راع الهوى لوهو على كل ما طال//ابراهيم المحسن

راع الهوى لو هو على كل ماطال= صاح وعوى صار الولع له علامه
حط الولع والهم والسهر له مال= ماله مع العالم امورد كلامه
ولا له مع اهل المال والسلم مدهال= ولو هو رمى ماسد مرمى سهامه
مع الامل حط الهوى كم موال= علّ وكرع وارواه كاس المدامه
راح العمر كله وهو دوم رحال= طارد هوى روحه معمد عسامه
رحماك الهٍ عالم سامع وال= ارحم وسامح ساهر طول عامه
احد طوال العمر هم ولوال= واحد سلا عمره سلام وسلامه
الله هو الواحد وعلام الاحوال= امره على كل الملا له كرامه
حكمه صدر مادام حال على حال= إلا هو المحمود سلم دوامه
والحمد لله عد مادهر وما سال= واد الرمه واعداد حصحاص رامه
وصلو على محمد عدد كل مامال= عود وماحطوا إلْراس ٍعمامه