قصيدة تركي 2000 في الأمير سلطان بن عبدالعزيز

كريـم يانـوٍ هبـوبـه تـقـوده=
لي مدة ٍ وأنـا عيونـي تراعيـه=
أقبل من الغربي تـرازم رعـوده=
سيله حقـاق ٍ والبشايـر تباريـه=
إليا وطـا حـزم البـلاد ونفـوده=
بعد المحل ماناش من عرق يحييه=
أيـام وسمـه ماتجيـك معـدوده=
ثابت على طول السنه من مناشيه=
هتـان ودّان ذعـاذيـع نــوده=
تبعد هموم القلب والجـرح تبريـه=
إليا سمـك وبلـه وخيّـم ركـوده=
تفرح به البيدا وتروي ضواميـه=
فوق البسيطـه ماتحـدد حـدوده=
مافيه وادي غير تجري مجاريـه=
والعشب بأنواعـه تمايـل وروده=
طلعه سوا مـن مدلهـم ٍ يساقيـه=
هـذي هماليلـه وهـذي شهـوده=
كـلٍ يرحـب بـه وكـل ٍ يحييـه=
هذاك سلطان السعد مـن جـدوده=
غيث ٍ على غيث ٍ عسى الله يعافيه=
لا راح قلنـا الله علينـا يـعـوده=
من كثر حبه ود شعبـه يخاويـه=
وإليا رجع تباشروا فـي وجـوده=
شيخ ٍ تحن أرض البلاد لمواطيـه=
حنا تحـت رايـه وحنـا جنـوده=
وأعمارنا في ساعة الحرب تفديـه=
القايد اللي منبـع الجـود جـوده=
صار الكرم صرحاً للأمجاد بانيـه=
خلو كرم حاتم وماضـي عهـوده=
سلطان يعطي شي حاتم مايعطيـه=
خيره على العالم عسى الله يزوده=
لو جيت أبذكـر ماتعـدد حسانيـه=
وفاه وصلت كـل دولـه وفـوده=
في مد كفّـه مايبـا أحـدٍ يكافيـه=
وإليا قدح من نار فكـره زنـوده=
رايه سديـد وكـل تايـه يقدّيـه=
وإليا بطش ضاعت روابع حسوده=
من سطوته خصمه يضيّع هقاويـه=
هذاج تيمـا اللـي يصـدر وروده=
ياحي أبو خالد ويـا حـي طاريـه=
كنت أتمنى وقفتـي فـي وجـوده=
واليوم موجود ٍ هنا بيـن أياديـه=