عندي جميع السن بنات العرب عوج\\ الا لسانك فيه لي طب وعلاج

يامرحبا يااللي لك القلب مفجوج=عداد نسناس الهبايب ليا فاج
حطيت ريع بوسط القلب هجهوج=ياعين حر بالخضيرا ليا راج
حبك طفح بي طفحت الساج بالموج=ماعاد لي عن حبك اليوم مخراج
اودعتني لاشرب ولاكل ولادوج= ولاستطعم المنطوق من كل هراج
لاغبت عني دق بي كل دالوج=قامت تواردني هواجيسي ازراج
قلبي يجيني نوج واضيعه نوج=يجيه من فرقاك سجه وسوهاج
كن البنات الشقر عندي من الهوج=ماكن به غيرك على الارض دواج
عندي جميع السن بنات العرب عوج=الا لسانك فيه لي طب وعلاج
في هرجتك شئ من السحر ممزوج=والنور من غرتك يطلع وينباج
وليا ضحكت بذبل مابها فلوج=مثل البرد من مزنة تلعج العاج