نوض سدير وعبره يتيمه بصوت ابونواف

بين الآهات وعناها و حشرجة عبرة يتيمة =مالت اغصون الزمان وهل منها وبل شوقي

كيف ياقلبي تصدق لعبة العشق السقيمة= لين غنى الحزن لحنٍ من يباس ٍ مايروقي

كنت اظن اعوام مرت بالمحبة هي عظيمة=لين انا وياك صرنا في متاهات الفروقي

مات وجدي مات حبي وانتهى بليلة ظليمة = وبعدها حسيت ضيقة والعنا بقلب ٍ شفوقي

وللنجوم اشكي غرامي واشتكي قصة اليمه = وبان نجم سهيل واسى لين غطا الدمع موقي

موج عاتي ذكرياتي مارست ضدي جريمة=وكل ما اذكر مامضالي هام له قلب ٍ يتوقي

يا حياة ٍ عذبتني في زواياها العتيمه= واندب الحظ المشقى والفرح ماله طروقي

فاض هتان المشاعر يرتجي قلبي نديمه =وان بغيت القاف يخضع واعزف الشعر بخفوقي

بالذكا ياليت مالي .. آه ياليتي غشيمة =كان ما بالشوق نخلج والغرام اخلاج نوقي

الحقيقة لو توفت باقية اكبر غنيمه = وانت لك بين المحاني كل ود وكل ذوقي

وادعي المولى يعزك والفرح يزداد ديمه= و في حياتك ما يجي لك كل هم وكل عوقي

واذكر اللي ماتبدل حط لك بالقلب قيمة=واذكر ايامي وودي كل ما لاحت بروقي