|
|||||||
| خيمة القصص وَ الروايات وَ الخواطر قصص روايات خواطر ادب |
 |
|
|
أدوات الموضوع |
|
#1
![[ Thanks Pink & Candy 3hood ]](images/Pink-Candy/Pi-Ca-76.gif)
13-05-2007, 03:23 PM
|
||||
|
||||
قصة مؤلمه لطالب معانا بالجامعه// آدعوا له..!!
قصه واقعيه انقلها لكم
قصة طالب معانا بالجامعة بكرا بيكون سفره للعلاج .. إليكم القصه // أنا قريب بسافر لجل اسوي عمليه ولا ادري وش بيصير معي هل بموت هل بحيا هل بحيا ومعي عاهه مدري وربي مدري نرد ونقول الأمل بالله كبير، انا طاال عمرك والشر ما يجيك معي ورم سرطاني بالراس وهاذي ثاني مره يجيني خلال سنتين يا قدرة الله، اللهم لا اعتراض الحمد لله والشكر على كل حال ، ابكذب عليك لو قلتلك اني مو خايف من الموت وربي الموت له رهبه، اصلا وش بيدي اسويه مافيه شي اسويه الا الانتظار والدعاء، اتمنى ان ربي يغفر لي ويرحمني اتمنى ان ربي يسهل امري وارد الديره واقف على رجليني مابي الا شي من اثنين يا اموت ووقتها صدقيني برتاح وربي برتاح على ان عمري صغير لكني شبعت من الدنيا أو ان ربي يكرمني ويردني لديرتي وهلي مثل ما انا. انا اسمي (.....)عمري 27 سنه ، الحمد لله والشكر لله عشت حياتي مثل ماكنت اتمنى واكثر كل اللي كنت ابيه الاقيه وهذي بحد ذاتها نعمه الحمد لله والشكر، وماكان عندي مشاكل وهموم ما احاتي أي شي موسع صدري ولا علي من احد وياكثر اخطائي وذنوبي نسال الله الرحمه والمغفره، بديت اتغير وأشوف الدنيا بصورة غير مختلفه عن اللي قبل يوم ان ربي قدر والموت ذكر اعز اخويائي عبدالعزيز الله يرحمه ويغفرله، هذاك يوم وهذا يوم تغيرت ايه اعترف اني تغيرت وصرت احاول اتقرب لربي اكثر بالطاعات وابتعد عن المعاصي والذنوب على قد مقدر وبقيت على هالحال حول سنتين لين بديت اعاني من اعراض تشبة الاغماء وفقدان للوعي وعوار قوي بالراس لكنه كان يمر مرور الكرام يعني ثواني بسيطه ويزول الألم ، ونا الصدق اني مهتميت واهملت نفسي لين جاء اليوم اللي كنت فيه اصلي بالبيت ونا قايم من السجود حسيت بألم مو صاحي ولا وعيت الا ونا بين يدينا أختي وهي تناديني وتبكي ، وقتها خفت وقلت لزوم اروح للمستشفى وهذا اللي صار الين صرت بمستشفى (..........) اللي يعتبر احدث مستشفى بالمنطقة وسويت كل الفحوصات والكشوفات المطلوبه وعقبها علموني ان يا (....) معك ورم سرطاني بالراس ، تخيلي وش حالتي يوم علموني ، يا جماعه هذاني صاحي ولافيني شي ولااعاني الا من اعراض بسيطة وهذاني قدامكم واقف على رجليني، ياجماعة الخير تأكدو وش اللي تقولونه اللي تقولونه صدق ولا كذب الين هديت ووكلت امري على ربي، تغيرت دنياي وحمدت ربي ان الله هداني قبل لا يسرقني الوقت وهاذي كانت اللي مريحتني ، لكني يوم كنت اتلفت حولي ولا حد حولي محد يسأل وشفيك محد يسأل وش ودك تقول رجيت هلي وطلبتهم واللي يرحمكم ويخليكم لا عاد تبكوني وش بيفيد البكا ء لكن محد حولي اختفت الفرحه من بيتنا وصار بيت بؤس وحزن وظيم وكدر، اصعب شي انك تكون سبب بحزن غيرك ونت مابيدك شي اصعب شي ان يجيك واحد من ربعك ويقولك انا من ورى قصتك تبت وهذاني اعاهدك واعاهد ربي اني تبت ولا عاد اسوي الذنب اللي كنت اسويه أصعب شي ان ربعك لين شافوك مغير يناظرونك بنظرة حسرة وألم ، قمة العجز قمة الإهانه انك تبي تحكي تبي تعبر ونت منتى قادر، وصرت اعد الثواني والدقايق والليالي متى ياربي بيجي اليوم اللي بسافر فيه واسوي العملية وافتك. رحت وسويت العملية ونجحت ورديت للديرة مره ثانية ونا واقف مره ثانية على رجليني، وبديت افكر وابني احلامي وامالي من جديد والتهيت بالدنيا مره ثانية لكني ماقصرت بالصلاة كنت اصلي الصلاة بوقتها لكني هجرت عبادات كثير كنت اسويها بعد معرفت امي مبتلى وقبل لسافر هجرت قراءة القرآن وهجرت قيام الليل مغير الصلاة كنت محافظ عليها بوقتها وحريص على اني اصليها جماعة بالمسجد، تدرين ليه هجرت ذيك العبادات لني رديت انشغل بالدنيا الا ياحيف يعني يوم ان ربي انعم على واكرمني وشافاني وعافاني وردت الحياه فيني تناسيت فضله علي وتناسيت كرمه على ان كان بامكاني اسوي العبادات اللي ذكرتها وياكثر وقت الفراغ اللي كنت اعاني منه لكن مع هذا اهملتها، نسأل الله الرحمة والمغفره. انا متخرج من (...............................) ومع هذا لم أقدم على وظيفة لان الوالد طول الله بعمره كان يبي يسلمني شغل الشركه بداله وهو يرتاح ونا ماراقت لي الفكره وكنت دوم اتهرب واتعذر له لان سبب خلافة مع اخوي الكبير (...) كان من ورى الشركه لدرجة ان اخوي خذا زوجته وعياله وطلع من الديره وله تقريبا (..) سنين بعيد عنا لأجل كذا انا مابغيت استلم الشغل بدل الوالد لاني ما كنت ابي احتك مع الوالد ، والوالد طول الله بعمره عنيد حيل عنيد، لجل كذا سجلت بالجامعة العربية المفتوحه كعذر لي اني مبعد خلصت دراسه ولجل اجاوب على العالم اللي تسالني وتقول وراك ماتشتغل وليه متسلم مكان ابوك وتريحه وووووووووو . المهم اني سجلت بالجامعه والصدق اني ماكنت ماخذ موضوع الدراسه بجد بالبدايه لكني انسجمت وقلت بيني وبين نفسي راح اكمل واتخصص تقنية معلومات وتكون بدل الشهادة شهادتين وبديت اجتهد ، وانا على ما انا عليه الحمدلله ما اقولك ان ذنوبي كبيره او انها كثيرة حالي كان من حال أي واحد بعمري طيش شباب لكن بحدود المعقول . الا ان جا اليوم اللي بديت اعاني منه بصداع براسي قوي حيل قوي ومن زود الالم كانت عيوني تدمع وتكرر معي اكثر من مره لين قررت اروح للمستشفى ورحت وليتني مارحت عرفت ان رد لي الورم مره ثانية وبالراس لكن بمكان ثاني ياقدرة الله سبحانك ربي اني كنت من الظالمين، ماتتخيلين وش كثر انا ندمان الحين على كل دقيقة مرت علي ما استغليتها بالخير والعباده ورديت لنفس الحاله النفسية اللي عانيت منها بالمره الأولى نفس العزلة ونفس الوحده ونفس الظيم والكدر وحالة هلي حيل صعبة وزود عن المره الأولى. اقول بيني وبين نفسي معقوله ينكتب لي عمر جديد مرتين وليه اصلا بنكتب لي من انا وش فيني زود عن باقي البشر وليه مايكون هذا اختبار من ربي طيب اذا انه اختبار انا وش وضعي نجحت رسبت ووووو وزاد الهوجاس وعرفت وش معنى سود الليالي وعرفت وش معنى الضعف والهون، حاولت أتحدى المرض لكني مقدرت كل ماشفت هلي وربعي اضعف واضعف ويا كثر محاولاتي معهم تكفون ردو مثل ماكنتو وش بيفيد اللي تسونه لكن محد يسمع، حاولت اني اتلهى بأي شي وكنت احاول وأحاول ويمكني كنت اتلهى ثواني وبسرعه ارد لحالتي . ياشينها لين قضى الوقت وايامك صارت معدودة وما بقى قد ما مضى ، وياشين الضعف والهون لين صرت تشوف الموت قدامك مقبل عليك ونت ماعندك حيله ولا انت بقادر تحيد عنه، يا شينها لين صرت الحي الميت. يا شينها لين ضاقت بك الدنيا وماعاد لك مكان، يا شينها لين شفت كل من حولك يبكيك ونت متقدر تسوي شي. ياشينها لين صار الهم خويك والعزلة معشوقتك والقبر بيتك ، تدرين اني ما ارتاح الا لين صرت بلحالي امشي بذا الشوراع افكر وافكر وافكر واتأمل واحسد غيري على النعمه اللي هم فيها ولاهم دارين عنها نعمة الصحة والعافية نظرة سوداوية لكل شي افتقده وكل من شفت لي واحد يضحك ويتبسم احسده والنار اللي بصدري يزيد سعرها تدرين من كثر روحاتي للقبور ملت القبور مني أحسها تقول وش تبي تجينا كل يوم اول على اخر راح تجينا لا عاد تبلشنا واللي يرحم والديك ، تدرين ليه اروح اببشر خويي عبدالعزيز الله يرحمة ويغفرله واعلمة اني بجاوره متى مدري اليوم بكرا شهر شهرين سنه سنتين مدري لكن الأمل بالله كبير. ياشينها لين شفت امك تبكيك وتذرف الدمع بحور عليك وتذبحها الحسره عليك يابعد عمري ياوليدي وش صار عليك وليه انت ، وانت قلبك يتقطع وتموت وتحيا باليوم مليون مره ولا انت بقادر تسوي شي ولا انت بقادر تقول شي ولا انت بقادر تعبر عن شي اصلا انت مامنك رجا ياحر قلبي عليك يميمه روحي لك فدوى يميمه لكن تكفين لا تبكين يا شينها لين جيت بتعلم ابوك انك مريض ومعك سرطان وتقرب منه وتحب راسه وتعلمة ويوم انه درى فز من مقعده ولاصدق ونت متعرف وش تقول تكذب ابوك تعاند ابوك نزل راسك بالأرض احتراما له وتسكت ، وفجاءه يحظنك ابوك ويبكيك ويحب راسك ويقولك يا ولدي انا ابوك اللي ماشاف منك الا كل خير وجزاك الله خير ومقصرت وابيك تعرف ان مافيه شي يغلى عليك كل ما املك فدوى لك ولو ابيع ثوبي اللي ساترني ما راح يغلى عليك ، وش تبيني ارد عليك يا يبه واقولك مقدر اقولك الا اني اسف يا يبه ،اسف لني مقدرت اخليك تشوف نهاية حلمك اللي دوم تحلم به وتحكيه لي اسف يا يبه ان الوقت ما امهلني اتزوج واسمي ولدي (...) على اسمك اسف يا يبه وربي اسف وربي مابيديني شي اسويه ياشينها لين شفت اختك اللي انت مالي عليها دنيتها كلها مو اخوها وبس خويها وصديقها اللي تونس به وكل من عرفها يحسدونها عليك مغير تبكي وتبكي وتبكي لين ملت الدموع من عيونها وانت ما بيدينك شي تسويه اسف يا(...)اسف لني مليت عليك دنياك اسف لني كنت حيل قريب منك اسف لان سوالفي معك وذكرياتك معي وشكثرها اسف لني ماكنت اخ عادي اسف لان نسياني بالنسبة لك مو سهل اسف واسف وش عاد يفيد الاسف ياشينها لين جيت بتحاكي اختك الكبيره ومن زود زعلها وكدرها ماعرفت وش تقول وصارت تبكيك، اسف يا(....) اسف لان فرحتك بخوك ربي ماكتبها تكمل اسف ياشينها لين صرت بتفقد براءة الطفولة ياشينها لين صرت بتبعد عن ازين شي صارلك بحياتك ياشينها لين بعدت عنك غصب عني يا بنت خيتي يا (...)، اللي لين شفتك انسى كل همومي وأحزاني وياحلوك لين قلتيلي (...) ابي حواوه ،اخذها واطير بها واشري لها اللي تبيه وأقضي معها اسعد ساعاتي اناظرها واقول ياحظي فيك يا (...) وهي تضحك بوجهي وياحلوها لطبعت بوسه على خدي وحظنتني ياويل قلبي عليك يا(...) وربي اني ابكيك لني بشتاقلك وبشتاق لبرائتك ياشينها اذا صار لك اخ من امك وابوك وتوك تعرفه وباشينها لاصار هو رائع واكثر من رائع ولا فيه حكي يوفيه حقه وكان بعيد عنك حيل بعيد ولاتشوفه الا مرة او مرتين بالسنه ويوم انه رد بعد ذا الغياب وصفى الجو بينه وبين ابوك وانتهت القطيعه اللي مابينهم ، تعلمه ان يا (...) هذا انت رديت من بعد غياب والحين جا دوري بالغياب لكني مدري ابرد او لا ، يالله يا(...) وش كثر انت رائع يا اخي وينك من زمان وربي حرام انك اخوي من امي وابوي وتوني اعرفك اسف يا (...) لأني ذبحت فرحتك واعتذر لعيالك لان الوقت ما امهلني اعلمهم وش يكون العم ياشينها لين كنت ترسم الابتسامه على محيا كل اللي يحبونك وغديت انت سبب الظيم والكدر اسف ياربعي اسف ياعبدالله اسف يا محمد اسف ياعبدالاله اسف ياسلطان اسف يا تركي اسف واسف وش عاد يفيد الاسف ياشينها لين كنت ترسم وتخطط لمستقبلك وبلحظة يتوقف كل شي تدري ليه لان ماعاد لك مكان بذا الكون اصلا مبقى فيه وقت تفكر ببكرا ياشينها لين عشقت وحده وهي اول وحده بحياتك تعزها وتغليها وهي تعزك وتغليك بزود وعشت معها احلى ايام عمرك حب طاهر عفيف مابه خبث نوايا صادقة وربي انها صادقة وبلحظة تعرف انك منت لها وهي مو لك طيب واللي مابينا وش نسميه سمه اللي تبي المهم انها مراح تكون لك تدري ليه لنك الحي الميت ويوم جيت تحاكيها لجل تعلمها تبكيك وتشهق من حر البكي ويتوقف الحكي ومغير تحاكيها وتحاكيك بلغة البكي والدموع ، اسف يا(......) منتي لي. ياشينها لين صرت تبي تنوم وعيونك جفاها النوم من زود الهم والكدر والظيم والهون والتفكير انهد حيلي وربي وما عاد اقوى على شي كل هذا ونا مدري وش اسوي. وش ذنب ابوي وامي واخوي وخواتي ومعشوقتي وربعي وجماعتي وليه علي ينذرف دمع غالي ونا الحي الميت. اقول ببالي ياولد وشفيك فاقد الامل بربك ارد على نفسي واقول لاوربي مافقدته لكن كل من حولي يبكيني وش تبيني اسوي تبيني اضحك او افرح او انسى اللي يصير حولي مقدر انا بشر كلي مشاعر واحاسيس وكلمة تثر فيني وتاخذني لأعلى سما وكلمة ثانية تحطمني وتقبرني بأرضي. هونها وتهون وتذكر ان ربك ارحم عليك من الدنيا وماعليها ربك ارحم عليك من امك وابوك وهلك كلهم ربك الرحمن الرحيم ونعم بالله لكن شعورك بالتقصير تجاه ربك واحساسك بالذنب ما يوازيه شعور، لصرت تحاسب نفسك وتعيد شريط حياتك تبي تعرف وش انت عليه انت من هل الخير ولا من هل الشر وين حسناتك ووين سيئاتك هل كنت تصلي تصوم تقرا القرآن هل كنت تصدق هل كنت تعصي ربك واذا انك عصيته هل تبت هل كنت تصلي ركعتين على الاقل بجوف الليل ولا كنت تسهر مع ربعك بالاستراحه او كنت تابع فلم او او وش كثرها الاسئله اللي مالها اجابات وش كثر انا مقصر بحقك ياربي يارب سامحني واغفرلي وارحمني انا توني صغير مبعد عشت حياتي ولا بعد تهنيت بدنيتي ، انت تقول صغير ليه كم عمرك 27 سنه منت بصغير والموت مايفرق بين صغير وكبير بين غني وفقير بين متعلم وجاهل الموت حق ومكتوب وكل واحد بيجيه دوره لكن متى مندري ولكل قصة بدايه ونهايه، ونت وينك ذا السنين كلها توك تلتفت لعمرك توك تعرف ان الله حق توك تحاتي الا ياحيف عليك الا ياحيف، وش بتسوي علمني وينك يوم ان اعز صديق لك خذاه الموت وينك يوم انك اعتزلت الدنيا لجله وينك يوم انك تعاهد نفسك انك راح تتوب وش عنه تتوب انت وش مسوي بدنياك اصلا عادي كنت من ذا البشر اللي متلهين وغافلين، يعني انت كنت بغفله ايه وربي كنت بغفله ومتلهي بذا الدنيا الغرور، توك تندم كم بقالك من وقت يوم يومين شهر شهرين علمني كم ، وش يمديك تسوي لك 27 سنه وانت تلعب توك تنبه الله يرحمك ويغفرلك، وش اللي صحاك من نومك خلك نايم اصرف لك وليه تندم دام انك معرفت من اول الحين تبي تعلمني انك ندمان وش عقبه علمني وش عقبه تكلم علامك منتى عارف وش تقول الا ياحيف الا ياحيف.ياشينها لهانت عليك نفسك الا ياحيف الا ياحيف. نصيحه لكل واحد لا تحط نفسك بمكاني وربي ياهو انا متحطم، تدرون من زود الهم اني صرت اقول بيني وبين نفسي هل ربي بيقبل صلاتي ودعائي هل صلاتي ودعائي من قلب صافي ولا هي علشان اني مريض ابليس لعب بي وحاسني وانا معاد فيني تفكير، نحفت وحالتي حاله معرف النوم وربي اشتهي انوم ساعه مقدر التفكير ذبحني هدني أحاتي بكرا وش بيصير أحاتي لين ربي ماكتب عمر ومت وش بتكون حالتي . نصيحه لإخواني وأخواتي اعضاء المنتدى حاسبوا انفسكم عطو انفسكم فرصة 5 دقايق مو أكثر وسألوا انفسكم ناظرو حولكم وشوفو وش أنتم عليه دربكم اللي انتم ماشين فيه صح ولا غلط، شوفو كيف الدنيا ملهيتنا عن امور كثير وتاكدو ان كل شي يصير لنا له معنى عند ربي والدنيا راح تمشي فينا او بدوننا لاحد يكابر ويقول انا ماعندي ذنوب لاحد يكابر ويلعب على نفسه ويوهم نفسه ان كل اللي يسويه عادي مافيه شي ولايعتبر ذنب ، تكفون عطو نفسكم راحه ، ليه ربي خلقنا مو لعبادته وطاعته وان هاذي الدنيا ماهي الا اختبار، لاحد يقول انا ولد فلان لا حد يقول انا توني صغير لا حد يقول بكرا ابتوب لا حد يقول تو ماربي شفاني من اللي كنت فيه ، الموت فجعته بفجأته أعترفوا بذنوبكم اللي محد يعرف عنها الا ربي ونتم، ياكثر الذنوب اللي نسويها بينا وبين انفسنا ومحد يدري عنها، هذاني قدامكم ارتجي الموت اليوم قبل بكره ماعاد لي رجا بالدنيا ماهي يأس لكن وقتنا وقت كثرة فيه المعاصي والذنوب والقابض على دينه كالقابض على الجمر، ما اقول عن نفسي اني من القابضين على دينهم لكني أحاول امنع نفسي عن شهواتها ومره انجح ومرات كثير افشل، لا حد يستسهل أي شي ترا النار تبداء من شرارة ، محد يعرف وش حالتي ومهما حكيت مقدر اوصف لكم وش هي حالتي تدرون لين جيت اناظر نفسي واشوف وش كثر غزاني الشيب وكيف كنت وكيف صرت مغير جلد على عظم يزيد همي هذا ونا عمري 27 سنه لدرجة اني كرهت صورتي ماعاد ابي اشوفها تأنيب الضمير صعب حيل صعب لين صرت تناجي ربك وتدعيه وبنفس الوقت تخجل تدعي ربك لأنه عطاك فرصة واكثر وانت لازلت ملتهي، نرد ونقول الامل بالله كبير لاحد يدعيلي مابي شي من أحد ادعو لنفسكم انتم فمان الله. أرجوا من الجميع أن يدعي لهذا الشخص بظهر الغيب بأن يمنّ عليه بالشفاء والصحه وأن يرجع لاأهله وذويه وهو بصحه وعافيه واسأل الله العلي القدير أن يسبغَّ عليه نعمة العافيه والصحه وهو على كل شيء قدير
والأمل بالله كبـــــــيــــــــــــــــــــــــر   / سبحــ/ــآنكـ آللهــم وبـحمــدكـ .. آشــهد آن لآ إلـ/ـه إلا أنت .. أستـغـفــ/ـركـ وأتــوب إليــ/ــكـ .. 
|
|
#2
![[ Thanks Pink & Candy 3hood ]](images/Pink-Candy/Pi-Ca-53.gif)
13-05-2007, 03:36 PM
|
||||
|
||||
لا حول ولا قوة الا بالله الله يشفيه ويرده لاهله واحبابه سالما معافا لا باس طهور ان شاء الله الحمد لله على كل حال الله يكتب لك الاجر اختي  
|
|
#3
![[ Thanks Pink & Candy 3hood ]](images/Pink-Candy/Pi-Ca-107.gif)
13-05-2007, 07:05 PM
|
||||
|
||||
|
|
#4
13-05-2007, 08:26 PM
|
||||
|
||||
|
الله يشفيه ويرده لهله سالم غانم متعافي من كل شر
ولا حول ولا قوة الا بالله ولا حول ولا قوة الا بالله ولا حول ولا قوة الا بالله ولا حول ولا قوة الا بالله ولا حول ولا قوة الا بالله ولا حول ولا قولا قوة الا بالله ولا حول ولا قوة الا بالله ولا حول ولا قوة الا بالله
...
.. . 
|
|
#6
![[ Thanks Pink & Candy 3hood ]](images/Pink-Candy/Pi-Ca-67.gif)
13-05-2007, 10:58 PM
|
||||
|
||||
|
اسال الله العظيم رب العرش العظيم ان يشفيه
اسال الله العظيم رب العرش العظيم ان يشفيه اسال الله العظيم رب العرش العظيم ان يشفيه اسال الله العظيم رب العرش العظيم ان يشفيه اسال الله العظيم رب العرش العظيم ان يشفيه اسال الله العظيم رب العرش العظيم ان يشفيه اسال الله العظيم رب العرش العظيم ان يشفيه . . والله انها معاناة ماهي سهله قريب لي جدا مر عليه المرض هذا وبالعافيه طلع منه .. والحمدلله والان خايف من اعراض الرجوع له مره اخرى.. الله يجمع له وكل مريض بين الاجر والعافيه يارب ــــــــــــــــــــــــــــــــ 
|
|
#7
![[ Thanks Pink & Candy 3hood ]](images/Pink-Candy/Pi-Ca-9.gif)
14-05-2007, 11:45 AM
|
||||
|
||||
|
لاحول ولاقوة الا بالله
اللهم رب الناس اذهب الباس اللهم اشفيه وعافه واعفوعنه لاحول ولاقوة الا بالله اللهم رب الناس اذهب الباس اللهم اشفيه وعافه واعفوعنه لاحول ولاقوة الا بالله اللهم رب الناس اذهب الباس اللهم اشفيه وعافه واعفوعنه
يا واعـظ النـاس عمـا أنت فـاعلــه
يامـن يعـد علـيـه العـمـر بالنـفـس إحـفـظ لشـيبـك من عـيب يـدنسـه إن البـيـاض قليـل الحـمـل للدنـس كحــامل لثـيـاب النـاس يغســــلهـا وثـوبه غـارق في الرجـس والنـجس تبـغي النـجــاة ولم تسـلك طريقتهـا إن السـفيـنة لا تجـري على اليـبس ركـوبك النعـش ينسيـك الركوب على ماكنت تركـب من بغـل و من فـرس يـوم القـيــــامـة لا مــال ولا ولــــد وضـمة القـبر تنسـي ليـلة العـرس
|
|
#8
14-05-2007, 03:07 PM
|
||||
|
||||
|
الله يشفيه
لاحول ولاقوه الابالله 
|
|
#9
14-05-2007, 10:08 PM
|
||||
|
||||
 لاحول ولا قوة الا بالله انا لله وانا اليه راجعون ((االلهم رب الناس اذهب عنه الباس اشفه انت الشافي شفاء لا يغادر سقما)) ((اعيذك بعزة الله وقدرته من شر ماتجد وتحاذر))  آهل عشيــره سيــف ومنسف...آوى رجـــالٍ بذيك الظهرهـ
|
|
#10
14-05-2007, 10:22 PM
|
||||
|
||||
|
الله يشفيه
يعطيك العافية   سبحان الله وبحمده.........سبحان الله العظيم
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
|
|
