" بتاريخ 7-4-2007 "
بدر العجمي
ياراشد العجمى هلابك وانت شاعر فيك خير=اقلط ويمناك الكريمـه يـوم جينـا مدهـا
المنتدى ياراشد العجمى كما وصف البعيـر=اما برك.. ولا... يقوم بحملته.. لا شدهـا
راشد العجمي
يامرحبا بك يارفيقي مثل ترحيب الأمير=انلبي والدعوه سهاله والصفوف انعدها
يمّا بعيرك يمشي حاله ولاّ يقعد بلأخير=خبّر بعيرك قول له ان النشامـه بدهـا
بدر العجمي
الك البقاء يالشاعر اللى ماش سهل ولا خطير=وده على الزينه ومثله نـاس غايـة ودهـا
انته وانا فاللازمه نوقف يصير اللى يصيـر=وانـا بعشيهـا ياراشـد وانـت بالله غدهـا
راشد العجمي
يابوسعد ماينفع الغديات مابعـد العصيـر=بالله عشهـا يارفيقـي والعشـى ماردهـا
خلها مثل موج البحر لاجالك الموج الغزير=ولا حرام تعيش وتخسر راسها من جدهـا
بدر العجمي
خابرك رجال وكريم وتذبح الكبش الكبير=لاكن جحا علمك لاجيت البيوت اتهدهـا
انا نويت امثل العجمان ياراشـد سفيـر=خلك معى ترا سيوف العز دوم انحدهـا
راشد العجمي
يابدر يالعجمي تراني مـا ادور واستديـر=لاكني ذيب(ن) فالملاقا لو بغاها صادهـا
يانايب العجمان عطني من جزيلك يامدير=من بعد ما لقبت نفسك وانت عارف حدها
بدر العجمي
والنعم بك واقول جعلك صقر ويحوم ويطير=وتعرف مزح الناس ياراشد وتعرف جدها
الطالب اللى يجتهد ياصل مواصيل الوزير=ترا الحياة ادروس لد العيـن فيهـا لدهـا
راشد العجمي
يابوسعد من يجتهد يحصل على منصب بلير=وانت اجتهادك ياسفير الليله ماهـو ضدهـا
هذي المناصب ماتبي غير الرجل راع النذير=ولا الردي يجلس في بيته لأن ماهـو قدهـا
بدر العجمي
ابو سعد عند حصانه واخذ من وقته كثير=خاض المعارك والسوالف مايبيح سدهـا
اليا شهدولك ربعنا قحطان تقدر فى مطير=مثل السباع الشهب ياراشد وجعلك ندهـا
راشد العجمي
مافيك شكه يالخوي ولاني من شكك نضير=وقت اللقا يصاح بأسمي واللـزوم اسدهـا
كل القبايل لي رفاقه من كبير ومن صغير=وانا على قد الفعل ولاني ناكـر وعدهـا
الإهداءات
08-04-2007, 04:40 PM
راشد العجمي & بدر العجمي ( مـحـاورهـ ) 
المواضيع المتشابهه 
