سامرية رقم (2) للشاعر محمد بن منصور

الا يا ونة ونيتها في عالي المشراف = تعليته وبيحت الكنين وحلت الضيقه
الا يا عبرتي وا دمعي اللي غادي(ن) ذراف = على حبيبي دموع العين ملاني بتدفيقه
الا يا تل قلبي يا حبيبي نابي الآرداف = خذيت القلب يا سيد العذارى من معاليقه
انا ما ادري من اباشكي عليه دقيق الأطراف = لاجل هو صابر(ن) عني وانا للصبر ما اطيقه
تراي اسرفت في حبه وهذي غاية الإسراف = اناوح للقماري من هبالي في مشاريفه
ترى راعي الهوى يا هل العوى له شارة(ن) تنشاف = تعرفونه ترى حاله نشاش ويابس(ن) ريقه
ترى راعي الهوى بالنقص ياصل حروة الاتلاف = ولا يسلم مريض العشق الى ما نال عشيقه
عسى من لامني تا طاه حذوة عجلة المحراف = نهار الكون بنت الريح تاطا في سماحيقه
الا يا بعد من يسعى والا يابعد من يطاف = تتل القلب يا سيد العذارى من معاليقه
انا اللي صابني من حب الحبيب الجادل الغرياف = تولاني وخلاني طريح(ن) من تعاشيقه
سلامي له عدد من كان بيسعى وبيطاف = وهلا به عد ما هل المطر واحيا زماليقه
على التسعين مع خمس وثمان(ن) قالها العراف = ثلاث احساب فيض امية يكملها بتغليقه