ياللي تنشد عن علوم الذي طاف+ياقلبي اللي لف والتف وانلاف//ابراهيم المحسن

(قصيدة المغربيات )

ياللي تنشد عن علوم الذي طاف= كل البحور وكل دوله وديره

خذ من علومي علمن اوصافه اوصاف= جزلن سمينن يشتعل له سعيره

الزين عقب المغربيات ينعاف= غيدن لهن بالزين ذكر وسريره

فيهن حلا طاغي ولينن بالاعطاف= وفيهن حنانن يشعل القلب غيره

حلوات وصف وفاهماتن بالاعراف= زينات منطق صافيات السريره

بنات قومن طيبهم غصب ينشاف= اولاد مغرب في الليال العسيره

ياللي تنشد عن علومي بالانصاف= هرجي يكفي صامله عن كثيره

الزين في لميا وتغريد والطاف= ماهوب في حصه وكشرة منيره









رد على شاعر مجهول

في

( قصيدة المغربيات )

ياقلبي اللي لف وإلتف وإنلاف= لف المكينه يوم يلتف سيره

باسباب من هو سب زينات الاوصاف= مابه حيا من الله ولا فيه غيره

شاف العرايا اللي يلوفن الارداف= ودينه ترادا يوم ضيع ضميره

اصحا ترى سب السعوديه اسفاف= وإلا امتلا بطنك بخمرن وبيره

إمجاهرن بالمعصيه فوق مشراف= وايضا تطنـز في بنات الجزيره

امسك سرا تدخل لتغريد والطاف= وحلل عن الايدز وهربز وغيره

اقول حبي للسعوديه اسراف= وكرهك لهن عساه بالامر خيره

الله يخليهن لنا إفراش وإلحاف= بالشرع وإلا دربكم مانسيره

عن مثلكم يكرم ضنا كل الاشراف= ولانتب كفو حصه وتكرم منيره