واقلبي اللي ذاب في حب طفلة//ابراهيم المحسن

خشف الروض

واقلبي اللي ذاب في حب طفله= خشفن يرب الروض حذرن وجفلي

قلبي تلاه وبالرضا ينعسف له= وهو يعيي بالعنا ينعسف لي

يدري بحبي له ولا ينعرف له= وده ولا وده وهو ماعرف لي

يازين دوك الحال بالله شف له= عندك علاجه بس هجرك وقف لي

لو الهجر لا طال يرجى الخلف له= كان انتظر يازين منك الخلف لي

ياعل قلبن هام فيك اتعطف له= وياعل قلبك بالهوى ينحرف لي

حالى تردت والسبب منك غفله= خف بي من الله مايفيد الاسف لي

ولو حلِّفن بالله كان احلف له= لا وافتخر في حبها والشرف لي