المخيله