تبون تعرفون ليه أنا أدخل المنتدى وبي أمانة ؟

أول شيئ ما أبي أحد ياخذ عني فكرة مو زينة
ثانياً الصفة إللي تحت إسمي (( السديري )) مو أنا سديري بس أنا حاطها لأنها تعنيلي شيئ كثير
ثالثاً انا أدخل المنتدى مو من شان أتسلى وإلا أضيع وقت بصراحة أنا أدخل بس عشان تقولولي
إذا نزلت موضوع أو رديت على موضوع أحد منكم تقولولي مشكور أخوي على موضوعك أو مشكور اخوي على مرورك
لأن بصراحة كلمت أخوي قسم بالله ماتدرون وش تسوي فيني لأن هالكلمة تعطيني أمل أكمل حياتي وأعيش على الأقل
زي الناس لأن بالعربي يتيـــم لا أم ولا أب ولا حتى إخوان ولا حتى أقارب أنتسب لهم
لأني بالأصل ( لقيـــط )
أنا ما كتبت هالموضوع عشان تتعاطفون معي أنا كتبت عشان تشفون لي حل كيف أعيش حياتي
وأنا على حالتي هذي لأني بصراحة أبي أعيش زي الناس ألعب ويصير لي رفيق وأقدر أتزوج بالراحة وأطلع من المكان إللي أنا فيه
تكفون حسو زي ما أحس أنا تخيلوا إن ماعندكم أب ولا أم ولا حتى الحنان تعرفونه
وهذا سبب دخولي للمنتدى وتكفون لا تنسوني وتراى مالي ذنب في إللي يصير لي تراني إنسان زي زيكم بس
أللهم إني لقيط
وأخيراً أنا إسمي (( باسل ))
وأقولكم الله يسعدكم دنيا وآخره ولا يحرمكم غالي ولا يفقدكم أحد من أهلكم
وأي أحد يبي يعرف أي شيء ويبي يسأل أي سؤال أنا مستعد
الموضوع هذا قصة واقعية لي أنا وبي أمانه أقولها لكم