::|[ ديوان الشاعـــر / شبيب العتيبي ]|::

لولاالمعارف ماعرفت الدليله =اللي يسرك لابغيته وتلقاه

يا ابو وعد برق السما من يخيله=لالحت ابروق من يم من نشاه

واللي على الوادي خطرا يشيله=بخيمةويرمي في حفرة ايداه

حيثه جلس يا خوك داخل مسيله= سيل الجبال اللي خياله تعداه

يا ابو وعد لجلك بخلي سبيله =الاسم واحد والاحلايا حلاياه

انته تعرف الوضع وخبره طويله=ملايعز الجنب مالي بلاماه

هذي بداية منطقة مستحيلة=مجرد توافق منطقي لابغيناه
العام يوم الناس شدت محيله=ماخلت براقه ولو ينتثر ماه
راعي وطن ماهمني كل زيله=ولاني من اللي لاضنك جاك بقصاه
اعرف مضامين الوجيه البخيله=لو كان يخفي عن عيوني محياه
واللي دايم فوق راس الثنيله=هذاك خله ينتظر مثل شرواه
بعض العرب لاتنشده عن حصيله=قاصر حبال تشح بالطيب يمناه
واللي يدورها على ماتجيله=اضرب بحد اللي ينومسك مغزاه

اطلب تدلل كـل ماتطلبـه جـاك = والمستحيل يصير لامـن طلبتـه
إلا غيابـك واحتمـالات فرقـاك = هذا من القاموس مبطـي شطبتـه
وان كان قصدك تبتعد وأقدر أنساك = غلطان هذا شـي قبلـك حسبتـه
أبا أكتبك وأقراك وأقراك وأقـراك = وأقرأ على طيفك من اللي كتبتـه
ونهار تستغني عن القلب وعضاك = هُنا تكـون إللـي تمنـاه جبتـه
وش عاد لو إني تمنيـت دنيـاك = لاتقول هذا جـرم وأنـا أرتكبتـه
بعدك وش الباقي خذ العمر ويـاك = يامطلع أسبوعي ربوعـه وسبتـه

ياما كتبته حروف وشعر ونظامـه = مابين رمش العيون وغضة انعاسي
يعيش فيني سهر مبطـي ولانامـه = وأعيش في غيبته همي وهوجاسـي
أحيان جسمي تعجز تقله عظامـه= لامن تخيلت في بالي وهـو ناسـي
للقلب هو الحضور وقمـة هيامـه = أغيب في حضرته عن كل هالناسي

يامذهله لو كان عنـد الزمـن ذوق = ماكان ضامي شوق للحين ضامـي
غربة مشاعر وإحتمـالات وفـروق = ضيم وليـال وهـم بالقلـب نامـي
من منطلق يا تحت يا ترتفع فـوق = مات الامل لوكان بالحيييل سامـي
حكم الزمن وأسلوب رجعي ومنطوق = منطوق ضدي من يعارض كلامـي
حنا كذا لـو نحتـرق كلنـا شـوق = ناخذ صفـات ونفتـرق بالأسامـي
نجمع شتات الوقت ونغيب ونفـوق = ونزف بيدين الزمن جـرح دامـي
تحجيم وإستهتار ومصـادر حقـوق = تسيدت بالوقـت عكـس النظامـي
يالعالم الثالث كذا يصبـح السـوق = بيع الذمم بيـن الغنـي والحرامـي

أحبـك كلمـة العشـاق أنـا جيتـك بلياهـا = اناجيتك فدى كلي غلا مـن رمشـة عيونـك
كذا جيتك قضيـة ماعرفـت أول ضحاياهـا = يكون احساسي اللي ماعشق طهر المطر دونك
هنا قصة غـرام تموت مـن طلـة محياهـا = عجب وجه الزمن قاسي تجمل فيه ويخونـك
مآسـي قصتـك تاخـذ بقايـا الحلـم وياهـا = وانا مهما حصل بحفظ بقايا شعـر مجنونـك
أنا من كثر ماأغليها عشقـت أكبـر خطاياهـا = جنون الحب من حبك أعيش (بلذة طعونك )

السجن ووجه البشـر والمشاريـه = وإحساس ياخذني من اخر كيانـي
اروح ليـن اروح وحـن وجيـه = والقا فجر والقـا غـلاي المعانـي
اثنيـن مايوجـد لهـم اي تشبيـه = سوى بياض قلوبهـم مـن زمانـي
من فلسفة شعر النبط وين اوديـه = تبعثـرت دون الدقايـق ثـوانـي
كان البحر ينكر مراسـي موانيـه = حطيت له باقصى ضميري مواني
درب العتب مبطي وانا اروح وجيه = ياخـذ ويعطينـي ولكـن انانـي
قصة قديمة والسبب كـان توجيـه = توجيـه لكـن بالمكـان احتوانـي
أعيش في برواز عقلـي مسويـه = وحيـد غربـة مالقيلـه مكـانـي
أكبر مصيبه فاقـد الشـي يعطيـه = يعطي ولكن هـم ليـن ارتوانـي

ياشبيب القاف جاني يستخيل=وانجبرت اعطيه حفله كايفه
اسكبه مثل اللبن من الصميل=للرجال اللي بعال النايفه
مثل شرواكم عسى عمرك طويل=يا مزبن كل قومن خايفه
ياحزامي صابني رمشن كحيل=بالسهوم ٌوقعت متخالفه
من غزالن مرني خصره نحيل=حالفن لاغريه وهيه حالفه
مير قلبي يمها اصبح يميل =والمشاعر من غلاها حايفه
كل واحد مننا سوا ثقيل=لين قلب الرجل نسٍي السالفه
ماقدرت اقسى عليها مستحيل=وانت فاهمني وهيا شايفه
كل هاذا مرني عابر سبيل=طافني وانا بعدها طايفه
ودي ابرايك ترا رايك دليل= سعد عيني بالبطاقة ضايفه
و لقيت الحل بتسوي جميل= من هواها اعصاب قلبي تالفه

مرحبا ياقاف ذوقه سلسبيل=قاف حر ولايجيب الهايفه
ادري انك شاعر مالك مثيل=لاسكبته ريح ورد وطايفه
ماعليكم زود يازبن الدخيل=ياذرا من هو زمانه لايفه
ياحميد ليل منقوض الجديل=بيت بدون والهبوب اتلايفه
والعميل الي مايافي عميل=ليه تصبر وانت دوب تسايفه
كان ما بادلك ورد وريح هيل=سو نفسك ماتبيه وعايفه
لين تعرف وش بقي عنده حصيل=كان دمعه ماسقى مصايفه
وان بدالك لين منها لاتشيل=لين تاتي من علو متهايفه
وكانها بعناد قاصد للرحيل=لاتوثق به ولا طوايفه
وكانها بالمال والجاه الجليل=كلها اثنتين عندي رايفه
وكانها بالمرهف الحد الصقيل=عدها بالصدق ماهي زايفه
جيت ادور حل نفرض به بديل=مدريت الحب ذي كلايفه

يالله نسولف والقصايد سواليف= ماتفرق الا بالقوافي والاوزان
تدرون قبل العام في تالي الصيف= لي صاحبً بطران وسمه كحيلان
بيني وبينه ماتجوز التكاليف =ياخذ ويعطي والولد حيل بطران
ودارت به الدنيا وانا اقول ياحيف=ياصاحبي وش فيك ضايق وطفشان
قال البشر ماعاد فيها معاريف =تاخذ وتعطي بس من هرجة اللسان
قلت اذكر الله لاتشق المظاريف= خابرك ذيب وزبدة العلم نيشان
ضحك وصرف باقي العلم تصريف= وشال العتب في داخله ناربركان
بعض البشر ماعروف من دون تعريف= وبعض البشر كنه خروفً من الضان
لاغابو زحول الرجال العواريف= يضهر خشاش الارض من حدر سيسان

يالله نسولف والسوالف وله طيف=ياخذ مساحة من غلا كل وجدان
يعني شتاء لندن بروق وعواصيف=تاخذ ملامح وجه وتغيب أنسان
والعام مدري قبل مدري بعد كيف=صار اختلاف وحلف تغريب ووطان
البعض شفته في علو المشاريف=والبعض ذاب وراح معاد له شان
ياما وقفت الصاحبي بالمواقيف=غيره بعيد وهو من ضمن الاخوان
خبري بهم والطيب موجود ومريف=منهم وفيهم يوم توديع الاضعان
ماكنت اصدق يستمع للملاقيف=لوكان مدري لو من كاينن كان
واليوم فوق البر مدري على السيف=عساه دوم بطيب والراس ماهان
سولفت لكن باقي احساس ماشيف=تسمع قلوب اخير من تسمع اذان
الجو متكهرب ويحتاج تلطيف=حتى المصيف اصبح من احساسي انسان

الشعر حضّر في سياج الدواوين= لحني و طاروقي علي امتلكيا
حيّ الشعر لا هاض لجل العزيزين = من يوم بالي بالقصيد احتركيا
ياراكب اللي مصنعه وسط برلين= من حبكة الألمان مافيه حكيا
مرسدس 600 خوي السلاطين=اللي المواتر في حضورة تبكيا
صدّر ثمنية من عقب عام الألفين= تصميم بديه مبتدع واحتبكيا
كنّك تغتّي فيه ياليل .. ياعين = لا شفت وجهه بالنياكل سبكيا
في دقّ سلفه ضربة سيوف حطّين= وحنّة بلوفة تطربك .. لا افتركيا
وكنّ في عيونه نافثات المزايين =صافي العقول بلمحته ترتبكيا
لا شاف دربه .. واحتمى فوق ميتين= بأعلى سلاسه وانسياب انسلكيا
ياسايقه فلل له التنك بنزين= خابر مسارك تعرفه دون شكيا
ملفاك للطايف .. ولا تهون ياحسين = لبو وعد .. فكّاك صعب الشبكيا
مخبور صيت العز ورث الكريمين=وقت الرخا والا بعز العركيا
نسل الرجال الغانمين الشجيعين= واعز من يفزع بعج الرمكيا
شعره .. و فكره .. سيلنّ الميادين= وشعره لحساده رماح تفتكيا
شاعر فحل .. والجزل ما يلحقه شين =تطغى نجومه في جبين الفلكيا
لا جيت داره .. فاح ترحيب وافين =وباب المضافه فاتحه دون صكيا
قله رساله .. دام للعلم تثمين = من صاحبِ من غبنته جاك شكيا
من اقصى شمال الدار ..بالليل سارين=نطوي المسافه وانت للراي ركيا
ابنشدك عن صاحب اليسر واللين = لا شدّت العسرات صدّ و تركيا
بالضيق والماجوب ما سدد الدين=ودين الرفاقه يصطلي و انتهكيا
بانت مواري خوّته للبعيدين= استغفر الله كان دمي سفكيا
حاقد .. و حاسد.. دس سمّه عن البين =كالعقربه.. رفّت ذنبها شركيا
يبني صروح الكذب للعاذل الشين=والطبع له وجهين ..ما تندركيا
كنّه سواة الذيل .. ليسار .. ويمين = ونقل الهروج ..بعاج نابه علكيا
سمّه عسل .. لا شبّ وسط الشرايين = صابت عروق القلب منه الضنكيا
هذا وهو مسلم .. و لحيته له دين= صام رمضان .. وتم حج النسكيا
ياصاحبي لاصار سيفك بحدين= والعرق .. من دون القرابه بركيا
وشلون نصبر..؟ لجل عين القربين = والقلب دكّه من هوى الضيم حكيا

يامرحبا ترحيب عد المواذين= وعداد ما صلو لرب ملكيا
وعداد مايظهر على الارض ويبين=وعداد مايحوي البحر من سمكيا
ترحيب عود وهيل حشمة حشيمين=الهم معزة ماشركها شركيا
العبد الله ابن احمد على العسر والين=حرا تعلا ماوقع بالشركيا

كفه سحايب خير طلق الحجاجين=كن المراجل مع يده تشتبكيا
سقم العدى لاجو مع الصبح غازين=من قابله يرمي بروحه هلكيا
الشعر روض وقطف زهر البساتين=قبل الشروق وبعض الاجراح نكيا
يجرح يداوي والعقول الموازين=لاصارياخذ من حضورك وحكيا
-ياراكب اللي معتلوها بزارين=ولاسجلت بسمه ولاهو ملكيا
ايرباص700ونخلة وسيفين=وكبتن يعرف الله ولابه وشكيا
مسلم سعودي عارف الشرع والدين=معاش بيدين الترف والنمكيا
-طبق فنون العبقرة بالفضاء زين=وحضر ملاحة بالفضاء والفلكيا
-تخرجو من تحت يده شياهين=صقور جو بالفضاء تعتلكيا
-معاد يقلع غير لاصار شيين=موكب سمو والا عزيز عنكيا
يقلع من الطائف على الامر ذلحين=ومدرجه محجوز محدِ سلكيا
يحمل سلامي والهدف دون تخمين= من باع في سوق الغلا ماشركيا
والحب والتلويع ماينعرف لين=تسمع مواطي خيلها تدبكيا
بين الضلوع مثبتات البراهين=سطر ملاحم قصته لاولكيا
ومن باع في سلم الغلا والمحبين=خله يروح ولايفرق معكيا
والي يجس النبض حلو الامرين=بيروح بين انيابها والحنكيا