][ ديوان: الخيمة الشعبية في عيون شعرائها ][

سر يا نسيم الورد يا حامـل الطيـب
=وامطر على الخيمه سـواة السحابـه
شعبية (ن) مابـه اثلـوم العذاريـب
=وشلون والقـرآن قسـم (ن) بدابـه
اقسامهـا كنـه افـواه المثاعـيـب
=تصب مـن كـل المعانـي جوابـه
اتـرك وطاهـا يستحـم بدواعيـب
=خله على مـا قيـل طافـح ربابـه
انثر على قسـم القصايـد تراحيـب
=يا مرحبـا بالقسـم ويـا مرحبابـه
قم يا رفيقي واسحب من المحاديـب
=مهيلـه تضفـي علينـا الطـرابـه
لاجل استوي وارتب القـاف ترتيـب
=هالمنتـدى بحـر(ن) ولا ينهقـابـه
هالمنتدى يرقى الصعايب كما الذيـب
=كل وادي(ن) للشعر جـاه ومشابـه
مرتبـه علـه تعـدى عـن العيـب
=ان جيتـه افنـون الشعـر تنلقـابـه
مبناه عز(ن) مـا انهبتـه النهاهيـب
=يبقى جديد السـاس ماهـو خرابـه
يا قوقل انهض رسمتـه بالمقاضيـب
=ويصير رمز(ن) كل بحث(ن) رضابه
ثم ابلغ الياهو يحطـه كمـا الشيـب
=يسقي بريد الخلـق صافـي شرابـه
يالمنتـدى مثلـك يـزف العواذيـب
=وضعك مع الحاسـوب كنـك ذوابـه
حي الرجـال العارفيـن المواجيـب
=اللي لهم في صفحـة المجـد جابـه
الكل منكـم مشرفيـن(ن) نواجيـب
=اضفيتـوا للخيمـه حـلاة ومهـابـه
حنا ضيوف القسم وانتـم معازيـب
=واقلامنـا كلـه تسـاكـب ثعـابـه
نبعث لكم من كـل فنـون المكاتيـب
=ما بين بيـت(ن) للقصيـد ودعابـه
وان كان قصرنـا بفعـل المواجيـب
=ياليت نـدرك مـا جهلنـا صوابـه
من يجهل العدلات ما اظنـه يصيـب
=ومن ينكـر الافضـال مـا ينغزابـه
حنا عرفناكم علـى غيـر تحسيـب
=وفقـة حـلا مرغوبـة(ن) ينزوابـه

يـا خيمتـي بـا الله ردي عليـه
=وشفيك ياخيمه علي مـا ترديـن
أمر بابـك كـل صبـح وعشيـه
=أقول يمكن يفتح البـاب هاللحيـن
لكن تعبت وتعبـت ايضـا يديـه
=وانا اطق الباب من شان توحيـن
ياخيمتـي مالـي تـرى مقدريـه
=اصبر على فرقاك يا قـرة العيـن
شفق على شوف الرجـال الوفيـه
=في ملتقى الابداع منصى الميامين
أهل القلـوب الطاهـرات النقيـه
=اللي معزتهـم تسـاوي ملاييـن
يا الله عسى منهو قصـدك بأذيـه
=يطول ليله ليـن يصبـح بليليـن
وعسى الشلل يضربه قبل الضحيه
=ويعجز عن الممشى وتحريك اليدين
وعساه ما يفـرح بلقمـه هنيـه
=آمين يامنزل تبـارك ويـا سيـن
ويا خميتى لك مني أزكـى تحيـه
=ممزوجة بالفل و أحلى الرياحيـن
والخاتمـه صـلاة رب البـريـه
=على النبي اللي حمل راية الديـن

ياخيمةً دأبُها الفنجانُ والرُّطَبُ=بشّتْ لضيفٍ وماتنتابُها الرّيَبُ
الحِيلُ والقهوةُ الشقراءُ مصدرها=أمّا الكرامُ فبالشّعبيّةِ انتصبوا
كريمةٌ رامها ضيفٌ يغازلُها=فضمّتِ الضيفَ ماضاقتْ بها النّوبُ
ونارُها في سماءِ العزِّ مضرمَةٌ=فاحَ البخورُ بها والواهجُ الحَطَبُ
قصدتُها وأوارُ الشوقِ يدفَعُنِي=فبانَ بالخيمةِ الشّعبيّةِ النُّجُبُ
صبًّا ومالعيبُ في عشقٍ يحرّكُني=أذوبُ في خيمةٍ أربابُها عَرَبُ
صبًّا وماهمتُ في طيشٍ وفي نَزَقٍ=مالعيبُ بالغزلِ العذريّ إذ يجِبُ
وهلْ يُلامُ عشيقٌ منْ تولّههِ=وشوقهُ في حنايا القلبِ يلتَهِبُ
ياشاعرَ الصدقِ أعلنْهَا مُنَادَمَةً=شعراً بديعاً ومايزْرِي بهِ لَغَبُ
ياشاعرَ المجدِ غنِّ اليومَ في ألَقٍ=في خيمةِ المجدِ يعلو الشأوّ والرُّتَبُ
أسرجْ خيولاً منَ الأشعارِ صافنَةً=حَمْحِمْ بها في مدارٍ كلُّهُ خُطَبُ
يالائمي والجوى نارٌ مُسَعَّرَةٌ=مهلاً فما هزّني زيْفٌ ولا لَعِبُ
يامنشدَ الشعرِ حاكِ الطيرَ في نَغَمٍ=قد طابَ بالخيمةِ الشعبيّةِ الطَّرَبُ
ياخيمةً في رحابِ الحقِّ طاهرةً=أنتِ الضياءُ إذا مالشمسُ تنحَجِبُ
ياواحةً في رحابِ العشقِ وارِفَةً=يموسُ دُرّاقُها والتينُ والعِنَبُ
أنشدتُ شعراً وقلبي طيرُهُ ثَمِلٌ=ياخيمةً زانها الفنجانُ والرُّطَبُ

منتدى الخيمة مثبت ما ألتغى = منتدى يرقى على متن السحــاب
نادي(ن)بالخير دايم يصبــغا = وأكتمل وأكمل ووفى بالـنصـاب
مورده صافي و لابه من لغـا = مرحبا يامدور(ن)صافي الشراب
والجمل شال الحمول ولارغا = والنوايف مالــــجا فيها الغـــراب
ومن سعى للخير يــلـقا مابغا = ومن حطـب بالليل يلقا راس داب
وقولي اللي قلت علّه يبلــــغا = يبلغ اللي سعيهم مسعى الخراب
ومن سعى بالطيب يرقا وينبغا = ياهــلا به لايـــــذم ولايــــــــعاب
قدمه رجال تعدّل من طـــغى = وبالعلوم الغانمه توفي الحســـاب
منهج ثابت ولاعوّد شـــــغا = وخيمة(ن) للطيب تفتــح كل بـاب
وكم نواد(ن)بالمهازل تدبغا = ولاأرتوى الضميان من لمع السراب

الا ياناس دلوني على اللي = هواها ينعش الخاطر هواها
الى جيت البنيه بي تهلي=تهلى بي عسى معدم رضاها
عجيبه مابها شىءٍ يملي=كريمه عاليه في مستواها
الى جينا التعب كله يولي=يعيش القلب في زهرة غلاها
تـبـادرنا بـفجالٍ يـزلي=قراح الماء ينسينا ضماها
وفيها ذاري ٍ احسن وظلي=وريح الطيب فايح في سماها
وفيها رفقةٍ والله تسلي=حماها ربّنا والله حماها
اقول أسم البنيه وأنت قلي=حبـيـبه خيمتي طيب بناها

البدايه سلام إسلام قبل الكلام=وبالرحيم الكريم المعتلى نستعين
بعد ذكرالله المعبود رب الأنام=كلمتي لا أهل الخيمه من العايدين
عاده الله علينا بالفرح كل عام=في سلامه وأمن وأمان في كل حين
شامخه خيمتي ماهي بمثل الخيام=عامره بالرجال أهل الوفا الطيبين
خيمة العز مدهال الوجيه الكرام=ملتقى المبدعين وتجمع الغانمين
تستحق الإشاده فوق تاج الوسام=والتحيه بريح المسك والياسمين
نورها أخوي أبو نواف عون الحشام=ولايهون الجميع المدح فيهم يزين
مايعوَد خلاف اللي يحب الأمام=ولايجيب الهزال اللي يجيب السمين

ياليد لبي طــاري الـقلــــب لــبـــيــه=واكتبي لخلاني ابيات موزونه
بوح الغلا ياعروق الــقـلب كــبــيــه=للاهل الخيمه اللي يستاهلونه
الـكـل مـنــهم ملــتـزم فـي مـباديـه=والمجد ثوبا هم يلــبســونــــه
عز الله ان من يدخله ماهوب ناسيه=يصير قلبه لعبة بالغلا يلعبونه
عــز اللــه انــه يزيــح الــهم طاريه=والقلب له قامت تمايل غصونه
ما ودي اطلع منه لا صــرت فــيــه=ولا ودي العين تغمض جفونه

سلبتِ عقلي وصرت اليوم فتّانه=أفديكِ بالروح لبّى الطيب والهِمّه
ذبحتِ قلبي واشوفك حيل طربانه=والشوق يابنت صوّب ضامري ابسهمه
تسقيكِ يامنوة الارواح هتّانه=تحيّي رياض الوفا وتقشع الغمّه
كتبت شعري وغنّى الطير بالحانه=أبدرّةٍ تعتلي في نايف القمّه
أسرجت خيل القصيد وجاب ميدانه=ميدان اصايل بها الشجعان ملتمّه
حبيبتي قصرها مفتوح بيبانه=مدهال عشقي وفيها تجلو العتمه
غريبةٍ والهوى لاثار بركانه=تطفي لهايب ضميرٍ يشتكي همّه
اجي ونفسي من الاشواق ولهانه=وتفتح الباب تهدي الورد والبسمه
لاضاق صدري وقلبي زادت احزانه=في حضنها أرتمي وارتاح في ضمّه
حبيبتي بارضها زهره وريحانه=يطيب كيفي بعد في قطفه وشمّه
سمّيتها طربتي سميتها دانه=سميتها مهجتي وسمّيتها عمّه
تدرون من هي هوى قلبي ووجدانه=معشوقتي ((خيمتي)) هي صاحبة هِمّه

أحبتـي ودمـوع العـيـن تنهـمـرُ
=ماذا أقـول ؟ ومـاذا يكتـب القلـمُ ؟
النثـر أعيـا بيانـي يــا أحبتـنـا
=والشعرُ قد خاننـي ، فلتشهـدِ النظُـمُ
أخـوةٌ مـن صميـم القلـب نألفهـا
=فبـورك القائـدُ المفضـال والعـلـمُ
لقـد كتبـت فراقـا لا رجـوع لـه
=لكنّ شوقي إلـى الأحبـاب يضطـرمُ
فديـتُ خيمـة إخـوانٍ نكـنّ لهـم
=كـلّ المـودة والتقديـر يحتتـمـوا
فيـا أحبـة نبـضٍٍ إنّ روحـي لكـم
=فداء حـبٍ لكـم ، ولتسمـعِ الصمـمُ
أنتمْ فؤادي ، وروحي مهجتي ودمـي
=ولتعلـم ِالخيمـة الشمـاءُ والقـيـمُ
لا تعذلونـي فإنـي هـائـمٌ ثـمـلٌ
=بحـبّ قـومٍ لهـم شـأنٌ ومحـتـدمُ
أميرنـا القائـد المحبـوب آسـرنـا
=شجي صـوتٍ ، لـه الآذان تنسجـمُ
أما الـ( غريب ) فلا شـيء يماثلـه
=شهمٌ همـامٌ ، وفيـه العلـم والحِكـمُ
أيا ( شبيبَ ) الوفا ، والعـز والكـرم
=أمير شعرٍ ، وفيـك القـوم يختصـمُ
والشيـخ يشهـد ربـي كـم أبجّلـه
=فطلّة ٌمنـه قـد ضـاءت بـه الظلـمُ
" تمـام " خيـرٍ وعـزٍّ لا يفـارقـه
=صقرٌ من الطير تدنـو نحـوه القمـمً
" صمتٌ " يروم فؤادي حـاذقٌ فطـنٌ
=لـه تحيـة ُترنـيـم ٍ بـهـا نـغَـمُ
و" صاحب الرمش " ممنونٌ له قلمـي
=يسيـل حبـاً وتقديـراً لـه الكـلـمً
وأنت يا " فيصلٌ " يا بسمتـي أملـي
=من " آل روق " لهم طيـبٌ ومحتـدمُ
و" العود " فاح عبيـرٌ منـه أنعشنـي
=و" البرقع " الجهبذ المـدرار والنهـمُ
و" الريـم " مهجـة عـزٍّ لا يماثلهـا
=في الرأي والعقل ( نجديّ ٌ ) له همـمُ
" أميرة ٌبحجابـي " زادهـا شـرف ٌ
=" شموخ برقا " لقد طابت لهـا أكـم ُ
" نجم السلاطين " نجـم ٌلاح مطلعـه
=" شداد " شـدّت لـك الأوراق والقلـمُ
وصاحب " التسعة " الميمـون طلّتـه
=و" ذو الطبائع " محبـوبٌ ومحتـرم ُ
" روح الأنوثة " فيهـا روح خيمتنـا
=مـع الأحبـة فيهـا الخيـر يُقتَسـمُ
تلثّمـت بشـعـارٍ مــن بـلاهـمُ
=نِعْمَ الشعـار ونعـم البيـرق العَلـمُ
" أميـرةٌ " بــارك الله بزهوتـهـا
=بالأهل والصحـب والأحبـاب كلهـمُ
" وذو التفـاؤل " محبـوبٌ بخيمـتـه
=ومثلـه " شـارب الديتـول " يبتسـمُ
أما " الجديـد " فـلا عضـوٌ ينافسـه
=فـهـذه دررٌ تُـجـنـى فتلـتَـهـمُ
وصاحبٌ من " سديـرٍ " زانـه مُهـج
=هذا " الموادع " رحّبْ فيـه يـا قلـمُ
وأنت يا " حمدٌ " يا شهـم يـا بطـلُ
=و" وردة " الخير بالأعضـاء تُخْتتَـم ُ
لا فـرّق الله شمـلا كـنـت آلـفـه
=مَرّ الليالي ، ففيهـم ( خالـدٌ ) شهـمُ
ويا ( رفيعٌ ) أتـاك الشعـر مبتهجـا
=يسـوده الطـربُ الأخّـاذ والنـغـمُ
لقد جعلتم عسير الحرف يخـرج مـن
=نبض الحروف ، وفيه الشوق والألـمُ
سلّمتُ شعري إلى " الذوق الرفيع " ويا
=" بحـر" المـودة إن الشـوق يلتطـمُ
فبورك " الذوق " يا أحبـاب خيمتنـا
=وبورك الـ" بحر " في مكنونـه نِعَـمُ
وبــارك الله بـالإخـوان كلـهـمُ
=قـوم ٌشعارهـمُ الأخـلاق والشـيـمُ
تحية ٌمـن صميـم القلـب أرسلهـا
=شوقٌ عظيم لقـد تاهـت بـه الأمـمُ